ປີ 2012 ໄດ້ລ່ວງເລີຍໄປແລ້ວ, ເມື່ອຫວນຄືນເສັ້ນທາງ 1 ປີທີ່ເຕັມໄປດ້ວຍການຜັນແປ ອາດຈະເຫັນໄດ້ວ່າ: ຫວຽດນາມ ໄດ້ຜັນຂະຫຍາຍບັນດາການເຄື່ອນໄຫວຕ່າງປະເທດຢ່າງເລິກເຊິ່ງກ້ວາງຂວາງຕາມແນວທາງການຕ່າງປະເທດຂອງກອງປະຊຸມໃຫ່ຍທົ່ວປະເທດພັກກອມມູນິດຫວຽດນາມ ຊຸດທີ 11, ນຳມາເຊິ່ງບັນດາໝາກຜົນອັນລະອຽດ. ວຽກງານການຕ່າງປະເທດປີ 2012 ບໍ່ພຽງແຕ່ປະກອບສ່ວນສ້າງສະພາບແວດລ້ອມສາກົນທີ່ອຳນວຍຄວາມສະດວກໃຫ້ແກ່ການພັດທະນາຂອງປະເທດຊາດ, ຍາດແຍ່ງແຫຼ່ງກຳລັງໃຫ້ແກ່ພາລະກິດຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝເທົ່ານັ້ນ ຫາກຍັງໄດ້ໜູນຊ່ວຍປົກປ້ອງຜົນປະໂຫຍດແຫ່ງຊາດ, ປົກປັກຮັກສາອະທິປະໄຕ, ຜືນແຜ່ນດິນອັນຄົບຖ້ວນຂອງຫວຽດນາມ ອີກດ້ວຍ.
(ພາບປະກອບ::nguyentandung.org)
ໃນປີຜ່ານມາ, ບັນດາການເຄື່ອນໄຫວການທູດສອງຝ່າຍໄດ້ດຳເນີນໄປຢ່າງຟົດຟື້ນທີ່ສຸດ. ການໄປຢ້ຽມຢາມ, ການພົບປະຂັ້ນສູງຄັ້ງຕ່າງໆກັບບັນດາປະເທດບ້ານໃກ້ເຮືອນຄຽງ, ພາກພື້ນ, ຄູ່ຮ່ວມມືໃຫ່ຍ, ເພື່ອນມິດທີ່ເປັນມູນເຊື້ອ ແລະ ບັນດາຄູ່ຮ່ວມມືທີ່ມີຄວາມສາມາດບົ່ມຊ້ອນ ໄດ້ເຮັດໃຫ້ການພົວພັນລະຫວ່າງຫວຽດນາມ ກັບບັນດາປະເທດເຫຼົ່ານັ້ນມີຄວາມເລິກເຊິ່ງຂຶ້ນຕື່ມ. ທ່ານເລຫາຍບິ່ງ, ຫົວໜ້າກົມນະໂຍບາຍການຕ່າງປະເທດ, ສັງກັດກະຊວງການຕ່າງປະເທດຫວຽດນາມ ຖືວ່າ:
“ມີສອງຈຸດພິເສດທີ່ສາມາດເຫັນໄດ້, ທີໜຶ່ງແມ່ນຈຳນວນຄະນະຜູ້ແທນມາຢ້ຽມຢາມຫວຽດນາມ ໄດ້ເພີ່ມຂຶ້ນ, ຊ້ຳບໍ່ໜຳໄດ້ເພີ່ມຂຶ້ນທົບ 4-5 ເທົ່າເມື່ອທຽບກັບປີ 2011. ທີສອງແມ່ນດ້ານຄຸນນະພາບ, ຫຼາຍປະເທດຢາກຍົກລະດັບການພົວພັນກັບຫວຽດນາມ, ຢາກນຳການພົວພັນກັບຫວຽດນາມ ເຂົ້າສູ່ລວງເລິກຄື: ສິງກະໂປ, ໄທ, ອີຕາລີ…ສິ່ງດັ່ງກ່າວສະແດງໃຫ້ເຫັນວ່າ: ໃນສາຍຕາຂອງເພື່ອນມິດສາກົນ, ອິດທິພົນຊື່ງສຽງຂອງຫວຽດນາມ ໄດ້ເພີ່ມຂຶ້ນ, ເຂົາເຈົ້າຖືການພົວພັນກັບຫວຽດນາມ ເປັນສຳຄັນ“
ຄະນະຜູ້ແທນຫວຽດນາມ ຢ້ຽມຢາມຍີ່ປຸ່ນ
