ວັນທີ 18/9, ຜູ້ມີສິດເລືອກຕັ້ງຊາວ ສະກົດແລນ ກວ່າ 4 ລ້ານຄົນໄດ້ໄປ ປ່ອນບັດໃນການລົງປະຊາມະຕິກ່ຽວກັບອະນາຄົດຂອງປະເທດຊາດ. ໝາກຜົນຂອງການປ່ອນບັດ, ຖ້າຫາກບັນລຸອັດຕາບັດຄະແນນເຫັນດີຂອງກວ່າ 50% ຈຳນວນຜູ້ມີສິດເລືອກຕັ້ງນັ້ນ, ປະເທດເອກະລາດດ້ວຍຈຳນວນປະຊາກອນ 5,3 ລ້ານຄົນອາດຈະຖືກປະກົດຕົວ. ເລື່ອງ ສະກົດແລນສາມາດກາຍເປັນປະເທດທີ່ວັດທະນາຖາວອນພາຍຫຼັງເອກະລາດໄດ້ຫຼືບໍ່ນັ້ນ, ກໍແມ່ນສິ່ງທີ່ບໍ່ມີໃຜກ້ານຳມາປຶກສາຫາລື, ແຕ່ມີສິ່ງໜຶ່ງທີ່ແນ່ນອນວ່າ ການຕັດສິນແຍກອອກຈາກອັງກິດຂອງ ສະກົດແລນ ຈະກໍ່ໃຫ້ເກີດບັນດາຜົນພາຍຫຼັງໃດໜຶ່ງ.
(ພາບປະກອບ) |
ສະກົດແລນ ຕັ້ງຢູ່ທາງທິດເໜືອຂອງອັງກິດ, ມີເນື້ອທີ່ເກືອບ 79.000 ຕາລາງກີໂລແມດ, ດ້ວຍຈຳນວນປະຊາກອນປະມານ 5,3 ລ້ານຄົນ. ເສດຖະກິດຕົ້ນຕໍຂອງສະກົດແລນແມ່ນແຫຼ່ງລາຍຮັບຈາກນ້ຳມັນ ແລະ ອາຍແກັດຢູ່ທະເລ ແລະ ແຕ່ດົນນານມາແລ້ວ, ສະກົດແລນຍັງຄົງໄດ້ຮັບຖືວ່່າ ແມ່ນແຫຼ່ງສະສົມນ້ຳມັນຢ່າງຫຼວງຫຼາຍ. ປະຈຸບັນ, ສະກົດແລນພວມປະກອບສ່ວນປະມານ 10% GDP ໃຫ້ແກ່ທັງພື້ນຖານເສດຖະກິດລາຊະອານາຈັກອັງກິດ.
ສາຍຜູກຮັດປະຫວັດສາດ ແລະ ສາຍເຫດຕັດແຍກ.
ແຕ່ສະຕະວັດທີ 17, ທັງອັງກິດ ແລະສະກົດແລນລ້ວນແຕ່ຮັກສາພື້ນຖານເອກະລາດກ່ຽວກັບດ້ານການເມືອງ, ແຕ່ຮອດປີ 1707 ສາຍພົວພັນລະຫວ່າງອັງກິດ ແລະ ສະກົດແລນໄດ້ຖືກຜູກຮັດຍ້ອນມີສົນທິສັນຍາ, ສ້າງເປັນສະຫະພັນແຫ່ງລາຊະອານາຈັກອັງກິດ ແລະ ໄອແລນເໜືອ (UK). ແຕ່ກໍບໍ່ແມ່ນຊາວ ສະກົດແລນຊາວ ສະກົດແລນໝົດທຸກໆຄົນລ້ວນແຕ່ເພິ່ງພໍໃຈຕໍ່ການໂຮມເຂົ້າກັນນີ້. ໃນຫຼາຍປີທີ່ຜ່ານມາ, ຫຼາຍເທື່ອແລ້ວທີ່ ສະກົດແລນຫວັງຢາກ ແຍກອອກຈາກ UK, ພິເສດແມ່ນພາຍຫຼັງວິກິດການການເງິນຢູ່ເອີລົບ, ປີ 1999, ສະກົດແລນ ໄດ້ສ້າງຕັ້ງສະພາແຫ່ງຊາດຕ່າງຫາກ ແຕ່ທຸກໆການຕັດສິນກ່ຽວກັບ ບັນຫາເສດຖະກິດນັ້ນ, ຍັງໂດຍແມ່ນລາຊະອານາຈັກອັງກິດຊີ້ນຳໂດຍກົງ. ມາຮອດປີ 2011, ຂະນະທີ່ພັກຊົນຊາດ ສະກົດແລນ (SNP) ດ້ວຍຂະບວນການທວງເອົາເອກະລາດ, ມີສິດຄວບຄຸມສະພາແຫ່ງຊາດ, ທ່າອຽງທວງເອົາເອກະລາດຫາກໍຟື້ນຕົວຢ່າງແຂງແຮງ ແລະ ການລົງປະຊາມະຕິໄດ້ຖືກກຳນົດລະຫວ່າງນາຍົກລັດຖະມົນຕີອັງກິດ David Cameron ແລະ ຜູ້ວ່າການລັດ ສະກົດແລນ Alex Salmond ເມື່ອເດືອນ 10/2012 ພາຍຫຼັງມີທັດສະນະບໍ່ລົງລອຍກັນມາເປັນເວລາດົນນານ.
ປະຈຸບັນ, ຕາມການຢັ່ງຫາງສຽງຄັ້ງຕ່າງໆ, ອັດຕາການສະໜັບສະໜູນ ແລະ ບໍ່ສະໜັບສະໜູນເອກະລາດແມ່ນພວມວຸດວິດກັນ, ອັນໄດ້ພາໃຫ້ການລົງປະຊາມະຕິຢູ່ ສະກົດແລນ ບໍ່ພຽງແຕ່ຮ້ອນເຮັ່ງຢູ່ອັງກິດເທົ່ານັ້ນ, ຫາກຍັງຢູ່ທົ່ວເອີລົບອີກດ້ວຍ. ໃນຂະນະທີ່ກຸ່ມສະໜັບສະໜູນຖືວ່າ ການແຍກອອກຈາກອັງກິດຈະຊ່ວຍ ສະກົດແລນເປັນເຈົ້າຕົນເອງກ່ຽວກັບເສດຖະກິດ ແລະ ການຄຸ້ມຄອງບັນດາແຫຼ່ງລາຍຮັບຈາກນ້ຳມັນ ຫາກບໍ່ຕ້ອງການແບ່ງປັນກັບລອນດອນນັ້ນ, ກຸ່ມຄັດຄ້ານເອກະລາດຖືກວ່າ ການແຍກອອກຈາກອັງກິດ ຈະເປັນໄພນາບຂູ່ຕໍ່ເສດຖະກິດສະກົດແລນ.
ຜົນສະທ້ອນຫຍໍ້ທໍ້ຕໍ່ວິວັດທະນາການຫັນເອີລົບເປັນເອກະພາບ.
ຖ້າຫາກໝາກຜົນມີຢູ່ວ່າ : ກວ່າ 50%ຈຳນວນ ຜູ້ມີສິດເລືອກຕັ້ງປ່ອນບັດສະໜັບສະໜູນ, ສະກົດແລນຈະ ແຍກອອກຈາກອັງກິດຢ່າງເປັນທາງການ ແລະ ປະກາດເອກະລາດໃນວັນທີ 24/3/2016. ເປັນອັນວ່າ, 2 ຝ່າຍຈະມີຊວງເວລາກວ່າ 1 ປີເພື່ອເຈລະຈາຫຼາຍບັນຫາທີ່ສັບສົນຄື ໜີ້ສາທາລະນະ, ການນຳໃຊ້ສະກຸນເງິນລວມ, ການຄວບຄຸມຊາຍແດນ....
