(vovworld)- ລັດຖະທຳມະນູນປະເທດສາທາລະນະລັດສັງຄົມນິຍົມຫວຽດນາມ (ໄດ້ຮັບການປັບປຸງເມື່ອປີ 2013) ມີຜົນສັກສິດນັບແຕ່ວັນທີ 1/1/2014 ເປັນຕົ້ນໄປ. ໜຶ່ງໃນບັນດາເນື້ອໃນຂອງລັດຖະທຳມະນູນແມ່ນຍົກສູງສິດອຳນາດຂອງ ປຊຊ. ນີ້ແມ່ນທັດສະນະພື້ນຖານທີ່ໄດ້ລະບຸໄວ້ໃນບັນດາພາກ, ຂໍ້ມາດຕາຂອງລັດຖະທຳມະນູນ ຊື່ງຊີ້ແຈ້ງຕົ້ນກຳເນີດ, ທາດແທ້, ກຳລັງແຮງຂອງສິດອຳນາດແຫ່ງລັດແມ່ນຢູ່ໃນໝູ່ ປຊຊ, ຂຶ້ນກັບ ປຊຊ, ປຊຊ ແມ່ນເຈົ້າພາບສູງສຸດຂອງສິດອຳນາດແຫ່ງລັດ. ບັນນາທິການ VOV ຂໍຄັດສະເໜີບົດຂອງທ່ານສາດສະດາຈານ, ດຣ ຫວູ້ວັນຮ່ວຽນ ຮອງປະທານສະພາທິດສະດີສູນກາງ ດ້ວຍຫົວຂໍ້ວ່າ: ສິດອຳນາດຂອງປະຊາຊົນ.
ປຊຊ ປະກອບຄຳເຫັນເຂົ້າໃນການປັບປຸງລັດຖະທຳມະນູນ
(ພາບ: Trube)
ລັດຖະທຳມະນູນປະເທດສາທາລະນະລັດສັງຄົມນິຍົມຫວຽດນາມ (ໄດ້ຮັບການປັບປຸງເມື່ອປີ 2013) ຖະແຫຼງວ່າ: “ປະເທດສາທາລະນະລັດສັງຄົມນິຍົມຫວຽດນາມ ໂດຍ ປຊຊ ເປັນເຈົ້າ, ສິດອຳນາດແຫ່ງລັດທັງໝົດແມ່ນຂຶ້ນກັບ ປຊຊ ຊື່ງພື້ນຖານແມ່ນສຳພັນທະມິດລະຫວ່າງຊົນຊັ້ນກຳມະກອນກັບຊົນຊັ້ນຊາວກະສິກອນ ແລະ ຖັນແຖວນັກປັນຍາຊົນ“.
ຖ້າພິຈາລະນາທັງດ້ານທິດສະດີ ແລະ ພຶດຕິກຳຕົວຈິງ, ລັດຖະທຳມະນູນສະບັບປັບປຸງປີ 2013 ຢັ້ງຢືນວ່າ ສິດອຳນາດແຫ່ງລັດທັງໝົດແມ່ນຂຶ້ນກັບ ປຊຊ ໂດຍອີງຕາມບັນດາພື້ນຖານທີ່ໝັ້ນຄົງໜັກແໜ້ນ.
(ພາບປະກອບ)
ສິດອຳນາດແຫ່ງລັດທັງໝົດລ້ວນແຕ່ຂຶ້ນກັບ ປຊຊ
ທ່ານປະທານໂຮ່ຈິມິນ, ຜູ້ນຳທີ່ປີຊາສາມາດຂອງຊາດຫວຽດນາມ ຍາມໃດກໍ່ຢັ້ງຢືນແນວຄິດ “ເອົາ ປຊຊ ເປັນກົກ“, ສະນັ້ນ, ເມື່ອຍາດໄດ້ອຳນາດການປົກຄອງ, ສ້າງລັດໃໝ່, ລັດນັ້ນຈະແມ່ນລັດຂອງ ປຊຊ, ໂດຍ ປຊຊ ແລະ ເພື່ອ ປຊຊ.
