(vovworld)- ດຳລັດເລກທີ 72 ກ່ຽວກັບການຄຸ້ມຄອງ, ສະຫນອງ, ນຳໃຊ້ບໍລິການ ອິນເຕີແນັດ ແລະ ຂໍ້ມູນຂ່າວສານທາງເຄືອຄ່າຍອິນເຕີແນັດ ມີຜົນສັກສິດແຕ່ວັນທີ 1/9/2013 ເປັນຕົ້ນໄປ ແມ່ນກອບກົດໝາຍທີ່ສຳຄັນ, ສ້າງສະພາບແວດລ້ອມເພື່ອໃຫ້ອິນເຕີແນດພັດທະນາຢ່າງປອດໄສຢູ່ ຫວຽດນາມ. ເປັນຫນ້າເສຍດາຍ ຫວ່າງແລ້ວນີ້ ສະຖານທູດອາເມລິກາ ຢູ່ຮ່າໂນ້ຍ ໄດ້ອອກແຈ້ງການຫນັງສືພິມກ່ຽວກັບເຫດການນີ້ ແລະ ສະແດງຄວາມວິຕົກກັງວົນທີ່ໄຮ້ເຫດຜົນກ່ຽວກັບດຳລັດເລກທີ 72. ພາຍຫລັງອາທິດຫນຶ່ງ ເມື່ອດຳລັດເລກທີ 72 ຂອງຫວຽດນາມ ມີຜົນສັກສິດຢ່າງເປັນທາງການ, ວັນທີ 6/9/2013, ສະຖານທູດ ອາເມລິກາ ປະຈຳຮ່າໂນ້ຍ ໄດ້ປະກາດອັນທີ່ເອີ້ນວ່າ ແຈ້ງການຫນັງສືພິມ, ໃນນັ້ນ ມີຕອນຂຽນວ່າ: ດຳລັດເລກທີ 72 ໄປຝືນກັບພັນທະຂອງຫວຽດນາມໃນສົນທິສັນຍາສາກົນກ່ຽວກັບບັນດາສິດພົນລະເຮືອນ ແລະ ການເມືອງ ກໍຄືຄຳໝັ້ນສັນຍາຂອງຫວຽດນາມ ໃນຖະແຫລງການສາກົນກ່ຽວກັບສິດທິມະນຸດ. ພວກຂ້າພະເຈົ້າມີຄວາມວິຕົກກັງວົນຢ່າງເລິກເຊິ່ງກ່ຽວກັບບັນດາຂໍ້ກຳນົດທີ່ລະບຸໄວ້ໃນດຳລັດ ເພາະມັນຈຳກັດບັນດາຮູບການສື່ຂ່າວ ຊື່ງສ່ວນບຸກຄົນສາມາດແບ່ງປັນຜ່ານລະຫັດໃນເຄືອຄ່າຍສັງຄົມ ແລະ ບັນດາຫນ້າເວັບ. ນອກນັ້ນ ດຳລັດສະບັບນີ້ ຈະຈຳກັດການພັດທະນາຂອງຂົງເຂດເຕັກໂນໂລຊີຂໍ້ມູນຂ່າວສານທີ່ພວມພັດທະນາຂອງຫວຽດນາມ ດ້ວຍການຈຳກັດການປ່ຽນໃຫມ່ຢູ່ພາຍໃນປະເທດ ແລະ ສະກັດກັ້ນການລົງທຶນຕ່າງປະເທດ.
