(vovworld)- ພາຍຫລັງເຈລະຈາຢ່າງເຄັ່ງຕຶງມາເປັນເວລາ 12 ຊົ່ວໂມງ ຢູ່ ບຣຸກແຊນ ປະເທດແບນຊິກ, ວັນທີ 7/3, ການນຳບັນດາປະເທດຂຶ້ນກັບ ສະຫະພາບເອີລົບ (EU) ແລະ ຕວກກີ ບໍ່ສາມາດຍົກອອກໄດ້ມາດຕະການໃດທີ່ມີຄວາມເປັນໄປ ເພື່ອແກ້ໄຂວິກິດການຊາວອົບພະຍົບໃຫຍ່ສຸດ ຊື່ງບໍ່ເຄີຍມີ ຢູ່ ເອີລົບ ນັບແຕ່ສົງຄາມໂລກຄັ້ງທີ 2. ແທນທີ່ນັ້ນ, ບັນດາຝ່າຍ ພຽງເຫັນດີເປັນເອກະພາບປຶກສາຫາລືຕື່ມອີກ 10 ວັນ ກ່ອນທີ່ຈະລົງນາມໃນຂໍ້ຕົກລົງລະອຽດ.
ຄາດວ່າ ເບື້ອງຕົ້ນ ກອງປະຊຸມສຸດຍອດ EU ແລະ ຕວກກີ ຈະດຳເນີນໃນເວລາ 3 ຊົ່ວໂມງ ສຸດທ້າຍແມ່ນແກ່ຍາວເຖິງ 12 ຊົ່ວໂມງ ແຕ່ຍັງບໍ່ທັນແກ້ໄຂບັນຫາວິກິດການຊາວອົບພະຍົບຢ່າງສຸດກົກສຸດປາຍໄດ້. ທີ່ການປະຊຸມຂ່າວຫລັງກອງປະຊຸມ, ບັນດາຝ່າຍໄດ້ປະກາດວ່າ ຈະຕ້ອງປຶກສາຫາລືຕື່ມອີກຈຶ່ງສາມາດລົງນາມໃນຂໍ້ຕົກລົງລະອຽດໄດ້ເພື່ອສະກັດກັ້ນຊາວອົບພະຍົບເຂົ້າເອີລົບ.
ຂໍ້ສະເຫນີຂອງຕວກກີ ຍາກທີ່ເປັນໄປໄດ້
ໂດຍຖືກກັບການຄາດຄະເນຂອງວົງການນັກໄຈ້ແຍກກ່ອນທີ່ດຳເນີນກອງປະຊຸມ, ຕວກກີ ໄດ້ຍາດແຍ່ງທ່າໄດ້ປຽບຢ່າງສຸດຂີດ ເພື່ອຍົກອອກບັນດາຂໍ້ສະເຫນີທີ່ມີປະໂຫຍດໃຫ້ຕົນເອງ, ນັ້ນແມ່ນ ບັນດາການນຳ EU ລ້ວນແຕ່ອີງໃສ່ Ankara ເພື່ອຊອກຫາທາງອອກໃຫ້ວິກິດການຊາວອົບພະຍົບ ຊື່ງ ຊາວອົບພະຍົບສ່ວນຫລາຍໄປເຖິງ ເອີລົບ ລ້ວນແຕ່ຕ້ອງຜ່ານ ຕວກກີ. ສະນັ້ນ ທີ່ກອງປະຊຸມສຸດຍອດ, Ankara ໄດ້ຮຽກຮ້ອງ EU ຫນູນຊ່ວຍຕື່ມອີກ 3 ຕື້ ເອີໂຣ ໃນໄລຍະ 2 ປີຈະມາເຖິງ, ນຳໃຊ້ລະບອບນະໂຍບາຍພາກພື້ນ Schengen ໃຫ້ພົນລະເມືອງ ຕວກກີ ໃນເດືອນ 6 (ແທນທີ່ທ້າຍປີ) ແລະຍູ້ໄວການປຶກສາຫາລືບັນຫາປະເທດນີ້ເຂົ້າຮ່ວມ EU.
