ສະພາບການໃຊ້ຄວາມຮຸນແຮງຍັງຄົງເກີດຂື້ນຢູ່ ຊີຣີ
(ພາບ: Telegraph)
|
ໃນຊຸມມື້ມໍ່ໆມານີ້, ຊີຣີ ສືບຕໍ່ກາຍເປັນຈຸດຮ້ອນທີ່ດຶງດູດຄວາມສົນໃຈຈາກວົງຄະນະຍາດສາກົນ. ໄພເກີດສົງຄາມກາງເມືອງຢູ່ ຊີຣີ ຢ່າງຮອບດ້ານໄດ້ຖືກກ່າວເຕືອນຈາກບັນດານັກໃຈ້ແຍກດ້ານການເມືອງ ຂະນະທີ່ບັນດາຄວາມ ລະແວງສົງໄສກ່ຽວກັບຄວາມສຳເລັດຂອງແຜນການສັນຕິພາບລວມຂອງສະຫະປະຊາຊາດ ແລະ ສະຫະພັນອາຣັບ ນັບມື້ນັບເພີ່ມທະວິຂຶ້ນ. ໂດຍບໍ່ຫົວຊາຕໍ່ຄວາມມານະພະຍາຍາມຂອງປະຊາຄົມໂລກ ແລະ ການເລືອກຕັ້ງສະພາແຫ່ງຊາດຖືກດຳເນີນໄປນັ້ນ, ການໃຊ້ຄວາມຮຸ່ນແຮງຍັງຄົງເກິດຂຶ້ນຢູ່ປະເທດນີ້, ອັນໄດ້ເຮັດໃຫ້ປະເທດນີ້ນັບມື້ນັບຖືກຕົກເຂົ້າສູ່ສະພາບການ ຍາກ ທີ່ຈະຄວບຄຸມໄດ້.
ໃນການຜັນແປທີ່ຫຼ້າສຸດ ຄືໃນວັນທີ 9/5 ຜູ້ນຳຄະນະນັກສັງເກດການຂອງສະຫະປະຊາຊາດ ປະຈຳ ຊີຣີ ທ່ານພົນຈັດຕະວາ Robert Mood ໄດ້ລອດຊີວິດມາໄດ້ຈາກເຫດວາງລະເບີດທີ່ແນໃສ່ຂະບວນລົດອາລັກຂາແກ່ທ່ານຢູ່ບໍລິເວນເທດສະບານເມືອງ ດາຣາອາ ທາງພາກໃຕ້ຂອງປະເທດນີ້. ເຫດການບຸກໂຈມຕີ ໄດ້ເປັນຄຳກ່າວເຕືອນກ່ຽວກັບສະພາບການໃຊ້ຄວາມຮຸນແຮງທີ່ີພວມນັບມື້ນັບເພີ່ມຂຶ້ນຢູ່ ຊີຣີ. ຫາງສຽງມີຄວາມວິຕົກກັງວົນວ່າ ສະພາບການໃຊ້ຄວາມຮຸນແຮງທີ່ພວມເພີ່ມທະວີຂຶ້ນນັ້ນໄດ້ເຮັດໃຫ້ລະດັບຄວາມສຳເລັດຂອງ ແຜນການສັນຕິພາບໂດຍທ່ານ Kofi Annan ທູດພິເສດຮ່ວມຂອງສະຫະປະຊາຊາດ ແລະ ສະຫະພັນອາຣັບນຳສະເໜີນັ້ນ ນັບມື້ນັບຫຼຸດລົງ. ກ່ອນໜ້ານັ້ນ, ຄືວັນທີ 8/5 ກ່າວຄຳເຫັນຢູ່ທີ່ສະພາຄວາມໝັ້ນຄົງສະຫະປະຊາຊາດ, ທ່ານ Kofi Annan ໄດ້ແຈ້ງໃຫ້ຊາບວ່າ ສະພາບການໃຊ້ຄວາມຮຸນແຮງຢູ່ ຊີຣີ ໄດ້ຫຼຸດລົງນັບແຕ່ເມືອ່ ສະຫະປະຊາຊາດຜັນຂະຫຍາຍຈັດສົ່ງນັກສັງເກດການ, ແຕ່ທ່ານທູດພິເສດນີ້ຍັງຍອມຮັບວ່າ ນັບທັງກຳລັງລັດຖະບານ ແລະ ບັນດາກຸ່ມປະກອບອາວຸດຝ່າຍ ຄ້ານຍັງບໍ່ທັນຢຸດຕິການກະທຳໃຊ້ຄວາມຮຸນແຮງເທື່ອ. ພ້ອມກັນນັ້ນ, ທ່ານ Kofi Annan ຍັງກ່າວເຕືອນແຜນການສັນຕິພາບໃຫ້ແກ່ ຊີຣີ ຂອງທ່ານ ອາດຈະແມ່ນກາລບະໂອກາດສຸດທ້າຍເພື່ອສະກັດກັ້ນສົງຄາມກາງເມືອງ. ຕາມບັນດານັກສັງເກດການແລ້ວ, ຖ້າຫາກແຜນການສັນຕິພາບຖືກລົ້ມລະລາຍ, ສິ່ງດັ່ງກ່າວບໍ່ພຽງແຕ່ສົ່ງຜົນສະທ້ອນຢ່າງຮ້າຍແຮງຕໍ່ຊີຣີເທົ່ານັ້ນ, ຫາກຍັງກໍ່ຜົນຮ້າຍຢ່ອນຫຼັງໃຫ້ແກ່ທັງພາກພື້ນອີກດ້ວຍ.
