(vovworld)-ສິດທິມະນຸດ, ສິດພົນລະເມືອງແມ່ນຫນຶ່ງໃນສອງຂົງເຂດໄດ້ຮັບບຸລິມະສິດເພື່ອໃຫ້ສະພາແຫ່ງຊາດເອົາໃຈໃສ່ປະກາດໃຊ້ບັນດາກົດໝາຍ, ແນໃສ່ເຮັດໃຫ້ລັດຖະທຳມະນູນປີ 2013 ໃຫ້ປະກົດຜົນເປັນຈິງ. ນີ້ແມ່ນຄຳຢືນຢັນຂອງທ່ານ ຮ່າຮຸ່ງເກືອງ, ລັດຖະມົນຕີກະຊວງຍຸຕິທຳຫວຽດນາມ ໃນລາຍການ“ປະຊາຊົນຖາມ-ລັດຖະມົນຕີຕອບ” ເມື່ອວັນທີ 9/3. ບັນນາທິການວິທະຍຸກະຈາຍສຽງຫວຽດນາມ ໄດ້ຄັດສະເຫນີເນື້ອໃນຕົ້ນຕໍຂອງລາຍການດັ່ງກ່າວຜ່ານບົດຂຽນທີ່ພາດຫົວເລື່ອງວ່າ: ຜັນຂະຫຍາຍລັດຖະທຳມະນູນປີ 2013: ບຸລິມະສິດປະກາດໃຊ້ບັນດາກົດໝາຍກ່ຽວກັບສິດທິມະນຸດ.
ຄະນະສາສະຫນາຂອງລັດຖະບານຈັດກອງປະຊຸມ
ແນະນຳລັດຖະທຳມະນູນປີ 2013
photo:internet
|
ເລື່ອງສະພາແຫ່ງຊາດໄດ້ຮັບຮອງເອົາລັດຖະທຳມະນູນປີ 2013 ເມື່ອວັນທີ 28/11/2013 ແມ່ນບາດກ້າວສຳຄັນໃນການຮັບຮູ້ ແລະ ຈີນຕະນາການດ້ານທິດສະດີຂອງຫວຽດນາມ ກ່ຽວກັບບົດບາດຂອງລັດຖະທຳມະນູນໃນການຮັບຮູ້, ເຄົາລົບ, ປົກປ້ອງ ແລະ ຮັບປະກັນການປະຕິບັດບັນດາສິດທິມະນຸດ, ສິດພົນລະເມືອງ. ສິ່ງດັ່ງກ່າວແມ່ນເໝາະສົມກັບຄຸນຄ່າລວມຂອງມວນມະນຸດກ່ຽວກັບລັດຖະທຳມະນູນ, ພ້ອມທັງເໝາະສົມກັບທ່າອ່ຽງລວມຂອງຍຸກສະໄຫມ.
ສິດທິມະນຸດ, ສິດພົນລະເມືອງແມ່ນຂົງເຂດບຸລິມະສິດໃນການປະກາດໃຊ້ກົດໝາຍ
ພາຍຫລັງຮັບຮອງເອົາລັດຖະທຳມະນູນປີ 2013, ສະພາແຫ່ງຊາດໄດ້ຮັບຮອງເອົາມະຕິການປະຕິບັດລັດຖະທຳມະນູນ. ອີງຕາມມະຕິສະບັບນີ້, ຄະນະປະຈຳສະພາແຫ່ງຊາດ ໄດ້ປະກາດໃຊ້ແຜນການປະຕິບັດລັດຖະທຳມະນູນ ແລະ ລັດຖະບານ ກໍປະກາດໃຊ້ແຜນການເພື່ອປະຕິບັດມະຕິຂອງສະພາແຫ່ງຊາດ,ແຜນການຂອງຄະນະປະຈຳສະພາແຫ່ງຊາດ ດ້ວຍບັນດາບັນຊີລາຍຊື່ຮ່າງກົດໝາຍຢ່າງຈະແຈ້ງ, ກຳນົດເວລາລະອຽດໃຫ້ແກ່ວິວັດທະນາການຈັດຕັ້ງປະຕິບັດໃນໄລຍະຈະມາເຖິງ. ພິເສດ ແມ່ນກຳນົດສິດທິມະນຸດ, ສິດພົນລະເມືອງ ແມ່ນຫນ່ຶງໃນສອງຂົງເຂດທີ່ສະພາແຫ່ງຊາດໃນການບຸລິມະສິດປະກາດໃຊ້ບັນດາກົດໝາຍ. ທ່ານ ຮ່າຮຸ່ງເກື່ອງ, ລັດຖະມົນຕີກະຊວງຍຸຕິທຳ ໃຫ້ຮູ້ວ່າ:
“ຕາມແຜນການຂອງຄະນະປະຈຳສະພາແຫ່ງຊາດ, ແຜນການຂອງລັດຖະບານ, ໄລຍະຈະມາເຖິງ ມີກົດໝາຍຫລາຍສະບັບ ຄວນໄດ້ຮັບການປັບປຸງ, ເພີ່ີມເຕີມ, ປະກາດໃຊ້ໃຫມ່ ເພື່ອຫັນບັນດາຂໍ້ກຳນົດຂອງ ລັດຖະທຳມະນູນ ກ່ຽວກັບສິດທິມະນຸດ, ສິດພົນລະເມືອງເປັນລະອຽດ. ໃນນັ້ນ ມີບັນດາເອກະສານຂຶ້ນກັບຂົງເຂດສິດພົນລະເມືອງກ່ຽວກັບດ້ານການເມືອງ, ສິດເສດຖະກິດ, ວັດທະນະທຳ, ສັງຄົມຂອງປະຊາຊົນ. ປະຈຸບັນ, ລັດຖະບານພວມຍື່ນສະເຫນີເອກະສານທັງໝົດເຫລົ່ານັ້ນ ຄະນະປະຈຳສະພາແຫ່ງຊາດ. ນອກນັ້ນ ໄລຍະຈະມາເຖິງ ສະພາແຫ່ງຊາດ ຈະຮັບຮອງເອົາໂຄງການສ້າງກົດໝາຍຂອງປີ 2015. ”
ໄປຄຽງຄູ່ກັບລະດັບຄວາມໄວໃນການປະກາດໃຊ້ກົດໝາຍ, ຄຸນນະພາບຮຽບຮຽງບັນດາເອກະສານດ້ານກົດໝາຍທີ່ກ່ຽວຂ້ອງເຖິງສິດທິມະນຸດ, ສິດພົນລະເມືອງ ກໍໄດ້ຮັບຄວາມເອົາໃຈໃສ່ເປັນພິເສດ. ທ່ານ ຮ່າຮຸ່ງເກື່ອງ, ລັດຖະມົນຕີກະຊວງຍຸຕິທຳ ໃຫ້ຮູ້ຕື່ມອີກວ່າ:
“ນາຍົກລັດຖະມົນຕີສະເຫນີ ກະຊວງຍຸຕິທຳ ຕ້ອງກວດກາວຽກງານທັງໝົດ ເພື່ອສາມາດເລັ່ງລັດການປະຕິບັດບັນດາກົດໝາຍກ່ຽວກັບສິດທິມະນຸດ, ສິດ ແລະ ພັນທະຂອງພົນລະເມືອງເປັນຢ່າງດີ. ຊຳ້ບໍ່ຫນຳ ທ່ານນາຍົກລັດຖະມົນຕີ ຍັງສະເຫນີ ຕ້ອງສ້າງຕັ້ງສະພາທີ່ປຶກສາເພື່ອກວດກາຕີລາຄາ, ພິຈາລະນາກົດໝາຍທັງໝົດທີ່ໄດ້ຮັບການປະກາດໃຊ້ ບົນເນື້ອໃນຈິດໃຈຂອງ ລັດຖະທຳມະນູນ.”
