(ພາບປະກອບ)
(vovworld) - ພາຍຫຼັງລາອອກຈາກຕຳແໜ່ງ 1 ເດືອນເຕັມ, ອະດີດນາຍົກລັດຖະມົນຕີ ເກຼັກ Alexis Tsipras ສືບຕໍ່ໄດ້ຮັບເລືອກຕັ້ງເປັນນາຍົກລັດຖະມົນຕີຄືນໃໝ່, ດ້ວຍໄຊຊະນະໃນການເລືອກຕັ້ງເມື່ອວັນທີ 20/9. ເຖິງຢ່າງໃດກໍ່ຕາມ, ສິ່ງເຊິ່ງຫາງສຽງເອົາໃຈໃສ່ທີ່ສຸດໃນປະຈຸບັນ, ນັ້ນແມ່ນ ລັດຖະບານໃໝ່ຈະເຮັດຫຍັງເພື່ອຮັບມືກັບຄວາມຫຍຸ້ງຍາກທີ່ມີຢູ່ແລ້ວ, ນັ້ນແມ່ນຟື້ນຟູພື້ນຖານເສດຖະກິດທີ່ພວມຊຸດໂຊມຢ່າງຮ້າຍແຮງ. ຮັບມືກັບວິກິດການເຂົ້າເມືອງ, ພິເສດແມ່ນສ້າງຄວາມໄວ້ເນື້ອເຊື່ອໃຈໃນໝູ່ປະຊາຊົນກ່ຽວກັບອະນາຄົດທີ່ສົດໄສໃຫ້ແກ່ປະເທດຊາດ.
ດ້ວຍບັດສະໜັບສະໜູນ 35,5% ໃນຈຳນວນຜູ້ມີສິດເລີກຕັ້ງໄປປ່ອນບັດກວ່າ 50%, ພັກຊີຣີ ຂອງອະດີດນາຍົກລັດຖະມົນຕີ Alexis Tsipras ຍາດໄດ້ 145/300 ທີ່ນັ່ງໃນສະພາແຫ່ງຊາດ. ຜົນແຫ່ງການເລືອກຕັ້ງສະແດງໃຫ້ເຫັນວ່າ. ປະຈຸບັນຊາວ ເກຼັກ ສ່ວນຫຼາຍມີຄວາມເຊື່ອໝັ້ນທີ່ສຸດຕໍ່ບັນດາລັດຖະນະໂຍບາຍຂອງທ່ານ Alexis Tsipras. ພາຍຫຼັງທີ່ທ່ານຮັບເລືອກຕັ້ງເປັນນາຍົກລັດຖະມົນຕີ ດ້ວຍສະພາແຫ່ງຊາດໃໝ່ທີ່ມີທັດສະນະເປັນເອກະພາບກວ່າ.
ການກະທຳທີ່ສະຫຼາດ
ກ່ອນນີ້ 1 ເດືອນ, ທ່ານນາຍົກລັດຖະມົນຕີ Alexis Tsipras ໄດ້ລາອອກຈາກຕຳແໜ່ງໂດຍບັງເອີນ, ເປີດຊ່ອງທາງໃຫ້ແກ່ການເລືອກຕັ້ງກ່ອນກຳນົດເວລາຢູ່ ເກຼັກ. ການກະທຳນີ້ ໄດ້ຊ່ວຍໃຫ້ທ່ານກັບຄືນຕຳແໜ່ງເປັນນາຍົກລັດຖະມົນຕີເທື່ອທີ 2 ໃນທີ່ຕັ້ງເຂັ້ມແຂງກວ່າ, ແຕ່ບໍ່ໄດ້ປະສົບກັບການຄັດຄ້ານຈາກບັນດາສະມາຊິກຂອງພັກ ຊີຣີ ທີ່ມີທັດສະນະຕ່າງກັນ. ເມື່ອດຳລົງຕຳແໜ່ງເປັນນາຍົກລັດຖະມົນຕີຄືນໃໝ່, ທ່ານ Alexis Tsipras ຈະມີເງື່ອນໄຂປັດເຂ່ຍບັນດາພາກສ່ວນຄັດຄ້ານພາຍໃນພັກ ຊີຣີ, ທັງກ້າວໄປເຖິງການສ້າງສະພາແຫ່ງຊາດໃໝ່ທີ່ເຄື່ອນໄຫວຢ່າງມີປະສິດທິຜົນກວ່າ.
