(vovworld) - ພາຍຫຼັງ 8 ປີ ແຫ່ງການເຄື່ອນໄຫວພາຍໃຕ້ການອຸປະຖຳຂອງອາເມລິກາ, ແຕ່ຂໍ້ລິເລີ່ມສັນຕິພາບຢູ່ຕາເວັນອອກກາງ ໂດຍລັດຖະມົນຕີການຕ່າງປະເທດອາເມລິກາ John Kerry ຍົກອອກມາບໍ່ໄດ້ຮັບຜົນຖືກກັບເວລາທີ່ໄດ້ວາງອອກ. ຍ້ອນແທນທີ່ຈະຕ້ອງພະຍາຍາມບັນລຸ ຂໍ້ຕົກລົງໃຫ້ໄດ້ໃນວັນທີ 29/4, ເພື່ອແນໃສ່ແກ້ໄຂບັນດາບັນຫາຖືກຖືວ່າມີຄວາມສະດຸງໄວທີ່ສຸດເຊັ່ນບັນຫາຊາຍແດນ, ເຂດຕັ້ງຖີ່ນຖານຄົງທີ່, ກົດລະບຽບຂອງເຢຮູຊາແລມ ແລະ ຜູ້ຫຼົບໄພນັ້ນ, ທັງອິດສະຣາແອນ ແລະ ປາແລດສະຕີນພັດໂຕ້ຕອບກັນທາງດ້ານການເມືອງ ແລະ ເສດຖະກິດ.
ລັດຖະມົນຕີການຕ່າງປະເທດອາເມລິກາ John Kerry
ເຈລະຈາກັບປະທານາທິບໍດີປາແລດສະຕີ Mahmud Abbas ເພື່ອຊຸກຍູ້ສັນຕິພາບຢູ່ຕາເວັນອອກກາງ
(ພາບ: AFP/TTXVN)
ເຖິງວ່າເຈົ້າໜ້າທີອາເມລິກາ ຫຼາຍທ່ານໄດ້ຖືວ່າ ວິວັດທະນາການສັນຕິພາບຢູ່ຕາເວັນອອກກາງພຽງຢຸດໄວ້ໄລຍະໜຶ່ງເທົ່ານັ້ນກໍ່ຕາມ, ແຕ່ທ້າຍສັບປະດາຜ່ານມາ, ທ່ານປະທານາທິບໍດີອາເມລິກາ Barack Obama ໄດ້ຍອມຮັບວ່າ ການເຈລະຈາສັນຕິພາບລະຫວ່າງອິດສະຣາແອນ - ປາແລດສະຕີນ ທີ່ຖືກຢຸດໄວ້ຊົ່ວຄາວແມ່ນສິ່ງທີ່ຈຳເປັນນັ້ນ ສະແດງໃຫ້ເຫັນວ່າວິວັດທະນາການນີ້ຂອງບັນດາຝ່າຍທີ່ກ່ຽວຂ້ອງຖືກຕົກຢູ່ໃນສະພາບບໍ່ມີທາງອອກຢ່າງຮອບດ້ານ. ສາຍເຫດທີ່ທ່ານ Barack Obama ຍົກອອກມາ ນັ້ນແມ່ນການນຳຂອງທັງອິດສະຣາແອນ - ປາແລດສະຕີ ລ້ວນແຕ່ຂາດເຈດຕະນາດີໃນການຜ່ອນສັ້ນຜ່ອນຍາວເພື່ອແກ້ໄຂບັນຫາສຳຄັນ.