ໃນໂຄງການການເມືອງສ້າງສາປະເທດຊາດໃນໄລຍະຂ້າມຜ່ານກ້າວຂຶ້ນສັງຄົມນິຍົມປີ 1991“, ຫຼັກການຈັດຕັ້ງຂອງລັດໄດ້ຮັບການກຳນົດວ່າ: “ລັດຫວຽດນາມ ໄດ້ເປັນເອກະພາບສິດນິຕິບັນຍັດ, ບໍລິຫານ ແລະ ຕຸລາການ, ດ້ວຍການຈັດແບ່ງສາມສິດນັ້ນຢ່າງຈະແຈ້ງ“. ໂດຍໄດ້ຫັນເນື້ອໃນຈິດໃຈດັ່ງກ່າວເປັນລະອຽດ, ມະຕິກອງປະຊຸມໃຫ່ຍຄັ້ງທີ 9 ຂອງພັກຢືນຢັນວ່າ: ລັດຫວຽດນາມ ແມ່ນເຄື່ອງມືຕົ້ນຕໍເພື່ອປະຕິບັດສິດເປັນເຈົ້າຂອງ ປຊຊ, ແມ່ນລັດແຫ່ງອຳນາດນິຕິບັນຍັດຂອງ ປຊຊ, ໂດຍ ປຊຊ ແລະ ເພື່ອ ປຊຊ. ຕໍ່ຈາກນັ້ນ, ມະຕິກອງປະຊຸມໃຫ່ຍຄັ້ງທີ 11 ຂອງພັກໄດ້ຮັບຮອງເອົາໂຄງການການເມືອງສ້າງສາປະເທດຊາດ ໃນໄລຍະຂ້າມຜ່ານກ້າວຂຶ້ນສັງຄົມນິຍົມ (ປັບປຸງ, ເພີ່ມເຕີມປີ 2011), ໃນນັ້ນສືບຕໍ່ຢືນຢັນວ່າ: “ລັດຫວຽດນາມ ແມ່ນລັດແຫ່ງອຳນາດນິຕິບັນຍັດຂອງ ປຊຊ, ໂດຍ ປຊຊ ແລະ ເພື່ອ ປຊຊ“.
ສະນັ້ນ, ການກຳນົດສິດອຳນາດສູງສຸດຂອງລັດຫວຽດນາມ ຂຶ້ນກັບ ປຊຊ ແມ່ນຫຼັກໝັ້ນທີ່ເດັດດ່ຽວ, ບໍ່ມີການປ່ຽນແປງຂອງພັກກອມມູນິດຫວຽດນາມ.
ຫັນສິດອຳນາດຂອງ ປຊຊ ທີ່ລະບຸໄວ້ໃນລັດຖະມຳທະນູນເປັນລະອຽດ
ໃນບັນດາພາກ, ຂໍ້ມາດຕາຂອງລັດຖະທຳມະນູນ. ເນື້ອໃນສັງລວມ ແລະ ພົ້ນເດັ່ນແມ່ນ: ສິດອຳນາດທັງໝົດຂອງລັດແມ່ນຂຶ້ນກັບ ປຊຊ, ເຕົ້າໂຮມໃນໝູ່ ປຊຊ, ໝາຍຄວາມວ່າ,ສິດອຳນາດຂອງລັດໃນທຸກຂົງເຂດ ນິຕິບັນຍັດ, ບໍລິຫານ ຫຼື ຕຸລາການລ້ວນແຕ່ມີຕົ້ນກຳເນີດລວມແມ່ນຮັບໃຊ້ ປຊຊ, ຮັບປະກັນສິດເປັນເຈົ້າຂອງ ປຊຊ, ໂດຍ ປຊຊ ມອບສິດໃຫ້. ວິທີຈັດຕັ້ງສິດອຳນາດ ແລະ ສະພາບຕົວຈິງແຫ່ງການປະຕິບັດສິດອຳນາດຂອງທຸກອົງການແຫ່ງລັດລ້ວນແຕ່ຕ້ອງຮັບໃຊ້ ປຊຊ, ເພື່ອຜົນປະໂຫຍດລວມ ແລະ ຮັບຜິດຊອບຕໍ່ໜ້າ ປຊຊ. ນັ້ນແມ່ນພື້ນຖານອັນໜັກແໜ້ນເພື່ອຈຳກັດບັນດາປັດໄຈຫຍໍ້ທໍ້, ຂາດຄວາມຮັບຜິດຊອບຂອງບັນດາອົງການ ຫຼືສ່ວນບຸກຄົນໄດ້ຮັບການມອບສິດປະຕິບັດສິດອຳນາດຈາກ ປຊຊ. ພ້ອມກັນນັ້ນກໍ່ແມ່ນພື້ນຖານເພື່ອສ້າງກົນໄກກວດກາ, ຕີລາຄາຄຸນນະພາບ ແລະ ປະສິດທິຜົນຂອງບັນດາອົງການສິດອຳນາດແຫ່ງລັດ.
