(vovworld) - ວັນທີ 28/02 (ຕາມເວລາທ້ອງຖິ່ນ), ທ່ານປະທານາທິບໍດີ ອາເມລິກາ Donald Trump ມີບົດກ່າວປາໄສທຳອິດ ຕໍ່ສະພາສູງ ແລະ ສະພາຕ່ຳ ແລະ ບັນດາສະມາຊິກລັດຖະບານ ນັບແຕ່ເມື່ອໄດ້ຮັບດຳລົງຕຳແໜ່ງ. ໃນບົດກ່າວປາໄສ ມີບັນດາຈຸດທີ່ຄືກັບສານສະຫະລັດນີ້, ທ່ານປະທານາທິບໍດີ Donald Trump ໄດ້ສ້າງບັນດາແຜນການ ຊຶ່ງທ່ານຈະປະຕິບັດໃນ 4 ປີທີ່ກຳອຳນາດ, ພິເສດແມ່ນໃນປີທຳອິດ. ສິ່ງທີ່ໄດ້ເຫັນວ່າ ຫົວເລື່ອງການຟື້ນຟູດ້ານຈິດໃຈ ອາເມລິກາ ກວມລວມໃນບົດກ່າວປາໄສນີ້. ຫາງສຽງໄດ້ມີປະຕິກິລິຍາຢ່າງຕັ້ງໜ້າ ພາຍຫລັງບົດກ່າວປາໄສຂອງທ່ານ Donald Trump.
ທ່ານປະທານາທິບໍດີ ອາເມລິກາ Donald Trump
ກ່າວປາໄສທຳອິດ ຕໍ່ສະພາສູງ ແລະ ສະພາຕ່ຳ
(ພາບ: AFP / TTXVN)
ໄປຝືນກັບບົດກ່າວປາໄສທຳອິດຂອງທ່ານ Trump ຕໍ່ໜ້າປະຊາຊົນ ອາເມລິກາ ທີ່ພິທີຮັບດຳລົງຕຳແໜ່ງໃນວັນທີ 20/01 ເມື່ອທ່ານຍົກອອກມາຮູບພາບຂອງປະເທດ ອາເມລິກາ ພວມຊຸດໂຊມ, ບົດກ່າວປາໄສຕໍ່ສະພາສູງ ແລະ ສະພາຕ່ຳນີ້ ໄດ້ສະແດງໃຫ້ເຫັນຄວາມປະເອີບໃຈກ່ວາ. ທ່ານ Donald Trump ຍັງຮັກສາທ່າທີ່ ແລະ ຄຳເວົ້າມີລັກສະນະໄກ່ເກ່ຍປອງດອງ ເພື່ອແນໃສ່ມຸ່ງໄປເຖິງຈຸດໝາຍສາມັກຄີທົ່ວປະເທດ.
ຄຳໝັ້ນສັນຍາຈະແຈ້ງກ່ຽວກັບບັນດາຈຸດໝາຍຈະປະຕິບັດໃນອາຍຸການ
ດ້ວຍຫົວເລື່ອງວ່າ “ການຟື້ນຟູຈິດໃຈຂອງ ອາເມລິກາ” ກວມລວມໃນບົດກ່າວປາໄສຂອງທ່ານ Donald Trump. ບັນຫາທຳອິດທີ່ທ່ານ Donald Trump ເຕື້ອງເຖິງແມ່ນ ຢັ້ງຢືນຄຳໝັ້ນສັນຍາສຳລັບບັນດາສິດທາງແພ່ງ, ພ້ອມທັງກ່າວປະນາມກະແສຟອງນາບຂູ່ໃນໄລຍະມໍ່ໆມານີ້ ທີ່ເລັ່ງໃສ່ບັນດາສູນຊາວຢິວໃນທົ່ວປະເທດ ອາເມລິກາ. ທ່ານ Donald Trump ຖະແຫຼງວ່າ ອາເມລິກາ ແມ່ນ “ປະເທດທີ່ສາມັກຄີກັນ ກ່າວປະນາມໂທດກຳພາຍໃຕ້ທຸກຮູບການ”.
