(vovworld)- 37 ປີ ພາຍຫລັງສົງຄາມ, 17 ປີ ນັບແຕ່ເມື່ອສອງປະເທດ ຫວຽດນາມ ແລະ ອາເມລິກາ ສ້າງສາຍພົບພັນເປັນປົກກະຕິ, ສອງປະເທດ ໄດ້ມີການພົວພັນ ມິດຕະພາບ, ລົບລ້າງທຸກຄວາມອາຄາດບາດໝາງ, ຄວາມອາພັບ, ຮຳບາດແຜສົງຄາມ. ເພື່ອມີຄວາມຄືບໜ້າໃນການພົວພັນຮ່ວມມືນັ້ນ ແມ່ນມີການປະກອບສ່ວນບໍ່ຫນ້ອຍຂອງບັນດາແມ່ຍິງ ອາເມລິກາ. ໂດຍຂຶ້ນກັບຫລາຍພາກສ່ວນທີ່ແຕກຕ່າງກັນໃນສັງຄົມ, ແຕ່ເຂົາເຈົ້າທັງໝົດລ້ວນແຕ່ປາດຖະຫນາຢາກປະກອບກຳລັງເຫື່ອແຮງຂອງຕົນເຂົ້າໃນການສ້າງຂົວຕໍ່ມິດຕະພາບ ແລະ ສັນຕິພາບ ລະຫວ່າງປະຊາຊົນສອງປະເທດ, ຜ່ານບັນດາໂຄງການ, ການເຄື່ອນໄຫວຫນູນຊ່ວຍຢ່າງແທດຈິງໃຫ້ແກ່ປະຊາຊົນຫວຽດນາມ.
ທ່ານນາງ Rae Cheney(ເບື້ອງຂວາ) ຜູ້ສ້າງຕັ້ງອົງການຕົ້ນໄມ້ສັນຕິພາບ ແລະ ລູກສາວ
ພາບປະກອບ:internet
|
ໂດຍໄດ້ເຂົ້າຮ່ວມຂະບວນການຄັດຄ້ານສົງຄາມຊຶ່ງດຳເນີນໄປຢູ່ ອາເມລິກາ ໃນຄາວຍັງແມ່ນນັກສຶກສາ ແຕ່ຈົນຮອດປີ 2011 ທ່ານນາງ Karen Lynne Keiser ສະມາຊິກສະພາສູງ ລັດ Washington ຈຶ່ງມີໂອກາດມາຢ້ຽມຢາມ ຫວຽດນາມ ເພື່ອເຂົ້າຮ່ວມວິວັດການໄກ່ເກຍລະຫວ່າງ ສອງປະເທດ. ຜ່ານການຢ້ຽມຢາມຊອກຮູ້ສະພາບຕົວຈິງຢູ່ ຫວຽດນາມ ແລະ ປະຕິບັດການເຄື່ອນໄຫວມະນຸດສະທຳຈຳນວນຫນຶ່ງ ໃນໄລຍະເວລາສັ້ນໆ ແຕ່ທ່ານນາງ Keiser ປາດຖະຫນາຢາກສົ່ງສານສະບັບຫນຶ່ງເຖິງບັນດາຜູ້ມີສິດເລືອກຕັ້ງ, ປະຊາຊົນອາເມລິກາ ທີ່ມີຄວາມສົນໃຈເຖິງ ຫວຽດນາມ ເພື່ອປະກອບສ່ວນແກ້ໄຂຜົນຮ້າຍຢ້ອນຫລັງຈາກສົງຄາມ, ຊຸກຍູ້ການພົວພັນຮ່ວມມືລະຫວ່າງປະຊາຊົນສອງປະເທດ. ທ່ານນາງໄດ້ພ້ອມກັບສາມີຂອງຕົນ ຊຶ່ງແມ່ນທະຫານຜ່ານເສີກ ອາເມລິກາ ທີ່ເຄີຍເຂົ້າຮ່ວມສົງຄາມຢູ່ ຫວຽດນາມ ຍາມໃດກໍສຸດຈິດສຸດໃຈສະຫນັບສະຫນູນ ຫວຽດນາມ ແລະ ການພົວພັນມິດຕະພາບ ຫວຽດນາມ - ອາເມລິກາ ດ້ວຍການປະກອບສ່ວນຢ່າງຕັ້ງຫນ້າເຂົ້າໃນບັນດາການເຄື່ອນໄຫວຫນູນຊ່ວຍ ຫວຽດນາມ.
