ຜັນຂະຫຍາຍຢ່າງແຮງນະໂຍບາຍການຕ່າງປະເທດຫລາຍຝ່າຍເພື່ອສັນຕິພາບແລະວັດທະນາຖາວອນ

Dung+Hien+Van -

ວັນພຸດ ທີ 13 ກໍລະກົດ ຄ.ສ. 2016 | 16:46:05

(vovworld)- ວັນທີ 13/7, ທ່ານນາຍົກລັດຖະມົນຕີ ຫງວຽນຊວນຟຸກ ນຳຫນ້າຄະນະຜູ້ແທນຫວຽດນາມ ໄປຢ້ຽມຢາມສັນຖະວະໄມຕີ ມົງໂກນ ຢ່າງເປັນທາງການ ແລະ ເຂົ້າຮ່ວມກອງປະຊຸມສຸດຍອດ ອາຊີ ເອີລົບ ຄັ້ງທີ 11 (ASEM 11) ຢູ່ ນະຄອນຫລວງ Ulanbator. ການຢ້ຽມຢາມແມ່ນໂອກາດເພື່ອໃຫ້ສອງປະເທດແລກປ່ຽນບັນດາທິດທາງຮ່ວມມືໃຫມ່ ເພື່ອຊຸກຍູ້ການພົວພັນກໍຄືເພີ່ມທະວີບົດບາດທີ່ຕັ້ງຂອງຫວຽດນາມໃນເວທີສາກົນ.

ຜັນຂະຫຍາຍຢ່າງແຮງນະໂຍບາຍການຕ່າງປະເທດຫລາຍຝ່າຍເພື່ອສັນຕິພາບແລະວັດທະນາຖາວອນ - ảnh 1

ທ່ານນາຍົກລັດຖະມົນຕີ ຫງວຽນຊວນຟຸກຢ້ຽມຢາມມົງໂກນ ແລະ ເຂົ້າຮ່ວມກອງປະຊຸມ ASEM 11
ພາບ:TTXVN

ການຢ້ຽມຢາມສັນຖະວະໄມຕີ ມົງໂກນ ຢ່າງເປັນທາງການ ແລະ ເຂົ້າຮ່ວມກອງປະຊຸມສຸດຍອດ ອາຊີ ເອີລົບ ຄັ້ງທີ 11 (ASEM 11) ຂອງທ່ານນາຍົກລັດຖະມົນຕີ ຫງວຽນຊວນຟຸກ ດຳເນີນຕາມຄຳເຊີນຂອງປະທານາທິບໍດີ ມົງໂກນ Tsakhiagiin Elbegdorj ແລະນາຍົກລັດຖະມົນຕີ ມົງໂກນ Jargaltulga Erdenebat. ການຢ້ຽມຢາມດຳເນີນແຕ່ວັນທີ 13 - 16/7/2016.