ກ່ອນອື່ນໝົດ: ພັກ ຊີຣີ ກຳອຳນາດຈະຊ່ວຍໃຫ້ທ່ານນາຍົກລັດຖະມົນຕີ Alexis Tsipras ມີສິດສ້າງບັນຊີລາຍຊື່ບຸກຄະລາກອນໃໝ່, ຫາກບໍ່ຕ້ອງຜ່ານກອງປະຊຸມໃຫຍ່ພັກ. ນີ້ຈະແມ່ນໂອກາດເພື່ອໃຫ້ທ່ານ Alexis Tsipras ປັດເຂ່ຍພາກສ່ວນທີ່ເຄີຍຄັດຄ້ານບັນດາລັດຖະນະໂຍບາຍຂອງທ່ານ. ຄຽງຂ້າງນັ້ນ, ການຈັດຕັ້ງການເລືອກຕັ້ງກ່ອນກຳນົດເວລາ ແມ່ນເພື່ອເຮັດໃຫ້ບັນດາສະມາຊິກສະພາແຫ່ງຊາດ ບໍ່ມີເວລາກະກຽມສ້າງຕັ້ງພັກສະເພາະໃຫ້ແກ່ການຊ່ວງເສັງເຂົ້າສະພາແຫ່ງຊາດ. ຍິ່ງກວ່ານັ້ນ, ຖ້າການເລືອກຕັ້ງດຳເນີນຫຼັງເດືອນ 9, ທ່ານ Alexis Tsipras ຍາກທີ່ຈະ ຮັບການສະໜັບສະໜຸນຈາກຜູ້ມີສິດເລືອກຕັ້ງໄດ້ 60% ຄືປະຈຸບັນ, ໃນຂະນະທີ່ບັນດາມາດຕະການ ຮັດເຂັມຄັດໃໝ່ເຊັ່ນ: ເພີ່ມອັດຕາພາສີ, ຫຼຸດຜ່ອນການອຸດໜູນໃຫ້ແກ່ຮັບປະກັນຊີວິດສັງຄົມ ຕາມຮຽກຮ້ອງຂອງເຈົ້າໜີ້ ຈະເລີ່ມນຳໃຊ້ແຕ່ເດືອນ 10 ເປັນຕົ້ນໄປ.
ພື້ນຖານເສດຖະກິດບໍ່ທັນພັດທະນາ
ໂດຍບໍ່ຫົວຊາຕໍ່ຜົນແຫ່ງການເລືອກຕັ້ງ, ບັນດານັກຊ່ຽວຊານດ້ານການເງິນ ຢືນຢັນວ່າ, ເກຼັກ ຍັງຕ້ອງການບ້ວງເງິນກູ້ຊ່ວຍຢ່າງແນ່ນອນ. ຄວາມຈິງແລ້ວ, ພື້ນຖານເສດຖະກິດຂອງ ເກຼັກ ໃນປະຈຸບັນບໍ່ທັນໄດ້ຮັບການປັບປຸງ ນັບແຕ່ພາຍຫຼັງວິກິດການຜ່ານມາໄດ້ເທື່ອ. ພື້ນຖານອຸດສາຫະກຳຫຼຸດລົງ ແລະ ອັດຕາສ່ວນຄົນຫວ່າງງານຢູ່ໃນລະດັບສູງແມ່ນ 25%.