ການໂຕ້ຕອບແທນທີ່ການຜ່ອນສັ້ນຜ່ອນຍາວ
ໜຶ່ງໃນບັນດາສາຍເຫດໃໝ່ສຸດທີ່ພາໄປເຖິງເລື່ອງ ອິດສະຣາແອນ ຕົກລົງຢຸດຕິການເຈລະຈາສັນຕິພາບ ແມ່ນຍ້ອນອົງການປົດປ່ອຍປາແລດສະຕີນ (PLO) ແລະຂະບວນການອິດສະລາມຮາມາດ ເຫັນດີສ້າງຕັ້ງລັດຖະບານສາມັກຄີ, ນີ້ແມ່ນການກະທຳທີ່ຖືກຖືວ່າຈະຢຸດຕິການແບ່ງແຍກມາເປັນເວລາຫຼາຍປີລະຫວ່າງສອງຝ່າຍທີ່ເປັນປໍລະປັກກັນນີ້. ຝ່າຍອິດສະຣາແອນຖືວ່າ, ຂໍ້ຕົກລົງສັນຕິພາບລະຫວ່າງສອງຝ່າຍປາແລດສະຕີນ ແມ່ນເຂົ້າໃຈຍາກ ແລະ ກໍ່ຜົນສະທ້ອນບໍດີເຖິງຄວາມມານະພະຍາຍາມສ້າງສັນຕິພາບ. ສິ່ງດັ່ງກ່າວສາມາດເຂົ້າໃຈໄດ້ວ່າ ນັບແຕ່ດົນນາມາແລ້ວ ອິກສະຣາແອນ ໄດ້ຈັດຮາມາດ ເຂົ້າບັນຊີລາຍຊື່ບັນດາອົງການກໍ່ການຮ້າຍ, ໃນຂະນະທີ່ ຮາມາດ ຍາມໃດກໍ່ປະຕິເສດຮັບຮອງອິດສະຣາແອນ, ຢຸດຕິການໃຊ້ຄວາມຮຸນແຮງ ແລະ ຮັບຮອງບັນດາຂໍ້ຕົກລົງທີ່ໄດ້ຮັບການລົງນາມກ່ອນນີ້ລະຫວ່າງ ອິດສະຣາແອນ - ປາແລດສະຕີ. ທ່ານນາຍົກລັດຖະມົນຕີອິດສະຣາແອນ Benjamin Netanyahu ປະກາດວ່າຈະບໍ່ເຈລະຈາກັບລັດຖະບານປາແລດສະຕີນ ທີ່ໄດ້ຮັບການໜູນຫຼັງຈາກອົງການກໍ່ການຮ້າຍໜຶ່ງເພື່ອທຳລາຍ ອິດສະຣາແອນ. ພ້ອມກັບຂໍ້ຕົກລົງຢຸດຕິການເຈລະຈາສັນຕິພາບ. ອິດສະຣາແອນ ກໍ່ຈັດວາງຄຳສັ່ງລົງໂທດເສດຖະກິດຕໍ່ອຳນາດການປົກຄອງປາແລດສະຕີນ. ວົງການນັກສັງເກດການຖືວ່າ, ໃນຊຸ່ມວັນຈະມາເຖິງ, ທ່ານ Benjamin Netanyahu ອາດຈະສືບຕໍ່ໂຈມຕີຂໍ້ຕົກລົງປອງດອງຊາດລະຫວ່າງຟາຕາ ແລະ ຮາມາດ.
ສະພາສູນກາງຂອງອົງການປົດປ່ອຍປາແລດສະຕີນ (PLO) ໄດ້ຕົກລົງເພີ່ມທະວີຄວາມມານະພະຍາຍາມຊອກຫາທີ່ຕັ້ງຂອງລັດຜ່ານການລົງນາມໃນສັນຍາສາກົນຂອງສະຫະປະຊາຊາດ (ສປຊ) 63 ສະບັບ. PLO ກໍ່ຮຽກຮ້ອງໃຫ້ສະພາຄວາມໝັ້ນຄົງ ແລະ ສະມັດຊາໃຫຍ່ ສປຊ ກ່າວປະນາມອິດສະຣາແອນກໍ່ສ້າງບັນດາເຂດຕັ້ງຖີ່ນຖານຄົງທີ່, ດຳເນີນການເຄື່ອນໄຫວຕ້ານປາແລດສະຕີນຢູ່ ເຢຣູຊາແລມ, ອັນໄດ້ກໍ່ຜົນເສຍຫາຍໃຫ້ໂບດຂອງຊາວຄິດ ແລະ ໂບດອິດສະລາມ. ສະພາສູນກາງ PLO ຍັງປ່ອນບັດຮຽກຮ້ອງໃຫ້ບັນດາປະເທດສະມາຊິກ ສປຊ ປະຕິເສດບັນດາບໍລິສັດ ແລະ ອົງການສະໜັບສະໜູນການຢືດຄອງຂອງອິດສະຣາແອນ. ໃນການກະທຳທີ່ເດັດດຽວກວ່າ. ສະພາ 120 ສະມາຊິກຂອງ PLO ກໍ່ໄດ້ປະຕິເສດຄຳຮຽກຮ້ອງຂອງທ່ານ ນາຍົກລັດຖະມົນຕີອິດສະຣາແອນ Benjamin Netanyahu ກ່ຽວກັບເລື່ອງ ປາແລດສະຕີນຕ້ອງຮັບຮອງ ອິດສະຣາແອນ ແມ່ນລັດຊາວຢີວ.
