(vovworld)- ທີ່ວາລະປະຊຸມຄັ້ງທີ 28 ຂອງສະພາສິດທິມະນຸດ ສປຊ ຫວ່າງແລ້ວນີ້, ຜູ້ລາຍງານພິເສດກ່ຽວກັບສິດເສລີໃນການ ການເຫລື້ອມໃສ ແລະ ເຊື່ອຖືສາສະຫນາ ຂອງ ສປຊ ໄດ້ສະເຫນີບົດລາຍງານກ່ຽວກັບການຢ້ຽມຢາມ ຫວຽດນາມ ໃນໄລຍະຜ່ານມາ. ເຖິງວ່າ ຍັງມີບັນດາການຕີລາຄາທີ່ຂາດພາວະວິໄສ ແລະ ມີລັກສະນະຈັດວາງກໍຕາມ ແຕ່ບໍ່ອາດປະຕິເສດໄດ້ວ່າ ຫວຽດນາມ ໄດ້ມີບັນດາບາດກ້າວກະໂດດຂັ້ນໃນການຮັບປະກັນສິດເສລີໃນ ການເຫລື້ອມໃສ ແລະ ເຊື່ອຖືສາສະຫນາ. ກ່ຽວກັບບັນຫານີ້, ບັນນາທິການ ທູຮວາ ມີບົດຂຽນດ້ວຍຫົວຂໍ້ວ່າ: ຫວຽດນາມ ມານະພະຍາຍາມຊຸກຍູ້, ປົກປ້ອງສິດເສລີໃນການເຊື່ອຖືສາສະຫນາ
ພາບປະກອບ:vietnamplus.vn
|
ໃນບົດລາຍງານທີ່ວາລະປະຊຸມ ທ່ານ Heiner Beilefeldt, ຜູ້ລາຍງານພິເສດກ່ຽວກັບສາສະຫນາ ແລະ ການເຫລື້ອມໃສຂອງ ສປຊ, ໄດ້ຕີລາຄາສູງການຮ່ວມມື ແລະ ການສ້າງເງື່ອນໄຂຂອງບັນດາອົງການຫວຽດນາມ ໃນຕະຫລອດໄລຍະການຢ້ຽມຢາມຫວຽດນາມ. ຜູ້ລາຍງານພິເສດໄດ້ຕີລາຄາສູງບັນດາຜົນງານຊື່ງຫວຽດນາມບັນລຸໄດ້ໃນການຊຸກຍູ້, ປົກປ້ອງສິດເສລີໃນການເຊື່ອຖືສາສະຫນາໃນຊຸມປີຜ່ານມາ.
ສິດເສລີໃນການເຫລື້ອມໃສ,ເຊື່ອຖືສາສະຫນາແມ່ນຄວາມຈິງຢ່າງຈະແຈ້ງ
ຜູ້ລາຍງານພິເສດກ່ຽວກັບສາສະຫນາ ແລະ ການເຫລື້ອມໃສຂອງ ສປຊ ເນັ້ນຫນັກລາຍລະອຽດຄວາມຈິງກ່ຽວກັບສິດເສລີໃນ ການເຫລື້ອມໃສ ແລະ ການເຊື່ອຖືສາສະຫນາຂອງຫວຽດນາມ. ທ່ານ Heiner Beilefeldt ຢືນຢັນ: ມີຜູ້ຕາງຫນ້າບັນດາປະຊາຄົມສາສະຫນາແຕກຕ່າງກັນຍອມຮັບວ່າ ປະຈຸບັນ ມີສະຖານທີ່ຫລາຍແຫ່ງກວ່າເພື່ອປະຕິບັດສິດເສລີໃນການເຊື່ອຖືສາສະຫນາຢູ່ຫວຽດນາມ. ການເຄື່ອນໄຫວທາງດ້ານສາສະຫນາແມ່ນຄວາມຈິງຢ່າງຈະແຈ້ງ, ເຊິ່ງສະແດງອອກຜ່ານບັນດາຮາກຖານບູຊາທີ່ຂຶ້ນກັບຫສາສະຫນາຫລືນີກາຍຕ່າງໆ ແລະ ການເຂົ້າຮ່ວມການເຄື່ອນໄຫວສາສະຫນາຕ່າງໆຂອງປະຊາຊົນ. ໃນຊຸມປີມໍ່ໆມານີ້, ຫວຽດນາມໄດ້ມີຄວາມມານະພະຍາຍາມອະນຸລັກຮັກສາ ແລະ ຟື້ນຟູບັນດາງານບຸນທີ່ເປັນມູນເຊື້ອຂອງບັນດາໝວດຊົນເຜົ່າຫລືສາສະຫນາກໍຄືຮັບຮູ້ລັກສະນະຫລາຍຮູບຫລາຍແບບພາຍໃນສະມາຄົມພຸດທະສາສະຫນາຫວຽດນາມ. ພິເສດ ລັດຖະທຳມະນູນ ຫວຽດນາມ ໄດ້ຮັບການຮັບຮອງເມື່ອວັນທີ 28/11/2013 ໄດ້ລະບຸພາກຫນຶ່ງກ່ຽວກັບສິດທິມະນຸດ, ສິດ ແລະ ພັນທະພື້ນຖານຂອງພົນລະເມືອງ, ໃນນັ້ນ ມາດຕາ 24 ຂອງ ລັດຖະທຳມະນູນປີ 2013 ມີສ່ວນກ່ຽວຂ້ອງເຖິງສິດເສລີໃນການເຫລື້ອມໃສ ແລະ ການເຊື່ອຖືສາສະຫນາຂອງໝົດທຸກຄົນ, ຕ່າງກັບລັດຖະທຳມະນູນປີ 1992 ພຽງແຕ່ກຳນົດສຳລັບພົນລະເມືອງຫວຽດນາມເທົ່ານັ້ນ. ສິ່ງດັ່ງກ່າວ ແມ່ນສະແດງໃຫ້ເຫັນທ່າທີຕັ້ງຫນ້າກວ່າສຳລັບສິດເສລີໃນການເຊື່ອຖືສາສະຫນາ”. ນອກນັ້ນ ເລື່ອງຮັບຮອງເອົາລັດຖະບັນຍັດກ່ຽວກັບການເຊື່ອຖື, ເຫລື້ອມໃສສາສະຫນາ ແມ່ນສະແດງບາດກ້າວຫນຶ່ງໃນການສ້າງພື້ນຖານນິຕິກຳໃຫ້ແກ່ປະຊາຄົມຜູ້ເຊື່ອຖື ແລະ ເຫລື້ອມໃສສາສະຫນາ. ບົດລາຍງານກໍໄດ້ສ່ອງແສງໃຫ້ເຫັນວ່າ: ຈຳນນວນຮາກຖານບຳລຸງສ້າງຍົດຖາບັນດາສັກຂອງສາສະຫນາຕ່າງໆໄດ້ເພີ່ມຂຶ້ນຫລາຍສົມຄວນໃນທົດສະວັດຜ່ານມາ, ຢືນຢັນ ບັນດາປະຊາຄົມສາສະຫນາ ສາມາດແຕ່ງຕັ້ງ, ເລື່ອນຍົດສັກຕຳແຫນ່ງຕາມຂໍ້ກຳນົດກົດໝາຍສາສະຫນາຂອງເຂົາເຈົ້າ, “ກ່ຽວຂ້ອງເຖິງການພົ້ນຕຳແຫນ່ງຍົດສັກຕຳແຫນ່ງ, ສາສະນີກະຊົນ, ເບິ່ງລວມແລ້ວ ບັນດາຂໍ້ຕົກລົງ ລ້ວນແຕ່ແມ່ນຂຶ້ນກັບບັນດາປະຊາຄົມສາສະຫນາ, ຕາມກົດໝາຍສາສະຫນາ ແລະ ຜູ້ຕາງຫນ້າຂອງສະມາຄົມພູດທະສາສະຫນາຫວຽດນາມ ຈະເພີ່ມທະວີການເຜີຍແຜ່ສາສະຫນາໃນຄຸກ.
ຫວຽດນາມມານະພະຍາຍາມຮ່ວມມືກັບສາກົນເພື່ອຊຸກຍູ້ສິດເສລີໃນການເຊື່ອຖື,ເຫລື້ອມໃສສາສະຫນາ
ສາສະຫນາຫວຽດນາມ ເປັນຫລາຍຮູບຫລາຍແບບ, ບັນດາສາສະຫນາຖືກນຳເຂົ້າຈາກພາຍນອກຄື: ສາສະຫນາພຸດ, ສາສະຫນາກາໂຕລິກ, ຂ່າວປະເສີດ, ມີບາງສາສະຫນາໄດ້ຮັບການສ້າງຕັ້ງຂຶ້ນພາຍໃນປະເທດຄື: ສາສະຫນາກາວດາຍ, ສາສະຫນາ ຮ່ວາຫາວ. ບາງສາສະຫນາມີປະຫວັດຄວາມເປັນມາແຕ່ດົນນານແລ້ວຄື: ສາສະຫນາພຸດ, ສາສະຫນາອິດສະລາມ ກໍຄືບາງສາສະຫນາຫາກໍພັດທະນາຢູ່ຫວຽດນາມ ຄື: ສາສະຫນາ ກາວດາຍ, Baha’I, ການເຄື່ອນໄຫວທາງສາສະຫນາຢູ່ຫວຽດນາມ ແມ່ນອຸດົມສົມບູນ, ມີຊີວິດຊີວາ ດ້ວຍງານບຸນພື້ນເມືອງກວ່າ 8000 ງານບຸນໃນແຕ່ລະປີ.
