ວັນທີ 13/2 ໃນແຕ່ລະປີ ແມ່ນຖືກຮັບເລືອກແມ່ນວັນກະຈາຍສຽງໂລກ. ດ້ວຍຫົວຂໍ້ “ ກະຈາຍສຽງ ກໍແມ່ນເພື່ອນ ”. ວັນກະຈາຍສຽງໂລກປີນີ້ ແມ່ນເອົາໃຈໃສ່ເປັນພິເສດເຖິງການເຂົ້າຮ່ວມເປັນປະຈຳ, ຕັ້ງໜ້າຂອງທ່ານຜູ້ຟັງວິທະຍຸກະຈາຍສຽງ, ເປັນຕົ້ນແມ່ນໃນສະພາວະຫັນແຫຼ່ງຂໍ້ມູນຂ່າວສານເປັນຫຼາຍຮູບຫຼາຍແບບດ້ວຍການຂະຫຍາຍຕົວຂອງອິນເຕີເນັດພ້ອມກັບສື່ສັງຄົມ. ດ້ວຍການເລືອກເອົາຜູ້ຟັງແມ່ນໃຈກາງ, ບັນດາວິທະຍຸກະຈາຍສຽງບໍ່ພຽງແຕ່ຮັບຟັງຄຳເຫັນປະກອບຂອງຜູ້ຊົມ, ສ້າງເວທີປາໄສເພື່ອໃຫ້ເຂົາເຈົ້າສະແດງທັດສະນະເທົ່ານັ້ນ, ຫາກຍັງກຳແໜ້ນຄວາມຮຽກຮ້ອງຕ້ອງການຂອງເຂົາເຈົ້າ ແລະ ດັດປັບການຂະຫຍາຍຕົວຂອງກະຈາຍສຽງໃຫ້ສອດຄ່ອງກວ່າເກົ່າ.
ຈົດໝາຍຂອງຜູ້ຟັງ,ຜູ້ອ່ານທີ່ສົ່ງເຖິງວິທະຍຸກະຈາຍສຽງຫວຽດນາມ |
ໃນຍຸກປະຈຸບັນ, ການພັດທະນາຢ່າງແຂງແຮງຂອງວິທະຍາສາດເຕັກໂນໂລຢີ ແລະ ການຂະຫຍາຍຕົວຢ່າງແຂງແຮງຂອງສື່ສັງຄົມຊຶ່ງໄດ້ ແລະ ພວມເຮັດໃຫ້ສະພາບແວດລ້ອມດ້ານການສື່ຂ່າວປ່ຽນແປງຢ່າງວ່ອງໄວໃນຂອບເຂດທົ່ວໂລກ, ໃນນັ້ນ ມີການກະຈາຍສຽງໂລກ. ນີ້ແມ່ນສິ່ງທ້າທາຍຢ່າງແທ້ຈິງ ແລະ ກໍແມ່ນກາລະໂອກາດທີ່ດີສຳລັບ ການກະຈາຍສຽງ. ເພື່ອດຶງດູດການເຂົ້າຮ່ວມຂອງຜູ້ຟັງ, ບັນດາ ວິທະຍຸກະຈາຍສຽງໄດ້ນຳໃຊ້ເຕັກໂນໂລຢີ ແລະ ສື່ສັງຄົມຊຶ່ງແມ່ນບັນດາພາຫະນະທີ່ຜູ້ຟັງໃນທຸກວັນນີ້, ພິເສດແມ່ນຜູ້ຟັງໜຸ່ມ ແລະ ລຸ່ນຜູ້ຟັງໃນອະນາຄົດໄດ້ນຳໃຊ້ຫຼາຍທີ່ສຸດ.