ຊຸກຍູ້ການພົວພັນສອງຝ່າຍຫວຽດນາມ - ມົງໂກນ

ນັບແຕ່ເມື່ອສ້າງຕັ້ງການພົວພັນທາງການທູດ (17/11/1954), ມົງໂກນ ແມ່ນຫນຶ່ງໃນບັນດາປະເທດຍາມໃດກໍຮຽງບ່າຮຽງໄຫລ່ພ້ອມກັບຫວຽດນາມ ໃນການຕໍ່ສູ້ຍາດເອົາເອກະລາດແຫ່ງຊາດ. ມົງໂກນ ຍາມໃດກໍຖືການພົວພັນມິດຕະພາບທີ່ເປັນມູນເຊື້ອກັບຫວຽດນາມເປັນສຳຄັນ, ຖື ຫວຽດນາມ ແມ່ນຫນຶ່ງໃນບັນດາຄູ່ຮ່ວມມືສຳຄັນຢູ່ພາກພື້ນ ອາຊີຕາເວັນອອກສ່ຽງໃຕ້. ຫວຽດນາມ ຍາມໃດກໍຖືສາຍພົວພັນມິດຕະພາບ ການຮ່ວມມືກັບ ມົງໂກນ ເປັນສຳຄັນ. ບົນຈິດໃຈນັ້ນ, ຫວຽດນາມ ແລະ ມົງໂກນ ຮັກສາບັນດາການເຄື່ອນໄຫວແລກປ່ຽນຄະນະຜູ້ແທນທຸກຂັ້ນເປັນສຳຄັນ. ເປັນຫນ້າສົນໃຈ ແມ່ນການຢ້ຽມຢາມຫວຽດນາມ ຢ່າງເປັນທາງການຂອງປະທານາທິບໍດີ ມົງໂກນ Ts Elbegdor ເມື່ອເດືອນ 11/2013. ນັບແຕ່ປີ 1979, ຫວຽດນາມ ແລະ ມົງໂກນ ໄດ້ດຳເນີນກອງປະຊຸມຄະນະກຳມະການລະຫວ່າງລັດຖະບານ ເປັນ 15 ຄັ້ງ, ຊຸກຍູ້ການຮ່ວມມືສອງຝ່າຍ ພັດທະນາຢ່າງແຮງ. ລະອຽດຄື: ສອງປະເທດໄດ້ລົງນາມໃນສັນຍາກ່ຽວກັບດ້ານວັດທະນະທຳ, ການສຶກສາ, ວິທະຍາສາດເຕັກນິກຫລາຍສະບັບ. ປີ 2009, ຫວຽດນາມ ແລະ ມົງໂກນ ໄດ້ຕັ້ງຮູບປັ້ນປະທານໂຮ່ຈິມີນ ແລະ ເປີດສະຫລອງສູນວັດທະນະທຳໂຮ່ຈິມີນຢູ່ ໂຮງຮຽນມັດທະຍົມເລກທີ 14 ຢູ່ ນະຄອນຫລວງ Ulanbator. ຍ້ອນມີການເຊື່ອມຕໍ່ກ່ຽວກັບດ້ານວັດທະນະທຳ ສັງຄົມ ມາເປັນເວລາຫລາຍປີໃນປະຫວັດສາດການພົວພັນສອງປະເທດ ໄດ້ຊ່ວຍໃຫ້ປະຊາຊົນສອງປະເທດມີຄວາມເຂົ້າໃຈເຊິ່ງກັນ ແລະກັນ, ສາມັກຄີ ແລະ ສະຫນິດຕິດພັນກວ່າ.

ແຕ່ ໃນການຮ່ວມມືດ້ານເສດຖະກິດ ແລະ ການຄ້າ ນັ້ນ, ເຖິງວ່າໝາກຜົນແມ່ນຍັງບໍ່ບັນລຸໄດ້ດັ່ງຄວາມຫວັງ. ຮອດປີ 2015, ວົງເງິນການຄ້າລະຫວ່າງສອງປະເທດ ບັນລຸພຽງເກືອບ 35 ລ້ານ USD. ສາຍເຫດຕົ້ນຕໍ ນັ້ນແມ່ນ ການຂົນສົ່ງສິນຄ້າສອງສົ້ນຍັງຫຍຸ້ງຍາກ, ຄ່າໃຊ້ຈ່າຍສູງ ແລະ ຍັງບໍ່ທັນເປີດສາຍການບິນໂດຍກົງຈາກຫວຽດນາມ ໄປຍັງ ມົງໂກນ.

ສະນັ້ນ, ການຢ້ຽມຢາມມົງໂກນຢ່າງເປັນທາງການ ຂອງທ່ານນາຍົກລັດຖະມົນຕີ ຫງວຽນຊວນຟຸກ ຄັ້ງນີ້ ແມ່ນໂອກາດເພື່ອໃຫ້ສອງປະເທດແລກປ່ຽນບັນດາທິດທາງ ແລະ ມາດຕະການຢ່າງມີປະສິດທິຜົນ, ທັງຮັກສາການພົວພັນດ້ານການເມືອງ, ທັງຊຸກຍູ້ການຮ່ວມມືຫລາຍດ້ານລະຫວ່າງສອງປະເທດ ນັບທັງດ້ານເສດຖະກິດ, ກະສິກຳ, ວັດທະນະທຳ ແລະ ການສຶກສາ.

ຢັ້ງຢືນບົດບາດແມ່ນສະມາຊິກຕັ້ງຫນ້າຂອງASEM

ພາຍຫລັງການຢ້ຽມຢາມ ມົງໂກນ ຢ່າງເປັນທາງການ, ທ່ານນາຍົກລັດຖະມົນຕີ ຫງວຽນຊວນຟຸກ ຈະນຳຫນ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມສຸດຍອດ ອາຊີ ເອີລົບ (ASEM) ຄັ້ງທີ 11ເຊິ່ງຈະດຳເນີນຢູ່ Ulanbator ໃນວັນທີ 15-16/7/2016. ດ້ວຍຫົວຂໍ້ “ 20 ປີ ແຫ່ງ ASEM: ການພົວພັນຄູ່ຮ່ວມມືເພື່ອອະນາຄົດຜ່ານການເຊື່ອມຕໍ່”, ກອງປະຊຸມສຸດຍອດ ASEM 11 ແມ່ນໂອກາດຊ່ວຍໃຫ້ຫວຽດນາມ ສືບຕໍ່ຕັ້ງຫນ້າຜັນຂະຫຍາຍຢ່າງແຮງນະໂຍບາຍການຕ່າງປະເທດຫລາຍຝ່າຍ, ເປັນຫລາຍຮູບຫລາຍແບບ, ຊຸກຍູ້ການຜັນຂະຫຍາຍຂໍ້ລິເລີ່ມຕ່າງໆຊື່ງຫວຽດນາມ ເປັນປະເທດນຳຫນ້າຂໍ້ລິເລີ່ມໃນ ASEM.

