( vovworld ) – ທີ່ກອງປະຊຸມພະນັກງານທົ່ວປະເທດ ຊາບຊືມ, ຜັນຂະຫຍາຍຂໍ້ສະຫລຸບເລກທີ 24 ຂອງກົມການເມືອງກ່ຽວກັບການຍູ້ແຮງວຽກງານແຜນການຊັບຊ້ອນພະນັກງານການນຳ, ຄຸ້ມຄອງຮອດປີ 2020 ແລະ ໃນຊຸມປີຕໍ່ໄປ ຊື່ງໄດ້ດຳເນີນໄປໃນວັນທີ 20-21/8 ຢູ່ນະຄອນໂຮ່ຈິມິນ, ທ່ານເລຂາທິການໃຫ່ຍຄະນະບໍລິຫານງານສູນກາງພັກກອມມູນິດຫວຽດນາມ Nguyen Phu Trong ໄດ້ຢັ້ງຢືນຄວາມຈຳເປັນຕ້ອງປ່ຽນໃໝ່ວຽກງານຊັບຊ້ອນ ແລະ ຕີລາຄາພະນັກງານ ຊື່ງແມ່ນຂອດໄລກອນໃນວຽກງານກໍ່ສ້າງພັກກອມມູນິດຫວຽດນາມ. ຕໍ່ໄປແມ່ນຂຽນຂອງນັກຂ່າວ Thu Hoa ທີ່ພາດຫົວເລື່ອງວ່າ: ປ່ຽນໃໝ່ວຽກງານພະນັກງານຕາມເນື້ອໃນຈິດໃຈມະຕິສູນກາງພັກກອມມູນິດຫວຽດນາມ ຄັ້ງທີ 4 ຊຸດທີ 11.
ກອງປະຊຸມຊາບຊືມ, ຜັນຂະຫຍາຍປະຕິບັດມະຕິ
ສູນກາງພັກຄັ້ງທີ 4 ຢູ່ແຂງກວາງນິງ
(ພາບ:baoquangninh.com.vn)
ໂດຍໄດ້ຖືກຈັດຕັ້ງຂຶ້ນພຽງ 2,3 ວັນ ຫຼັງກອງປະຊຸມພະນັກງານທົ່ວປະເທດຜັນຂະຫຍາຍປະຕິບັດມະຕິສູນກາງພັກຄັ້ງທີ 4 ກ່ຽວກັບ “ບາງບັນຫາຮີບດ່ວນໃນການກໍ່ສ້າງພັກ“, ກອງປະຊຸມພະນັກງານທົ່ວປະເທດ ຊາບຊືມ, ຜັນຂະຫຍາຍຂໍ້ສະຫລຸບ 24 ຂອງກົມການເມືອງກ່ຽວກັບການຍູ້ແຮງວຽກງານແຜນການຊັບຊ້ອນພະນັກງານການນຳ, ຄຸ້ມຄອງຮອດປີ 2020 ແລະ ໃນຊຸມປີຕໍ່ໄປ ກໍ່ແມ່ນກອງປະຊຸມປຶກສາຫາລືບັນດາວຽກງານຕ້ອງປະຕິບັດໂດຍທັນທີກ່ຽວກັບວຽກງານພະນັກງານ, ນັ້ນແມ່ນວຽກງານຈັດຕັ້ງກໍ່ສ້າງພັກ, ເພື່ອແນໃສ່ນຳ ມະຕິສູນກາງພັກຄັ້ງທີ 4 ກ່ຽວກັບ “ບາງບັນຫາຮີບດ່ວນໃນການກໍ່ສ້າງພັກ“ ເຂົ້າສູ່ຊີວິດຕົວຈິງ. ໃນບັນດາບັນຫາໄດ້ຍົກອອກມາປຶກສາຫາລືທີ່ກອງປະຊຸມຄັ້ງນີ້, ທ່ານເລຂາທິການໃຫ່ຍຄະນະບໍລິຫານງານສູນກາງພັກກອມມູນິດຫວຽດນາມ Nguyen Phu Trong ໄດ້ຊີ້ແຈ້ງວ່າ:
