(vovworld)- ຮ່າງມະຕິກ່ຽວກັບການລົງຄະແນນສຽງໄວ້ວາງໃຈ, ປ່ອນບັດໄວ້ວາງໃຈສຳລັບຜູ້ດຳລົງຕຳແຫນ່ງໂດຍສະພາແຫ່ງຊາດ, ສະພາປະຊາຊົນເລືອກຕັ້ງຫລືໃຫ້ສັດຕະຍາບັນໄດ້ຮັບການປຶກສາຫາລືໃນວັນທີ 29/10 ໃນກອງປະຊຸມສະໄຫມສາມັນເທື່ອທີ 4 ສະພາແຫ່ງຊາດ ຫວຽດນາມ ຊຸດທີ 13. ຫາງສຽງໄດ້ຊົມເຊີຍຮ່າງມະຕິດັ່ງກ່າວ ແລະ ຖືວ່າ: ວຽກງານນີ້ສະແດງໃຫ້ເຫັນການປ່ຽນໃຫມ່ໃນວຽກງານພະນັກງານ.
ເມື່ອຖືກຖາມກ່ຽວກັບຮ່າງມະຕິວ່າດ້ວຍຂັ້ນຕອນ, ລະບຽບການ, ວິທີການລົງຄະແນນສຽງໄວ້ວາງໃຈ, ປ່ອນບັດໄວ້ວາງໃຈ ສຳລັບຜູ້ດຳລົງຕຳແຫນ່ງໂດຍສະພາແຫ່ງຊາ, ສະພາປະຊາຊົນເລືອກຕັ້ງຫລືໃຫ້ສັດຕະຍາບັນ, ຜູ້ມີສິດເລືອກຕັ້ງສ່ວນຫລາຍຖືວ່າ: ນັ້ນແມ່ນວຽກງານທີ່ຈຳເປັນ, ສະແດງໃຫ້ເຫັນບາດກ້າວປ່ຽນໃຫມ່ຢ່າງແຂງແຮງໃນການເຄື່ອນໄຫວຂອງ ສະພາແຫ່ງຊາດ ແລະ ສະພາປະຊາຊົນເຮັດໃຫ້ການເຄື່ອນໄຫວຂອງສະພາແຫ່ງຊາດ ແລະ ສະພາປະຊາຊົນນັບມື້ນັບແທດຈິງ ແລະມີປະສິດທິຜົນກວ່າ. ທ່ານ Tran Thanh Van ພະນັກງານອອກກິນເບ້ຍບຳນານ ຢູ່ ຕາແສງ Ngo Quyen ນະຄອນ Hai Phong ຖືວ່າ: ໝາກຜົນແຫ່ງການລົງຄະແນນສຽງໄວ້ວາງໃຈຈະປະກອບສ່ວນຕີລາຄາຢ່າງຊັດເຈນຕໍ່ກຳລັງຄວາມສາມາດ, ລະດັບຄວາມຮູ້ຂອງຜູ້ດຳລົງຕຳແຫນ່ງ, ສິດອຳນາດ, ປັບປຸງຖັນແຖວການນຳທຸກຂັ້ນໃຫ້ສົມບູນແບບ, ມີປະສິດທິຜົນກວ່າ. ຕາມທ່ານ Tran Thanh Van ແລ້ວ, ໝາກຜົນແຫ່ງການລົງຄະແນນສຽງໄວ້ວາງໃຈຕ້ອງໄດ້ຮັບການຕິດປະກາດຢ່າງເປີດເຜີຍ.
“ຂ້າພະເຈົ້າສະຫນັບສະຫນູນການລົງຄະແນນສຽງໄວ້ວາງໃຈ. ບໍ່ວ່າໃນຂັ້ນໃດ ເມື່ອປະຕິບັດການລົງຄະແນນສຽງໄວ້ວາງໃຈຕ້ອງຕິດປະກາດເພື່ອໃຫ້ປະຊາຊົນຮັບຮູ້ເຖິງອິດທິພົນຊື່ສຽງ, ຄວາມໄວ້ວາງໃຈຂອງຂອງຜູ້ດຳລົງຕຳແຫນ່ງໂດຍສະພາແຫ່ງຊາດ ແລະ ສະພາປະຊາຊົນເລືອກຕັ້ງຫລືໃຫ້ສັດຕະຍາບັນ.”
