(vovworld)- ວັນທີ 29/9, ທ່ານນາງ ຫງວຽນທິກີມເງິນ ປະທານສະພາແຫ່ງຊາດຫວຽດນາມ ຈະນຳຫນ້າຄະນະຜູ້ແທນສະພາແຫ່ງຊາດ ຫວຽດນາມ ເຂົ້າຮ່ວມກອງປະຊຸມໃຫຍ່ສະມັດຊາລັດຖະສະພາລະຫວ່າງຊາດອາຊຽນຄັ້ງທີ 37 (AIPA 37) ດຳເນີນຢູ່ນະຄອນຫລວງ Nay Pyi Taw ປະເທດ ມຽນມາ. ເລື່ອງການນຳສູງສຸດຂອງສະພາແຫ່ງຊາດຫວຽດນາມ ເຂົ້າຮ່ວມເວທີປາໄສລັດຖະສະພາພາກພື້ນ ເປັນການຢັ້ງຢືນວ່າ ຫວຽດນາມຖືການຮ່ວມມືໃນລັດຖະສະພາສາກົນເປັນສຳຄັນ. ນີ້ກໍແມ່ນໂອກາດເພື່ອໃຫ້ ຫວຽດນາມ ສືບຕໍ່ສະແດງໃຫ້ເຫັນນະໂຍບາຍເປັນເຈົ້າການໃນການເຊື່ອມໂຍງເຂົ້າກັບສາກົນ, ເສີມຂະຫຍາຍທີ່ຕັ້ງບົດບາດຂອງປະເທດຊາດຢູ່ບັນດາເວທີປາໄສຫລາຍຝ່າຍ.
ກອງປະຊຸມ AIPA 36
ພາບ:TTXVN
|
ກອງປະຊຸມໃຫຍ່ສະມັດຊາລັດຖະສະພາລະຫວ່າງຊາດອາຊຽນຄັ້ງທີ 37 (AIPA 37) ດຳເນີນແຕ່ວັນທີ 29/9 ຮອດວັນທີ 3/10. ດ້ວຍຫົວຂໍ້ວ່າ: AIPA ມີຊີວິດຊີວາເພື່ອປະຊາຄົມອາຊຽນທີ່ກ້າວຫນ້າ”, ເຂົ້າຮ່ວມ AIPA 37ມີບັນດາການນຳລັດຖະສະພາ 10 ປະເທດສະມາຊິກ ອາຊຽນ ພ້ອມກັບປະເທດສັງເກດການຈຳນວນຫນຶ່ງ. ບັນດາວາລະປຶກສາຫາລືໃນຂອບເຂດ AIPA 37 ເພື່ອແນໃສ່ສືບຕໍ່ຊຸກຍູ້ການປະຕິບັດບັນດາເນື້ອໃນທີ່ໄດ້ວາງອອກໃນເອກະສານວິໄສທັດ ອາຊຽນ 2025.
ປະກອບສ່ວນຢ່າງຕັ້ງຫນ້າໃຫ້ແກ່ເວທີປາໄສລັດຖະສະພາລະດັບພາກພື້ນ
ໂດຍເຂົ້າຮ່ວມ AIPA ຢ່າງເປັນທາງການແຕ່ປີ 1995, ຍາມໃດຫວຽດນາມ ກໍເປັນເຈົ້າການໃນການເຂົ້າຮ່ວມບັນດາການເຄື່ອນໄຫວຂອງ AIPA ແລະ ຕັ້ງຫນ້າປະກອບສ່ວນທີ່ບັນດາກອງປະຊຸມໃຫຍ່ AIPA -23 (2001-2002), AIPA -31 (2009-2010) ແລະ ບັນດາກອງປະຊຸມຫົວເລື່ອງສະເພາະ, ກອງປະຊຸມຂັ້ນກຳມາທິການຄື: ກອງປະຊຸມ ກ່ຽວກັບ “ຫລັງວິກິດການການເງິນເສດຖະກິດໂລກ ແລະ ການພັດທະນາແບບຍືນຍົງ” ປີ 2010, ກອງປະຊຸມ ກ່ຽວກັບ “ບົດບາດຂອງອົງການນິຕິບັນຍັດກ່ອນເກີດວິກິດການການເງິນເງິນຕາ”ປີ 1998 ແລະ ກອງປະຊຸມ “ຜັນຂະຫຍາຍໂຄງການຄົ້ນຄ້ວາຮ່ວມມືດ້ານນິຕິກຳໃນການປ້ອງກັນ ຕ້ານການຄ້າແມ່ຍິງ ແລະເດັກນ້ອຍ” ປີ 2005. ຫລາຍຂໍ້ສະເຫນີຂອງຫວຽດນາມໄດ້ຮັບການຕີລາຄາສູງຈາກ AIPA. ຫວຽດນາມ ກໍໄດ້ປະກອບສ່ວນຢ່າງຕັ້ງຫນ້າເຂົ້າໃນການຊຸກຍູ້ນ້ຳໃຈມິດຕະພາບ, ການຮ່ວມມື, ແລກປ່ຽນ ແລະ ມີຄວາມເຂົ້າອົກເຂົ້າໃຈເຊິ່ງກັນ ແລະກັນ ໃນປະຊາຄົມ AIPA , ມານະພະຍາຍາມຍົກສູງບົດບາດ, ທີ່ຕັ້ງ ແລະ ປະສິດທິຜົນການເຄື່ອນໄຫວຂອງ AIPA ເພື່ອສັນຕິພາບ ແລະ ວັດທະນາຖາວອນຂອງພາກພື້ນ ແລະ ໂລກ. ສະພາແຫ່ງຊາດຫວຽດນາມ ໄດ້ມີການປ່ຽນແປງໃຫມ່, ປະກາດໃຊ້ຫລາຍນະໂຍບາຍ, ເອກະສານນິຕິກຳ ຫລາຍສະບັບ ເພື່ອຜັນຂະຫຍາຍບັນດາມະຕິຜ່ານບັນດາກອງປະຊຸມໃຫຍ່ AIPA.
ທີ່ ກອງປະຊຸມໃຫຍ່ AIPA 37, ຄະນະຜູ້ແທນຫວຽດນາມ ຈະຕັ້ງຫນ້າເຂົ້າຮ່ວມການປຶກສາຫາລືໂຄງການດຳເນີນງານຂອງ ກອງປະຊຸມໃຫຍ່ AIPA ກໍຄືບັນດາເນື້ອໃນໃນໂຄງການດຳເນີນງານ. ພ້ອມກັບການນຳລັດຖະສະພາຂອງບັນດາປະເທດສະມາຊິກ AIPA, ທ່ານນາງປະທານສະພາແຫ່ງຊາດ ຫງວຽນທິກີມເງິນ ຈະມີບົດກ່າວປາໄສທີ່ວາລະປຶກສາຫາລືທຳອິດຂອງ ກອງປະຊຸມໃຫຍ່ AIPA. ຄະນະຜູ້ແທນຫວຽດນາມ ຈະມີບົດປະກອບຄຳເຫັນຫລາຍບົດທີ່ບັນດາວາລະປະຊຸມຂອງຄະນະກຳມະການສະມາຊິກສະພາແຫ່ງຊາດຍິງ, ກຳມາທິການບັນດາບັນຫາການເມືອງ, ກຳມາທິການບັນດາບັນຫາເສດຖະກິດ, ກຳມາທິການບັນດາບັນຫາສັງຄົມ ຊື່ງດຳເນີນຫລັງຈາກນັ້ນ, ເພື່ອພ້ອມກັບບັນດາປະເທດສະມາຊິກສ້າງປະຊາຄົມ ອາຊຽນ ສັນຕິພາບ, ສະຖຽນລະພາບ, ຮ່ວມມື ແລະ ວັດທະນາຖາວອນ.