ສຳລັບຫວຽດນາມ, ການຮ່ວມມື ASEM ຍາມໃດກໍມີຄວາມໝາຍສຳຄັນ. 20 ປີຜ່ານມາ, ຍາມໃດຫວຽດນາມ ກໍແມ່ນສະມາຊິກຂະຫຍັນຂັນເຄື່ອນ ແລະ ມີຄວາມຮັບຜິດຊອບ, ເປັນຂີດໝາຍມີຄວາມໝາຍໃນໄລຍະທາງແຫ່ງການພັດທະນາຂອງ ASEM. ປະກອບສ່ວນພົ້ນເດັ່ນສຸດ ນັ້ນແມ່ນ ຫວຽດນາມ ໄດ້ຈັດຕັ້ງກອງປະຊຸມສຸດຍອດ ASEM ຄັ້ງທີ 5 (2004) ສຳເລັດຜົນ, ຊຸກຍູ້ການຮັບຮອງເອົາເອກະສານຫລາຍສະບັບ ແລະ ຕັດສິນຫລາຍບັນຫາສຳຄັນມີລັກສະນະການກຳນົດທິດໃຫ້ແກ່ການຮ່ວມມືຄື: “ຖະແຫລງການຮ່າໂນ້ຍ ກ່ຽວກັບການພົວພັນຄູ່ຮ່ວມມືດ້ານເສດຖະກິດ ASEM ຢ່າງແຫນ້ນແຟ້ນກວ່າ”, “ຖະແຫລງການ ASEM ກ່ຽວກັບການໂອ້ລົມສົນທະນາລະຫວ່າງບັນດາພື້ນຖານວັດທະນະທຳ - ອະລິຍະທຳ..”

ກົງກັນຂ້າມ, ການຮ່ວມມືຢ່າງແຫນ້ນແຟ້ນກັບບັນດາສະມາຊິກ ແລະ ເຂົ້າຮ່ວມຢ່າງຕັ້ງຫນ້າໃນ ASEM ໄດ້ນຳມາເຊິ່ງຜົນປະໂຫຍດທີ່ແທດຈິງຫລາຍຢ່າງໃຫ້ແກ່ຫວຽດນາມ. ທ່ານນາງ ຫງວຽນທິງວຽດງາ, ຫົວຫນ້າກົມຮ່ວມມືດ້ານເສດຖະກິດຫລາຍຝ່າຍ (ກະຊວງການຕ່າງປະເທດ) ໃຫ້ຮູ້ວ່າ:

ສຽງ

“ໃນແງ່ມູມແຫ່ງຊາດ, ສະມາຊິກຂອງ ASEM ກວມກວ່າເຄິ່ງຫນຶ່ງຄູ່ຮ່ວມມືຍຸດທະສາດ ແລະ ຄູ່ຮ່ວມມືຮອບດ້ານຂອງຫວຽດນາມ. ໃນແງ່ມູມດ້ານເສດຖະກິດ, ພວກເຮົາເຫັນວ່າ ການມີຫນ້າຂອງບັນດາປະເທດພາກພື້ນ ອາຊີ ແລະ ເອີລົບ ແມ່ນໃຫຍ່ຫລວງທີ່ສຸດ. ປະຈຸບັນ ມີ 14 ໃນ 16 ສັນຍາການຄ້າເສລີ ຊື່ງຫວຽດນາມ ໄດ້ລົງນາມ ຫລື ພວມເຈລະຈາ ກັບບັນດາຄູ່ຮ່ວມມື ASEM, ດ້ວຍຈຳນວນສະມາຊິກຄູ່ຮ່ວມມື ແມ່ນ 47/53 ປະເທດ, ໄດ້ສ້າງຕະຫລາດທີ່ກວ້າງໃຫຍ່ສຳລັບວິສາຫະກິດກໍຄືສ້າງກາລະໂອກາດໃນການຮ່ຳຮຽນໃຫ້ແກ່ປະຊາຊົນ.”

