ປະເທດອາເມລິກາຈະຊອກຫາສຽງເວົ້າລວມໄດ້ຫຼືບໍ

ວັນພຸດ ທີ 4 ກຸມພາ ຄ.ສ. 2015 | 14:58:23

(vovrorld) - ເລື່ອງປະທານາທິບໍດີອາເມລິກາ Barack Obama, ວັນທີ 2/2 ໄດ້ສະເໜີແຜນງົບປະມານທີ່ມີມູນຄ່າເກືອບ 4.000 ຕື້ USD, ເຊິ່ງລວມມີຫຼາຍເນື້ອໃນໄດ້ເພີ່ມລາຍຈ່າຍ ແລະ ການປະຕິຮູບດ້ານພາສີ. ສິ່ງດັ່ງກ່າວໄດ້ກໍ່ຄວາມໂຕ້ຖຽງກັນລະຫວ່າງພັກສາທາລະນະ ແລະ ພັກປະຊາທິປະໄຕ. ລະຫວ່າງປະທານາທິບໍດີອາເມລິກາ Barack Obama ແລະ ສະພາສູງ, ສະພາຕຳ່ອາເມລິກາ ໂດຍພັກສາທາລະນະລັດ (GOP) ຄວບຄຸມໃນປີ 2015. ສິ່ງສຳຄັນກວ່ານັ້ນແມ່ນ, ຜົນແຫ່ງການໂຕ້ຖຽງກັນຈະເຮັດໃຫ້ຜູ້ມີສິດເລືອກຕັ້ງອາເມລິກາເຫັນໄດ້ຄວາມຍຸຕິທຳ ແລະ ຄວາມຮັບຜິດຊອບ, ນີ້ແມ່ນສອງບັນຫາສຳຄັນເຊິ່ງບັນດາຜູ້ສະໝັກຮັບເລືອກຕັ້ງຂອງສອງພັກຈະຕ້ອງມຸ່ງໄປເຖິງໃນການຊ່ວງເສັງເຂົ້າທຳນຽບຂາວໃນໄລຍະຈະມາເຖິງ.

ແຜນງົບປະທານເຊິ່ງປະທານາທິບໍດີອາເມລິກາ Barack Obama ປະກາດລວມມີບ້ວງລາຍຈ່າຍກ້ອນໃຫຍ່ຫຼາຍຢ່າງທີ່ສະຫງວນໃຫ້ພື້ນຖານໂຄງລ່າງ, ກອງທັບ ແລະ ການເຄື່ອນໄຫວຄົ້ນຄ້ວາ. ແຜນການດັ່ງກ່າວວາງຄາດໝາຍຮັກສາລະດັບຂາດດຸນໃຫ້ຕຳ່ກວ່າ 3% GDP, ເຊິ່ງແມ່ນລະດັບທີ່ບັນດາຜູ້ຊ່ຽວຊານຕີລາຄາວ່າມີຄວາມໝັ້ນຄົງ. ໂດຍລະອຽດແມ່ນ, ລະດັບຂາດດຸນໃນປີ 2016 ແມ່ນປະມານ 474 ຕື້ USD, ເທົ່າກັບ 2,5% ຂອງ GDP, ໃນນັ້ນໜີ້ຂອງລັດແມ່ນປະມານ 75% GDP. ປະທານາທິບໍດີ Barack Obama ກໍ່ສະເໜີຜ່ອນຄາຍລາຍການຮັດແຄບລາຍຈ່າຍງົບປະມານປ້ອງກັນປະເທດ ແລະ ບັນດາລາຍການພາຍໃນປະເທດນັບແຕ່ປີ 2011 ດ້ວຍລະດັບເພີ່ມຂື້ນແມ່ນ 7%/ປີ. ຕາມນັ້ນແລ້ວ, ທ່ານ Obama ສະເໜີເພີ່ມງົບປະມານປ້ອງກັນປະເທດປີ 2016 ຂື້ນ 534 ຕື້ USD, ໃນນັ້ນ, ງົບປະມານສ່ວນໜຶ່ງແມ່ນສະຫງວນໃຫ້ແຜນການເພີ່ມທະວີກຳລັງທະຫານຕັ້ງທັບຢູ່ພາກພື້ນອາຊີ - ປາຊີຝິກ, ບັນດາການເຄື່ອນໄຫວຕ້ານ ກຸ່ມ IS, ເລື່ອງປັບປຸງຄວາມປອດໄພທາງເຄືອຂ່າຍອິນເຕີແນດ ແລະ ບັນດາບ້ວງລາຍຈ່າຍ ເພື່ອຮັບມືກັບທຸກສະພາບການຢູ່ເອີລົບຕາເວັນອອກ.

