(vovworld) - ປະທານາທິບໍດີຝລັ່ງ Francois Hollande ພວມຢ້ຽມຢາກູບາ ເພື່ອແນໃສ່ເພີ່ມທະວີການພົວພັນສອງຝ່າຍ. ໃນສະພາບທີ່ບັນດາປະເທດມະຫາອຳນາດຢູ່ໂລກພວມຊ່ວງເສັງກັນ ເພື່ອແນໃສ່ຍາດແຍ່ງຜົນສະທ້ອນ, ກໍ່ຄືມາດຕະສ່ວນເສດຖະກິດການຄ້າຢູ່ກູບາ, ພາຍຫຼັງອາເມລິກາ - ກູບາສ້າງການພົວພັນເປັນປົກກະຕິ, ການຢ້ຽມຢາມຂອງທ່ານປະທານາທິບໍດີຝລັ່ງກໍ່ເພື່ອແນໃສ່ຊຸກຍູ້ການຮ່ວມມືທາງດ້ານເສດຖະກິດກັບປະເທດທີ່ມີຄວາມສາມາດບົ່ມຊ້ອນນີ້.
ປະທານາທິບໍດີຝລັ່ງ Francois Hollande
(ພາບ: AFP)
ກ່ອນອື່ນໝົດ, ນີ້ແມ່ນການຢ້ຽມຢາມປະຫວັດສາດ, ເພາະວ່າທ່ານ Hollande ຈະແມ່ນປະທານາທິບໍດີຝລັ່ງທຳອິດມາຢ້ຽມຢາມກູບາ. ທ່ານ Hollande ກໍ່ແມ່ນການນຳຂັ້ນສູງຝ່າຍຕາເວັນຕົກຜູ້ທຳອິດມາຢ້ຽມຢາມກູບາ, ພາຍຫຼັງທີ່ອາເມລິກາ ແລະ ກູບາແຈ້ງກ່ຽວກັບວິວັດທະນາການສ້າງການພົວພັນເປັນປົກກະຕິກ່ອນນີ້ສອງສາມເດືອນ. ຍ້ອນເຫດນັ້ນ, ນີ້ແມ່ນການຢ້ຽມຢາມທີ່ມີຄວາມໝາຍດ້ານການເມືອງ ແລະ ການທູດໃຫຍ່ສຳລັບຝລັ່ງ ແລະ ກູບາ
ປະຕິບັດສຳເລັດເລື່ອງລາວປະຫວັດສາດ
ໃນປະຫວັດສາດ, ກູບາມີທີ່ຕັ້ງພິເສດພໍສົມຄວນໃນບັນດາພັກຝ່າຍຊ້າຍຂອງຝລັ່ງ. ກູບາເຄີຍເປັນປະເທດທີ່ດຶງດູດຄວາມສົນໃຈຫຼາຍຢ່າງຂອງບັນດາພັກຝ່າຍຊ້າຍຝລັ່ງ, ໃນນັ້ນມີພັກສັງຄົມກຳອຳນາດຂອງທ່ານ Hollande, ດັ່ງນັ້ນ, ການຢ້ຽມຢາມນີ້ຄືດັ່ງການ “ປະຕິບັດສຳເລັດເລື່ອງລາວປະຫວັດສາດ“. ໃນຈຳນວນບັນດາປະເທດຝ່າຍຕາເວັນຕົກ, ຝລັ່ງແມ່ນປະເທດຍາມໃດກໍ່ຄັດຄ້ານຄຳສັ່ງຂວ້ຳບາດເຊິ່ງອາເມລິກາໄດ້ຈັດວາງສຳລັບກູບາ. ນັບແຕ່ປີ 1991 ກໍ່ຄືປ່ອນບັດຢູ່ສະຫະປະຊາຊາດເພື່ອຕ້ານຄຳສັ່ງຂວຳ້ບາດນີ້. ນັບແຕ່ຫຼາຍປີມານີ້, ບັນດາວິສາຫະກິດຝລັ່ງ ກໍ່ໄດ້ຄົ້ນຄ້ວາຕະຫຼາດກູບາ ເພື່ອກະກຽມໃຫ້ກາລະໂອກາດລົງທຶນເຂົ້າປະເທດນີ້ ເມື່ອການພົວພັນລະຫວ່າງອາເມລິກາ - ກູບາມີການປ່ຽນແປງ. ການຢ້ຽມຢາມຂອງທ່ານ ປະຕິບັດສຳເລັດບັນຫາປະຫວັດສາດ ແມ່ນເພື່ອຊຸກຍູ້ໃຫ້ເລື່ອງນີ້. ມີວິສາຫະກິດໃຫຍ່ຫຼາຍແຫ່ງຂອງຝລັ່ງ ພວມສົ່ງເສີມການລົງທຶນເຂົ້າກູບາ, ເຊັ່ນບໍລິສັດການບິນ Air France ຫຼືກຸ່ມບໍລິສັດໂຮງແຮມ Accor.