ພາບປະກອບ:internet
|
ຖ້າບໍ່ຮັບຟັງຄຳເຫັນຈາກຫາງສຽງ ອາດຈະບໍ່ເຫັນໄດ້ເຖິງການກະທຳໄຮ້ເຫດຜົນຂອງສະຖານທູດອາເມລິກາ ຜ່ານອັນທີ່ເອີ້ນວ່າ ແຈ້ງການຫນັງສືພີມທີ່ກ່າວມາຂ້າງເທິງ. ກົງກັບເວລາທີ່ສະຖານທູດ ອາເມລິກາ ອອກແຈ້ງການຫນັງສືພິມກ່ຽວກັບດຳລັດເລກທີ 72, ໃນລາຍການປະຊາຊົນຖາມ, ລັດຖະມົນຕີຕອບ, ທ່ານ ຫງວຽນບັກຊອນ ລັດຖະມົນຕີກະຊວງຖະແຫລງຂ່າວ ແລະ ສື່ສານ ຫວຽດນາມ ໄດ້ໃຫ້ຮູ້ຢ່າງຈະແຈ້ງກ່ຽວກັບບັນດາຈຸດເດັ່ນຂອງດຳລັດດັ່ງກ່າວ. ຕາມນັ້ນແລ້ວ, ດຳລັດເລກທີ 72 ໄດ້ຍົກອອກບັນດາເນື້ອໃນໃຫມ່, ໃກ້ຊິດຕິດແທດກັບຫລັກການພັດທະນາ ໄປຄຽງຄູ່ກັບການຄຸ້ມຄອງ, ລະດົມກຳລັງໃຈ, ສົ່ງເສີມປະຊາຊົນສະຫນອງ, ຊອກຫາ, ແລກປ່ຽນ, ແບ່ງປັນຂໍ້ມູນຂ່າວທາງອິນເຕີແນັດ, ພັດທະນາບັນດາຮູບການຂໍ້ມູນຂ່າວສານທາງເຄືອຄ່າຍອິນເຕີແນັດ. ດຳລັດດັ່ງກ່າວກໍສ້າງເງື່ອນໄຂສະດວກໃຫ້ແກ່ປະຊາຊົນໃນການສະຫນອງຂໍ້ມູນຂ່າວສານຜ່ານຊາຍແດນ ບົນພື້ນຖານຮັບປະກັນຄວາມຖືກຕ້ອງກັບກົດໝາຍຫວຽດນາມ, ທຳນຽມສາກົນ ແລະ ບັນດາສົນທິສັນຍາສາກົນ ຊື່ງຫວຽດນາມໄດ້ເຂົ້າຮ່ວມ, ແລະ ກຳນົດກ່ຽວກັບສິດ ແລະ ຄວາມຮັບຜິດຊອບຂອງອົງການ, ສ່ວນບຸກຄົນສຳລັບການສະຫນອງ, ນຳໃຊ້ຂໍ້ມູນຂ່າວສານທາງອິນເຕີແນັດ ແລະ ບັນດາມາດຕະການເພື່ອປົກປ້ອງສິດຜົນປະໂຫຍດອັນຊອບທຳຂອງຜູ້ນຳໃຊ້ອິນເຕີແນດ. ສະນັ້ນ ດຳລັດດັ່ງກ່າວບໍ່ໄປຝືນກັບບັນດາພັນທະຂອງຫວຽດນາມ ໃນສົນທິສັນຍາສາກົນກ່ຽວກັບສິດພົນລະເຮືອນ ແລະ ການເມືອງ ກໍຄືບັນດາຄຳໝັ້ນສັນຍາຂອງຫວຽດນາມໃນຖະແຫລງການສາກົນ ກ່ຽວກັບສິດທິມະນຸດ ຄືດັ່ງແຈ້ງການຫນັງສືພິມຊື່ງສະຖານທູດ ອາເມລິກາ ຢູ່ ຮ່າໂນ້ຍ ໄດ້ເຕື້ອງເຖິງ.
ທ່ານຫງວຽນບັກຊອນ, ລັດຖະມົນຕີກະຊວງຖະແຫລງຂ່າວ
ແລະ ສື່ສານ ຫວຽດນາມ
|
ທ່ານ ຫງວຽນບັກຊອນ ລັດຖະມົນຕີກະຊວງຖະແຫລງຂາ່ວ ແລະ ສື່ສານ ຫວຽດນາມ ຢືນຢັນວ່າ:
“ທຸກໆປະເທດໃນໂລກລ້ວນແຕ່ຖືເປັນສຳຄັນເສລີພາບໃນການປາກເວົ້າ, ລ້ວນແຕ່ມີບັນດາຂໍ້ກຳນົດຮັບປະກັນສິດເສລີໃນການປາກເວົ້າຂອງມະນຸດ. ແຕ່ບໍ່ມີປະເທດໃດຖືສິດເສລີໃນການປາກເວົ້າແມ່ນບໍ່ມີຂອບເຂດຈຳກັດ, ຍາມໃດກໍຕັ້ງຢູ່ໃນຂອບເຂດຂອງກົດໝາຍ. ເສລີພາບໃນການປາກເວົ້າໄດ້ຮັບການປົກປ້ອງເມື່ອມັນບໍ່ກໍ່ຜົນເສຍຫາຍຕໍ່ຜົນປະໂຫຍດອັນຊອບທຳ, ຖືກຕ້ອງຕາມກົດໝາຍຂອງບັນດາປະເທດ. ຍ້ອນເຫດນີ້ເອງ ລັດຖະບານໄດ້ປະກາດໃຊ້ດຳລັດເລກທີ 72. ນີ້ແມ່ນດຳລັດທີ່ສຳຄັນທີ່ສຸດໃນການສ້າງກອບກົດໝາຍກໍຄືເປັນກຳລັງຊຸກຍູ້ພັດທະນາອິນເຕີແນດ ແລະ ສະຫນອງ, ນຳໃຊ້ການບໍລິການອິນເຕີນແນດກໍຄືເຄືອຄ່າຍສັງຄົມ.”
