ເຫດການເກີດຄວາມສັບສົນດ້ານການເມືອງ ໄດ້ເຮັດໃຫ້ປະຊາຊົນສ.ເກົາຫຼີ ນັບໝື່ນຄົນ ໄດ້ລັ່ງໄຫຼກັນລົງຖະໜົນເພື່ອແຮ່ຂະບວນປະທ້ວງຢູ່ນະຄອນຫຼວງ ເຊີອູນ ໃນຊຸມມື້ຜ່ານມາ, ຮຽກຮ້ອງໃຫ້ທ່ານນາງປະທານາທິບໍດີ Park Geun Hye ລາອອກຈາກຕຳແໜ່ງ ຫຼື ຖືກຕັດສິນລົງໂທດ. ຕໍ່ໜ້າຄວາມກົດດັນຂອງຫາງສຽງ ແລະ ພິເສດແມ່ນຢູ່ພາຍໃນພັກ Saenuri (ພັກກຳອຳນາດ) ພ້ອມກັບພັກຝ່າຍຄ້ານ, ທ່ານນາງປະທານາທິບໍດີ Park Geun Hye ໄດ້ປະກາດປັບປຸງຄະນະລັດຖະບານ. ທ່ານນາງໄດ້ສະເໜີແຕ່ງຕັ້ງຜູ້ດຳລົງຕຳແໜ່ງແທນນາຍົກລັດຖະມົນຕີ, ຮອງນາຍົກລັດຖະມົນຕີຮັບຜິດຊອບບັນດາບັນຫາເສດຖະກິດ ແລະ ລັດຖະມົນຕີກະຊວງຄວາມປອດໄພຂອງປະຊາຊົນ.
ເຖິງຢ່າງໃດກໍ່ຕາມ, ບັນດາຄຳຕັດສິນຂອງທ່ານນາງຖືກບັນດາພັກຝ່າຍຄ້ານຢູ່ສ.ເກົາຫຼີ ອອກສຽງຄັດຄ້ານ ຍ້ອນບໍ່ມີການທາບທາມຄວາມເຫັນກ່ອນ, ສະພາແຫ່ງຊາດກໍ່ຖະແຫຼງວ່າຈະບໍ່ໃຫ້ສັດຕະຍາບັນຂໍ້ຕົກລົງປ່ຽນແປງຜູ້ດຳລົງຕຳແໜ່ງຂອງປະທານາທິບໍດີ. ກ່ອນໜ້ານັ້ນ, ມີຜູ້ຊ່ວຍວຽກຂັ້ນສູງ 8 ຄົນຂອງທ່ານນາງ Park Geun Hye ໄດ້ລາອອກຈາກຕຳແໜ່ງພາຍຫຼັງເກີດຄວາມສັບສົນດ້ານການເມືອງນີ້.
ໄພລາອອກຈາກຕຳແໜ່ງຫຼືຖືກຕັດສິນລົງໂທດ
ໃນການຜັນແປຄັ້ງຫຼ້າສຸດ, ທ່ານນາງ Choi Soon sil, ຜູ້ທີ່ກໍ່ໃຫ້ເກີດຄວາມສັບສົນດ້ານການເມືອງ ແລະ ແມ່ນສ່ຽວຂອງທ່ານນາງປະທານາທິບໍດີສ.ເກົາຫຼີ Park Geun hye, ຜູ້ຖືກກ່າວຫາວ່າ ສວຍໃຊ້ການພົວພັນນີ້ພຽງ 2 - 3 ຊົ່ວໂມງ ເພື່ອແຊກແຊງເຂົ້າວຽກງານຂອງປະເທດຊາດ, ຖືກຈັບຕົວພາຍຫຼັງທີ່ມາຫ້ອງການຂອງອົງການໄອຍະການປະເທດນີ້ ເພື່ອຕອບຄຳຖາມຕ່າງໆ. ກ່ອນໜ້ານັ້ນ, ເຈົ້າໜ້າທີ່ຜູ້ໜຶ່ງຂຶ້ນກັບອົງການໄອຍະການສ.