ກ່ຽວກັບດ້ານເສດຖະກິດ, ທ່ານປະທານາທິບໍດີ ອາເມລິກາ ໄດ້ເຕື້ອງເຖິງບັນດາຜົນງານເສດຖະກິດເບື້ອງຕົ້ນ ພາຍຫລັງທ່ານຮັບດຳລົງຕຳແໜ່ງເປັນເວລາໜຶ່ງເດືອນ, ໃນນັ້ນ ມີການຊ່ວຍຫັນທຶນຮອນຕະຫລາດຫຼັກຊັບເພີ່ມຂຶ້ນເກືອບ 3.000 ຕື້ USD. ບັນດາກຸ່ມບໍລິສັດໃຫຍ່ຄື: Ford, Fiat-Chrysler, General Motor, Walmart ຫຼື Lockheed ພ້ອມກັບຫລາຍບໍລິສັດອື່ນໆ ລ້ວນແຕ່ປະກາດວ່າຈະລົງທຶນເຂົ້າຕະຫລາດພາຍໃນນັບຫລາຍຕື້ USD, ຜ່ານນັ້ນ ຈະສ້າງວຽກເຮັດງານທຳໃໝ່ນັບໝື່ນໆວຽກໃຫ້ແກ່ປະຊາຊົນ ອາເມລິກາ. ເພື່ອໃຫ້ເສດຖະກິດເຕີບໂຕ, ທ່ານ Donald Trump ຮຽກຮ້ອງສ້າງຕະຫລາດສະເໝີພາບໃຫ້ບັນດາບໍລິສັດ ແລະ ຄົນງານ ອາເມລິກາ. ທ່ານ Donald Trump ໃຫ້ຄຳໝັ້ນສັນຍາຄືນໃໝ່ ຈະຫລຸດຜ່ອນພາສີອາກອນໃຫ້ຊົນຊັ້ນກາງໃນສັງຄົມ ອາເມລິກາ ແລະ ວົງການວິສາຫະກິດລົງຢ່າງແຮງ, ກໍ່ຄືສ້າງວຽກເຮັດງານທຳໃໝ່ນັບລ້ານວຽກໃຫ້ແກ່ປະຊາຊົນ. ທ່ານປະທານາທິບໍດີ Donald Trump ກໍ່ຢືນຢັນວ່າ ຈະລົງທຶນ 1.000 ຕື້ USD ເພື່ອສ້າງໂຄງປະກອບພື້ນຖານໂຄງລ່າງຄືນໃໝ່ ຊຶ່ງທ່ານຖືວ່າ ພວມເຊື່ອມໂຊມ. ອຳນາດການປົກຄອງຂອງທ່ານ Donald Trump ຫວັງວ່າ ດ້ວຍມາດຕະການຫລາຍຢ່າງໄດ້ນຳໃຊ້, ປະເທດ ອາເມລິກາ ຈະຮັກສາໄດ້ອັດຕາການເຕີບໂຕປະຈຳປີ ບັນລຸຢ່າງໜ້ອຍສຸດແມ່ນ 3%. ນີ້ແມ່ນຄາດໝາຍ ເຊິ່ງບັນດານັກເສດຖະກິດຫລາຍຄົນຖືວ່າມີຄວາມປະເອີບໃຈຫລາຍເກີນໄປ.
ກ່ຽວກັບດ້ານການສຶກສາ, ທ່ານ Donald Trump ກຳນົດວ່າ ນີ້ແມ່ນບັນຫາເຊື້ອຊາດຜິວພັນ. ທ່ານກໍ່ໃຫ້ຮູ້ວ່າ: ພວມຮຽກຮ້ອງບັນດາສະມາຊິກຂອງທັງ 2 ພັກຮັບຮອງເອົາຮ່າງກົດໝາຍວ່າດ້ວຍການສຶກສາທີ່ສະໜອງການເງິນໃຫ້ບັນດາໄວໜຸ່ມປະສົບກັບຄວາມຫຍຸ້ງຍາກ, ລວມມີຊາວ ອາເມລິກາ ເຊື້ອຊາດອາຟຣິກກາ ຫຼື ອາເມລິກາລາຕິນ ນັບລ້ານຄົນ.