ບັນຫາຢູ່ບ່ອນນີ້ ແມ່ນເຈດຕະນາດີຈາກທັງ 2 ຝ່າຍພ້ອມກັບຄວາມມານະພະຍາຍາມຂອງປະຊາຄົມໂລກເພື່ອຊ່ວຍຊອກຫາທາງອອກໃຫ້ແກ່ປະເທດນີ້. ແຕ່ເປັນໜ້າເສຍດາຍ, ສິ່ງນີ້ບໍ່ໄດ້ຮັບຄວາມເອົາໃຈໃສ່. ໂດຍແທນທີ່ການສະໜັບ ສະໜູນ, ຄວາມມານະພະຍາຍາມເປັນກາງໄກ່ເກັ່ຍໃຫ້ແກ່ທຸກຝ່າຍນັ້ນ, ບາງປະເທດມະຫາອຳນາດຝ່າຍຕາເວັນຕົກ ຊຶ່ງນຳໜ້າແມ່ນ ອາເມລິກາ ໄດ້ສືບຕໍ່ເພີ່ມທະວີກຳລັງດັນ, ເຮັ່ງຮັດບັນດາມາດຕະການລົງໂທດ ແນໃສ່ເຮັດໃຫ່ອຳນາດການປົກຄອງຂອງ ປະທານາທິບໍດີ ຊີຮີ Bashar al- Asad ອ່ອນແອລົງ. ວັນທີ 9/5 ປະທານາທິບໍດີ ອາເມລິກາ Barac Obama ໄດ້ຕົກລົງຕໍ່ກຳນົດເວລາດຳເນີນບັນດາມາດຕະການລົງໂທດທີ່ພວມນຳໃຊ້ຕໍ່ຊີຣີ ຕື່ມອີກ 1 ປີ. ກ່ອນໜ້ານັ້ນ, ເອກອັກຄະລັດຖະທູດ ອາເມລິກາ ປະຈຳ ສະຫະປະຊາຊາດ Susan rice ໄດ້ກ່າວຫາ ຊີຣີ ບໍ່ປະຕິບັດຕາມແຜນການສັນຕິພາບໂດຍສະຫະປະຊາຊາດສະໜັບ ສະໜູນ ແລະ ຢືນຢັນວ່າ ອາເມລິກາຈະສືບຕໍ່ເພີ່ມທະວີການໜູນຊ່ວຍດ້ານພາຫະນະພາລາທິການ ແລະ ໂທລະຄົມໃຫ້ແກ່ບັນດາກຸ່ມຝ່າຍຄ້ານຢູ່ ຊີຣີ .
ຍ້ອນມີການໜູນຫຼັງຂອງບັນດາອິດທິກຳລັງພາຍນອກ, ກຳລັງລຸກຮື້ຂຶ້ນຢູ່ ຊີຮີສືບຕໍ່ມີການກະທຳທ້າທາຍ, ກໍ່ການຈະລາຈົນ. ຍົກຕົວຢ່າງຄືໃນການເລືອກຕັ້ງສະພາແຫ່ງຊາດຢູ່ຊີຣີເມື່ອວັນທີ 7/5. ລະອຽດແມ່ນກ່ອນການເລືອກຕັ້ງ, ບັນດາຜູ້ນຳຝ່າຍຄ້ານໄດ້ປະຕິເສດການເລືອກຕັ້ງ ແລະ ຖືວ່ານີ້ແມ່ນກົນອຸບາຍຂອງ ປະທານາທິບໍດີ ຊີຮີ Bashar al- Asad ແນໃສ່ຮັກສາສິດອຳນາດ, ພ້ອມທັງຮຽກຮ້ອງໃຫ້ຜູ້ມີສິດເລືອກຕັ້ງຈົ່ງປະຕິເສດການເລືອກຕັ້ງນີ້. ເຫດວາງລະເບີດກໍ່ຄວາມບາດເຈັບລົ້ມຕາຍຢ່າງຫຼວງຫຼາຍໄດ້ເກີດຂຶ້ນຢ່າງລຽນຕິດ ຄືການປະທະກັນທີ່ນອງເລືອດຢູ່ Aleppo ແລະ ນະຄອນຫຼວງ Damacus ແລະ ອື່ນໆ. ແຕ່ດ້ວຍບັນດາມາດຕະການປ້ອງກັນຄວາມສະຫງົບທີ່ຈຳເປັນຖືກຜັນຂະຫຍາຍນັ້ນ, ການເລືອກຕັ້ງໄດ້ຖືກດຳເນີນໄປດ້ວຍດີ.
