ເປັນເອກະສັນກັນເພີ່ມທະວີກຳລັງດັນ ແລະ ບັນດາມາດຕະການຂວ້ຳບາດຕ້ານ ສ.ປ.ປ.ເກົາຫຼີ ໃນຂະນະທີ່ຍົງຄົງສືບຕໍ່ມານະພະຍາຍາມນຳປະເທດອາຊີໃຕ້ນີ້ກັບຄືນສູ່ການເຈລະຈາ. ນັ້ນແມ່ນເນື້ອໃນຂອງການພົບປະຂັ້ນສູງລະຫວ່າງ 3 ປະເທດອາເມລິກາ, ຍີປຸ່ນ ແລະ ສ.ເກົາຫຼີເມື່ອວັນທີ 27/5 ຢູ່ນະຄອນຫຼວງເຊີອູນ. ໃນສະພາວະທີ່ບັນດາການກະທຳທີ່ຖືກຖືວ່າ ແມ່ນການເກາະຜິດ ຂອງພຽງຢາງໃນໄລຍະມໍ່ໆມານີ້, ບັນດາຖະແຫຼງການທີ່ແຂງກະດ້າງຂອງຫົວໜ້າຄະນະເຈລະຈາຂອງ 3 ໃນຈຳນວນບັນດາປະເທດທີ່ເຂົ້າຮ່ວມການເຈລະຈາ 6 ຝ່າຍກ່ຽວກັບໂຄງການນິວເຄຼຍຂອງ ສ.ປ.ປ.ເກົາຫຼີ ຄາດວ່າຈະເຮັດໃຫ້ສະພາບການໃນພາກພື້ນເພີ່ມຄວາມເຄັ່ງຕຶງຂຶ້ນ.
ທະຫານ ສ.ເກົາຫຼີ ລາດຕະເວນລຽບຕາມຊາຍແດນ (AP) |
ທີ່ການພົບປະຢູ່ເຊີອູນ, ປະເທດ ສ.ເກົາຫຼີ, ຜູ້ຕາງໜ້າ 3 ປະເທດໄດ້ເປັນເອກະພາບກັນວ່າ ບັນດາບາດກ້າວເດີນໃໝ່ກ່ຽວກັບກຳລັງຄວາມສາມາດດ້ານນິວເຄຼຍຂອງ ສ.ເກົາຫຼີ ໃນໄລຍະມໍ່ໆມານີ້ ແມ່ນຮ້າຍແຮງທີ່ສຸດ ແລະ ແບ່ງປັນກ່ຽວກັບຄວາມຮັບຮູ້ຢ່າງຮີບດ່ວນໃນການແກ້ໄຂບັນຫາ. ຫົວໜ້າຄະນະເຈລະຈາຂອງສ.ເກົາຫຼີ ທ່ານ Hwang Joon – kook ກ່າວເຕືອນວ່າ ພຽງຢາງຈະຕ້ອງປະເຊີນໜ້າຕໍ່ກຳລັງດັນທີ່ເພີ່ມທະວີຂຶ້ນຈາກປະຊາຄົມໂລກ ຖ້າຫາກເຂົາເຈົ້າສືບຕໍ່ມີການກະທຳເກາະຜິດຄືໃນໄລຍະທີ່ຜ່ານມາ ແລະ ການເຮັດໃຫ້ຕົກຢູ່ໂດດດຽວດ້ານການທູດ ແລະ ເສດຖະກິດສຳລັບສ.ປ.ປ.ເກົາຫຼີ ຈະໃຫຍ່ຫຼວງກວ່າ. ນອກຈາກນັ້ນ, 3 ຝ່າຍກໍຢືນຢັນຄືນກ່ຽວກັບຄຳໝັ້ນສັນຍາສືບຕໍ່ຮ່ວມມືກັນຢ່າງແໜ້ນແຟ້ນກ່ຽວກັບບັນດາເກົາຫຼີ ກໍຄືຮັກສາຄວາມເປັນເອກະພາບລະຫວ່າງ 5 ຝ່າຍ ລວມທັງລັດເຊຍ ແລະ ຈີນ.