“ພ້ອມກັບການກະກຽມແນວທາງການເມືອງ, ຍຸດທະສາດແຫ່ງການພັດທະນາເສດຖະກິດ-ສັງຄົມ, ຕ້ອງກະກຽມຍຸດທະສາດພະນັກງານ, ຕ້ອງກໍ່ສ້າງແຜນການຊັບຊ້ອນພະນັກງານ. ແນວທາງໃດຈະມີພະນັກງານຄືແນວນັ້ນ. ແນວທາງພະນັກງານຕ້ອງຮັບໃຊ້ໃຫ້ແກ່ແນວທາງການເມືອງ, ຕ້ອງຕອບສະໜອງຄຳຮຽກຮ້ອງປະຕິບັດໜ້າທີ່ຂອງແນວທາງການເມືອງ. ຢູ່ແຕ່ລະຂັ້ນ, ຂະແໜງການ, ທ້ອງຖິ່ນຕ່າງໆພັດມີຄຳຮຽກຮ້ອງສະເພາະ. ຢູ່ທ້ອງຖິ່ນຕົກລົງແຜນນະໂຍບາຍ, ນະໂຍບາຍ. ນີ້ແມ່ນບັນຫາສຳຄັນທີ່ສຸດ, ຕ້ອງມີຄວາມສະຕິແຫຼມຄົມ ຖ້າຄັດເລືອກ, ຊັບຊ້ອນພະນັກງານຜິດຈະເປັນອັນຕະລາຍ“
ໃນທຸກໆການເຄືອ່ນໄຫວປະຕິວັດ, ພະນັກງານແມ່ນການຊີ້ນຳ, ນຳພາມະຫາຊົນ, ຈັດຕັ້ງບໍລິຫານວຽກງານ, ແມ່ນແກ່ນສານຂອງອົງການຈັດຕັ້ງ, ແມ່ນຫຼັກແຫຼ່ງຂອງຂະບວນການ ແລະ ໃນບໍ່ວ່າໄລຍະເວລາໃດໆ, ບໍ່ວ່າຂົງເຂດ, ທ້ອງຖິ່ນໃດ, ພະນັກງານກໍ່ສວມບົດບາດຕັດສິນຕໍ່ກັບຜົນສຳເລັດຂອງພາລະກິດການປະຕິວັດ. ທີ່ກອງປະຊຸມຄັ້ງນີ້, ທ່ານເລຂາທິການໃຫ່ຍຄະນະບໍລິຫານງານສູນກາງພັກກອມມູນິດຫວຽດນາມ Nguyen Phu Trong ກໍ່ຢືນຢັນວ່າວຽກງານພະນັກງານຍາມໃດກໍ່ແມ່ນຂອດຫຼັກແຫຼ່ງແກ່ນສານໃນວຽກງານກໍ່ສ້າງພັກ, ແມ່ານດ້ານສຳຄັນໃນທົ່ວການເຄືອ່ນໄຫວຂອງພັກກອມມູນິດຫວຽດນາມ. ວຽກງານພະນັກງານລວມມີຫຼາຍຂອດເຊື່ອມຕໍ່ກັນ, ປະສົມປະສານກັນ, ລວມມີການຕີລາຄາພະນັກງານ, ກໍ່ສ້າງ, ບຳລຸງສ້າງ, ໝູນວຽນ, ຊັບຊ້ອນ, ນຳໃຊ້ພະນັກງານ….ທ່ານເລຂາທິການໃຫ່ຍຄະນະບໍລິຫານງານສູນກາງພັກກອມມູນິດຫວຽດນາມ Nguyen Phu Trong ຮຽກຮ້ອງໃຫ້ອົງຄະນະພັກຂັ້ນຕ່າງໆ ຈົ່ງຊາບຊືມທັດສະນະຊົນຊັ້ນໃນວຽກງານພະນັກງານ, ມີນະໂຍບາຍສາມັກຄີ, ເຕົ້າໂຮມພະນັກງານຢ່າງກວ້າງຂວາງ, ນຳໃຊ້ຜູ້ມີຄວາມເກັ່ງກ້າສາມາດ, ເປີດກ້ວາງການພົວພັນ ແລະ ການເຊື່ອມໂຍງເຂົ້າກັບໂລກ. ວຽກງານພະນັກງານຖືກດຳເນີນໄປຕາມຫຼັກການລວມສູນປະຊາທິປະໄຕ, ມີການຕິດຕາມກວດກາ, ກວດກາວຽກງານພະນັກງານ ແລະ ຄຸ້ມຄອງພະນັກງານ. ວຽກງານຄຸ້ມຄອງພະນັກງານຕ້ອງມີຄົບຄາດໝາຍ, ມາດຖານ, ຂໍ້ມູນຂ່າວສານ ແລະ ແມ່ນໝາກຜົນຈາກການຮັບຮູ້ຂອງຜູ້ຕີລາຄາ ແລະ ຜູ້ໄດ້ຮັບການຕີລາຄາ. ທ່ານເລຂາທິການໃຫ່ຍຄະນະບໍລິຫານງານສູນກາງພັກກອມມູນິດຫວຽດນາມ Nguyen Phu Trong ເນັ້ນໜັກວ່າ:
“ໃນດ້ານອັດຕະວິໄສ, ສິ່ງສຳຄັນແມ່ນຈິດໃຈ, ຂອບຂະໜາດຂອງຜູ້ຕີລາຄາ ຊື່ງລວມມີທ່ານຫົວໜ້າ ແລະ ອົງການເປັນເສນາທິການ. ຕ້ອງແມ່ນຜູ້ໂປ່ງໃສ, ພາວະວິໄສ ແລະ ມີປະສົບການຫຼາຍຢ່າງ. ຕ້ອງມີວິໄສທັດຈຶ່ງຈະສາມາດຄົ້ນພົບ, ຕີລາຄາພະນັກງານຢ່າງຖືກຕ້ອງ. ຕ້ອງຕີລາຄາພະນັກງານໃນຫຼາຍແງ່ມູມ, ຢູ່ໃນຫຼາຍຈຸດເວລາ, ຜ່ານວຽກງານຕົວຈິງ, ຕ້ອງຄິດໄລ່ເຖິງປະສິດທິຜົນຂອງວຽກງານ, ຕ້ອງແກ້ໄຂວຽກງານຄືແນວໃດເພື່ອຕີລາຄາ ໂດຍສະເພາະແມ່ນໃນຈຸດເວລາຫຍຸ້ງຍາກ, ທ້າຍທານາໆປະການ“
(ພາບ:thanhhoa.gov.vn)
ໄປຄຽງຄູ່ກັບສອງບັນຫາສຳຄັນແມ່ນວຽກງານກໍ່ສ້າງ ແລະ ຕີລາຄາພະນັກງານ, ກອງປະຊຸມພະນັກງານທົ່ວປະເທດ ຊາບຊືມ, ຜັນຂະຫຍາຍຂໍ້ສະຫລຸບເລກທີ 24 ຂອງກົມການເມືອງກ່ຽວກັບການຍູ້ແຮງວຽກງານແຜນການຊັບຊ້ອນພະນັກງານການນຳ, ຄຸ້ມຄອງຮອດປີ 2020 ແລະ ໃນຊຸມປີຕໍ່ໄປ ຍັງໄດ້ປຶກສາຫາລືບັນດາບັນຫາ: ສ້າງມາດຖານຕຳແໜ່ງພະນັກງານ ແລະ ຄາດໝາຍຕີລາຄາພະນັກງານຕາມມາດຖານຕຳແໜ່ງ, ຕາມປະສິດທິຜົນວຽກງານ ແລະ ຄວາມໄວ້ເນື້ອເຊື່ອໃຈຂອງພະນັກງານ, ສະມາຊິກພັກ, ປະຊາຊົນ; ການກຳນົດປະກອບຄຳເຫັນ, ປ່ອນບັດໄວ້ວາງໃຈປະຈຳປີສຳລັບບັນດາຕຳແໜ່ງການນຳໃນອົງການພັກ, ລັດ, ແນວໂຮມປະເທດຊາດ, ໝູ່ຄະນະ……ບັນດາຄຳເຫັນທີ່ກອງປະຊຸມຄັ້ງນີ້ ຈະຖືກຮວບຮວມເປັນບັນດາຂໍ້ກຳນົດ, ແນະນຳໃນວຽກງານກໍ່ສ້າງ, ຊັບຊ້ອນພະນັກງານໂດຍຜັດປ່ຽນ ແລະ ປະກາດໃຊ້, ຜັນຂະຫຍາຍໂດຍທັນທີ່ ເພື່ອແນໃສ່ປະຕິບັດມະຕິສູນກາງພັກຄັ້ງທີ 4 ກ່ຽວກັບ “ບາງບັນຫາຮີບດ່ວນໃນການກໍ່ສ້າງພັກໃນປະຈຸບັນ“.