ນັກໄຈ້ແຍກຫຼາຍຄົນຖືວ່າ ການຕັດສິນເອກະລາດຂອງ ສະກົດແລນ ອາດຈະກໍ່ຜົນຮ້າຍຢ່ອນຫຼັງ. ທາງດ້ານເສດຖະກິດ, ສະກົດແລນຕ້ອງປະເຊີນໜ້າກັບສະພາບຂາດຄວາມສະຫງົບໝັ້ນທ່ຽງກ່ຽວກັບຄ່າດອກເບ້ຍ, ພາສີອາກອນ, ການປົກປ້ອງນັກລົງທຶນ, ສ້າງດ້ານການເງິນ ແລະ ນະໂຍບາຍເງິນຕາເປັນປົກກະຕິ. ການແຍກຕົວອອກຈາກອັງກິດ ຈະເຮັດໃຫ້ສະກົດແລນ ບໍ່ອາດໃຊ້ສະກຸນເງິນປອນຂອງອັງກິດເປັນເງິນຈໍລະຈອນໄດ້, ເພາະສິ່ງນີ້ປະສົບກັບການຄັດຄ້ານຈາກບັນດາພັກການເມືອງຂອງອັງກິດ.
ແຕ່ສິ່ງທີ່ເປັນຫ່ວງກັງວົນກວ່ານັ້ນ, ແມ່ນຖ້າຫາກທ່າອຽງແຍກຕົວອອກຈາກອັງກິດປະສົບຜົນສຳເລັດ, ຈະສົ່ງຜົນກະທົບໂດຍກົງເຖິງຄວາມໝັ້ນຄົງ, ວັດທະນາຖາວອນຂອງ EU. ເລື່ອງ ສະກົດແລນແຍກອອກຈາກອັງກິດ ກໍຍັງຈະເຮັດໃຫ້ການສົ່ງຜົນສະທ້ອນຂອງອັງກິດໃນ 28 ປະເທດ EU ອ່ອນແອລົງ.
ຄວາມສ່ຽງທີ່ບອກເຕືອນໄວ້ລວງໜ້າ.
ປະຈຸບັນ, ເຖິງວ່າ ຍັງບໍ່ທັນມີໝາກຜົນສຸດທ້າຍຂອງການປ່ອນບັດກໍຕາມ, ແຕ່ໃນທ້ອງຕະຫຼາດ, ໄດ້ມີປະຕິກິລີຍາອັນຫຍໍ້ທໍ້ໃນເບື້ອງຕົ້ນ. ສະກຸນເງິນປອນຂອງອັງກິດ ໃນອາທິດທີ່ຜ່ານມາ ໄດ້ອ່ອນຕົວລົງຫຼາຍພໍສົມຄວນເມື່ອທຽບໃສ່ເງິນໂດລາສະຫະລັດ. ໃນຂະນະນັ້ນ, ລາຄາຫຸ້ຂອງ 2 ທະນາຄານໃຫຍ່ຢູ່ ສະກົດແລນ ກໍຫຼຸດລົງແຮງໃນຕະຫຼາດຫຼັກຊັບເອີລົບ.
ປະຈຸບັນ, ທຸກໆຄວາມສົນໃຈພວມລໍຖ້າໝາກຜົນການປ່ອນບັດສຸດທ້າຍ, ສະກົດແລນຈະເປັນແນວໃດພາຍຫຼັງປະກາດເອກະລາດ, ວັດທະນາຖາວອນຫຼືຊຸດໂຊມກວ່າ? ຄຳຖາມນີ້ແມ່ນຍັງບໍ່ສາມາດໃຫ້ຄຳຕອບໄດ້ເທື່ອ, ແຕ່ແນ່ນອນວ່າ ເຫດການນີ້ຈະສົ່ງຜົນສະທ້ອນຢ່າງຮ້າຍແຮງເຖິງຕະຫຼາດທົ່ວໂລກ ແລະ ແກ່ດຶງບັນດາຂະບວນການແຍກຕົວໃນປະຊາຄົມ EU. ຊາວສະກົດແລນ ຍິ່ງກວ່າໃຜໝົດ, ຄວນລະມັດລະວັງຕໍ່ການຕັດສິນກ່ຽວກັບອະນາຄົດຂອງປະເທດຊາດ, ເພາະວ່າ ທັດສະນະສະແດງອອກຜ່ານການປ່ອນບັດຂອງເຂົາເຈົ້າ ອາດຈະຍູ້ ສະກົດແລນຕົກຢູ່ໃນສະພາບສັບສົນ.