ເກົາຫຼີ ໃຫ້ຮູ້ວ່າ, ບັນດານັກໄອຍະການພວມສືບສວນບັນດາຄຳກ່າວຫາຕ່າງໆກ່ຽວກັບເລື່ອງທ່ານນາງ Choi Soon sil ນຳໃຊ້ສາຍພົວພັນກັບທ່ານນາງປະທານາທິບໍດີ Park Geun hye ເພື່ອແຊກແຊງເຂົ້າບັນດາບັນຫາຂອງຊາດ ດ້ວຍວິທີສຳພັດກັບຂໍ້ມູນລັບ ແລະ ສະແຫວງຫາຜົນປະໂຫຍດສ່ວນຕົວຈາກບັນດາກອງທຶນປອດກຳໄລ. ຄາດວ່າ, ຈຳນວນເງິນທີ່ປະກອບເຂົ້າກອງທຶນປອດກຳໄລໂດຍທ່ານນາງ Choi Soon sil ສ້າງຕັ້ງ ແມ່ນປະມານ 44 ລ້ານ USD. ໃນອາທິດກ່ອນ, ທ່ານນາງປະທານາທິບໍດີ Park Geun hye ໄດ້ຍອມຮັບວ່າ ໄດ້ໃຫ້ສ່ຽວຂອງຕົນຮ່າງບົດປະກອບຄຳເຫັນບາງສະບັບເມື່ອຫາກໍຮັບດຳລົງຕຳແໜ່ງ, ພ້ອມທັງໄດ້ອອກມາຂໍໂທດຍ້ອນເຮັດໃຫ້ມະຫາຊົນມີຄວາມວິຕົກກັງວົນ. ທ່ານນາງ Choi ກໍ່ຍອມຮັບວ່າ ໄດ້ຮັບບັນດາເອກະສານຈາກທ່ານນາງປະທານາທິບໍດີ, ແຕ່ປະຕິເສດເລື່ອງແຊກແຊງເຂົ້າບັນດາບັນຫາຂອງຊາດ ຫຼື ກໍ່ຄວາກົດດັນໃຫ້ບໍລິສັດຕ່າງໆເພື່ອສະໜັບສະໜູນກອງທຶນ.
ພາຍຫຼັງເກີດຄວາມສັບສົນດ້ານການເມືອງ, ອັດຕາຜູ້ສະໜັບສະໜູນທ່ານນາງ Park Geun hye ໄດ້ຫຼຸດລົງຫຼາຍພໍສົມຄວນ. ເຖິງຢ່າງໃດກໍ່ຕາມ, ຕາມຄຳເຫັນຂອງນັກຮຽນຮູ້ຫຼາຍຄົນແລ້ວ, ຄວາມສາມາດຂອງທ່ານນາງ Park Geun hye ຈະຖືກຕັດສິນລົງໂທດຕາມຄຳຮຽກຮ້ອງຂອງຝ່າຍຄ້ານ, ບໍ່ແມ່ນເລື່ອງງ່າຍ. ຍ້ອນການຕັດສິນລົງໂທດນີ້ ຕ້ອງມີການຮັບຮອງຂອງສານສູງສຸດ, ອົງການເຊິ່ງທ່ານນາງໄດ້ແຕ່ງຕັ້ງໂດຍກົງ. ຍິງໄປກວ່ານັ້ນ, ຕາມລັດຖະທຳມະນູນຂອງສ.ເກົາຫຼີ ແລ້ວ, ປະທານາທິບໍດີຈະບໍ່ຖືກດຳເນີນຄະດີອາຍາ ແລະ ຕັດສິນລົງໂທດໃນອາຍຸການ, ເວັ້ນເສຍແຕ່ກໍລະນີກ່ຽວຂ້ອງເຖິງບັນດາກົນອຸບາຍລະເມີດສິດຜົນປະໂຫຍດ ຫຼື ອະທິປະໄຕແຫ່ງຊາດທີ່ມີການພົວພັນກັບຕ່າງປະເທດ.
ນອກນັ້ນ, ມີຫຼາຍຄຳເຫັນໄດ້ຖືວ່າ, ຍັງມີເວລາພຽອີກ 1 ປີກໍ່ຈະຮອດການເລືອກຕັ້ງປະທານາທິບໍດີຄົນຕໍ່ໄປ, ຝ່າຍຄ້ານອາດຈະຢາກສວຍໃຊ້ຄວາມສັບສົນດ້ານການເມືອງດັ່ງກ່າວນີ້ ເພື່ອຫຼຸດຜ່ອນອິດທິພົນຊື່ສຽງຂອງພັກກຳອຳນາດ.