“ປີ 1993, ກ່ອນເວລາ ທີ່ຫວຽດນາມ ແລະ ອາເມລິກາ ສ້າງສາຍພົວພັນທາງການທູດເປັນປົກກະຕິ, ສາມີຂ້າພະເຈົ້າໄດ້ຖ່າຍທຳຮູບເງົາກ່ຽວກັບນັກຮົບເກົ່າ ຫວຽດນາມ. ພາຍໃຕ້ຫົວຂໍ້ວ່າ: ສອງທົດສະວັດແຫ່ງຄວາມຕື່ນຕົວ, ຟີມຮູບເງົາຊຸດນີ້ໄດ້ຮັບການສະຫນັບສະຫນູນຢ່າງຕັ້ງຫນ້າຈາກປະຊາຊົນ ອາເມລິກາ. ຜ່ານນັ້ນ ຊ່ວຍໃຫ້ປະຊາຊົນ ອາເມລິກາ, ບັນດາທະຫານຜ່ານເສິກອາເມລິກາ ມີຄວາມເຂົ້າໃຈກວ່າກ່ຽວກັບ ຫວຽດນາມ, ກ່ຽວກັບ ສົງຄາມຫວຽດນາມ ແລະ ຜົນຮ້າຍຊຶ່ງສົງຄາມໄດ້ປະໄວ້ໃຫ້ປະຊາຊົນ ຫວຽດນາມ .”
ດ້ວຍຄວາມນຶກຄິດທີ່ວ່າ: ຈະເຮັດສິ່ງໃດສິ່ງຫນຶ່ງເພື່ອປະກອບສ່ວນໄກ່ເກ່ຍ, ຊຸກຍູ້ການພົບປະແລກປ່ຽນ, ເພີ່ມທະວີຄວາມເຂົ້າອົກເຂົ້າໃຈລະຫວ່າງປະຊາຊົນສອງປະເທດ, ໃນຖານະຂອງຕົນ, ທ່ານນາງ Cherry Mellor ການນຳໂຮງຮຽນມັດທະຍົມຕອນປ່າຍ George School ລັດ Pensyvania ສະຫະລັດອາເມລິກາ ໄດ້ ມາຫວຽດນາມ 6 ຄັ້ງແລ້ວ ນັບແຕ່ເມື່ອ ຫວຽດນາມ ແລະ ອາເມລິກາ ສ້າງການພົວພັນທາງການທູດເປັນປົກກະຕິ. ດ້ວຍທັດສະນະປ່ຽນແປງຄວາມຮັບຮູ້ລະຫວ່າງປະຊາຊົນສອງປະເທດ ແມ່ນຕ້ອງເລີ່ມຕົ້ນຈາກລຸ້ນຫນຸ່ມ, ຈາກການສຶກສາໃນໂຮງຮຽນ ແລະ ນັ້ນແມ່ນວິທີປະຕິບັດຢ່າງມີປະສິດທິຜົນທີ່ສຸດເພື່ອໃຫ້ສອງປະເທດຫຍັບມໍ່ເຂົ້າໃກ້ກັນກວ່າ, ແຕ່ລະປີ, ທ່ານນາງ ໄດ້ພາບັນດາຄູສອນ ແລະ ນັກຮຽນໃນໂຮງຮຽນ ມາ ຫວຽດນາມ ເພື່ອເຈືອຈານເຂົ້າກັບການດຳລົງຊີວິດຂອງປະຊາຊົນ, ເຂົ້າຮ່ວມການອອກແຮງງານອາສາສະໝັກຢູ່ ຮາກຖານມະນຸດສະທຳຈຳນວນຫນຶ່ງ ຢູ່ ບາງທ້ອງຖິ່ນຂອງຫວຽດນາມ. ທ່ານນາງ Cherry Mellor ເວົ້າວ່າ:
“ຂ້າພະເຈົ້າຢາກຊ່ວຍໃຫ້ພວກນ້ອງນັກຮຽນມີຄວາມຮູ້ຕົວຈິງກ່ຽວກັບສົງຄາມ ຢູ່ ຫວຽດນາມ. ເພາະວ່າ ນັກຮຽນໃນຄະນະສ່ວນຫລາຍແມ່ນກຳ ເນີດພາຍຫລັງສົງຄາມ ສະນັ້ນ ຂ້າພະເຈົ້າຖືວ່າ: ສິ່ງນີ້ແມ່ນມີປະໂຫຍດສຳລັບພວກນ້ອງໃນການຮ່ຳຮຽນທີ່ສຸດ. ຜ່ານບັນດາການເຄື່ອນໄຫວອາສາສະໝັກ, ການກຸສົນ, ການອອກແຮງງານ ແລະ ເຂົ້າຮ່ວມຊີວິດການເປັນຢູ່ປະຈຳວັນ ຂອງ ຫວຽດນາມ, ການຢ້ຽມຢາມຄັ້ງນີ້ ຈະຊ່ວຍໃຫ້ພວກນ້ອງຮ່ຳຮຽນເອົາບົດຮຽນໄດ້ຫລາຍຢ່າງ. ພວກນ້ອງເອງຈະສວມບົດບາດສຳຄັນກວ່າໃນການຊຸກຍູ້ການພົວພັນລະຫວ່າງ ຫວຽດນາມ ແລະ ອາເມລິກາ ໃນໄລຍະຈະມາເຖິງ.”