ຕໍ່ຫນ້າບັນດາຄວາມຮຽກຮ້ອງສູງເກີນໄປຂອງ ຕວກກີ, ເບິ່ງຄືວ່າ EU ຍາກທີ່ຕອບສະຫນອງໄດ້. ແທນທີ່ຍົກອອກຄຳຕັດສິນສຸດທ້າຍ, ບັນດາປະເທດ ເອີລົບ ພຽງໃຫ້ຄຳໝັ້ນສັນຍາອາດຈະໂອນໃຫ້ຕວກກີຈຳນວນເງິນຫລາຍກວ່າ 3 ຕື້ ເອີໂຣ ເພື່ອຫນູນຊ່ວຍມະນຸດສະທຳໃຫ້ຊາວອົບພະຍົບ ແຕ່ບໍ່ຂຶ້ນເຖິງ 6 ຕື້ ເອີໂຣ. ຈຳນວນເງິນຄືແນວໃດຈະສືບຕໍ່ປຶກສາຫາລື. EU ຈະເລີ່ມເຈລະຈາຄືນໃຫມ່ກ່ຽວກັບ ເລື່ອງຕວກກີ ເຂົ້າຮ່ວມ EU. ເຖິງຢ່າງໃດກໍຕາມນີ້ແມ່ນເລື່ອງບໍ່ສາມາດປະຕິບັດໂດຍໄວໄດ້, ຍ້ອນວິວັດການເຈລະຈາອາດຈະແກ່ຍາວໃນຫລາຍປີ.
ຈຸດເດັ່ນ ຊື່ງ EU ແລະ ຕວກກີ ເຫັນດີເປັນເອກະພາບທີ່ກອງປະຊຸມດັ່ງກ່າວ ນັ້ນແມ່ນ ສອງຝ່າຍ ຈະໄລ່ຈັບພວກຄ້າຂາຍມະນຸດຢູ່ທະເລ Egee, ສົ່ງຊາວອົບພະຍົບຈາກ ຕວກກີ ໄປຍັງ ເກຼັກ ຢ່າງປີດລັບ.
ກອງປະຊຸມສຸດຍອດ EU - ຕວກກີ ໄດ້ອັດລົງ ຫາກບໍ່ມີຂໍ້ຕົກລົງໃດຖືກຍົກອອກມາທີ່ມີສ່ວນກ່ຽວຂ້ອງເຖິງມາດຕະການຮັບມືກັບວິກິດການຊາວອົບພະຍົບ. ອາດຈະເຫັນໄດ້ວ່າ EU ຕ້ອງການ ຕວກກີ . ສະນັ້ນ ເຖິງວ່າ ໝາກຜົນບໍ່ທັນຕອບສະຫນອງຄວາມຮຽກຮ້ອງຕ້ອງການຂອງແຕ່ລະຝ່າຍໄດ້ ແຕ່ເລື່ອງການນຳ EU ອອກຖະແຫລງການຊົມເຊີຍ ຂໍ້ສະເຫນີຂອງ Ankara ສະແດງໃຫ້ເຫັນວ່າ ກຸ່ມນີ້ປາດຖະຫນາຢາກບັນລຸຂໍ້ຕົກລົງສະກັດກັ້ນຊາວອົບພະຍົບເຂົ້າ ເອີລົບ ເປັນຕົ້ນໃນສະພາບວິກິດການພວມທົດສອບຄວາມສາມັກຄີລະຫວ່າງບັນດາປະເທດສະມາຊິກ EU.
ຂໍ້ຕົກລົງລະອຽດຍັງຢູ່ໃນພາຍພາກຫນ້າ
ເປັນອັນວ່າ ຕ້ອງລໍຖ້າຈົນເຖິງກອງປະຊຸມສຸດຍອດຄັ້ງຈະມາເຖິງຂອງ EU ຄາດວ່າຈະດຳເນີນໃນວັນທີ 17, 18/3 ຈຶ່ງສາມາດຮູ້ໄດ້ວ່າ ບັນດາປະເທດ ເອີລົບອາດຈະອີງໃສ່ມາດຕະການຂອງ ຕວກກີ ເພື່ອແກ້ໄຂບັນຫາຊາວອົບພະຍົບຫລັ່ງໄຫລເຂົ້າ ເອີລົບ ຫລືບໍ່. ເຖິງຢ່າງໃດກໍຕາມ, ພາຍຫລັງກອງປະຊຸມ ໄດ້ປະກົດອອກຄວາມວິຕົກກັງວົນຕໍ່ເລື່ອງ EU ຮັບຮູ້ບັນດາເງື່ອນໄຂຂອງ ຕວກກີ ຈະສ້າງຕັ້ງຄວາມຊີນເຄີຍທີ່ອັນຕະລາຍ - ບັນດາຫລັກການປະຊາທິປະໄຕຕົ້ນຕໍຂອງກຸ່ມ ກາຍເປັນ “ເຄື່ອງຂອງເພື່ອແລກປ່ຽນ”. ແຕ່ບັນດາຜູ້ຕຳຫນີຕິຕຽນ EU ຖືກເສຍອິດທິພົນຢ່າງແຮງ ຖ້າຕອບສະຫນອງບັນດາຄວາມຮຽກຮ້ອງຕ້ອງການຂອງ Ankara. ໃນຂະນະນັ້ນ ທ່ານ Vincent Cochetel, ຜູ້ອຳນວຍການ ຂ້າຫລວງໃຫຍ່ ສປຊ ກ່ຽວກັບຊາວອົບພະຍົບ (UNHCR) ໃຫ້ຮູ້ວ່າ: ໄດ້ເນລະເທດໝູ່ຄະນະຊາວຕ່າງປະເທດຖືກຫ້າມ ຕາມສົນທິສັນຍາກ່ຽວກັບສິດທິມະນຸດຂອງເອີລົບ, ບໍ່ສອດຄ່ອງກັບກົດໝາຍ ເອີລົບ ແລະ ກົດໝາຍສາກົນ.
ດ້ວຍຖານະເປັນສະມາຊິກ EU, ທ່ານ Martin Schulz, ປະທານລັດຖະສະພາ ເອີລົບ ຖະແຫລງວ່າ: ເລື່ອງເຂົ້າຮ່ວມ EU ບໍ່ໄດ້ຍົກອອກເປັນເງື່ອນໄຂເພື່ອໃຫ້ Ankara ປະຕິບັດບັນດາຄວາມຮັບຜິດຊອບຂອງຕົນໃນບັນຫາຊາວອົບພະຍົບ. ທ່ານໄດ້ເນັ້ນຫນັກວ່າ ເອີລົບ ຈະຈຳແນກຢ່າງຈະແຈ້ງບັນດາການເຈລະຈາກ່ຽວກັບການເຂົ້າຮ່ວມ EU ຂອງຕວກກີ ຕໍ່ວິກິດການຊາວອົບພະຍົບປະຈຸບັນ.
ເຖິງວ່າ ດ້ວຍພູມສາດທີ່ສຳຄັນ, ທຸກຄວາມມານະພະຍາຍາມຂອງບັນດາປະເທດ EU ໃນການຄວບຄຸມຊາຍແດນ ລ້ວນແຕ່ໄຮ້ຜົນປະໂຫຍດ ຖ້າຫາກບໍ່ມີການຮ່ວມມືຂອງຕວກກີ. ປະຈຸບັນ ຢູ່ດິນແດນ ຕວກກີ ມີຊາວອົບພະຍົບ ຊີຣີ 4 ລ້ານຄົນ ແລະ ພຽງອຳນາດການປົກຄອງ Ankara ໂຍະຍານບັນດາມາດຕະການປ້ອງກັນຄວາມສະຫງົບ, ຈຳນວນຊາວອົບພະຍົບດັ່ງກ່າວຈະຊອກທຸກວິທີເພື່ອໄປຍັງ ເອີລົບ, ກໍໃຫ້ເກີດວິກິດການມະນຸດສະທຳທີ່ຮ້າຍແຮງ.
ຂໍ້ຕົກລົງສຸດທ້າຍກ່ຽວກັບຂໍ້ສະເຫນີຂອງ ຕວກກີ ໂດຍ EU ຍົກອອກມາທີ່ກອງປະຊຸມສຸດຍອດຈະດຳເນີນໃນອາທິດຫນ້າ. ບໍ່ຮູ້ໄດ້ວ່າ ຈະມີມາດຕະການໃດເພື່ອຕອບສະຫນອງຄວາມຮຽກຮ້ອງຕ້ອງການຂອງແຕ່ລະຝ່າຍ. ໝາກຜົນຍັງລໍຖ້າບັນດາມາດຕາລະອຽດ ຊື່ງ EU ແລະ ຕວກກີ ບັນລຸໄດ້ຢູ່ກອງປະຊຸມສຸດຍອດຊື່ງຈະດຳເນີນໃນ 10 ມື້ຈະມາເຖິງ.