ບົນພື້ນຖານທັດສະນະສະເໝີຕົ້ນສະເໝີປາຍທີ່ວ່າ: ສິດອຳນາດແຫ່ງລັດແມ່ນຂຶ້ນກັບ ປຊຊ ນັ້ນ, ລັດຖະທຳມະນູນກຳນົດແຈ້ງບັນດາວຽກລະອຽດຊື່ງ ປຊຊ ປະຕິບັດສິດອຳນາດຂອງຕົນ. ນັ້ນແມ່ນການເລືອກຕັ້ງສະມາຊິກສະພາແຫ່ງຊາດໂດຍກົງ. ບັນດາສະມາຊິກສະພາແຫ່ງຊາດໂດຍຜູ້ມີສິດເລືອກຕັ້ງເປັນຜູ້ເລືອກຕັ້ງຈະໄດ້ຮັບການຕິດຕາມກວດກາ, ຕີລາຄາຈາກ ປຊຊ.
ກົນໄກປະຕິບັດສິດອຳນາດຂອງ ປຊຊ
ການປະຕິບັດສິດອຳນາດຂອງ ປຊຊ ຢ່າງມີປະສິດທິຜົນແມ່ນປະຕິບັດຂໍ້ກຳນົດ “ພັກນຳພາ, ປຊຊ ເປັນເຈົ້າ, ລັດຄຸ້ມຄອງ“ ເປັນຢ່າງດີ.
ຕາມກົນໄກນີ້, “ປຊຊ ເປັນຈົ້າ“ ແມ່ນປັດໄຈກວມລວມ, ພັກ ແລະ ລັດບໍ່ນອນຢູ່ນອກຂອບເຂດ ປຊຊ.
ເພື່ອປະຕິບັດຫຼັກການ “ທຸກແຫຼ່ງກຳລັງໃນສັງຄົມ ແລະ ຂອງລັດລ້ວນແຕ່ຂຶ້ນກັບ ປຊຊ“ ຢ່າງຖືກຕ້ອງນັ້ນ, ຕ້ອງຮັບປະກັນບັນດາເງື່ອນໄຂດ້ານວັດຖຸ-ວັດທະນະທຳ-ສັງຄົມຢູ່ໃນລະດັບພັດທະນາທີ່ແນ່ນອນ ແລະ ຕ້ອງຍົກລະດັບຄວາມຮູ້ປັນຍາຂອງ ປຊຊ. ນັ້ນແມ່ນການຮັບປະກັນໃຫ້ຊີວິດດ້ານວັດຖຸ ແລະ ຈິດໃຈຂອງ ປຊຊ ໄດ້ຮັບການປົວແປງຢ່າງບໍ່ຢຸດຢັ້ງ, ຊີວິດສັງຄົມໝັ້ນຄົງ, ປຊຊ ຢູທຸກເຂດພາກລ້ວນແຕ່ໄດ້ຮັບຄວາມເອົາໃຈໃສ່, ບັນດາເຜົ່າລ້ວນແຕ່ມີຄວາມສະເໝີພາບ. ລະດັບຄວາມຮູ້, ພູມປັນຍາຂອງ ປຊຊ ສະແດງໃຫ້ເຫັນຜ່ານຄວາມເຂົ້າອົກເຂົ້າໃຈ, ເຄົາລົບກົດໝາຍ, ກົດລະບຽບຂໍ້ບັງຄັບ, ຄວາມເຂົາອົກເຂົ້າໃຈກ່ຽວກັບກົດເກນພັດທະນາຂອງທຳມະຊາດ, ສັງຄົມ, ເຂົ້າອົກເຂົ້າໃຈກ່ຽວກັບຍຸກສະໄໝ ແລະ ໜ້າທີ່, ຄວາມຮັບຜິດຊອບຂອງຕົນຕໍ່ສັງຄົມ.
ດ້ວຍລະດັບຄວາມຮູ້, ພູມປັນຍາຂອງ ປຊຊ ນັບມື້ນັບໄດ້ຮັບການຍົກສູງ ແລະ ເງື່ອນໄຂເສດຖະກິດ-ການເມືອງ-ວັດທະນະທຳ-ສັງຄົມ ມີບັນດາບາດກ້າວພັດທະນາທີ່ແນ່ນອນ, ສິດອຳນາດຂອງ ປຊຊ ຈະໄດ້ຮັບການເສີມຂະຫຍາຍ. ຈຸດໝາຍ ປຊຊ ຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ຍຸດຕິທຳ, ສີວິໄລຈະໄດ້ຮັບການປະຕິບັດຢ່າງຈົບງາມ./.