ບັນດາອາລົມຈິດທີ່ແມ່ຍິງ ອາເມລິກາ ຜູ້ນີ້ສະຫງວນໃຫ້ແກ່ຫວຽດນາມ ນັບມື້ນັບເພີ່ມຂຶ້ນເມື່ອປີ 2003 ທ່ານນາງຕົກລົງຮັບຫລານຊາຍຄົນຫນຶ່ງຢູ່ ສູນສົງເຄາະ ສັງຄົມ, ເບິ່ງແຍດູແລເດັກກຳພ້າ, ເດັກພິການ ຢູ່ ແຂວງ Bac Ninh ມາລ້ຽງ. ບໍ່ພຽງແຕ່ເທົ່ານັ້ນ, ໃນແຕ່ລະປີ ທ່ານນາງລ້ວນແຕ່ປະຕິບັດບັນດາການເຄື່ອນໄຫວຫນູນຊ່ວຍມະນຸດສະທຳຢູ່ບັນດາທ້ອງຖິ່ນທີ່ທຸກຍາກ, ຊ່ວຍເຫລືອບັນດາຄອບຄົວປະສົບກັບຄວາມຫຍຸ້ງຍາກຢູ່ ຫວຽດນາມ.
ຢູ່ ຫວຽດນາມ ອົງການຕົ້ນໄມ້ສັນຕິພາບ ແມ່ນອົງການທີ່ປະຊາຊົນຫວຽດນາມ ຫລາຍຄົນຮູ້ຈັກເຖິງ. ຈາກແນວຄວາມຄິດຂອງຄອບຄົວຫນຶ່ງຢູ່ອາເມລິກາ ທີ່ມີລູກຊາຍຜູ້ດຽວຖືກເສຍຊີວິດໃນສົງຄາມຢູ່ ຫວຽດນາມ, ອົງການຕົ້ນໄມ້ສັນຕິພາບໄດ້ຮັບການສ້າງຕັ້ງຂຶ້ນ ແລະ ໃນ 17 ປີຜ່ານມາ, ຄອບຄົວນີ້ໄດ້ມີການເຄື່ອນໄຫວຊ່ວຍເຫລືອປະຊາຊົນ ແລະ ເດັກນ້ອຍ ຫວຽດນາມ ແກ້ໄຂຜົນຮ້າຍຢ້ອນຫລັງຈາກສົງຄາມ. ທ່ານນາງ Rae Cheney ອາຍຸເກືອບ 90 ປີແມ່ນຜູ້ສ້າງຕັ້ງອົງການດັ່ງກ່າວໄດ້ແບ່ງປັນວ່າ:
“ຂ້າພະເຈົ້າຢາກໃຫ້ເຂົາເຈົ້າເຫັນໄດ້ຄວາມເຈັບປວດຂອງຜູ້ເປັນແມ່ຄົນຫນ່ຶງທີ່ມີລູກເສຍຊີວິດ. ຂ້າພະເຈົ້າຢາກແບ່ງປັນ ແລະ ເປັນເພື່ອນມິດກັບເຂົາເຈົ້າກໍຄືກໍຄືຢາກເຮັດສິ່ງໃດຫນຶ່ງເພື່ອໃຫ້ຊີວິດນີ້ຈົບງາມກວ່າ, ຢາກປະກອບສ່ວນກຳລັງເຫື່ອແຮງຂອງຕົນໃຫ້ແກ່ອົງການຕົ້ນໄມ້ສັນຕິພາບ ຫວຽດນາມ.”
ບັນດາອາລົມຈິດຂອງແມ່ຍິງອາເມລິກາໄດ້ປະກອບສ່ວນພວມເພີ່ມພູນຄູນສ້າງການພົວພັນມິດຕະພາບລະຫວ່າງສອງປະເທດ ຫວຽດນາມ ແລະ ອາເມລິກາ ນີ້ແມ່ນສັນຍາລັກທີ່ຄວນທະວີຄູນຢ່າງກວ້າງຂວາງ ໃນຂະນະທ່ີໂລກຍັງມີຫລາຍແຫ່ງພວມເກິດການໃຊ້ຄວາມຮຸນແຮງ ແລະ ສົງຄາມ.
ແອງຮ່ວຽນ