(vovworld)- ນັບແຕ່ວັນທີ 1/7/2015 ເປັນຕົ້ນໄປ, ມີກົດໝາຍໃຫມ່ 10 ສະບັບ ຂອງຫວຽດນາມ ເລີ່ມມີຜົນສັກສິດປະຕິບັດ. ນັ້ນແມ່ນບັນດາກົດໝາຍກ່ຽວຂ້ອງເຖິງບັນຫາເຮືອນຢູ່, ອະສັງຫາລິມະຊັບ, ທີ່ດິນ, ວິສາຫະກິດ… ໄດ້ຮັບຖືວ່າ ແມ່ນບາດກ້າວບຸກທະລຸໃນບັນດານະໂຍບາຍກ່ຽວກັບການພັດທະນາເສດຖະກິດສັງຄົມຂອງຫວຽດນາມ. ບົດຂຽນຂອງນັກຂ່າວ ທູຮວາ ດ້ວຍຫົວຂໍ້ວ່າ: ມີຫລາຍນະໂຍບາຍໄດ້ຮັບການປະຕິບັດນັບແຕ່ເດືອນ 7/2015 ເປັນຕົ້ນໄປ.
ພາບປະກອບ:doisongphapluat.vn
|
ກົດໝາຍ 10 ສະບັບມີຜົນສັກສິດປະຕິບັດ ຊື່ງລວມມີ: ກົດໝາຍວ່າດ້ວຍເຮືອນຢູ່, ກົດໝາຍວ່າດ້ວຍການດຳເນີນທຸລະກິດອະສັງຫາລິມະຊັບ; ກົດໝາຍວ່າດ້ວຍການລົງທຶນ ສະບັບປັບປຸງ; ກົດໝາຍປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍການດຳເນີນຄະດີແພ່ງ; ກົດໝາຍວ່າດ້ວຍການຄຸ້ມຄອງ, ນຳໃຊ້ທຶນຂອງລັດລົງທຶນເຂົ້າການຜະລິດດຳເນີນທຸລະກິດຢູ່ ວິສາຫະກິດ; ກົດໝາຍວ່າດ້ວຍການລົງທຶນ ສະບັບປັບປຸງ; ກົດໝາຍປັບປຸງເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍການປະຕິບັດຄຳຕິນສິນຂອງສານສຳລັບຄະດີແພ່ງ; ກົດໝາຍວ່າດ້ວຍການສຶກສາວິຊາຊີບ; ກົດໝາຍວ່າດ້ວຍຕຳຫລວດປະຊາຊົນ; ກົດໝາຍປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍນາຍທະຫານກອງທັບປະຊາຊົນຫວຽດນາມ; ກົດໝາຍປັບປຸງເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍການບິນພົນລະເຮືອນ ຫວຽດນາມ. ຄຽງຄູ່ກັນນັ້ນແມ່ນ ມະຕິຈຳນວນຫນຶ່ງກໍມີຜົນສັກສິດ.