ປະຈຸບັນ ຊີຣີ ພວມປະເຊີນໜ້າກັບສິ່ງທ້າທາຍຫຼາຍຢ່າງ. ຕາມປະທານສະພາກາແດງສາກົນ ICRC Jacob Kellenberger , ຄວາມຕ້ອງການຊ່ວຍເຫຼືອມະນຸດສະທຳຢູ່ ຊີຣີ ພວມເພີ່ມຂຶ້ນ ແລະ ສະພາກາແດງສາກົນໄດ້ຮຽກຮ້ອງໃຫ້ອຸປະຖຳເງິນ 27 ລ້ານ USD . ໃນຂະນະນັ້ນ, ລັດຖະມົນຕິກະຊວງນ້ຳມັນ ຊີຣີ ໃຫ້ຮູ້ວ່າ ບັນດາມາດຕະການລົງໂທດຂອງຝ່າຍຕາເວນຕົກທີ່ແນໃສ່ການເຄື່ອນໄຫວສົ່ງອອກນ້ຳມັນຂອງ ຊີຣີ ໄດ້ເຮັດໃຫ້ປະເທດນີ້ເສຍຫາຍເກືອບ 3 ຕື້ USD . ແຕ່ຫາງສຽງຖືວ່າ ນີ້ຍັງບໍ່ທັນແມ່ນຈຸດຢືນສຸດທ້າຍຖ້າຫາກວ່າ ບໍ່ສາສາດຊອກຫາມາດຕະການແກ້ໄຂຢ່າງຮອບດ້ານ ແລະ ມີປະສິດທິຜົນໃຫ້ແກ່ ຊີຣີ.
ປະຊາຄົມໂລກພວມຮ່ວມແຮງຮ່ວມໃຈສະກັດກັ້ນໄພເກີດສົງຄາມກາງເມືອງຢ່າງຮອບດ້ານຢູ່ ຊີຣີ . ຄາດຄະເນວ່າ ທ່ານ Kofi Annan ຈະກັບຄືນ ຊີຣີ ໃນ 2,3 ອາທິດທີ່ຈະເຖິງ ເພື່ອເກັ້ຍກອມບັນດາຝ່າຍປະຕິບັດຕາມແຜນການສັນຕິພາບ. ທ່ານເລຂາທິການໃຫຍ່ສະຫະປະຊາຊາດ Ban ki Moon ໄດ້ຮຽກຮ້ອງໃຫ້ບຸລິມະສິດແກ່ການຜັນຂະຫຍາຍຈັດສົ່ງ ບັນດານັກສັງເກດການ ສະຫະປະຊາຊາດໄປຍັງປະເທດນີ້ໂດຍໄວ. ໄລ່ຮອດວັນທີ 10/5 ມີ ນັກສັງເກດການ ກ່ວາ 130 ຄົນຖືກຈັດສົ່ງໄປຍັງປະເທດນີ້ ແລະ ຈຳນວນນັກສັງເກດການອາດຈະເພີ່ມຂຶ້ນເຖິງ 300 ຄົນໃນເດືອນນີ້. ເຈດຕະນາດີຂອງ ປະຊາຄົມໂລກຈະຖືກເສີມຂະຫຍາຍຄຸນປະໂຫຍດຖ້າຫາກວ່າທຸກຝ່າຍມີທິດທາງອັນດຽວກັນ ເພື່ອຄວາມວັດທະນາຖາວອນຂອງປະເທດຊາດ. ແຕ່ໃນສະພາບການປະຈຸບັນນີ້, ເບິ່ງຄືວ່າ ບໍ່ສາມາດປະຕິບັດໄດ້ຢ່າງງ່າຍດາຍ.