ກ່ຽວກັບສິ່ງດັ່ງກ່າວ, ທ່ານ ຫງວຽນບັກຊອນ ລັດຖະມົນຕີກະຊວງຖະແຫລງຂາ່ວ ແລະ ສື່ສານ ຫວຽດນາມ ຊີ້ແຈ້ງວ່າ:
“ດັ່ງທີ່ພວກເຮົາໄດ້ຮູ້ແລ້ວວ່າ, ໃນດຳລັດເລກທີ 72, ມາດຕາ 20 ໄດ້ກຳນົດຢ່າງຈະແຈ້ງບັນດາຄຳນິຍາມ, ຈຳແນກຢ່າງຈະແຈ້ງເນື້ອໃນຂອງບັນດາຫນ້າເວັບພວມເຄ່ືອນໄຫວປະຈຸບັນ. ດຳລັດບໍ່ຫ້າມບຸກຄົນສະຫນອງ, ແບ່ງປັນຂໍ້ມູນຂ່າວສານຂອງສ່ວນບຸກຄົນຕໍ່ສັງຄົມ, ພຽງແຕ່ຫ້າມບໍ່ໄດ້ປະຕິບັດການສະຫນອງຂໍ້ມູນຂ່າວສານສັງລວມ. ກ່ຽວກັບສິດຜົນປະໂຫຍດ, ພັນທະຂອງຜູ້ນຳໃຊ້ອິນເຕີແນດ, ມາດຕາ 23 ເວົ້າເຖິງສິດ ແລະ ພັນທະຂອງຜູ້ນຳໃຊ້ຫນ້າເວັບສັງຄົມກໍບໍ່ມີມາດຕາໃດຫ້າມພວກເຮົານຳໃຊ້ ແລະ ຂຸດຄົ້ນ, ຊອກຫາ, ແບ່ງປັນຂໍ້ມູນຂ່າວສານທາງເຄືອຄາຍອິນເຕີແນດ.”
ດຳລັດເລກທີ 72 ດ້ວຍບັນດາມາດຕາຈະແຈ້ງ ນັ້ນແມ່ນເຄື່ອງມືແນະນຳໃຫ້ປະຊາຊົນປະຕິບັດສິດເສລີໃນການປາກເວົ້າ, ສິດເສລີໃນການຖະແຫລງຂ່າວ. ສະນັ້ນ ສະຖານທູດອາເມລິກາປະຈຳຫວຽດນາມບໍ່ຄວນວິຕົກກັງວົນກ່ຽວກັບດຳລັດດັ່ງກ່າວ.
ເລື່ອງຄຸ້ມຄອງອິນເຕີແນັດ ດ້ວຍກົດໝາຍບໍ່ພຽງແຕ່ຢູ່ອາເມລິກາ ເທົ່ານັ້ນ ຫາກຍັງຢູ່ ຈີນ, ສເກົາຫລີ, ອິນເດຍ, ອີຣານ, ສິງກະໂປ…. ກໍເຊັ່ນດຽວກັນກັບປະເທດອື່ນ, ຫວຽດນາມກໍມີການກຳນົດກົດໝາຍສອດຄອ່ງກັບກົດໝາຍສາກົນ ແລະ ຮີດຄອງປະເພນີຂອງປະເທດຊາດ ເພື່ອຊຸກຍູ້ການພັດທະນາອິນເຕີແນັດ ແລະ ຮັບປະກັນສິດເສລີໃນການປາກເວົ້າ. ໃນສະພາບການຄືແນວນັ້ນ ແຈ້ງການຫນັງສືພິມກ່ຽວກັບດຳລັດເລກທີ 72 ຂອງສະຖານທູດ ອາເມລິກາປະຈຳ ຮ່າໂນ້ຍ ແມ່ນການແຊກແຊງທີ່ໄຮ້ເຫດຜົນເຂົ້າວຽກງານພາຍໃນຂອງຫວຽດນາມ. ການກະທຳໄຮ້ເຫດຜົນຫລືຕັ້ງໃຈ ໄດ້ສ້າງກາລະໂອກາດໃຫ້ແກ່ອົງການຈັດຕັ້ງຈຳນວນຫນື່ງ, ສ່ວນບຸກຄົນທີ່ຂາດເຈດຕະນາດີ ສວຍໃຊ້, ເສກສັນປັ້ນແຕ່ງທັດສະນະ, ນະໂຍບາຍ, ກົດໝາຍອັນຖືກຕ້ອງຂອງຫວຽດນາມ.