ກ່ຽວຂ້ອງເຖິງບັນຫາຊາວອົບພະຍົບ ແລະ ຄວາມສະຫງົບປອດໄພແຫ່ງຊາດ, ປະທານາທິບໍດີ ອາເມລິກາ Donald Trump ໄດ້ເນັ້ນຫນັກອີກຄັ້ງຫນຶ່ງເຖິງຄວາມຈຳເປັນຕ້ອງເພີ່ມທະວີການຄວບຄຸມຊາຍແດນ ເພື່ອສະກັດກັ້ນກະແສຟອງຊາວອົບພະຍົບ. ທ່ານຖືວ່າ ເລື່ອງປະຕິບັດບັນດາກົດໝາຍກ່ຽວກັບຊາວອົບພະຍົບຈະເຮັດໃຫ້ເງິນເດືອນຂອງຄົນງານເພີ່ມຂຶ້ນ, ສ້າງເງື່ອນໄຂໃຫ້ບັນດາຜູ້ຫວ່າງງານມີວຽກເຮັດງານທຳ, ປະຢັດຈຳນວນເງິນໄດ້ນັບຕື້ໆ USD ກໍຄືຊ່ວຍໃຫ້ປະເທດ ອາເມລິກາ ມີຄວາມປອດໄພກວ່າ. ທ່ານ Trump ກໍ່ມີຄຳໝັ້ນສັນຍາກໍ່ສ້າງກຳແພງຢູ່ລຽບຕາມຊາຍແດນ ອາເມລິກາ - ເມກຊີໂກ ພ້ອມທັງຖະແຫລງຈະປະກາດໃຊ້ລະບົບຊາວອົບພະຍົບໃຫມ່ ໂດຍອີງໃສ່ກຳລັງຄວາມສາມາດ ເພື່ອແນໃສ່ຈຳກັດກະແສຟອງຄົນງານບໍ່ມີວິຊາສະເພາະເຂົ້າ ອາເມລິກາ. ທ່ານປະທານາທິບໍດີ ອາເມລິກາ ກໍຮຽກຮ້ອງບັນດາສະມາຊິກສະພາແຫ່ງຊາດຂອງ ສອງພັກຄື: ພັກ ປະຊາທິປະໄຕ ແລະ ພັກສາທາລະນະ ທີ່ສະພາແຫ່ງຊາດ ຈົ່ງຮ່ວມມືນຳກັນເພື່ອສ້າງແຜນການປະຕິຮູບບັນຫາຊາວອົບພະຍົບດ້ວຍຂອບເຂດກ້ວາງຂວາງ.
ກ່ຽວກັບການຕໍ່ສູ້ຕ້ານກໍ່ການຮ້າຍ, ທ່ານປະທານາທິບໍດີ ອາເມລິກາ Donald Trump ໃຫ້ຮູ້ວ່າ: ອຳນາດການປົກຄອງໃຫມ່ ພວມຕັ້ງຫນ້າປັບປຸງບັນດາຂັ້ນຕອນພິຈາລະນາ ແລະ ຕິດຕາມກວດກາ, ພ້ອມທັງຈະຜັນຂະຫຍາຍບັນດາບາດກ້າວເດີນໃຫມ່ ເພື່ອປົກປັກຮັກສາຄວາມສະຫງົບປອດໄພແຫ່ງຊາດ. ທຳນຽບຂາວ ໄດ້ອອກຄຳສັ່ງໃຫ້ກະຊວງປ້ອງກັນປະເທດ ພັດທະນາແຜນການເພື່ອດັບສູນອົງການກໍ່ການຮ້າຍ "ລັດອິດສະລາມ" IS ຂະຫນາມນາມເອງ ພ້ອມທັງໃຫ້ຄຳໝັ້ນສັນຍາຈະຮ່ວມມືກັບບັນດາປະເທດພັນທະມິດຂອງ ອາເມລິກາ ໃນບັນດາການຕໍ່ສູ້ຕ້ານສັດຕູລວມ.