ຮັບປະກັນສິດສຸຄະດີ, ສິດປ້ອງກັນເອງຂອງປະຊາຊົນໃນວິວັດການດຳເນີນຄະດີ
ຕາມທ່ານ ຮ່າຮຸ່ງເກື່ອງ, ລັດຖະມົນຕີກະຊວງຍຸຕິທຳ ແລ້ວ, ນີ້ກໍແມ່ນຫນ່ືງໃນບັນດາຈຸດທີ່ສຳຄັນໄດ້ຮັບການປັບປຸງເພີ່ມເຕີມ ແລະ ກຳນົດຢ່າງເລິກເຊິ່ງກ່ຽວກັບການຮັບປະກັນສິດທິມະນຸດ, ສິດພົນລະເມືອງໃນລັດຖະທຳມະນູນປີ 2013.
“ລັດຖະທຳມະນູນປີ 2013 ເປັນຄັ້ງທຳອິດໄດ້ຢືນຢັນວ່າ: ສານພິພາກສາຕ້ອງຮັບປະກັນຫລັກການຟ້ອງຮ້ອງ, ໝາຍຄວາມວ່າ ຕ້ອງມີຜູ້ສຸ້ຄະດີ, ຕ້ອງມີທະນາຍຄວາມ. ທີສອງ ແມ່ນເປີດກວ້າງຂອບເຂດບຸກຄົນມີສິດເຊີນທະນາບຄວາມສຸຄະດີໃຫ້. ນອກນັ້ນ ລັດຖະທຳມະນູນສະບັບນີ້ ກໍເຮັດແຈ້ງຫລັກການພະຍາກອນບໍ່ມີໂທດ. ກ່ອນນີ້ ລັດຖະທຳມະນູນ ກຳນົດວ່າ ຜູ້ຕ້ອງຫາບໍ່ມີໂທດ ເມື່ອຄຳຕັດສິນລົງໂທດຂອງສານບໍ່ທັນມີຜົນສັກສິດ, ປະຈຸບັນ ມີເງື່ອນໄຂສຳຄັນຕື່ມອີກ ນັ້ນແມ່ນ ເລື່ອງປັບໄຫມລົງໂທດນັ້ນ ຕ້ອງໄດ້ຮັບການພິສູດ ຈຶ່ງມີຄຳຕັດສິນລົງໂທດ”
ມີບັນຫາທີ່ສຳຄັນຫນຶ່ງອີກ ຊ່ຶງສະພາແຫ່ງຊາດມີຄວາມເອົາໃຈໃສ່ ນັ້ນແມ່ນ ຜູ້ຖືກພິພາກສາຕ້ອງໄດ້ຮັບການພິພາກສາຈາກສານຖືກກັບຂັ້ນຕອນ ແລະ ຖືກກັບ ເວລາກຳນົດ. ສິ່ງດັ່ງກ່າວລ້ວນແຕ່ແມ່ນບັນດາຂໍ້ກຳນົດຢ່າງແຫນ້ນແຟ້ນ ເພື່ອໃຫ້ບັນດາປະມວນກົດໝາຍ, ກົດໝາຍທີ່ສ້າງຂຶ້ນໃນໄລຍະຈະມາເຖິງມີບັນດາຂໍ້ກຳນົດຢ່າງລະອຽດແນໃສ່ການປົກປ້ອງໃຫ້ຜູ້ຕ້ອງຫາ, ແກ້ໄຂສະພາບຕັດສິນລົງໂທດບໍ່ຖືກຕ້ອງໃນວິວັດການດຳເນີນຄະດີ.
ກອງປະຊຸມສະໄຫມສາມັນເທື່ອທີ 6 ສະພາແຫ່ງຊາດຫວຽດນາມ ຊຸດທີ 13 ຮັບຮອງເອົາລັດຖະທຳມະນູນປີ 2013 ໄດ້ເປີດຂອບເຂດຢ່າງກວ້າງຂວາງໃນການຮັບປະກັນສິດທິມະນຸດ, ສິດພົນລະເມືອງ. ເລື່ອງຫັນລັດຖະທຳມະນູນທີ່ກ້າວຫນ້ານີ້ໃຫ້ເປັນລະອຽດ ໄດ້ປະກອບສ່ວນສຳຄັນເພື່ອເສີມຂະຫຍາຍລັກສະນະປະຊາທິປະໄຕໃນສັງຄົມກວ່າ.