ປະເທດອາເມລິກາຈະຊອກຫາສຽງເວົ້າລວມໄດ້ຫຼືບໍ - ảnh 1

ທ່ານປະທານາທິບໍດີ Barack Obama
(ພາບ: Reuters)

ບຸລິມາສິດໃຫ້ຊົນຊັ້ນກາງ

ສິ່ງທີ່ເຂົ້າໃຈງ່າຍໃນການສະເໜີແຜນງົບປະມານຂອງ ປະທານາທິບໍ ດີ Barack Obama ແມ່ນສືບຕໍ່ບຸລິມາສິດໃຫ້ຊົນຊັ້ນກາງ, ຊອກຫາວິທີຮັດແຄບຊ່ອງຫວ່າງລະຫວ່າງຊົນຊັ້ນຕ່າງໆໃນສັງຄົມ. ຕາມນັ້ນແລ້ວ, ໃນແຜນງົບປະມານປີ 2016 (ເຊິ່ງນຳໃຊ້ແຕ່ເດືອນ 10/2015). ປະທານາທິບໍດີ Barack Obamaໄດ້ຢືນຢັນເຖິງການບຸລິມາສິດຫຼາຍຢ່າງ, ນີ້ແມ່ນບັນດາຂໍ້ລິເລີ່ມເຊິ່ງທ່ານໄດ້ຍົກອອກມາໃນການຫາສຽງເລືອກຕັ້ງປະທານາທິບໍດີເຊັ່ນ: ຍົກອັດຕາພາສີສູງສຳລັບບັນດາວິສາຫະກິດ ແລະ ຄົນອາເມລິກາ ຜູ້ຮັ່ງມີ ເພື່ອຊ່ວຍເຫຼືອໃຫ້ຊົນຊັ້ນກາງ. ຄາດວ່າງົບປະມານໃນປີໜ້າແມ່ນອຸປະຖຳໃຫ້ການກໍ່ສ້າງພື້ນຖານໂຄງລ່າງ. ປະທານາທິບໍດີ Barack Obama ຫວັງວ່າບັນດາມາດຕະການໃໝ່ຈະຊ່ວຍໃຫ້ເສດຖະກິດອາເມລິກາ ເຕີບໂຕ ແລະ ສ້າງວຽກເຮັດງານທຳ “ດ້ວຍລະດັບໄວສຸດນັບແຕ່ປີ 1990 ມາຮອດປະຈຸບັນ“. (ປີ 2015, ລັດຖະບານອາເມລິກາ ຫວັງວ່າຈະຫຼຸດອັດຕາສ່ວນຫວ່າງງານຈາກ 5,6% ໃຫ້ລົງເຫຼືອພຽງ 5,4%).

ສຳລັບບັນດາ ສສຊ ພັກປະຊາທິປະໄຕ, ແຜນງົບປະມານຂອງ ປະທານາທິບໍດີ Barack Obama ໄດ້ຮັບຖືວ່າແມ່ນຮ່າງບົດປະກາດຖະແຫຼງເລືອກຕັ້ງຂອງບັນດາຜູ້ສະໝັກຮັບເລືອກຕັ້ງຂອງພັກນີ້ ທັງແມ່ນກາລະໂອກາດເພື່ອໃຫ້ເຂົາເຈົ້າພິສູດວ່າ, ຈຸດປະສົງຂອງພັກປະຊາທິປະໄຕແມ່ນສຸມໃສ່ການປັບປຸງສະພາບເສດຖະກິດເວົ້າລວມ, ກໍ່ຄືຊຸກຍູ້ບັນດານະໂຍບາຍຮັບປະກັນຊີວິດສັງຄົມ. ກ່ອນໜ້ານັ້ນ, ໃນສານສະຫະລັດ 2015, ປະທານາທິບໍດີ Barack Obama ກໍ່ໄດ້ສະຫງວນເວລາ ເພື່ອຍົກອອກບັນດາຕົວເລກພິສູດໃຫ້ເຫັນການຟື້ນຕົວຂອງພື້ນຖານເສດຖະກິດອາເມລິກາ, ໃນນັ້ນບໍ່ລືມເຕື້ອງເຖິງຜົນສຳເລັດນີ້ແມ່ນຍ້ອນມີຊົນຊັ້ນກາງ. ສິ່ງດັ່ງກ່າວແມ່ນກົງກັນຂ້າມກັບຝ່າຍສາທາລະນະ, ເຊິ່ງແມ່ນບັນດາຜູ້ທີ່ມີທັດສະນະມູນເຊື້ອກ່ຽວກັບບົດລາດເປັນກຳລັງໜູນຂອງວົງການອະພິຊົນ.