ເລື່ອງລົງຄະແນນສຽງໄວ້ວາງໃຈ ແລະ ປ່ອນບັດໄວ້ວາງໃຈ, ຜູ້ມີສິດເລືອກຕັ້ງຖືວ່າ: ເລື່ອງແບ່ງລະດັບແຕກຕ່າງກັນເພື່ອຕີລາຄາຄວາມໄວ້ວາງໃຈຕໍ່ຜູ້ດຳລົງຕຳແຫນ່ງໂດຍສະພາແຫ່ງຊາດ, ສະພາປະຊາຊົນເລືອກຕັ້ງ ຫລືໃຫ້ສັດຕະຍາບັນແມ່ນເໝາະສົມ, ສະແດງໃຫ້ເຫັນການປະຕິບັດຢ່າງເຂັ້ມງວດ ແລະ ຈຳເປັນສຳລັບຜູ້ໄດ້ຮັບການລົງຄະແນນສຽງໄວ້ວາງໃຈ ພ້ອມກັນນັ້ນຫລີກລ້ຽງການເຂົ້າໃຈຜິດ ລະຫວ່າງການລົງຄະແນນສຽງໄວ້ວາງໃຈ ກັບການປ່ອນບັດໄວ້ວາງໃຈ. ທ່ານ Nguyen Trong Dung ປະທານສະພາປະຊາຊົນ ເມືອງ Ba Dinh ຮ່າໂນ້ຍ ຖືວ່າ: ຄວນປ່ອນບັດໄວ້ວາງໃຈພາຍຫລັງມີທີ່ໝາກຜົນແຫ່ງການລົງຄະແນນສຽງໄວ້ວາງໃຈຢູ່ໃນລະດັບຕຳ່ ຫາກບໍ່ຄວນລໍຖ້າເຖິງການ ລົງຄະແນນສຽງໄວ້ວາງໃຈ ຄັ້ງທີ 2. ເຖິງຢ່າງໃດກໍຕາມ, ຄວນສ້າງເງື່ອນໄຂເພື່ອໃຫ້ພະນັກງານມີກາລະໂອກາດເພື່ອອະພິປາຍກ່ຽວກັບຄວາມຈຳກັດ, ອ່ອນດ້ອຍ.
“ຖ້າຫາກເມື່ອພວກເຮົາ ລົງຄະແນນສຽງໄວ້ວາງໃຈ ແຕ່ໝາກຜົນຕຳ່ກວ່າ 50%, ຂ້າພະເຈົ້າຄິດວ່າ 1 ປີ ຫາກບໍ່ແມ່ນ 2 ປີ ແລະ ພາຍຫລັງຮັບເອົາຄຳເຫັນແລ້ວ ພວກເຮົາຄວນຄິດໄລ່ເຖິງຂັ້ນຕອນປ່ອນບັດບໍ່ໄວ້ວາງໃຈກ່ອນປ່ອນບັດໄວ້ວາງໃຈໃນທັນທີ່ກ່ອນທີ່ປ່ອນບັດໄວ້ວາງໃຈ ເພື່ອໃຫ້ເຂົາເຈົ້າມີກາລະໂອກາດອະພິປາຍ.”
ສະພາແຫ່ງຊາດ ປຶກສາຫາລືຮ່າງມະຕິກ່ຽວກັບການລົງຄະແນນສຽງໄວ້ວາງໃຈ, ປ່ອນບັດໄວ້ວາງໃຈສຳລັບຜູ້ດຳລົງຕຳແຫນ່ງ
ພາບ: internet |
ທ່ານ Nguyen Xuan Diep ຮອງປະທານຄະນະກຳມະການແນວໂຮມປະເທດຊາດ ຫວຽດນາມ ນະຄອນ ຮ່າໂນ້ຍ ຖືວ່າ: ຄວນຄິດໄລ່ຊັ່ງຊາເຖິງການກຳນົດ ລົງຄະແນນສຽງໄວ້ວາງໃຈ ສຳລັບຮອງປະທານສະພາຊົນເຜົ່າ, ຮອງປະທານບັນດາກຳມາທິການຂອງສະພາແຫ່ງຊາດ ເພາະວ່າ ການກຳນົດນີ້ແມ່ນຍາກທີ່ຈະປະຕິບັດໃນຕົວຈິງໄດ້.ສະເພາະຂັ້ນຕອນປ່ອນບັດໄວ້ວາງໃຈ, ສຳລັບບັນດາທ່ານດຳລົງຕຳແຫນ່ງໂດຍສະພາແຫ່ງຊາດເລືອກຕັ້ງ ຫລື ໃຫ້ສັດຕະຍາບັນ, ທ່ານ Nguyen Xuan Diep ສະເຫນີວ່າ: ຕ້ອງປະຕິບັດຂັ້ນຕອນລົງຄະແນນສຽງໄວ້ວາງໃຈໃຫ້ແຫນ້ນແຟ້ນກວ່າ.