ຄຳຕອບທີ່ຕັ້ງຫນ້າຈາກຫາງສຽງ
ຫາງສຽງມີຄວາມສົນໃຈເຖິງບົດກ່າວປາໄສຂອງທ່ານ ປະທານາທິບໍດີ Donald Trump ຕໍ່ຫນ້າສະພາສູງ ແລະ ສະພາຕ່ຳ ອາເມລິກາ ເພາະຢາກຮູ້ວ່າ ທ່ານ Donald Trump ສະເຫນີບັນດາແຜນການລະອຽດເພື່ອປະຕິບັດບັນດາຄຳໝັ້ນສັນຍາທີ່ຍົກອອກມາໃນການຫາສຽງເລືອກຕັ້ງ. ທ່ານ Sean Spicer, ໂຄສົກຂອງປະທານາທິບໍດີ ໃຫ້ຮູ້ວ່າ: ທ່ານ Donald Trump ໄດ້ນຳໃຊ້ໂອກາດນີ້ເພື່ອຍົກອອກວິໄສທັດຕັ້ງຫນ້າໃຫ້ແກ່ປະເທດຊາດ ແລະ ເພື່ອໃຫ້ປະເທດອາເມລິກາ ມີຄວາມຮັບຮູ້ຢ່າງແທ້ຈິງວ່າ ປະເທດ ອາເມລິກາ ອາດຈະໄປຮອດໃສ ແລະ ເຮັດແນວໃດເພື່ອບັນລຸໄດ້ສິ່ງນັ້ນ ກໍຄືຄວາມສາມາດບົ່ມຊ້ອນຂອງປະເທດ ອາເມລິກາ ແມ່ນຫຍັງ.
ເຖິງວ່າບໍ່ໄດ້ຮັບຄວາມຊົມເຊີຍຈາກບັນດາສະມາຊິກສະພາແຫ່ງຊາດຂອງ ພັກປະຊາທິປະໄຕ ກໍຕາມ, ແຕ່ໝາກຜົນແຫ່ງການສຳຫລວດຂອງ CNN ປະກາດໃຫ້ເຫັນວ່າ, ຜູ້ຊົມສ່ວນຫລາຍມີປະຕິກິລິຍາຕັ້ງຫນ້າຕໍ່ບົດກ່າວປາໄສຂອງທ່ານປະທານາທິບໍດີ Donald Trump. ທ່ານ Vincent Michelot, ນັກໄຈ້ແຍກຊາວ ຝລັ່ງ ໃຫ້ຂໍ້ສັງເກດວ່າ ນີ້ແມ່ນບົດກ່າວປາໄສຖືກກັບຄວາມຄິດຂອງ ທ່ານ Donald Trump ຢ່າງແທ້ຈິງ. ໃນຂະນະນັ້ນ ຫນັງສືພິມ Washington Post ໄດ້ສັງເກດວ່າ: ປະທານາທິບໍດີ ອາເມລິກາ Donald Trump ກ່າວປາໄສຕໍ່ສະພາສູງ ແລະ ສະພາຕ່ຳ ອາເມລິກາ ດ້ວຍທ່າທີ່ “ເຂັ້ມງວດ ແລະ ປອງດອງ”.
ດ້ວຍບົດກ່າວປາໄສເປັນຄັ້ງທຳອິດຕໍ່ສະພາແຫ່ງຊາດ, ທ່ານປະທານາທິບໍດີ ອາເມລິກາ Donald Trump ໄດ້ສົ່ງສານກ່ຽວກັບຄວາມມຸ້ງຫວັງ ແລະ ຄວາມປະເອີບໃຈ. ເຖິງຢ່າງໃດກໍຕາມ ສຳລັບບັນດາຜູ້ມີສິດເລືອກຕັ້ງ ອາເມລິກາ, ຊື່ງແມ່ນຜູ້ທີ່ເຄີຍມີຄວາມເປັນຫ່ວງ ແລະ ມີຄວາມສົງໃສກ່ຽວກັບໂຄງການການເມືອງຂອງທ່ານ Donald Trump, ເວລາຈະມາເຖິງຈະແມ່ນຄຳຕອບດີສຸດໃຫ້ສານດັ່ງກ່າວຂອງທ່ານປະທານາທິບໍດີ ອາເມລິກາ.