ຄວາມບໍ່ລົງລອຍກັນຈາກພັກສາທາລະນະ

ພາຍຫຼັງປະທານາທິບໍດີ Barack Obama ສະເໜີແຜນງົບປະມານເກືອບ 4.000 ຕື້ USD ພຽງສອງ, ສາມຊົ່ວໂມງ, ສສຊ ທັງໝົດຂອງພັກສາທາລະນະຢູ່ສະພາສູງ ແລະ ສະພາຕຳ່ອາເມລິກາ ລ້ວນແຕ່ຄັດຄ້ານແຜນການດັ່ງກ່າວ. ເນື້ອໃນທີ່ກໍ່ຄວາມບໍ່ລົງລອຍກັນຢ່າງເລິກເຊິ່ງທີ່ສຸດນັ້ນແມ່ນເລື່ອງ, ປະທານາທິບໍດີ Barack Obama ສະເໜີຈັດວາງຂໍ້ກຳນົດໃໝ່ກ່ຽວກັບພາສີສຳລັບບ້ວງກຳໄລກວ່າ 2.100 ຕື້USD ເຊິ່ງບັນດາວິສາຫະກິດພວມຮັກສາໄວ້ຢູ່ຕ່າງປະເທດ ເພື່ອຫຼີກລ້ຽງການເສຍພາສີ. ນີ້ແມ່ນຈຸດໃໝ່, ດ້ວຍຂໍ້ກຳນົດນີ້, ລັດຖະບານຈະເກັບໄດ້ປະມານ 238 ຕື້ USD ເພື່ອລົງທຶນເຂົ້າໂຄງການກໍ່ສ້າງ, ປັບປຸງ ແລະ ຍົກລະດັບລະບົບເສັ້ນທາງຄວາມໄວສູງ, ຂົວທາງ ແລະ ທາງຄົມມະນາຄົມທີ່ສຳຄັນອື່ນໆ.

ເຖິງຢ່າງໃດກໍ່ຕາມ, ບັນດາສະມາຊິກສະພາແຫ່ງຊາດພັກ ສາທາລະນະລັດ, ບັນດາຜູ້ທີ່ພວມມີສິດຄວບຄຸມສະພາແຫ່ງຊາດ, ສິ່ງດັ່ງກ່າວພຽງແຕ່ຊ່ວຍຍົກສູງອິດທິພົນຊື່ສຽງຂອງພັກ ປະຊາທິປະໄຕກ່ອນດຳເນີນການເລືອກຕັ້ງປະທານາທິບໍດີ ໃນປີ 2016. ທ່ານປະທານກຳມາທິການການເງິນສະພາສູງ Orrin Hatch ໄດ້ກ່າວຫາແຜນການຂອງທ່ານ Obama ພຽງແຕ່ສຸມໃສ່ຍູ້ແຮງການໃຊ້ຈ່າຍຂອງລັດຖະບານ ໂດຍອີງໃສ່ບັນດາລາຍຮັບຈາກການເພີ່ມອັດຕາພາສີເທົ່ານັ້ນ. ທ່ານ Hatch ຕຳນິຕິຕຽນຂໍ້ສະເໜີນີ້ “ພຽງແຕ່ຕອບສະໜອງຕາມຈຸດປະສົງຂອງພັກປະຊາທິປະໄຕເທົ່ານັ້ນ” ຫາກບໍ່ສາມາດຊ່ວຍໃຫ້ປະເທດ ອາເມລິກາ ສ້າງ “ພື້ນຖານການເງິນໃຫ້ໝັ້ນຄົງຄືນໃໝ່ໄດ້”.