ນັບແຕ່ປີ 2010, ລັດຖະບານ ເກຼັກ ບໍ່ມີຄວາມສາມາດໃນການຄວບຄຸມພື້ນຖານເສດຖະກິດໄດ້, ດ້ວຍອັດຕາຄົນຫວາງງານໃນລະດັບສູງ, ໜີ້ສິນຕ່າງປະເທດເພີ່ມຂຶ້ນຢ່າງໄວ, ສັງຄົມຂາດສະຖຽນລະພາບຢ່າງຮ້າຍແຮງ. ໃນ 7 ເດືອນກຳອຳນາດ, ແຕ່ວັນທີ 25/1 ມາຮອດປະຈຸບັນ, ລັດຖະບານຂອງທ່ານ Alexis Tsipras ຖືກຕຳໜິ້ວ່າ ບໍ່ມີຄວາມສາມາດຄວບຄຸມປະເທດ ແລະ ຖືກບັນດາກຳລັງຝ່າຍຂວາ, ຝ່າຍຊ້າຍຖີ້ມໂທດວ່າ ໄດ້ “ຍອມຈຳນົນ“ ບັນດາເຈົ້າໜີ້ໃນທຸກດ້ານ
ບັນດາການທ້າທາຍໃນຕໍໜ້າ
ເປັນທີ່ຈະແຈ້ງແລ້ວວ່າ, ປະຈຸບັນ Athens ຕ້ອງການມີລັດຖະບານໃໝ່ທີ່ເຂັ້ມແຂງຢ່າງພຽງພໍ ເພື່ອສາມາດແກ້ໄຂຄວາມຫຍຸ້ງຍາກຫຼາຍຢ່າງໃນຕໍ່ໜ້າໄດ້. ທ່ານນາຍົກລັດຖະມົນຕີ A.Tsipas ແລະ ຄະນະລັດຖະບານໃໝ່ ຕ້ອງດຳເນີນບັນດາມາດຕະການປະຕິຮູບທີ່ຈຳເປັນຢ່າງຮີບດ່ວນ, ທັງກູ້ຊ່ວຍພື້ນຖານເສດຖະກິດພວມຊຸດໂຊມ, ທັງຊອກຫາວິທີເພື່ອໃຊ້ໜີ້ໃຫ້ບັນດາເຂົ້າໜີ້, ແຕ່ກໍຕ້ອງເຮັດໃຫ້ຫາງສຽງຜ່ອນຄາຍລົງ ໃນສະພາບທີ່ບັນດາມາດຕະການຮັດເຂັນຄັດອາດຈະເຮັດໃຫ້ປະຊາຊົນໂກດແຄ້ນຕື່ມອີກ, ພາໄປເຖິງໄພຂາດສະຖຽນລະພາບຕ້ານການເມືອງທີ່ນັບມື້ນັບສູງຂອງປະເທດນີ້. ຖ້າຫາກສັງເກດການເລືອກຕັ້ງຜ່ານມາ, ດ້ວຍອັດຕາຜູ້ໄປປ່ອນບັດພຽງຢູ່ໃນລະດັບ 54%, ເຊິ່ງແມ່ນລະດັບຕໍ່າສຸດໃນ 70 ປີຜ່ານມາ, ໄດ້ສະແດງໃຫ້ເຫັນຄວາມເບື່ອໜ່າຍ, ຄວາມເສຍຫວັງຂອງຜູ້ມີສິດເລືອງຕັ້ງເກຼັກ. ເຂົາເຈົ້າບໍ່ຢາກສືບຕໍ່ປະຕິບັດບັນດາມາດຕະການຮັດເຂັມຄັດ, ແຕ່ກໍບໍ່ມີເສັ້ນທາງໃດໆນອກເໜືອການປະຕິບັດຕາມນະໂຍບາຍຂອງທ່ານ A.Tsipas ນັ້ນແມ່ນຮັບຮູ້ບັນດາຂໍ້ຕົກລົງບໍ່ມີປະໂຫຍດຂອງບັນດາເຈົ້າໜີ້ ເພື່ອສາມາດກູ້ຢື່ມເງິນໄດ້.
ໃນຕໍ່ໜ້າ, ແຕ່ນີ້ຮອດທ້າຍປີ, ເກຼັກ ສືບຕໍ່ວິວັດທະການປະຕິຮູບ, ເຊິ່ງແມ່ນປັດໃຈທີ່ຈຳເປັນເພື່ອໃຫ້ Athens ສືບຕໍ່ໄດ້ຮັບບ້ວງເງິນກູ້ຊ່ວຍທີ 3 ທີ່ມີມູນຄ່າ 97 ຕື້ USD. ຢາກໄດ້ຄືດັ່ງນັ້ນ, Athens ຕ້ອງຮັບປະກັນສະຖຽນລະພາບດ້ານເສດຖະກິດ ແລະ ການເມືອງຢ່າງໄວ້. ແຕ່ວ່າ, ເພື່ອປະຕິບັດສິ່ງດັ່ງກ່າວໃຫ້ໄດບໍ່ແມ່ນເລື່ອງງ່າຍ. ໃນຕໍ່ໜ້າແມ່ນສິ່ງທ້າທາຍ, ການທົດຊອບພວມທີ່ລໍ້ຖ້າລັດຖະບານໃໝ່ຂອງທ່ານນາຍົກລັດຖະມົນຕີ A.Tsipas .