ການທູດລັດຖະສະພາຫລາຍຝ່າຍ ປະກອບສ່ວນປະຕິບັດນະໂຍບາຍການຕ່າງປະເທດຢ່າງມີປະສິດທິຜົນ
ເລື່ອງຫວຽດນາມ ຍາມໃດກໍເປັນສະມາຊິກຕັ້ງຫນ້າຂອງເວທີປາໄສລັດຖະສະພາພາກພື້ນ ນັບແຕ່ເມື່ອເຂົ້າຮ່ວມ AIPA ມາຮອດປະຈຸບັນ ໄດ້ສະແດງໃຫ້ເຫັນແຜນນະໂຍບາຍຂອງຫວຽດນາມໃນການເຊື່ອມໂຍງເຂົ້າກັບສາກົນຢ່າງເປັນເຈົ້າການ, ຕັ້ງຫນ້າ ແລະ ມີຄວາມຮັບຜິດຊອບ. ນອກຈາກ AIPA ແລ້ວ, ປະຈຸບັນ ສະພາແຫ່ງຊາດຫວຽດນາມ ຍັງແມ່ນສະມາຊິກຂອງສະຫະພັນລັດຖະສະພາສາກົນ IPU, ລັດຖະສະພາປະຊາຄົມບັນດາປະເທດເວົ້າພາສາ ຝລັ່ງ (APF) ແລະ ບັນດາອົງການລັດຖະສະພາອື່ນ. ສະພາແຫ່ງຊາດຫວຽດນາມ ບໍ່ພຽງແຕ່ເຂົ້າຮ່ວມປະກອບສ່ວນຢ່າງຕັ້ງຫນ້າເຂົ້າໃນການເຄື່ອນໄຫວຂອງບັນດາເວທີປາໄສນີ້ ຫາກຍັງເປັນເຈົ້າການສະເຫນີບັນດາຂໍ້ລິເລີ່ມ, ຍົກອອກບັນດາຄຳສະເຫນີແນະມີລັກສະນະສ້າງສັນ ເພື່ອຊຸກຍູ້ການຮ່ວມມືຂອງບັນດາອົງການນີ້ຢ່າງມີປະສິດທິຜົນ. ສິ່ງດັ່ງກ່າວສະແດງໃຫ້ເຫັນ ວຽກງານການຕ່າງປະເທດຫລາຍຝ່າຍຂອງສະພາແຫ່ງຊາດ ນັບມື້ນັບເປີດກວ້າງ, ປະກອບສ່ວນຢ່າງມີປະສິດທິຜົນເຂົ້າໃນການປະຕິບັດແນວທາງການຕ່າງປະເທດລວມ ແລະ ຍົກສູງທີ່ຕັ້ງບົດບາດຂອງປະເທດຊາດ. ທ່ານ ໂງດືກແມ້ງ, ຮອງຫົວຫນ້າກຳມາທິການການຕ່າງປະເທດຂອງສະພາແຫ່ງຊາດໄດ້ຕີລາຄາວ່າ:
“ພ້ອມກັບການພົວພັນກັບຕ່າງປະເທດຂອງພັກ, ການທູດຂອງລັດ, ການຕ່າງປະເທດປະຊາຊົນ, ວຽກງານການຕ່າງປະເທດຂອງສະພາແຫ່ງຊາດ ໄດ້ເຮັດໃຫ້ເພີ່ມທະວີການພົວພັນຮ່ວມມືລະຫວ່າງສະພາແຫ່ງຊາດຫວຽດນາມ ກັບລັດຖະສະພາບັນດາປະເທດຢ່າງບໍ່ຢຸດຢັ້ງ. ໃນສະພາບຫຍຸ້ງຍາກ, ອະທິປະໄຕຂອງຊາດຖືກນາບຂູ່, ພວກເຮົາແກ້ໄຂສະພາບການດັ່ງກ່າວສຳເລັດຜົນ ແລະ ເຮັດໃຫ້ການພົວພັນລະຫວ່າງສະພາແຫ່ງຊາດຫວຽດນາມ ແລະ ລັດຖະສະພາບັນດາປະເທດ ແລະ ບັນດາອົງການຈັດຕັ້ງສາກົນ ມີຄວາມດຸ່ນດ່ຽງ.”