ເລີ່ມຈາກທັດສະນະ ວ່າ ການເຊື່ອຖື, ເຫລື້ອມໃສສາສະຫນາແມ່ນຄວາມຕ້ອງການອັນຊອບທຳຂອງມະນຸດ ສະນັ້ນ ລັດຫວຽດນາມ ມີແຜນນະໂຍບາຍສະເຫມີຕົ້ນສະເຫມີປາຍ ນັ້ນແມ່ນເຄົາລົບ ແລະ ສ້າງເງື່ອນໄຂສະດວກເພື່ອໃຫ້ປະຊາຊົນທຸກຄົນປະຕິບັດສິດເສລີໃນການເຫລື້ອມໃສ ແລະເຊື່ອຖືສາສະຫນາ. ລັດຫວຽດນາມ ກໍຖືນະໂຍບາຍສາມັກຄີ ແລະ ປ່ອງດອງລະຫວ່າງບັນດາສາສະຫນາເປັນສຳຄັນ, ຮັບປະກັນຄວາມສະເຫມີພາບ, ບໍ່ຈຳແນກການປະພຶດຍ້ອນສາຍເຫດເຊື່ອຖື, ເຫລື້ອມໃສສາສະຫນາ. ລັດຫວຽດນາມ ຢືນຢັນ ບໍ່ມີຄຳນິຍາຍກ່ຽວກັບອັນທີ່ເອີ້ນວ່າ “ນັກໂທດມະໂນທຳ”.ບັນດາກໍລະນີສັ່ງຟ້ອງ, ພິພາກສາ ແລະ ຕັດສິນລົງໂທດ ແມ່ນຍ້ອນລະເມີດກົດໝາຍ, ບໍ່ແມ່ນຍ້ອນສາຍເຫດທັດສະນະການເມືອງຫລືສາສະຫນາ, ໄດ້ຮັບການປະຕິບັດຖືກຕ້ອງຕາມບັນດາຂັ້ນຕອນ, ລະບຽບການຄືດັ່ງການກຳນົດຂອງກົດໝາຍ.
ບໍ່ພຽງແຕ່ເຄົາລົບ, ປົກປ້ອງສິດພື້ນຖານຂອງມະນຸດທັງໝົດ, ໃນນັ້ນ ມີສິດເສລີໃນການເຫລື້ອມໃສ, ເຊື່ອຖືສາສະຫນາ ຕາມບັນດາມາດຖານສາກົນ, ລັດຖະບານຫວຽດນາມ ຍັງຖືການຢ້ຽມຢາມຄັ້ງຕ່າງໆຂອງຜູ້ລາຍງານພິເສດ ສປຊ ມາຫວຽດນາມ ແມ່ນບາດກ້າວສືບຕໍ່ທ່າຮ່ວມມືລະຫວ່າງຫວຽດນາມ ແລະ ບັນດາລະບຽບການພິເສດຂອງ ສະພາສິດທິມະນຸດ ສປຊ. ນີ້ແມ່ນກາລະໂອກາດເພື່ອໃຫ້ຜູ້ລາຍງານພິເສດ ຊອກຮູ້ພຶດຕິກຳຕົວຈິງກ່ຽວກັບຄວາມເສລີ ແລະ ການເຄື່ອນໄຫວເຫລື້ອມໃສ, ເຊື່ອຖືສາສະຫນາຂອງປະຊາຊົນຫວຽດນາມ, ແມ່ນໂອກາດເພື່ອໃຫ້ບັນດາກະຊວງ, ຂະແຫນງການ, ທ້ອງຖິ່ນ, ບັນດາອົງການການເມືອງສັງຄົມ, ອົງການສາສະຫນາ, ຮາກຖານບູຊາ… ພ້ອມກັນຮັບຮູ້ ແລະ ແບ່ງບັນບົດຮຽນ ກໍຄືຄວາມຫຍຸ້ງຍາກ, ສິ່ງທ້າທາຍ ຊື່ງຫວຽດນາມ ຕ້ອງປະເຊີນຫນ້າໃນຂົງເຂດນີ້. ສ້າງເງື່ອນໄຂສະດວກເພື່ອໃຫ້ຜູ້ລາຍງານພິເສດຂອງ ສປຊ ໄດ້ເຂົ້າຮ່ວມພຶດຕິກຳຕົວຈິງຢູ່ຫວຽດນາມ ໃນຂອບເຂດກົນໄກລະບຽບການພິເສດຂອງສະພາສິດທິມະນຸດ ສປຊ ແລະ ການເຈລະຈາຢ່າງເປີດອົກເປີດໃຈກັບເຂົາເຈົ້າແມ່ນວຽກງານທີ່ມີປະສິດທິຜົນ, ສະແດງເຈດຕະນາດີ, ການຮ່ວມມືຢ່າງແທດຈິງ ຂອງຫວຽດນາມ ກັບສາກົນ ເພື່ອຊຸກຍູ້ສິດທິມະນຸດ, ໃນນັ້ນ ມີສິດເສລີໃນການເຫລື້ອມໃສ, ການເຊື່ອຖືສາສະຫນາ.