(ພາບ:vov.vn)
ສຳລັບບັນດາປະເທດບ້ານໃກ້ເຮືອນຄຽງຄືລາວ ແລະ ກຳປູເຈຍ, ປີຜ່ານມາແມ່ນປີເຕັມໄປດ້ວຍການເຄື່ອນໄຫວສະເຫຼີມສະຫຼອງຄື: ປີສາມັກຄີມິດຕະພາບຫວຽດນາມ-ລາວ ແລະ ປີສາມັກຄີມິດຕະພາບຫວຽດນາມ-ກຳປູເຈຍ. ຜ່ານນັ້ນໄດ້ຮັດແໜ້ນອາລົມຈິດຄວາມຮັກແພງ, ຄວາມເຂົ້າອົກເຂົ້າໃຈ ແລະ ຄວາມໄວ້ເນື້ອເຊື່ອໃຈຊື່ງກັນ ແລະ ກັນ. ການພົວພັນລະຫວ່າງຫວຽດນາມ ກັບບັນດາປະເທດອາຊຽນ ກໍ່ຄືບັນດາຄູ່ຮ່ວມມືຍຸດທະສາດຫຼັກແຫຼ່ງຄື: ລັດເຊຍ, ຍີ່ປຸ່ນ, ສເກົາຫຼີ, ອິນເດຍ, ອາເມລິກາ, ອີຢູ….ສືບຕໍ່ໄດ້ຮັບການເພີ່ມທະວີ. ສະຫະພັນລັດເຊຍ ໄດ້ຖືຫວຽດນາມ ເປັນ 1 ໃນ 3 ປະເທດຄູ່ຮ່ວມມືຍຸດທະສາດສຳຄັນກ່ວາໝູ່ຢູ່ອາຊີ-ປາຊີຟິກ. ຍີ່ປຸ່ນ ສືບຕໍ່ແມ່ນນັກອຸປະຖຳ ODA ຫຼາຍກ່ວາໝູ່ໃຫ້ແກ່ຫວຽດນາມ ແລະ ໃນປີຜ່ານມາ, FDI ຂອງຍີ່ປຸ່ນ ເຂົ້າຫວຽດນາມ ມີທ່າເພີ່ມຂຶ້ນຢ່າງແຮງ. ການພົວພັນລະຫວ່າງຫວຽດນາມ-ອາເມລິກາ ສືບຕໍ່ໄດ້ຮັບການພັດທະນາຢ່າງແທ້ຈິງໃນຫຼາຍຂົງເຂດ…ພິເສດ, ການພົວພັນທາງການທູດໄດ້ເສີມຂະຫຍາຍທ່າແຮງຂອງຕົນ, ປະກອບສ່ວນປົກປ້ອງອະທິປະໄຕເຂດທະເລ, ໝູ່ເກາະ ແລະ ໄຫ່ລທະວີບຂອງປະເທດຊາດ. ຫວຽດນາມ ຍຶດໝັ້ນແນວທາງການຕ່າງປະເທດຢ່າງສະເໝີຕົ້ນສະເໝີປາຍຄື: ແກ້ໄຂການພິພາດຜ່ານການເຈລະຈາໂດຍສັນຕິ, ບົນພື້ນຖານກົດໝາຍສາກົນ. ທ່ານເລຮ່ວາຍຈຸງ, ເອກອັກຄະລັດຖະທູດຫວຽດນາມ ປະຈຳ ສະຫະປະຊາຊາດໃຫ້ຮູ້ວ່າ:
“ທີ່ບັນດາເວທີປາໄສ, ຍາມໃດຫວຽດນາມ ກໍ່ຊີ້ແຈ້ງທັດສະນະ, ຄວາມມານະພະຍາຍາມຂອງຕົນໃນເລື່ອງພ້ອມກັບປະເທດຕ່າງໆປະຕິບັດກົດໝາຍສາກົນຢ່າງເຂັ້ມງວດ, ແກ້ໄຂການພິພາດ, ຂີດເສັ້ນຊາຍແດນທາງທະເລ…ຜ່ານນັ້ນສະແດງໃຫ້ເຫັນນະໂຍບາຍຂອງຫວຽດນາມ ແມ່ນມີເຈດຕະນາດີ ແລະ ໄດ້ປະຕິບັດກົດໝາຍສາກົນ, ສົນທິສັນຍາກົດໝາຍທະເລຂອງ ສປຊ ຢ່າງເຂັ້ມງວດ, ປະຕິບັດບັນດາຂໍ້ຕົກລົງບັນລຸໄດ້ກັບອາຊຽນ ໃນບັນຫາຮ່ວມມືກໍ່ຄືການແກ້ໄຂການພິພາດບົນທະເລ“.