ໃນທ່າອ່ຽງໂລກາພິວັດ, ເຊື່ອມໂຍງເຂົ້າກັບສາກົນ ແລະ ຮ່ວມສຳພັນພາກພື້ນຢ່າງແຮງຄືປະຈຸບັນ, ການເຄື່ອນໄຫວການຕ່າງປະເທດຂອງສະພາແຫ່ງຊາດ ດ້ວຍທີ່ຕັ້ງແມ່ນຊ່ອງການພົວພັນຕ່າງປະເທດ ທັງມີລັກສະນະຂອງລັດ, ທັງມີລັກສະນະຂອງປະຊາຊົນ, ຕ້ອງສວມບົດບາດສຳຄັນໃນວິວັດການຮ່ວມເດີນທາງກັບລັດຖະບານ ເພື່ອຊຸກຍູ້ການຮ່ວມສຳພັນພາກພື້ນ ແລະ ການຮ່ວມມືສາກົນ, ແກ້ໄຂບັນດາບັນຫາພາກພື້ນ ແລະ ທົ່ວໂລກ. ບັນຫານີ້ໂດຍທ່ານ ຫງວຽນຟູຈ້ອງ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ໄດ້ເນັ້ນຫນັກທີ່ວາລະໄຂກອງປະຊຸມຄັ້ງປະຖົມມະເລິກ ສະພາແຫ່ງຊາດຊຸດທີ XIV (7/2016).
“ສືບຕໍ່ຍູ້ແຮງບັນດາການເຄື່ອນໄຫວການຕ່າງປະເທດຂອງສະພາແຫ່ງຊາດ, ປະກອບສ່ວນປະຕິບັດແນວທາງການຕ່າງປະເທດເປີດກວ້າງ, ການພົວພັນການຕ່າງປະເທດຂອງພັກ, ລັດ ແລະ ປະຊາຊົນມີຫລາຍຮູບຫລາຍແບບຫລາຍຝ່າຍ. ຍູ້ແຮງການເຄື່ອນໄຫວການຕ່າງປະເທດຫລາຍຝ່າຍໃນບັນດາເວທີປາໄສພາກພື້ນ ແລະ ສາກົນ. ເອົາໃຈໃສ່ເຖິງວຽກງານຖະແຫລງຂ່າວໃຫ້ຕ່າງປະເທດຂອງສະພາແຫ່ງຊາດ, ປະຕິບັດການປະສານງານ, ການສົມທົບໃນການເຄື່ອນໄຫວການຕ່າງປະເທດເປັນຢ່າງດີ.”
ການເຄື່ອນໄຫວການຕ່າງປະເທດໄດ້ກາຍເປັນພາກສ່ວນຫນຶ່ງບໍ່ອາດຕັດແຍກອອກຈາກການເຄື່ອນໄຫວການຕ່າງປະເທດຂອງພັກ ແລະ ລັດໄດ້. ເລື່ອງຫວຽດນາມ ເຂົ້າຮ່ວມຢ່າງຕັ້ງຫນ້າທີ່ AIPA 37 ຢູ່ ມຽນມາ ຈະມາເຖິງ ກໍຄືເພີ່ມທະວີການປະກອບສ່ວນໃນບັນດາເວທີປາໄສລັດຖະສະພາຫລາຍຝ່າຍ ຈະປະກອບສ່ວນສຳຄັນເຂົ້າໃນການປະຕິບັດນະໂຍບາຍການຕ່າງປະເທດຂອງຫວຽດນາມຢ່າງມີປະສິດທິຜົນ, ພິເສດໃນກິດຈະການປ່ຽນໃຫມ່ຮອບດ້ານ ແລະ ວິວັດທະນາການເຊື່ອມໂຍງເຂົ້າກັບສາກົນຂອງປະເທດຊາດ.