ມຸ່ງໄປເຖິງການສ້າງລັດຖະບານຂະຫຍັນຂັນເຂື່ອນ, ກະທັດລັດ, ມີປະສິດທິຜົນ
Hồng Vân -
(vovworld)- ກົດໝາຍວ່າດ້ວຍການຈັດຕັ້ງລັດຖະບານ (ສະບັບປັບປຸງ) ໄດ້ຍື່ນສະເໜີເປັນເທື່ອທຳອິດຢູ່ກອງປະຊຸມສະໄໝສາມັນເທື່ອທີ 8 ສະພາແຫ່ງຊາດຫວຽດນາມ ຊຸດທີ 13. ນີ້ແມ່ນໜຶ່ງໃນບັນດາກົດໝາຍຕ້ອງຜັນຂະຫຍາຍພາຍຫລັງລັດຖະທຳມະນູນປີ 2013 ມີຜົນບັງຄັບໃຊ້. ການສ້າງ ກົດໝາຍວ່າດ້ວຍການຈັດຕັ້ງລັດຖະບານ (ສະບັບປັບປຸງ) ເພື່ອແນໃສ່ສ້າງພື້ນຖານດ້ານນິຕິກຳເພື່ອສ້າງລັດຖະບານທີ່ເຂັ້ມແຂງ, ແທດເໝາະກັບການພັດທະນາຂອງປະເທດຊາດໃນໄລຍະຫັນເປັນອຸດສາຫະກຳ ແລະ ທັນສະໄໝ ແລະ ເຊື່ອມໂຍງເຂົ້າກັບສາກົນ ກໍ່ຄືສ້າງພື້ນຖານບໍລິຫານທັນສະໄໝ.
ກົດໝາຍວ່າດ້ວຍການຈັດຕັ້ງລັດຖະບານ (ສະບັບປັບປຸງ) ໄດ້ເພີ່ມເຕີມບາງຫຼັກການເພື່ອໃຫ້ເໝາະສົມກັບພາລະໜ້າທີ່ເປັນອົງການບໍລິຫານລັດສູງສຸດ, ປະຕິບັດສິດບໍລິຫານ, ອົງການບໍລິຫານງານຂອງສະພາແຫ່ງຊາດ. ກົດໝາຍໄດ້ຫັນໜ້າທີ່, ສິດອຳນາດຂອງລັດຖະບານ, ນາຍົກ ລັດຖະມົນຕີ ແລະ ລັດຖະມົນຕີ, ຫົວໜ້າອົງການທຽບເທົ່າກະຊວງເປັນລະອຽດໃນການຄາດຄະເນ, ສະເໜີ, ສ້າງນະໂຍບາຍ, ຕັດສິນກົນໄກ, ນະໂຍບາຍທີ່ມີຍຸດທະສາດ, ມະຫາພາກໃນການບໍລິຫານປະເທດຊາດ.
(ພາບປະກອບ: baomoi.com)
ຮັບປະກັນລັກສະນະເປັນເຈົ້າການ, ມີຫົວຄິດປະດິດສ້າງຂອງລັດຖະບານໃນການບໍລິຫານ
ຕາມທ່ານຫງວຽນທາຍບິງ, ລັດຖະມົນຕີກະຊວງພາຍໃນແລ້ວ, ໜຶ່ງໃນບັນດາຈຸດໝາຍຂອງການສ້າງ ກົດໝາຍວ່າດ້ວຍການຈັດຕັ້ງລັດຖະບານ (ສະບັບປັບປຸງ) ແມ່ນເພື່ອແນໃສ່ສືບຕໍ່ສ້າງກົນໄກຊີ້ນຳນຳພາ ແລະ ການບໍລິຫານຂອງລັດຖະບານ, ນາຍົກລັດຖະມົນຕີໃຫ້ສຳເລັດ, ຮັບປະກັນລັກສະນະເປັນເຈົ້າການ, ມີຫົວຄິດປະດິດສ້າງ, ຂະຫຍັນຂັນເຂື່ອນ, ມີໄຫວພິບເພື່ອແກ້ໄຂບັນດາບັນຫາຂອງຊີວິດຕົວຈິງ, ສອດຄ່ອງກັບລັດຖະທຳມະນູນປີ 2013. ທ່ານຟານຈຸງລີ ຫົວໜ້າກຳມາທິການກົດໝາຍຂອງສະພາແຫ່ງຊາດ ຖືວ່າ:
“ໃນຍຸກສະໄໝຫັນເປັນໂລກກາພິບັດ ແລະ ເຊື່ອມໂຍງເຂົ້າກັບໂລກຢ່າງກວ້າງຂວາງ, ເລິກເຊິ່ງຄືປະຈຸບັນ, ດ້ວຍຖານະແມ່ນອົງການປະຕິບັດສິດບໍລິຫານ ຕ້ອງປະຕິບັດເປັນຢ່າງດີພາລະໜ້າທີ່ສ້າງນະໂຍບາຍ, ຂອບເຂດ, ລະບຽບການໃຫ້ເໝາະສົມ ແລະ ສ້າງເງື່ອນໄຂອັນຈຳເປັນເພື່ອເສີມຂະຫຍາຍຄວາມສາມາດ ແລະ ກຳລັງປະດິດສ້າງຂອງ ປຊຊ; ສ້າງກົງຈັກບໍລິຫານລັດກະທັດລັດ, ມີປະສິດທິພາບ, ບັນລຸປະສິດທິຜົນ“.
ທ່ານຫງວຽນທາຍບິງ, ລັດຖະມົນຕີກະຊວງພາຍໃນ
(ພາບ: TTXVN))
ຍົກສູງຄວາມຮັບຜິດຊອບຂອງນາຍົກລັດຖະມົນຕີ, ບັນດາທ່ານລັດຖະມົນຕີ
ຮ່າງກົດໝາຍວ່າດ້ວຍການຈັດຕັ້ງລັດຖະບານ (ສະບັບປັບປຸງ) ໄດ້ກຳນົດລະອຽດ ແລະ ຄົບຖ້ວນບັນດາໜ້າທີ່ ແລະ ສິດອຳນາດຂອງ ນາຍົກລັດຖະມົນຕີຕາມລັດຖະທຳມະນູນປີ 2013 ແລະ ຫັນເປັນລະອຽດ ບາງໜ້າທີ່, ສິດອຳນາດ ແລະ ຄວາມຮັບຜິດຊອບຂອງນາຍົກລັດ ຖະມົນຕີ ເພື່ອແນໃສ່ກຳນົດແຈ້ງບົດບາດຂອງນາຍົກລັດຖະມົນຕີ ດ້ວຍຖານະແມ່ນຜູ້ນຳລັດຖະບານ, ຜູ້ນຳອົງການບໍລິຫານລັດສູງສຸດ, ເປັນເຈົ້າການໃນການຊີ້ນຳລັດຖະບານໃນການລິເລິ່ມ, ກຳນົດກົນໄກ, ນະໂຍບາຍຢ່າງທັນການ, ສະເໜີສ້າງລະບຽບກົດໝາຍ, ຕັດສິນ ແລະ ຮັບຜິດຊອບກ່ຽວກັບທຸກການເຄື່ອນໄຫວຂອງລັດຖະບານ ແລະ ລະບົບບໍລິຫານລັດ. ດ້ວຍການປັບປຸງ, ເພີ່ມເຕີມນີ້, ອິດທິພົນຊື່ງສຽງ ແລະ ບົດບາດຂອງນາຍົກລັດຖະມົນຕີໄດ້ຮັບການຍົກສູງຂຶ້ນ. ນອກຈາກນັ້ນແລ້ວ, ເພື່ອຍົກສູງຄວາມຮັບຜິດຊອບຂອງນາຍົກລັດຖະມົນຕີ, ການເພີ່ມທະວີການລາຍງານຂອງນາຍົກລັດຖະມົນຕີຕໍ່ ປຊຊ ກໍ່ແມ່ນໜ້າທີ່ສຳຄັນ ແລະ ຕ້ອງເຕື້ອງເຖິງຢ່າງລະອຽດກ່ວາໃນກ່າງກົດໝາຍສະບັບນີ້. ທ່ານຟານຈຸງລີ ຫົວໜ້າກຳມາທິການກົດໝາຍຂອງສະພາແຫ່ງຊາດ ຖືວ່າ:
“ກຳມາທິການກົດໝາຍຂອງສະພາແຫ່ງຊາດສະເໜີຮ່າງກົດໝາຍສ້າງກົນໄກປະຕິບັດຕາມການກຳນົດຂອງລັດຖະທຳມະນູນກ່ຽວກັບເລື່ອງຜູ້ນຳລັດຖະບານມີພັນທະລາຍງານຕໍ່ ປຊຊ ກ່ຽວກັບບັນດາບັນຫາສຳຄັນຊື່ງລັດຖະບານຕ້ອງແກ້ໄຂ“