ບັນດາການກະທຳເພີ່ມທະວີຄວາມເຄັ່ງຕຶງ
ໃນຂະນະທີ່ສ.ປ.ປ.ເກົາຫຼີຖະແຫຼງດຳເນີນການຍິງທົດລອງລູກສອນໄຟນຳວິຖີຈາກກຳປັ່ນດຳນ້ຳຢ່າງສຳເລັດຜົນເມື່ອອາທິດແລ້ວນີ້ ຊຶ່ງພວມກໍ່ຄວາມໂຕ້ຖຽງກັນຫຼາຍຢ່າງນັ້ນ, ໃນມໍ່ໆມານີ້, ປະເທດນີ້ສືບຕໍ່ຜັນຂະຫຍາຍກໍ່ສ້າງບັນດາ Boong – ke ທະຫານເທິ່ງເກາະຊາຍແດນຕິດກັບສ.ເກົາຫຼີ. ຕາມການກ່າວຫາຂອງເຊີອູນ, ເກາະ Galdo ຫ່າງຈາກເສັ້ນຊາຍແດນທາງທະເລຕິດກັບສ.ເກົາຫຼີ 2,5 ກິໂລແມັດ, ຊຶ່ງໄດ້ຮັບການປະກອບບັນດາຖານຍິງລູກສອນໄຟ ແລະ ບັນດາດ່ານເວນຍາມເພື່ອຕິດຕາມກວດກາການເຄື່ອນໄຫວຂອງທະຫານເຮືອ ແລະ ກຳປັ່ນລາດຕະເວນສ.ເກົາຫຼີ. ຖ້າຫາກວ່າ 2 ປະເທດເກີດການປະທະກັນ, ເກາະ Galdo ຈະເປັນຖານທີ່ໝັ້ນໃກ້ທີ່ສຸດເພື່ອບຸກໂຈມຕີເກາະຕ່າງໆຢູ່ໃກ້ກັບຊາຍແດນຂອງ ສ.ເກົາຫຼີ. ທາງຝ່າຍ ສ.ເກົາຫຼີ ຖືວ່າ ໄດ້ມີຄ້າຍທະຫານຢ່າງໜ້ອຍ 5 ແຫ່ງໄດ້ຮັບການປຸກສ້າງ ແລະ ເຊີອູນຖືວ່າ ນີ້ແມ່ນໄພນາບຂູ່ທີ່ຮ້າຍແຮງ. ໃນທັນທີ່, ກອງທັບ ສ.ເກົາຫຼີ ໄດ້ຜັນຂະຫຍາຍບັນດາລູກສອນໄຟ Spike ດ້ວຍໄລຍະຍິງ 20 ກິໂລແມັດໄປຍັງ 2 ເກາະ Yoonpyeong ແລະ Baengnyeongdo ເພື່ອປ້ອງກັນພາກພື້ນ.
ກອງທັບອາເມລິກາ ແລະ ສ.ເກົາຫຼີ ກໍໄດ້ຂຸ້ນຂ້ຽວວາງອອກບັນດາແຜນການໂຕ້ຕອບ, ໃນນັ້ນມີທັງກໍລະນີບຸກໂຈມຕີບັນດາຖານທີ່ໝັ້ນກຳປັ່ນດຳນ້ຳຂອງ ສ.ປ.ປ.ເກົາຫຼີ. ອາເມລິກາ ແລະ ສ.ເກົາຫຼີກໍຍັງປຶກສາຫາລືການຜັນຂະຫຍາຍລະບົບກຳປັ່ນດຳນ້ຳຄົ້ນພົບບັນດາສັນຍານຂອງກໍລະນີຍິງລູກສອນໄຟໃກ້ຈະເກີດຂຶ້ນເພື່ອບຸກໂຈມຕີທຳລາຍ. ປະຈຸບັນ, ເຊີອູນພວມຊັ່ງຊາຊື້ປະກອບລະບົບຣາດາຈາກອິດສະຣາແອນເພື່ອເປີດກວ້າງລະດັບປົກຄຸມຂອງຄື້ນຣາດາ.
ແງ່ຫວັງເຊື່ອມຕໍ່ການເຈລະຈາຍັງບໍ່ແນ່ນອນ
ການເຈລະຈາ 6 ຝ່າຍກ່ຽວກັບການສ້າງແຫຼມເກົາຫຼີ ປອດນິວເຄຼຍ ທີ່ເຄີຍຖືກຕົກຢູ່ໃນສະພາບບໍ່ມີທາງອອກ ນັບແຕ່ເດືອນ 12 ປີ 2008 ມາຮອດປະຈຸບັນ. ບັນຫາຫຼັກແຫຼ່ງແມ່ນຢູ່ບ່ອນວ່າ ໃນຂະນະທີ່ອາເມລິກາ ແລະ ບັນດາປະເທດພັນທະມິດຢາກໃຫ້ພຽງຢາງຕ້ອງສະແດງເຈດຕະນາດີດ້ວຍບັນດາຄຳໝັ້ນໝາຍດ້ານນິວເຄຼຍ, ແທນທີ່ປະເທດນີ້ຈະໄດ້ຮັບການຊ່ວຍເຫຼືອ ແລະ ບັນດາການຜ່ອນສັ້ນຜ່ອນຍາວດ້ານການເມືອງໃດໜຶ່ງນັ້ນ, ພຽງຢາງພັດຮຽກຮ້ອງວໍຊິງຕັນ ແລະ ບັນດາບັນດາປະເທດພັນທະມິດຕ້ອງຮັບຮອງປະເທດນີ້ແມ່ນປະເທດມະຫາອຳນາດດ້ານອາວຸດນິວເຄຼຍ. ຍ້ອນເຫດນີ້ເອງ, ຫຼາຍປີທີ່ຜ່ານມາ, ພາກພື້ນນີ້, ຍັງຄົງຕົກຢູ່ໃນສະພາບສັບສົນເຊັ່ນ : ການຍິງລູກສອນໄຟ, ຊ້ອມຮົບ, ການເກາະຜິດ, ຕຳໜິຕິຕຽນ, ກ່າວເຕືອນຊຶ່ງກັນ ແລະ ກັນ, ອັນໄດ້ເຮັດໃຫ້ເພີ່ມຄວາມເຄັ່ງຕຶງທີ່ເຄີຍມີມາແລ້ວລະຫວ່າງ 2 ພາກເກົາຫຼີ.