ສ້າງຄວາມເຊື່ອໝັ້ນຕໍ່ມວນຊົນ
ວິທະຍຸກະຈາຍສຽງແຕ່ລະແຫ່ງ ກໍລ້ວນແຕ່ມີບັນດາວິທີສະເພາະຂອງຕົນເພື່ອດຶງດູດຜູ້ຟັງຮັບຟັງ ວິທະຍຸກະຈາຍສຽງໃຫ້ນັບມື້ນັບຫຼາຍຂຶ້ນ. ວິທະຍຸກະຈາຍສຽງບາງແຫ່ງໄດ້ແບ່ງປັນບົດຮຽນ ດຶງດູດຜູ້ຟັງໂດຍຜ່ານການສ້າງຄວາມເຊື່ອໝັ້ນຂອງມວນຊົນ, ປ່ຽນແປງໃໝ່ວິທີຜະລິດລາຍການ, ຍົກສູງຄຸນນະພາບເນືຶ້ອໃນລາຍການ….ບັນດາ ວິທະຍຸກະຈາຍສຽງກໍຍົກສູງລັກສະນະໜູນຊ່ວຍ, ກະທົບຕໍ່ກັນກັບຜູ້ຟັງ, ເພື່ອໃຫ້ຜູ້ຟັງມີໂອກາດສະແດງທັດສະນະຂອງຕົນ, ສະແດງໃຫ້ເຫັນທຸກສິ່ງທີ່ຕ້ອງການ, ເຮັດໃຫ້ເຂົາເຈົ້າຮູ້ສຶກມີບົດບາດສຳຄັນ ແລະ ຍິ່ງກວ່ານັ້ນ, ສຽງເວົ້າຂອງເຂົາເຈົ້າຖືກຮັບຟັງ. ວິທະຍຸກະຈາຍສຽງ ຣູມານີ ແມ່ນໜຶ່ງໃນບັນດາ ວິທະຍຸກະຈາຍສຽງໄດ້ປະສົບຜົນສຳເລັດຕໍ່ນະໂຍບາຍປ່ຽນແປງໃໝ່ນີ້ ຂະນະທີ່ຜູ້ຟັງ ຣູມານີ ຍັງຄົງນິຍົມຕິດຕາມຟັງຫຼາຍກວ່າໝູ່. ແບ່ງປັນກ່ຽວກັບບັນຫານີ້, ຜູ້ອຳນວຍການໃຫຍ່ ວິທະຍຸກະຈາຍສຽງ ຣູມານີ Miculescu ຸໃຫ້ຮູ້ວ່າ :
“ ບັນດາລາຍການກະຈາຍສຽງຂອງພວກຂ້າພະເຈົ້າ ໄດ້ຮັບການຜະລິດໂອຍອີງບົນພື້ນຖານການເຄົາລົບຄວາມເປັນຈິງ. ບັນດາລາຍການໄດ້ຮັບການຜະລິດໄດ້ເລັ່ງໃສ່ຄວາມດຸ່ນດຽ່ງ, ອີງໃສ່ຄວາມເປັນເອກະລາດ, ຄວາມໄວ້ເນື້ອເຊື່ອໃຈເພື່ອດຶງດູດຜູ້ຟັງ. ພວກຂ້າພະເຈົ້າໄດ້ຍູ້ແຮງລັກສະນະຮ່ວມສຳພັນ, ການກະທົບຕໍ່ກັນຂອງບັນດາລາຍການກະຈາຍສຽງຢ່າງບໍ່ຢຸດຢັ້ງໂດຍມີການເຂົ້າຮ່ວມຂອງບັນດາຜູ້ຟັງນີ້ເອງ ”
ນຳໃຊ້ເຕັກໂນໂລຢີເພື່ອເພີ່ມລັກສະນະກະທົບຕໍ່ກັນກັບຜູ້ຟັງ
ບໍ່ພຽງແຕ່ຢຸດຢູ່ໃນບັນດາລາຍການທີ່ມີການກະທົບຕໍ່ກັນເທົ່ານັ້ນ, ບັນດາວິທະຍຸກະຈາຍສຽງໄດ້ຮັບຟັງຄຳເຫັນຂອງຜູ້ຟັງວິທະຍຸກ່ຽວກັບເລື່ອງເຂົາເຈົ້າຢາກຟັງຫຍັງ ແລະ ເຊື່ອມຕໍ່ລະຫວ່າງເຂົາເຈົ້າເຂົ້າກັບບັນດານະໂຍບາຍ, ແຜນການ, ລາຍການຂອງຕົນ. ໃນສະພາບສົງຄາມກາງເມືອງແກ່ຍາວເປັນເວລາ 6 ປີທີ່ຜ່ານມາຢູ່ຊີຣີ, ເລື່ອງປະຊາຊົນໄດ້ຕິດຕາມຂ່າວຈາກບັນດາພາຫະນະສື່ມວນຊົນແມ່ນປະສົບກັບຄວາມຫຍຸ້ງຍາກຫຼາຍຢ່າງ, ເລື່ອງ ບັນດາພາຫະນະສື່ມວນຊົນໃຫ້ຂ່າວເຖິງຜູ້ຟັງ, ຜູ້ອ່ານຢ່າງພາວະວິໄສ ກໍແມ່ນວຽກງານທີ່ບໍ່ແມ່ນງ່າຍດາຍ. ທ່ານນາງ Chawaf ຫົວໜ້າບັນນາທິການໃຫຍ່ຂອງ ວິທະຍຸ Rozana FM ກໍໄດ້ມີນະໂຍບາຍທີ່ດີນັບແຕ່ຫົວທີ່. ທ່ານນາງ Chawaf ຫົວໜ້າບັນນາທິການໃຫຍ່ຂອງ ວິທະຍຸ Rozana FM ກ່າວວ່າ :
“ວິທະຍຸ Rozana FM ໄດ້ຮັບການສ້າງຕັ້ງຂຶ້ນດ້ວຍຈຸດປະສົງແມ່ນສຽງເວົ້າຂອງຊາວຊີຣີ. ຜ່ານໄລຍະ 6 ປີແຫ່ງສົງຄາມກາງເມືອງ ຊຶ່ງຍັງບໍ່ທັນມີວິທີການແກ້ໄຂໃຫ້ຢຸດຕິນັ້ນ, ປະຊາຊົນຊີຣີ ຕ້ອງການມີສື່ມວນຊົນຫາຫະນະໜຶ່ງເພື່ອສະແດງທັດສະນະຂອງຕົນຢ່າງເສລີ. ເພາະສະນັ້ນ, ວິທະຍຸ Rozana FM ໄດ້ກຳນົດວ່າ ທາງວິທະຍຸຕ້ອງແມ່ນສຽງຂອງປະຊາຊົນ ເພື່ອໃຫ້ເຂົາເຈົ້າສະແດງທັດສະນະຂອງຕົນ. ຍ້ອນແນວນັ້ນ, ຜູ້ຟັງກໍເປີດອົກເປີດໃຈກວ່າໃນການປະກອບສຽງເວົ້າຂອງຕົນຜ່ານລາຍການກະຈາຍສຽງ, ຍ້ອນບໍ່ຄືກັບໂທລະພາບທີ່ເຮັດໃຫ້ເຂົາເຈົ້າຢ້ານຖືກປະກົດຕົວ, ສຳລັບການກະຈາຍສຽງ, ເຂົາເຈົ້າຈະບໍ່ປະກົດຕົວ. ນັ້ນແມ່ນເຫດຜົນທີ່ເຮັດໃຫ້ເຂົາເຈົ້າສາມາດສະແດງທັດສະນະຂອງຕົນໂດຍເສລີ ”
ໃນສານວັນກະຈາຍສຽງໂລກປີ 2017, ທ່ານນາງ Irina Bokova, ຜູ້ອຳນວຍການໃຫຍ່ UNESCO ຢືນຢັນວ່າ ໃນວັນນີ້, ວິທີຊຶ່ງພວກເຮົາແບ່ງປັນ ແລະ ຕິດຕາມຂ່າວຄາວພວມນັບມື້ນັບປ່ຽນແປງຢ່າງເລິກເຊິ່ງ. ໃນສະພາບການນັ້ນ, ບັນດາ ວິທະຍຸກະຈາຍສຽງ ບໍ່ມີຍາມໃດພັດຂະຫຍັນຂັນເຄື່ອນ, ມີລັກສະນະເຊື່ອມຕໍ່ ແລະ ມີຄວາມສຳຄັນຄືໃນປະຈຸບັນ. ບັນດາລາຍການກະຈາຍສຽງທີ່ສົ່ງເຖິງຜູ້ຟັງໃຫ້ເຂົາເຈົ້າຮັບຟັງ ແລະ ກະທົບຕອບກ່ຽວກັບຄວາມຕ້ອງການຂອງຜູ້ຟັງ ໄດ້ ແລະ ພວມຊ່ວຍລາຍການກະຈາຍສຽງ ກາຍເປັນເພື່ອນຂອງຜູ້ຟັງເອງ. ຍ້ອນເຫດນີ້ເອງ, ກໍຈະຊ່ວຍຢືນຢັນບົດບາດສຳຄັນຂອງວຽກງານ ການກະຈາຍສຽງ ແລະ ການຮັກສາທີ່ຕັ້ງຂອງການກະຈາຍສຽງໃນໂລກຍຸກປະຈຸບັນ ແມ່ນຢູ່ໃນຂອບເຂດຂອງຕົນ.