ກ່ຽວກັບໜ້າທີ່ຂອງທ່ານລັດຖະມົນຕີ, ຫົວໜ້າອົງການທຽບເທົ່າກະຊວງ, ຮ່າງກົດໝາຍກຳນົດຕ້ອງຮັບຜິດຊອບການຄຸ້ມຄອງແຫ່ງລັດ ກ່ຽວກັບຂະແໜງ, ຂົງເຂດໄດ້ຮັບຜິດຊອບ. ສິ່ງດັ່ງກ່າວເພື່ອແນໃສ່ສ້າງພື້ນຖານໃຫ້ແກ່ການປ່ຽນໃໝ່ວິທີການເຄື່ອນໄຫວຂອງລັດຖະບານ ຕາມທິດຮັບປະກັນການແກ້ໄຂບັນດາບັນຫາວາງອອກໃນແຕ່ລະຂົງເຂດ, ຫຼີກລ້ຽງການຂຶ້ນສະເໜີຕໍ່ລັດຖະບານ, ນາຍົກລັດຖະມົນຕີ ແລະ ບັນດາທ່ານຮອງນາຍົກລັດຖະມົນຕີຮັບຜິດຊອບ ແລະ ແກ້ໄຂ, ສ້າງກຳລັງໜູນໃໝ່ໃຫ້ແກ່ການເຄືອ່ນໄຫວຄຸ້ມຄອງ, ຊີ້ນຳບໍລິຫານຕໍ່ໜ້າຄຳຮຽກຮ້ອງ ແລະ ສິ່ງທ້າທາຍໄດ້ວາງອອກໃນໄລຍະພັດທະນາຂອງປະເທດຊາດ. ທ່ານຫງວຽນທາຍບິງ, ລັດຖະມົນຕີກະຊວງພາຍໃນ ໃຫ້ຮູ້ວ່າ:
“ຮ່າງກົດໝາຍໄດ້ກຳນົດລະອຽດໜ້າທີ່, ສິດອຳນາດ ແລະ ຄວາມຮັບຜິດຊອບຂອງລັດຖະມົນຕີ, ຫົວໜ້າອົງການທຽບເທົ່າກະຊວງ. ລວມມີ: ການກຳນົດໜ້າທີ່, ສິດອຳນາດຂອງລັດຖະມົນຕີ, ຫົວໜ້າອົງການທຽບເທົ່າກະຊວງ ດ້ວຍຖານະແມ່ນສະມາຊິກລັດຖະບານ ຕ້ອງເປັນເຈົ້າການເຂົ້າຮ່ວມການເຄື່ອນໄຫວຂອງລັດຖະບານຢ່າງມີປະສິດທິຜົນ; ຮັບຜິດຊອບຕໍ່ລັດຖະບານກ່ຽວກັບບັນດາໜ້າທີ່ໄດ້ມອບໝາຍ ໃນຖານະແມ່ນຜູ້ນຳກະຊວງ, ອົງການທຽບເທົ່າກະຊວງ ປະຕິບັດການຄຸ້ມຄອງລັດສຳລັບຂະແໜງ, ຂົງເຂດໃນຂອບເຂດທົ່ວປະເທດ“.
ລັດຖະບານໜຶ່ງທີ່ເຂັ້ມແຂງກ່ອນອື່ນໝົດຕ້ອງເລີ່ມຈາກພື້ນຖານດ້ານກົດໝາຍທີ່ຈະແຈ້ງດ້ານພາລະໜ້າທີ່ ແລະ ສິດອຳນາດ. ບັນດາຂໍ້ຄົງຄ້າງ, ຈຳກັດໃນການຈັດຕັ້ງ ແລະ ເຄື່ອນໄຫວຂອງລັດຖະບານຕາມກົດໝາຍປະກາດໃຊ້ໃນປະຈຸບັນ ໄດ້ຮັບການປັບປຸງຈະຊ່ວຍລັດຖະບານປ່ຽນໃໝ່ການຈັດຕັ້ງ, ການເຄື່ອນໄຫວຢ່າງແຮງ, ແກ້ໄຂບັນດາບັນຫາຊື່ງຊີວິດໄດ້ວາງອອກຢ່າງທັນການ./.
Hồng Vân