“ຂັ້ນຕອນປ່ອນບັດໄວ້ວາງໃຈ ແມ່ນບາດກ້າວສຳຄັນກວ່າເມື່ອທຽບໃສ່ການ ລົງຄະແນນສຽງໄວ້ວາງໃຈ. ການລົງຄະແນນສຽງແມ່ນບາດກ້າວສຳຫລວດເບື້ອງຕົ້ນ, ຕາມຂ້າພະເຈົ້າແລ້ວ ຂັ້ນຕອນປ່ອນບັດໄວ້ວາງໃຈຕ້ອງແນບນຽນກວ່າຂັ້ນຕອນ ລົງຄະແນນສຽງໄວ້ວາງໃຈເພາະວ່າ ຂັ້ນຕອນ ລົງຄະແນນສຽງໄວ້ວາງໃຈ ກ່ຽວຂ້ອງເຖິງການສະແດງໃຫ້ເຫັນທ່າທີ່ຄວາມຮັບຜິດຊອບຂອງບັນດາສະມາຊິກສະພາແຫ່ງຊາດສຳລັບຕຳແຫນ່ງໂດຍສະພາແຫ່ງຊາດເລືອກຕັ້ງ.”
ຮ່າງມະຕິກ່ຽວກັບເລື່ອງ ລົງຄະແນນສຽງໄວ້ວາງໃຈ, ປ່ອນບັດໄວ້ວາງໃຈສຳລັບຜູ້ດຳລົງຕຳແຫນ່ງໂດຍສະພາແຫ່ງຊາດ, ສະພາປະຊາຊົນເລືອກຕັ້ງ ຫລື ໃຫ້ສັດຕະຍາບັນ ແມ່ນບາດກ້າວຫັນຂໍ້ກຳນົດຂອງລັດຖະທຳມະນູນ, ກົດໝາຍວ່າດ້ວຍການຈັດຕັ້ງສະພາແຫ່ງຊາດ, ກົດໝາຍວ່າດ້ວຍການຕິດຕາມກວດກາສະພາແຫ່ງຊາດ ເປັນລະອຽດ ພ້ອມທັງກໍແມ່ນວຽກງານທີ່ຈຳເປັນເພື່ອຜັນຂະຫຍາຍມະຕິສູນກາງພັກຄັ້ງທີ 4 ກ່ຽວກັບບາງບັນຫາຮີບດ່ວນໃນການກໍ່ສ້າງພັກຢ່າງມີປະສິດທິຜົນ. ຜູ້ມີສິດເລືອກຕັ້ງ ແລະ ປະຊາຊົນໃນທົ່ວປະເທດມີຄວາມເຊື່ອໝັ້ນວ່າ ພາຍຫລັງໄດ້ຮັບຮອງເອົາທີ່ກອງປະຊຸມສະໄຫມສາມັນເທື່ອທີ 4 ສະພາແຫ່ງຊາດ ຫວຽດນາມ ຊຸດທີ 13, ມະຕິກ່ຽວກັບການລົງຄະແນນສຽງໄວ້ວາງໃຈ, ປ່ອນບັດໄວ້ວາງໃຈສຳລັບຜູ້ດຳລົງຕຳແຫນ່ງໂດຍສະພາແຫ່ງຊາດ, ສະພາປະຊາຊົນເລືອກຕັງ ຫລື ໃຫ້ສັດຕະຍາບັນ ຈະປະກອບສວ່ນຫັນວຽກງານກໍ່ສ້າງ, ຕີລາຄາກຳລັງຄວາມສາມາດຂອງຜູ້ດຳລົງຕຳແຫນ່ງ, ສິດອຳນາດ ກໍຄືປັບປຸງຖັນແຖວພະນັກງານທຸກຂັ້ນໃຫ້ເປັນລະບົບ.