ເປີດກວ້າງເປົ້າໝາຍແມ່ນອົງການຕ່າງປະເທດມີກຳມະສິດນຳໃຊ້ເຮືອນຢູ່ຢູ່ ຫວຽດນາມ
ນະໂຍບາຍພົ້ນເດັ່ນ ແລະ ເປັນຫນ້າສົນໃຈທີ່ສຸດ ມີຜົນສັກສິດນັບແຕ່ເດືອນ 7/2015 ເປັນຕົ້ນໄປ ນັ້ນແມ່ນ ເລື່ອງຊາວຕ່າງປະເທດມີກຳມະສິດນຳໃຊ້ເຮືອນຢູ່ຢູ່ ຫວຽດນາມ ຕາມຂໍ້ກຳນົດໃນກົດໝາຍວ່າດ້ວຍເຄຫາສະຖານ ສະບັບປັບປຸງ. ຕາມນັ້ນແລ້ວ, ອົງການ, ສ່ວນບຸກຄົນຊາວຕ່າງປະເທດ, ວິສາຫະກິດ ມີເງິນລົງທຶນຂອງຕ່າງປະເທດ, ສາຂາ, ຫ້ອງການຜູ້ຕາງຫນ້າຂອງວິສາຫະກິດຕ່າງປະເທດ, ກອງທຶນລົງທຶນຂອງຕ່າງປະເທດ ແລະ ທະນາຄານຕ່າງປະເທດສາຂາຢູ່ຫວຽດນາມ, ຊາວຕ່າງປະເທດເຂົ້າເມືອງຫວຽດນາມ ມີກຳມະສິດນຳໃຊ້ເຮືອນຢູ່ ຢູ່ ຫວຽດນາມ, ມີສິດໄດ້ຊື້, ເຊົ່າ, ຮັບ, ມອບເປັນຂອງຂວັນ, ສືບທອດຊັບສົມບັດ ແລະ ມີກຳມະສິດບໍ່ຮອດ 30% ຈຳນວນອາພາດເມັນໃນຕືກອາຄາແຫ່ງຫນຶ່ງ. ໃນກໍລະນີ ເຮືອນຢູ່ແບບ ວີລາ, ຫລື ເຮືອນຫ້ອງແຖວ, ແມ່ນກຳມະສິດໃນ 50 ປີ. ນອກນັ້ນ ບັນດາກໍລະນີດັ່ງກ່າວອາດຈະມີກຳມະສິດນຳໃຊ້ຍາວນານຄືຊາວທ້ອງຖິ່ນຖ້າຫາກມີການສົມລົດກັບຊາວຫວຽດນາມ.
ບຸລິມະສິດພັດທະນາການສຶກສາວິຊາຊີບ ແລະ ຮັບໃຊ້ພັດທະນາກະສິກຳ
ກົດໝາຍວ່າດ້ວຍການສຶກສາວິຊາຊີບມີຜົນສັກສິດປະຕິບັດແຕ່ວັນທີ 1/7/2015 ມີການປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍການສອນວິຊາຊີບ ຕາມທິດເປີດກ້ວາງຂອບເຂດດັດປັບເຖິງບັນດາໂຮງຮຽນອາຊີວະຊັ້ນກາງ, ວິທະຍາໄລ, ສູນເຕັກນິກສັງລວມ- ແນະນຳອາຊີບ, ສ້າງລະບົບກົດໝາຍກ່ຽວກັບການສຶກສາວິຊາຊີບໃຫ້ສົມບູນແບບ ຕາມເນື້ອໃນຈິດໃຈປ່ຽນໃຫມ່ການສຶກສາໂດຍພື້ນຖານ, ຮອບດ້ານ.
ດຳລັດເລກທີ 55/2015 ຂອງລັດຖະບານກ່ຽວກັບນະໂຍບາຍສິນເຊື່ອຮັບໃຊ້ການພັດທະນາກະສິກຳ, ຊົນນະບົດ ຈະມີຜົນສັກສິດນັບແຕ່ວັນທີ 25/7/2015 ໄດ້ກຳນົດວ່າ ສ່ວນບຸກຄົນ, ຄອບຄົວ, ຫນ່ວຍສະຫະກອນ, ຄອບຄົວດຳເນີນທຸລະກິດ, ສະຫະກອນ, ສະຫະພັນສະຫະກອນ ແລະ ເຈົ້າຂອງຟາມ ໄດ້ກູ້ຢືມເງິນໂດຍບໍ່ຕ້ອງເອົາຊັບສິນຈຳນຳ ຕາມ 8 ລະດັບ. ສິ່ງດັ່ງກ່າວຈະສ້າງກອບກົດໝາຍເພື່ອໃຫ້ເສດຖະກິດທະເລຂອງຫວຽດນາມ ສືບຕໍ່ພັດທະນາ.