ໂດຍເຂົ້າໃຈໄດ້ປະຕິກິລິຍາຈາກສະພາສູງ, ສະພາຕ່ຳ, ດັ່ງນັ້ນໃນບົດກ່າວປາໄສຂອງກະຊວງປ້ອງກັນຄວາມສະຫງົບພາຍໃນເມື່ອວັນທີ 2/2, ທ່ານປະທານາທິບໍດີ Barack Obama ເນັ້ນໜັກເຖິງການ: ຫຼີກລ້ຽງບໍ່ໃຫ້ຄວາມບໍ່ລົງລອຍກັນາງຜົນຮ້າຍເຖິງຄວາມສະຫງົບແຫ່ງຊາດ ພ້ອມທັງກ່າວເຕືອນພັກສາທາລະນະ ບໍ່ຄວນຖືພື້ນຖານເສດຖະກິດ ແລະ ຄວາມສະຫງົບຂອງປະເທດຊາດເປັນບັນຫາການເມືອງ. ກ່ອນໜ້ານັ້ນ, ໃນສານສະຫະລັດປີ 2015, ທ່ານ Barack Obama ກໍ່ຮຽກຮ້ອງໃຫ້ບັນດານັກສ້າງກົດໝາຍຂອງພັກ ສາທາລະນະ ຈົ່ງພ້ອມກັບທຳນຽບຂ່າວຊອກຫາຄວາມເຫັນດີເຫັນພ້ອມໃນການປ່ຽນປະມວນກົດໝາຍວ່າດ້ວຍພາສີ, ກົດໝາຍວ່າດ້ວຍຄວາມປອດໄພທາງເຄືອຂ່າຍອິນເຕີເນັດ, ຄວາມມານະພະຍາຍາມເຮັດໃຫ້ລັດຖະບານເປັນກະທັດລັດ, ຫລຸດຜ່ອນງົບປະມານ ແລະ ປະຕິຮູບລະບອບເຂົ້າເມືອງ ກໍ່ຄືບັນດາມາດຕະການຊຸກຍູ້ເສດຖະກິດ ອາເມລິກາ ເຕີບໂຕຢ່າງແຮງກ່ວາອີກ. ທ່ານ Obama ກໍ່ບໍ່ລື່ມເວົ້າເຖິງສິດຢັບຢັ້ງໃນກົດໝາຍສະບັບຕ່າງໆ, ເຊິ່ງແມ່ນສິດທີ່ທ່ານບໍ່ເຄີຍໃຊ້ນັບແຕ່ເມື່ອຮັບດຳລົງຕຳແໜ່ງ.

ບັນດາການໂຕ້ຖຽນກັນລະຫວ່າງທຳນຽບຂາວ ແລະ ສະພາສູງ, ສະພາຕ່ຳກ່ຽວກັບການສະເໜີງົບປະມານປີ 2016 ຫາກໍ່ຍົກອອກມາເທົ່ານັ້ນ ແຕ່ຄາດຄະເນວ່າຍາກທີ່ໄດ້ຮັບການຮັບຮອງເອົາທີ່ສະພາສູງ, ສະພາຕ່ຳ ໂດຍພັກສາທາລະນະຄວບຄຸມ. ແນ່ນອນວ່າ, ບັນດາບາດກ້າວຕໍ່ໄປ 2 ຝ່າຍຈະໄດ້ຮັບການຄິດໄລ່ຊັ່ງຊາຢ່າງເຖິງຖອງຈາກ 2 ຝ່າຍເພື່ອທັງປົກປ້ອງທັດສະນະຂອງຕົນ ທັງຍາດແຍ່ງໄດ້ການສະໜັບສະໜູນຂອງຜູ້ມີສິດເລືອກຕັ້ງ ອາເມລິກາ ເມື່ອການຊ່ວງເສັງເຂົ້າທຳນຽບຂ່າວໃກ້ຈະມາຮອດ.