ຕໍ່ໜ້າບັນດາການຜັນແປໃນປະຈຸບັນ, ແງ່ຫວັງການເຊື່ອມຕໍ່ການເຈລະຈາກ່ຽວກັບການລົບລ້າງອາວຸດນິວເຄຼຍໃນແຫຼມເກົາຫຼີ, ຕາມບັນດາຜູ້ຊ່ຽວຊານແລ້ວ, ບັນຫານີ້ແມ່ນບໍ່ແນ່ນອນ. ສ.ປ.ປ.ເກົາຫຼີບໍ່ພຽງແຕ່ຍິງທົດລອງລູກສອນໄຟນຳວິຖີຈາກກຳປັ່ນດຳນ້ຳຢ່າງສຳເລັດຜົນເທົ່ານັ້ນ, ຫາກຍັງຖະແຫຼງວ່າ ປະຈຸບັນ ຍັງສາມາດຕິດຫົວນິວເຄຼຍໃສ່ລູກສອນໄຟອີກດ້ວຍ. ໃນວັນທີ 28/5, ບັນດາເອກອັກຄະລັດຖະທູດ ອາເມລິກາ ແລະ ສ.ເກົາຫຼີ ໄດ້ໄປຍັງປັກກິງເພື່ອພົບປະກັບຄູ່ຕຳແໜ່ງຂອງຈີນ ເພື່ອປາດຖະໜາວ່າ ປັກກິງຈະໃຊ້ການສົ່ງຜົນສະທ້ອນຂອງຕົນເພື່ອເກ້ຍກອມພຽງຢາງປະລະຄວາມມັກໃຫຍ່ໃຝ່ສູງດ້ານນິວເຄຼຍ. ແຕ່ໃນສະພາບການທີ່ ອາເມລິກາຫັນໄປສູ່ອາຊີ, ຈີນກໍຫວັງຢາກຮັກສາການພົວພັນທີ່ດີກັບ ສ.ປ.ປ.ເກົາຫຼີ ຊຶ່ງແມ່ນປະເທດພັນທະມິດຂອງຕົນ ເໜືອກວ່າການແກ້ໄຂໂຄງການນິວເຄຼຍຂອງປະເທດນີ້. ວົງການນັກໄຈ້ແຍກຖືວ່າ ຝ່າຍຈີນ ຈະຍັງຄົງຮັກສາທັດສະນະບັນຫານິວເຄຼຍຂອງ ສ.ປ.ປ.ເກົາຫຼີ ຕ້ອງໄດ້ຮັບການແກ້ໄຂໂດຍຜ່ານການເຈລະຈາ.
ຕາມການສັງເກດຂອງວົງການນັກຊ່ຽວຊານແລ້ວ, ບໍ່ວ່າການກະທຳໃດໆຂອງແຕ່ລະຝ່າຍຄື ບຸກໂຈມຕີ ຫຼື ປ້ອງກັນ, ສະພາບຂາດສະຖຽນລະພາບໃນແຫຼມເກົາຫຼີ ແມ່ນບໍ່ມີຜົນປະໂຫຍດສຳລັບການແກ້ໄຂຄວາມເຄັ່ງຕຶງໃນພາກພື້ນ. ວິທີການແກ້ໄຂໃດແດ່ສຳລັບບັນຫານິວເຄຼຍຂອງ ສ.ປ.ປ.ເກົາຫຼີ ຍັງຄົງແມ່ນຄຳຖາມ ຊຶ່ງມາຮອດປະຈຸບັນ, ບັນດາຝ່າຍຍັງບໍ່ທັນຊອກຫາໄດ້ຄຳຕອບເທົ່າທີ່ຄວນເທື່ອ. ອາດຈະແມ່ນວ່າ ບັນດາມາດຕະການສ້າງຄວາມເຊື່ອໝັ້ນ ອາດຈະແມ່ນສ່ວນໜຶ່ງຂອງເສັ້ນທາງລົບລ້າງອາວຸດນິວເຄຼຍໃນແຫຼມເກົາຫຼີ