(vovworld)- ວັນທີ 02/12/2013, ທ່ານປະທານສະພາແຫ່ງຊາດຫວຽດນາມ ຫງວຽນຊີງຮຸ່ງ ຕາງຫນ້າໃຫ້ ສສຊ ເກືອບ 500 ທ່ານ ແລະ ປະຊາຊົນຫວຽດນາມ 90 ລ້ານຄົນ ໄດ້ລົງລາຍເຊັນໃສ່ລັດຖະທຳມະນູນສະບັບໃຫມ່ຂອງ ປະເທດ ສສ ຫວຽດນາມ. ກ່ອນຫນ້ານັ້ນ, ວັນທີ 28/11, ດ້ວຍບັດເຫັນດີ 97,59% ຂອງ ສສຊ ໄດ້ຮັບຮອງເອົາ ລັດຖະທຳມະນູນສະບັບປັບປຸງ ເພື່ອເຊີດຊູສິດທິມະນຸດຢ່າງລະອຽດ.
ທ່ານ ຫງວຽນຊີງຮຸ່ງ, ປະທານສະພາແຫ່ງຊາດຫວຽດນາມ
|
ສິດທິມະນຸດ, ສິດ ແລະ ພັນທະພື້ນຖານຂອງພົນລະເມືອງ ແມ່ນບັນຫາສຳຄັນ, ແມ່ນເນື້ອໃນພື້ນຖານຂອງລັດຖະທຳມະນູນບໍ່ວ່າຂອງປະເທດໃດໃນໂລກ.
ເລື່ອງລັດຖະທຳມະນູນປີ 1992 ສະບັບປັບປຸງຂອງຫວຽດນາມ ມີເນື້ອໃນຕື່ມອີກກ່ຽວກັບສິດທິມະນຸດໃນພາກທີ 2 ແມ່ນບາດກ້າວໃຫມ່ກ່ຽວກັບຈີນຕະນາການດ້ານກົດໝາຍ ພ້ອມທັງຮັບປະກັນໃຫ້ແກ່ລັດຖະທຳມະນູນສະບັບໃຫມ່ພາຍຫລັງທີ່ໄດ້ຮັບການປະກາດໃຊ້ບໍ່ແຕກຕ່າງປານໃດເມື່ອທຽບໃສ່ເນື້ອໃນລັດຖະທຳມະນູນຂອງປະເທດອື່ນໃນໂລກ, ຮັບປະກັນການຫັນບັນດາສົນທິສັນຍາ ສປຊ ກ່ຽວກັບສິດທິມະນຸດເປັນລະອຽດ ຊື່ງຫວຽດນາມ ໄດ້ເຂົ້າຮ່ວມ.
ມີຫລາຍເນື້ອໃນກ່ຽວກັບສິດທິມະນຸດເປັນຄັ້ງທຳອິດໄດ້ລະບຸໄວ້ໃນລັດຖະທຳມະນູນ
ລັດຖະທຳມະນູນສະບັບປັບປຸງໄດ້ລະບຸໄວ້ສິດທິມະນຸດ, ສິດ ແລະ ພັນທະພື້ນຖານຂອງພົນລະເມືອງຢ່າງຄົບຖ້ວນ, ສະແດງໃຫ້ເຫັນຫນ້າທີ່ຂອງລັດ ແລະ ສັງຄົມໃນການຮັບຮູ້, ເຄົາລົບ, ປົກປ້ອງ ແລະ ຮັບປະກັນສິດທິມະນຸດ. ລັດຖະທຳມະນູນສະບັບປັບປຸງ ເປັນຄັ້ງທຳອິດ ກຳນົດສິດມີຊີວິດ, ສິດຊົມໃຊ້ບັນດາຄຸນຄ່າວັດທະນະທຳ, ສິດຮັບຮູ້ຊົນຊາດຂອງຕົນ, ນຳໃຊ້ພາສາແມ່, ສິດເສລີໃນການເລືອກເຟັ້ນພາສາເວົ້າ, ສິດໄດ້ດຳລົງຊີວິດໃນສະພາບແວດລ້ອມທີ່ໂປ່ງໃສ. ທ່ານຟ້າມວັນແທ່ງ ຢູ່ຕາແສງ ທັງເລີ້ຍ ນະຄອນ ບວນມາທວດ ໃຫ້ຂໍ້ສັງເກດວ່າ:
“ຂ້າພະເຈົ້າເຫັນວ່າ ເລື່ອງນຳສິດທິມະນຸດເຂົ້າລັດຖະທຳມະນູນສະບັບປັບປຸງແມ່ນດີທີ່ສຸດ, ເໝາະສົມກັບທ່າອ່ຽງຂອງໂລກ ແລະ ຮັບປະກັນພື້ນຖານດ້ານກົດໝາຍໃຫ້ແກ່ປະຊາຊົນ ແລະ ອຳນາດການປົກຄອງປະຕິບັດສິດທິມະນຸດ.”