ແກ້ໄຂການພົວພັນກູບາ - ຝ່າຍຕາເວັນຕົກ
ກູບາລໍຄອຍການຢ້ຽມຢາມນີ້ຂອງທ່ານ ປະຕິບັດສຳເລັດບັນຫາປະຫວັດສາດ ທີ່ສຸດ. ກ່ອນອື່ນໝົດ, ການຢ້ຽມຢາມນີ້ເປັນຂີດໝາຍແຫ່ງການແກ້ໄຂສາຍພົວພັນລະຫວ່າງກູບາ - ຝ່າຍຕາເວັນຕົກ. ໃນຈຳນວນປະເທດຝ່າຍຕາເວັນຕົກ. ກູບາມີສາຍພົວພັນທີ່ດີກັບຝລັ່ງ. ການນຳກູບາ Fidel Castro ເຄີຍໄປຢ້ຽມຢາມຝລັ່ງເມື່ອປີ 1955. ກ່ຽວກັບທາງດ້ານການເມືອງ, ການທູດ, ເລື່ອງທ່ານ Hollande ມາຢ້ຽມຢາມກູບາ ຈະເປັນການຍົກສູງທີ່ຕັ້ງຂອງປະເທດນີ້. ກ່ຽວກັບດ້ານເສດຖະກິດ, ໜຶ່ງໃນບັນດາຫົວເລື່ອງເຊິ່ງກູບາເອົາໃຈໃສ່ທີ່ສຸດ ແລະ ຈະປຶກສາຫາລືກັບຝລັ່ງນັ້ນແມ່ນເລື່ອງພິຈາລະນາຄືນບັນດາບ້ວງໜິ້ສິນຂອງກູບາ. ປະຈຸບັນ, ກູບາຕິດໜິ້ CLB ປາຣີ ປະມານ 15 ຕື້ USD, ໃນນັ້ນຕິດໜິ້ຝລັ່ງ 5 ຕື້ USD, ການຢ້ຽມຢາມຂອງທ່ານ Hollande ແມ່ນໂອກາດເພື່ອໃຫ້ສອງຝ່າຍປຶກສາຫາລືກ່ຽວກັບບ້ວງໜີ້ນີ້, ບາງເທື່ອຈະລົບໜີ້ສ່ວນໜຶ່ງ, ບາງເທື່ອຈະຕໍ່ເວລາໃຊ້ໜີ້. ນອກນັ້ນ, ກູບາອາດຈະຄອຍຖ້າບາງສັນຍາເສດຖະກິດກັບບັນດາກຸ່ມບໍລິສັດຂອງຝລັ່ງ, ພິເສດ, ໃນຂົງເຂດການທ່ອງທ່ຽວ, ສາທາລະນະສຸກ ຫຼືກະສີກຳ, ເຊິ່ງແມ່ນບັນດາຂົງເຂດເຊິ່ງຝລັ່ງ ແລະ ກູບາມີຫຼາຍຈຸດທີ່ຄ້າຍຄືກັນ. ປີ 2014, ວົງເງິນສົ່ງອອກຂອງຝລັ່ງໄປຍັງກູບາບັນລຸພຽງ 157 ລ້ານເອີໂຣ, ໝາຍຄວາມວ່າຄວາມສາມາດບົ່ມຊ້ອນຮ່ວມມືຂອງທັງສອງຝ່າຍແມ່ນຍັງມີຫຼາຍຢູ່.