ຫລຸດຜ່ອນໄລຍະປະຕິບັດບັນດາລະບຽບການລົງທຶນ
ກົດໝາຍວ່າດ້ວຍການລົງທຶນ ສະບັບປັບປຸງ ແລະ ກົດໝາຍວ່າດ້ວຍວິສາຫະກິດ ສະບັບປັບປຸງ ມີຫລາຍຈຸດໄດ້ຮັບການປ່ຽນແປງສຳຄັນ, ປະຕິຮູບກ່ຽວກັບລະບຽບການບໍລິຫານ.
ຈຸດພົ້ນເດັ່ນອື່ນອີກ ນັ້ນແມ່ນ ວິສາຫະກິດ ບໍ່ຕ້ອງຈົດຂະແຫນງອາຊີບດຳເນີນທຸລະກິດໃນຫນັງສືອະນຸຍາດຈົດທະບຽນວິສາຫະກິດ. ສິ່ງດັ່ງກ່າວໄດ້ຫັນສິດເສລີໃນການດຳເນີນທຸລະກິດເປັນລະອຽດ ຕາມລັດຖະທຳມະນູນປີ 2013, ຫລຸດຜ່ອນຄວາມສ່ຽງ, ເພີ່ມລັກສະນະເປັນເຈົ້າການ, ວ່ອງໄວໃນການເຄື່ອນໄຫວດຳເນີນທຸລະກິດຂອງວິສາຫະກິດ, ຫັນວິວັດການເຂົ້າຮ່ວມຕະຫລາດໃຫ້ສະດວກກວ່າ, ຫລຸດຜ່ອນເວລາ, ລາຍຈ່າຍໃນລະບຽບການສ້າງຕັ້ງວິສາຫະກິດ.
ລັດພຽງແຕ່ລົງທຶນງົບປະມານເພື່ອສ້າງຕັ້ງລັດວິສາຫະກິດໃນ 4 ຂົງເຂດ
ບັນດາກົນໄກ, ຂໍ້ກຳນົດຂອງກົດໝາຍວ່າດ້ວຍການຄຸ້ມຄອງ, ການນຳໃຊ້ທຶນຂອງລັດເພື່ອລົງທຶນການຜະລິດ, ດຳເນີນທຸລະກິດ ຢູ່ ວິສາຫະກິດລ້ວນແຕ່ມຸ້ງໄປເຖິງຈຸດໝາຍ ປ່ຽນໃຫມ່, ຍົກສູງປະສິດທິຜົນການລົງທຶນ, ຄຸ້ມຄອງ, ນຳໃຊ້ທຶນຂອງລັດ ກໍຄືຍົກສູງປະສິດທິຜົນການເຄື່ອນໄຫວຜະລິດ, ດຳເນີນທຸລະກິດຂອງວິສາຫະກິດ. ກົດໝາຍກໍກຳນົດວ່າ ລັດພຽງແຕ່ລົງທຶນງົບປະມານສ້າງຕັ້ງລັດວິສາຫະກິດໃນ 4 ຂົງເຂດ ນັ້ນແມ່ນ: ວິສາຫະກິດສະຫນອງຜະລິດຕະພັນ, ບໍລິການທີ່ມີຜົນປະໂຫຍດຈຳເປັນໃຫ້ສັງຄົມ, ວິສາຫະກິດເຄື່ອນໄຫວໃນຂົງເຂດຜູກຂາດ, ວິສາຫະກິດໝູນໃຊ້ເຕັກໂນໂລຊີສູງ, ການລົງທຶນໃຫຍ່, ສ້າງກຳລັງຫນູນພັດທະນາຢ່າງວ່ອງໄວໃຫ້ແກ່ບັນດາຂະແຫນງ, ຂົງເຂດອື່ນ ແລະ ພື້ນຖານເສດຖະກິດ. ຈຸດໃຫມ່ທີ່ສຳຄັນ ນັ້ນແມ່ນ ພຽງບັນດາລັດວິສາຫະກິດ ຮັກສາ ທຶນຈົດທະບຽນໃນເບື້ອງຕົ້ນ100% ຈຶ່ງໄດ້ຮັບຖືວ່າ ແມ່ນ ລັດວິສາຫະກິດ, ແທນທີ 51% ຄືກ່ອນນີ້.