ບັນດາມາດຕາໃນລັດຖະທຳມະນູນສະບັບປັບປຸງ ກໍໄດ້ຮັບການສັບຊ້ອນຕາມໝວດບັນດາສິດຄືນໃຫມ່ ເພື່ອຮັບປະກັນລັກສະນະເອກະພາບລະຫວ່າງ ສິດທິມະນຸດ ແລະ ສິດພົນລະເມືອງ, ຮັບປະກັນລັກສະນະວິທະຍາສາດ, ເໝາະສົມ. ເປັນຫນ້າສົນໃຈ, ໃນລັດຖະທຳມະນູນສະບັບປັບປຸງ ແມ່ນສະແດງໃຫ້ເຫັນຢ່າງຈະແຈ້ງສິດໃດແມ່ນໝວດສິດນຳໃຊ້ສຳລັບສ່ວນບຸກຄົນທຸກຄົນດ້ວຍຖານະແມ່ນສິດທິມະນຸດ, ສິດໃດແມ່ນໝວດສິດພຽງນຳໃຊ້ສຳລັບພົນລະເມືອງຫວຽດນາມ ດ້ວຍຖາລະແມ່ນບັນດາສິດພົນລະເມືອງ. ທ່ານຮອງປະທານສະພາແຫ່ງຊາດຫວຽດນາມ ອວງຈູລືວ ໃຫ້ຮູ້ວ່າ:
“ໃນລັດຖະທຳມະນູນສະບັບປັບປຸງ ກຳນົດກ່ຽວກັບສິດ ແລະ ພັນທະພື້ນຖານຂອງພົນລະເມືອງແມ່ນຍ້າຍຈາກພາກທີ 5 ຂຶ້ນພາກທີ 2. ນັ້ນກໍແມ່ນການສະແດງໃຫ້ເຫັນຄວາມສຳຄັນຂອງພາກກ່ຽວກັບສິດທິມະນຸດ. ທີສອງ ຊື່ຂອງພາກກໍມີການປ່ຽນແປງ, ກ່ອນນີ້ ແມ່ນສິດ ແລະ ພັນທະຂອງພົນລະເມືອງ, ປະຈຸບັນ ແມ່ນສິດທິມະນຸດ, ສິດ ແລະ ພັນທະພື້ນຖານຂອງພົນລະເມືອງ. ສິ່ງດັ່ງກ່າວໄດ້ຢືນຢັນວ່າ: ລັດ ໝັ້ນໝາຍຮັບປະກັນ, ປົກປ້ອງ, ເຄົາລົບສິດທິມະນຸດ, ສິດພົນລະເມືອງແມ່ນຖືກຕ້ອງກັບສົນທິສັນຍາສາກົນ ຊື່ງຫວຽດນາມໄດ້ເຂົ້າເປັນສະມາຊິກ. ”
ບັນດາສິດພື້ນຖານຄືສິດເສລີໃນການປາກເວົ້າ, ສິດເສລີດ້ານສື່ມວນຊົນ, ສິດສື່ຂ່າວ, ການປະຊຸມ,ສ້າງຕັ້ງສະມາຄົມຫລື ແຫ່ຂະບວນປະທ້ວງ ສືບຕໍ່ໄດ້ຮັບການຢັ້ງຢືນ ແລະ ການປະຕິບັດບັນດາສິດດັ່ງກ່າວໂດຍແມ່ນກົດໝາຍກຳນົດ.
ຍູ້ໄວການປະກາດໃຊ້ກົດໝາຍເພື່ອປະຕິບັດສິດທິມະນຸດ
ເພື່ອໃຫ້ບັນດາຂໍ້ກຳນົດກ່ຽວກັບສິດທິທະນຸດໄດ້ຮັບການປະຕິບັດໃນຊີວິດສັງຄົມ ຄວນປະກາດໃຊ້ກົດໝາຍເພື່ອມີຂັ້ນຕອນລະບຽບການລະອຽດ. ທ່ານ ເລມີງທົງ, ຮອງຫົວຫນ້າກຳມາທິການກົດໝາຍຂອງສະພາແຫ່ງຊາດໃຫ້ຮູ້ວ່າ:
“ກ່ຽວກັບດ້ານຫລັກການ, ສິດທິມະນຸດ, ສິດ ແລະ ພັນທະຂອງພົນລະເມືອງໄດ້ຮັບການກຳນົດໃນລັດຖະທຳມະນູນ ແມ່ນມີຜົນສັກສິດປະຕິບັດໂດຍກົງ. ແຕ່ ສຳຄັນນັ້ນແມ່ນຂັ້ນຕອນ, ລະບຽບການປະຕິບັດ ຫາກຂາດສິດນັ້ນຍາກທີ່ນຳເຂົ້າສູ່ຊີວິດຕົວຈິງໄດ້. ບັນຫາທີ່ວາງອອກປະຈຸບັນ ຕ້ອງຮີບເຮັ່ງສ້າງກົດໝາຍເພື່ອໃຫ້ບັນດາສິດຂອງພົນລະເມືອງມີຄວາມໝາຍໃນພຶດຕິກຳຕົວຈິງ.”
ຫວຽດນາມ ໄດ້ເຂົ້າຮ່ວມບັນດາສົນທິສັນຍາສິດທິມະນຸດທີ່ສຳຄັນເກືອບທັງໝົດ. ເລື່ອງຮັບຮູ້, ຢືນຢັນສິດທິມະນຸດໃນລັດຖະທຳມະນູນຈະປະກອບສ່ວນຮັບປະກັນສິດທິມະນຸດທີ່ໄດ້ຮັບການປະຕິບັດໃນພຶດຕິກຳຕົວຈິງ.