ໃນປີ 2012, ການເຄືອ່ນໄຫວການຕ່າງປະເທດປະຊາຊົນກໍດຳເນີນໄປຢ່າງຟົດຟື້ນດ້ວຍງານພົບປະແລກປ່ຽນ, ການພົບປະ, ຢ້ຽມຢາມຄັ້ງຕ່າງໆ…ເພື່ອຊ່ວຍເພີ່ມທະວີນ້ຳໃຈສາມັກຄີມິດຕະພາບ, ຄວາມເຂົ້າອົກເຂົ້າໃຈລະຫວ່າງປະຊາຊົນຫວຽດນາມ ກັບປະຊາຊົນປະເທດຕ່າງໆ, ຜ່ານນັ້ນ, ປະຊາຄົມໂລກຈະເຂົ້າໃຈກ່ຽວກັບບັນຫາສິດເສລີພາບ, ສາສະໜາ, ສິດທິມະນຸດຂອງຫວຽດນາມ ກ່ວາອີກ. ທ່ານເລຫາຍບິ່ງ, ຫົວໜ້າກົມນະໂຍບາຍການຕ່າງປະເທດ, ສັງກັດກະຊວງການຕ່າງປະເທດຫວຽດນາມ ໃຫ້ຮູ້ຕື່ມອີກວ່າ:
“ພວກເຮົາໄດ້ເປັນເຈົ້າການ ສົມທົບການຮ່ວມມື ແລະ ການຕໍ່ສູ້, ສິ່ງໃດບໍ່ທັນຖືກຕ້ອງຕ້ອງເວົ້າໃຫ້ຖືກຕ້ອງ, ບໍ່ຫລົບຫຼີກ ພ້ອມທັງເພີ່ມທະວີການໂອ້ລົມສົນທະນາ, ຮັດແຄບຊ່ອງຫວ່າງຄວາມແຕກຕ່າງກັນໃນດ້ານທັດສະນະ, ຊຸກຍູ້ຄວາມເຂົ້າອົກເຂົ້າໃຈຊື່ງກັນ ແລະ ກັນກ່ວາອີກ ແລະ ສິ່ງສຳຄັນນັ້ນແມ່ນບໍ່ກໍ່ຜົນສະທ້ອນເຖິງການພົວພັນສອງຝ່າຍລະຫວ່າງຫວຽດນາມ ກັບບັນດາຄູ່ຮ່ວມມືສຳຄັນ“
ບັນດາຜົນງານດ້ານການຕ່າງປະເທດຂອງຫວຽດນາມ ໃນປີ 2012 ແມ່ນພື້ນຖານສຳຄັນເພື່ອໃຫ້ຫວຽດນາມ ນຳໃຊ້ກາລະໂອກາດ, ຜ່ານຜ່າສິ່ງທ້າທາຍ, ປະຕິບັດບັນດາໜ້າທີ່ໄດ້ວາງອອກໃນປີ 2013 ແລະ ໃນຊຸມປີຕໍ່ໄປສຳເລັດຜົນ ນັ້ນແມ່ນສືບຕໍ່ຜັນຂະຫຍາຍການທູດສອງຝ່າຍຢ່າງມີປະສິດທິຜົນກ່ວາອີກ ບົນພື້ນຖານກຳນົດຢ່າງຈະແຈ້ງບັນດາການໃຫ້ບຸລິມະສິດໃນພາກພື້ນ, ຄູ່ຮ່ວມມື, ຂົງເຂດ, ມາດຕະການ. ໃນການພົວພັນຫຼາຍຝ່າຍ, ຫວຽດນາມ ເພີ່ມທະວີການປະກອບສ່ວນທີ່ແທດຈິງ, ພິເສດແມ່ນບັນດາຂໍ້ລິເລິ່ມແກ້ໄຂບັນດາບັນຫາສາກົນ ແລະ ພາກພື້ນຕາມທິດນຳທີ່ວ່າ “ແມ່ນສະມາຊິກທີ່ມີຄວາມຮັບຜິດຊອບຂອງປະຊາຄົມໂລກ“, ສ້າງທີ່ຕັ້ງບົດບາດໝັ້ນຄົງໜັກແໜ້ນໃນເວທີສາກົນກ່ວາອີກ.