ຝລັ່ງຢາກນຳໜ້າທາງດ້ານການທູດໃນອີຢູ
ນັບແຕ່ກ່ອນມານີ້, ຍາມໃດຝລັ່ງກໍ່ມີທ່າອ່ຽງປະຕິບັດນະໂຍບາຍການຕ່າງປະເທດເປັນເອກະລາດ ແລະ ຢາກຮັກສາທີ່ຕັ້ງຂອງຕົນຄືດັ່ງປະເທດມະຫາອຳນາດໃນການພົວພັນກັບສາກົນ. ຝລັ່ງແມ່ນປະເທດທີ່ມີບັນດາຄະນະທູຕານຸທູດໃຫຍ່ອັນດັບສອງຢູ່ໂລກ, ພຽງແຕ່ຖັດຈາກອາເມລິກາ. ຍ້ອນເຫດນັ້ນ, ໃນການພົວພັນກັບກູບາ, ຝລັ່ງກໍ່ຢາກນຳໜ້າ. ປະທານາທິບໍດີ Hollande ໄດ້ຫັນເປັນລະອຽດຖະແຫຼງການຂອງອີຢູກ່ຽວກັບການດຳເນີນວິວັດສ້າງການພົວພັນເປັນປົກກະຕິກັບກູບາ ເຊິ່ງຖືກຍົກອອກເມື່ອປີກາຍນີ້. ນອກນັ້ນ, ເລື່ອງທ່ານ Hollande ມາກູບາ ຍັງແມ່ນການສົ່ງສານເຖິງຫຼາຍຝ່າຍ. ສຳລັບອາເມລິກາ, ຝລັ່ງສົ່ງສານຮ່ວມມື, ສຳລັບບັນດາປະເທດອື່ນໆຄືຈີນ, ບຣາຊິນ... ບັນດາປະເທດມະຫາອຳນາດທີ່ຫາກໍ່ພົ້ນເດັ່ນຂຶ້ນທີ່ຢາກລົງທຶນເຂົ້າກູບານັ້ນ, ຝລັງສົ່ງສານສະແດງໃຫ້ເຫັນວ່າຝລັ່ງຈະນຳໜ້າ. ປະຈຸບັນ, ຝລັ່ງພວມບຸລິມາສິດນຳໜ້າໃນການລົງທຶນເຂົ້າກູບາ ໃນຂົງເຂດໂຮງແຮມ, ການທ່ອງທ່ຽວ ຫຼືພື້ນຖານໂຄງລ່າງ ເພື່ອໝູນໃຊ້ຄວາມສາມາດບົ່ມຊ້ອນໃນຂົງເຂດເຫຼົ່ານັ້ນຂອງກູບາ.
ການພົວພັນທາງການທູດສ້າງທ່າພັດທະນາດ້ານເສດຖະກິດ
ໃນສະໄໝໂລກາພິບັດປະຈຸບັນນີ້, ຕະຫຼາດແມ່ນແຫ່ງແກ່ງແຍ້ງຢ່າງຂ້ຽວຂາດ ແລະ ບໍ່ງ່າຍດາຍ. ສຳລັບຝລັ່ງເຖິງວ່າແມ່ນໜຶ່ງໃນບັນດາປະເທດຝ່າຍຕາເວັນຕົກທີ່ໄດ້ສຳພັດ ແລະ ມີຄວາມສະໜິດສະໜົມທີ່ສຸດກັບກູບາ, ແຕ່ຝລັ່ງ ຍັງຄົງປະສົບກັບການແກ້ງແຍ້ງຢ່າງຂ້ຽວຂາດຈາກບັນດາຄູ່ຮ່ວມມືເສດຖະກິດອື່ນຂອງກູບາ. ຕົວຢ່າງຄື ບຣາຊິນ ຫາກໍ່ເຊັນຂໍ້ຕົກລົງສ້າງຕັ້ງບໍລິສັດຮ່ວມທຸລະກິດເພື່ອເຄື່ອນໄຫວຢູ່ທ່າກໍ່າປັ່ນ Mariel, ເຊິ່ງແມ່ນແຫ່ງແຈກຢາຍບັນດາຕູ້ container ທີ່ບັນຈຸສິນຄ້າຈາກປະເທດຕ່າງໆນຳເຂົ້າກູບາ. ບັນດາສັນຍາຄືແນວນັ້ນແມ່ນສິ່ງທີ່ຝລັ່ງ ພວມຢາກມີ. ຝລັ່ງ ພວມເອົາໃຈໃສ່ເປັນພິເສດເຖິງການລົງທຶນເຂົ້າໂຄງລ່າງການທ່ອງທ່ຽວ ແລະ ກະສິກຳຢູ່ກູບາ, ເຊິ່ງແມ່ນບັນດາທ່າແຮງທີ່ຝລັ່ງມີທ່າໄດ້ປຽບໃນການແກ້ງແຍ້ງຢູ່ຕະຫຼາດການຄ້າໂລກ. ທ່າໄດ້ປຽບຂອງຝລັ່ງ ເມື່ອທຽບໃສ່ບັນດາປະເທດຝ່າຍຕາເວັນຕົກອື່ນໆ, ແມ່ນການພົວພັນທາງການທູດທີ່ມີຄວາມສະໜິດສະໜົມກັບກູບາໃນຫຼາຍປີຜ່ານມາ. ເພາະສະນັ້ນ, ການຢ້ຽມຢາມຂອງປະທານາທິບໍດີຝລັ່ງ ເຖິງກູບາຄັ້ງນີ້ ເບິ່ງຄືວ່າຈະ ສ້າງຂີດໝາຍຮ່ວມມືໃໝ່ລະຫວ່າງກູບາກັບຝລັ່ງເວົ້າສະເພາະ, ແລະ ກັບເອີລົບເວົ້າລວມ.