ສົ່ງຜົນສະທ້ອນເຖິງນະໂຍບາຍພົວພັນກັບຕ່າງປະເທດ
ປະຈຸບັນ, ທ່ານນາງປະທານາທິບໍດີ Park Geun hye ພວມດຳລົງຕຳແໜ່ງເປັນປີທີ 4 ໃນອາຍຸການ 5 ປີ. ວິກິດການດ້ານການເມືອງດັ່ງກ່າວ ໄດ້ນາບຂູ່ຈະເຮັດວິວັດທະນາການວາງແຜນນະໂຍບາຍໃນທ້າຍອາຍຸການສັນສົນຂຶ້ນຕື່ມ. ບໍ່ພຽງແຕ່ມີຜົນກະທົບຢ່າງຫຍໍ້ທໍ້ເຖິງບັນດາບັນຫາພາຍໃນປະເທດເທົ່ານັ້ນ, ຫາກເຫດການນີ້ຍັງຈະສົ່ງຜົນສະທ້ອນບໍ່ແມ່ນນ້ອຍເຖິງບັນດານະໂຍບາຍການຕ່າງປະເທດຂອງປະເທດນີ້ອີກດ້ວຍ. ນັກໄຈ້ແຍກຢູ່ ປະເທດອື່ນ ບາງຄົນຍັງມີຄວາມວິຕົກກັງວົນວ່າ ເຫດການນີ້ຈະສົ່ງຜົນສະທ້ອນເຖິງນະໂຍບາຍແຂງກະດ້າງສຳລັບສປປ.ເກົາຫຼີ ເຊິ່ງສ.ເກົາຫຼີ ໄດ້ດຳເນີນມາເປັນເວລາດົນນານຈົນ ຮອດປະຈຸບັນ. ພິເສດ, ໃນສະພາບຈຸດເວລາມີຄວາມສະດຸ້ງໄວຄືໃນປະຈຸບັນ ເມື່ອສ.ເກົາຫຼີ ຫາກໍ່ຕົກລົງອະນຸຍາດໃຫ້ອາເມລິກາ ຜັນຂະຫຍາຍລະບົບປ້ອງກັນລະດັບສູງ ໄລຍະສຸດທ້າຍ (THAAD) ໃນເຂດດິນແດນຂອງຕົນ.
ສ.ເກົາຫຼີ ເຄີຍເກີດບັນດາຄວາມສັບສົນທາງດ້ານການເມືອງ ແລະ ເຫດການຄັ້ງນີ້ກໍຄ້າຍຄືກັນ. ແລະເຫດການດັ່ງກ່າວນີ້ພວມສືບຕໍ່ຖືກສືບສວນສອບສວນ ແລະ ປະຈຸບັນຍັງບໍ່ທັນມີຄຳຕັດສິນສຸດທ້າຍ. ອາດຈະເປັນໄປໄດ້, ໃນໄລຍະຈະມາເຖິງ, ລັດຖະບານສຳພັນທະມິດຈະໄດ້ຮັບການສ້າງຕັ້ງ ຫຼື ລັດຖະທຳມະນູນຈະປັບປຸງ ອະນຸຍາດໃຫ້ປະທານາທິບໍດີສະຫຼະສິດອຳນາດ. ຖ້າຫາກທ່ານນາງ Park Geun hye ລາອອກຈາກຕຳແໜ່ງ, ຕາມຂໍ້ກຳນົດຂອງກົດໝາຍສ.ເກົາຫຼີ, ປະເທດນີ້ຈະຕ້ອງຈັດຕັ້ງການເລືອກຕັ້ງປະທານາທິບໍດີໃນຮອບເວລາ 60 ວັນ, ນັບແຕ່ເມື່ອທ່ານນາງພົ້ນຈາກຕຳແໜ່ງ. ເຖິງຢ່າງໃດກໍ່ຕາມ, ຕາມແຜນການ, ການເລືອກຕັ້ງປະທານາທິບໍດີສ.ເກົາຫຼີ ແມ່ນຈະຖືກດຳເນີນໃນເດືອນ 12/2017, ສະນັ້ນ, ພັກຝ່າຍຄ້ານຍັງບໍ່ທັນໄດ້ກະກຽມໃຫ້ສະພາບການນີ້ ເພື່ອສາມາດຮັບຜິດຊອບໜ້າທີ່ນີ້ ຈາກພັກກຳອຳນາດໃນການເລືອກຕັ້ງກ່ອນກຳນົດເວລາ. ຕໍ່ກັບເລື່ອງການປັບປຸງຄະນະລັດຖະບານ, ແຕ່ງຕັ້ງນາຍົກລັດຖະມົນຕີຄົນໃໝ່ມີທັດສະນະເປັນກາງທາງດ້ານການເມືອງ, ທ່ານນາງ Park Geun hye ພວມມານະພະຍາຍາມຍາດຄືນອິດທິພົນຊື່ສຽງຂອງຕົນ. ເວທີການເມືອງຂອງສ.ເກົາຫຼີ ແນ່ນອນວ່າຈະເກີດມີບັນດາການຜັນແປຫຼາຍຢ່າງໃນຊຸມວັນຈະມາເຖິງ.