ຫວຽດນາມພວມກ້າວເຂົ້າສູ່ໄລຍະພັດທະນາໃຫມ່. ບັນດາຄູ່ຮ່ວມມື ອາຊີ ເອີລົບ ເວົ້າລວມ ແລະ ເວທີປາໄສ ASEM ເວົ້າສະເພາະ ຍິ່ງມີຄວາມໝາຍສຳຄັນໃນກິດຈະການປ່ຽນໃຫມ່, ພັດທະນາ ແລະ ເຊື່ອມໂຍງເຂົ້າກັບສາກົນຂອງຫວຽດນາມ ຄືຄຳຢືນຢັນຂອງທ່ານຮອງນາຍົກລັດຖະມົນຕີ, ທັງເປັນລັດຖະມົນຕີການຕ່າງປະເທດຫວຽດນາມ ຟ້າມບີງມີງ ທີ່ກອງປະຊຸມ “ເພີ່ມທະວີການພົວພັນຄູ່ຮ່ວມມື ອາຊີ ເອີລົບ ຮອບດ້ານ ໃນສັດຕະວັດທີ 21” ຊື່ງຈັດຂຶ້ນໃນເດືອນ 4/2016 ຢູ່ ຮ່າໂນ້ຍ.

“ຫວຽດນາມເປັນເຈົ້າພາບຈັດກອງປະຊຸມ APEC 2017 ສຳເລັດບັນດາຄຳໝັ້ນສັນຍາເຂົ້າຮ່ວມ WTO ໃນປີ 2018 ແລະ ບັນດາຄຳໝັ້ນສັນຍາ FTA ລຸ້ນໃຫມ່, ຮັບບົດບາດເປັນປະທານ ອາຊຽນ ໃນປີ 2020 ແລະ ສະໝັກຮັບເລືອກຕັ້ງເປັນສະມາຊິກສະພາຄວາມໝັ້ນຄົງ ສປຊ ອາຍຸການ 2020-2021 ຢັ້ງຢືນຄວາມຕັດສິນໃຈຢ່າງແຮງຂອງຫວຽດນາມ ໃນການເຊື່ອມໂຍງເຂົ້າກັບສາກົນຢ່າງເລິກເຊິ່ງ ກວ້າງຂວາງ ແລະ ຜັນຂະຫຍາຍການພົວພັນຕ່າງປະເທດເປັນຫລາຍຮູບຝ່າຍ ຮອບດ້ານ- ແມ່ນຫນຶ່ງໃນບັນດາເສົາຄ້ຳໃຫຍ່ຂອງການພົວພັນຕ່າງປະເທດຂອງຫວຽດນາມ. ໃນຄວາມມານະພະຍາມນັ້ນ, ຫວຽດນາມ ໃຫ້ຄຳໝັ້ນສັນຍາຮ່ວມກັບບັນດາສະມາຊິກ ຍົກລະດັບການຮ່ວມມື ASEM ຂຶ້ນສູ່ລະດັບສູງໃຫມ່, ປະກອບສ່ວນສ້າງປະຊາຄົມ ASEM ໂດຍຖືປະຊາຊົນເປັນໃຈກາງ, ມີຄວາມຂະຫຍັນຂັນເຄື່ອນ, ສະຫນິດຕິດພັນ ແລະ ສ້າງຄວາມເຂັ້ມແຂງດ້ວຍຕົນເອງ.”

ການຢ້ຽມຢາມສັນຖະວະໄມຕີ ມົງໂກນ ຢ່າງເປັນທາງການ ແລະ ເຂົ້າຮ່ວມກອງປະຊຸມສຸດຍອດ ASEM 11 ຂອງທ່ານນາຍົກລັດຖະມົນຕີ ຫງວຽນຊວນຟຸກ ຄັ້ງນີ້ ຈະປະກອບສ່ວນຫັນແນວທາງການຕ່າງປະເທດເປີດກວ້າງ ເປັນລະອຽດ ຊຶ່ງກອງປະຊຸມໃຫຍ່ຄັ້ງທີ 12 ຂອງພັກກອມມູນິດຫວຽດນາມ ໄດ້ວາງອອກ, ປະກອບສ່ວນຊຸກຍູ້ການພົວພັນສອງຝ່າຍ ຫວຽດນາມ ມົງໂກນ ຢ່າງແຮງ ກໍຄື ເຊື່ອມຕໍ່ສອງພາກພື້ນ ອາຊີ ເອີລົບ, ຊຸກຍູ້ ສັນຕິພາບ, ສະຖຽນລະພາບ ແລະ ວັດທະນາຖາວອນໃນພາກພື້ນ ແລະ ໂລກ.

Dung+Hien+Van