ສິ່ງບໍ່ເປັນຜົນປະໂຫຍດໃຫ້ທັງສອງຝ່າຍ
ຕາມວົງການນັກສັງເກດການແລ້ວ, ບໍ່ມີຝ່າຍໄດ້ມີຜົນປະໂຫຍດເມື່ອວິວັດທະນາການສັນຕິພາບຢູ່ຕາເວັນອອກກາງຖືກຕົກຢູ່ໃນສະພາບບໍ່ມີທາງອອກ. ຖ້າຫາກອາເມລິກາ ບໍ່ສົນໃຈເຖິງເລື່ອງຊຸກຍູ້ວິວັດການນີ້. ມັນຈະເປັນບັນຫາໃຫຍ່ໃນຕໍ່ໜ້າ, ເຊິ່ງອິດສະຣາແອນ ແລະ ປາແລດສະຕີນຕ້ອງແກ້ໄຂ. ສຳລັບປາແລດສະຕີນ, ຜົນສະທ້ອນທາງດ້ານເສດຖະກິດ ແລະ ຄວາມໝັ້ນຄົງສາມາດເຫັນໄດ້ຢ່າງຈະແຈ້ງ. ນອກຈາກຄຳສັ່ງລົງໂທດທາງດ້ານເສດຖະກິດ ໂດຍອິດສະຣາແອນກໍ່ຂຶ້ນ, ຊາວປາແລດສະຕີນ ພວມປະເຊີນໜ້າກັບເລື່ອງ, ອາເມລິກາ ອາດຈະຄິດໄລ່ຊັ່ງຊາບ້ວງຊ່ວຍເຫຼືອໃຫ້ແກ່ປະເທດນີ້. ໃນຂະນະນັ້ນ, ອິດສະຣາແອນ ນັບມື້ນັບຖືກຕົກຢູ່ໂດດດຽວໃນເວທີສາກົນ. ໂດຍລະອຽດແມ່ນນັບມື້ນັບມີຄຳຮຽກຮ້ອງປະຕິເສດ, ຊຳ້ບໍໜຳ ແມ່ນຄຳສັ່ງລົງໂທດຂອງສະຫະພາບເອີລົບ ແລະ ບັນດາອົງການອື່ນໆທີ່ຕ້ານຄືນການເຄື່ອນໄຫວດຳເນີນທຸລະກິດຂອງອິດສະຣາແອນຢູ່ເຂດຕັ້ງຖີ່ນຖານຄົງທີ່ຫຼາຍກວ່າ. ສ່ວນທ່ານລັດຖະມົນຕີການຕ່າງປະເທດອາເມລິກາ John Kerry ກໍ່ກ່າວເຕືອນວ່າ ອິດສະຣາແອນ ອາດຈະກາຍເປັນລັດຊາວຢີວທີ່ຖືກທຳລາຍ ຖ້າບໍ່ບັນລຸໄດ້ຂໍ້ຕົກລົງສັນຕິພາບຢ່າງໝັ້ນຄົງກັບອຳນາດການປົກຄອງປາແລດສະຕີນ.
ເຖິງວ່າອາເມລິກາ ໄດ້ປະກາດວ່ານີ້ແມ່ນຈຸດເວລາທີ່ຝ່າຍຕ່າງໆຢຸດຕິຊົ່ວຄາວການເຄື່ອນໄຫວທຸກຢ່າງ ເພື່ອໃຫ້ອິດສະຣາແອນ ແລະ ປາແລດສະຕີນ ພ້ອມກັນພິຈາລະນາຄວາມສາມາດຍົກອອກຂໍ້ຕົກລົງຕໍ່ໄປ, ແຕ່ເປັນສິ່ງຈະແຈ້ງທີ່ວ່າ, ວິວັດທະນາການສັນຕິພາບຢູ່ຕາເວັນອອກກາງພວມຕົກຢູ່ໃນສະພາບບໍ່ມີທາງອອກ. ເລື່ອງຜ່ອນສັ້ນຜ່ອນຍາວລະຫວ່າງຝ່າຍຕ່າງໆໃນຕໍ່ໜ້າຍາກທີ່ຈະເກີດຂຶ້ນ, ໂດຍບໍ່ຫົວຊາຕໍ່ເລື່ອງການນຳປາແລດສະຕີນ ແລະ ອິດສະຣາແອນ ຍັງຄົງຢືນຢັນວ່າຢາກແກ່ຍາວການເຈລະຈາ. ສິ່ງດັ່ງກ່າວມີຄວາມໝາຍດຽວກັບເລື່ອງປາແລດສະຕີນ ແລະ ອິດສະຣາແອນ ສືບຕໍ່ພາດໂອກາດສ້າງສັນຕິພາບທີ່ຫາຍາກນີ້.