(vovworld)- ຄວາມເຄັ່ງຕຶງຢູ່ທະເລຕາເວັນອອກປະຈຸບັນແມ່ນເລີ່ມມາຈາກເລ່ື່ອງຈີນຕັ້ງຮ້ານເຈາະນ້ຳມັນຢ່າງຜິດກົດໝາຍຢູ່ເຂດເສດຖະກິດຈຳເພາະ ແລະ ໄຫລ່ທະວີບຂອງຫວຽດນາມ ຊື່ງຢູ່ທີ່ນັ້ນ ຫວຽດນາມ ໄດ້ຊົມໃຊ້ບັນດາສິດຂອງປະເທດແຄມທະເລຕາມການກຳນົດຂອງສົນທິສັນຍາ ສປຊ ກ່ຽວກັບກົດໝາຍທະເລປີ 1982. ໃນເອກະສານສະເຫນີປະກາດຢ່າງເປັນທາງການຄືດັ່ງເອກະສານທາງການຢູ່ ສປຊ ຫວ່າງແລ້ວນີ້, ຫວຽດນາມ ຢືນຢັນຫລັກໝັ້ນຄັດຄ້ານບັນດາການກະທຳນີ້ຂອງຈີນ ຢ່າງຈະແຈ້ງ ແລະ ຮຽກຮ້ອງຈີນ ຖອນຮ້ານເຈາະນ້ຳມັນອອກຈາກເຂດເສດຖະກິດຈຳເພາະ ແລະ ເຂດໄຫລ່ທະວີບຂອງຫວຽດນາມ. ສຽງເວົ້າເປັນທຳຂອງຫວຽດນາມກໍ່ໄດ້ຮັບການສະຫນັບສະຫນູນຈາກປະຊາຄົມສາກົນ ດ້ວຍບັນດາການກະທຳລະອຽດ.
|
ປະຊາຄົມສາກົນ ຮຽກຮ້ອງຈີນ ເຄົາລົບກົດໝາຍສາກົນ
|
ວັນທີ 2/5/2014, ຈີນໄດ້ນຳຮ້ານເຈາະນ້ຳມັນໄຮຢາງ 981 ເຂົ້າສຳຫລວດຈຸດທີ່ຕັ້ງຢູ່ຈຸດພິກັດເສັ້ນຂະຫນານ 15-29.58 ອົງສາເຫນືອ, ເສັ້ນແວງ 111-12.06 ອົງສາຕາເວັນອອກ. ຮອດວັນທີ 27/5/2014, ຮ້ານເຈາະນ້ຳມັນດັ່ງກ່າວຖືກເຄື່ອນຍ້າຍໄປເຖິງທີ່ຕັ້ງ ເສັ້ນຂະຫນານ 15-33.38 ອົງສາເຫນືອ, ເສັ້ນແວງ 111-34.62 ອົງສາຕາເວັນອອກ. ບັນດາທີ່ຕັ້ງນີ້ລ້ວນແຕ່ນອນໃນເຂດເສດຖະກິດຈຳເພາະ ແລະ ໄຫລ່ທະວີບຂອງຫວຽດນາມ ແລະ ຫ່າງຈາກຝັ່ງທະເລຫວຽດນາມ ປະມານ 130-150 ໄມທະເລ. ນັບແຕ່ເວລານັ້ນມາຮອດປະຈຸບັນ, ຈີນ ຍັງສືບຕໍ່ຮັກສາຮ້ານເຈາະນ້ຳມັນ, ຈັດວາງກຳລັງກຳປັ່ນຄຸ້ມຊູຫລາຍລຳ, ຕຳ ແລະ ເຮັດໃຫ້ບັນດາກຳປັ່ນຂອງກຳລັງປະຕິບັດກົດໝາຍຂອງຫວຽດນາມຖືກເປ່ເພ, ຕຳກຳປັ່ນຫາປາຂອງຫວຽດນາມໃຫ້ຈົມນ້ຳ ແລະ ຈັບຕົວຊາວປະມົງຫວຽດນາມເມື່ອເຂົາເຈົ້າພວມຫາປາຢູ່ເຂດຫາປາຂຶ້ນກັບ ເຂດເສດຖະກິດຈຳເພາະ ແລະ ໄຫລ່ທະວີບຂອງຫວຽດນາມ.
ຫວຽດນາມ ໄດ້ມານະພະຍາຍາມ ແລະ ມີເຈດຕະນາດີເພື່ອແກ້ໄຂຄວາມເຄັ່ງຕຶງຢູ່ທະເລຕາເວັນອອກ
ຢູ່ບໍລິເວນເຄື່ອນໄຫວຂອງຮ້ານເຈາະນ້ຳມັນໄຮຢາງ 981, ບັນດາກຳປັ່ນຂອງຈີນ ໄດ້ລ່ວງລ້ຳ ເຂດເສດຖະກິດຈຳເພາະ ແລະ ໄຫລ່ທະວີບຂອງຫວຽດນາມ ເປັນຫລາຍຄັ້ງແລ້ວ ແລະ ດຳເນີນການສຳຫລວດດິນໄຫວ 2D, 3D ນັບແຕ່ປີ 2005. ໃນເຫດການນັ້ນ, ຫວຽດນາມ ລ້ວນແຕ່ສົ່ງກຳປັ່ນພົນລະເຮືອນປະຕິບັດກົດໝາຍ ຮຽກຮ້ອງຈີນ ບໍ່ໄດ້ເຄື່ອນໄຫວຢູ່ ເຂດເສດຖະກິດຈຳເພາະ ຂອງຫວຽດນາມ ພ້ອມທັງໄດ້ດຳເນີນການພົບປະເຈລະຈາທາງການທູດເປັນຫລາຍຄັ້ງ, ສົ່ງຈົດໝາຍການທູດ ເດັດດ່ຽວຄັດຄ້ານການເຄື່ອນໄຫວທີ່ຜິດພາດຂອງຈີນ, ໃນນັ້ນລວມມີການພົບປະເຈລະຈາຫລາຍຄັ້ງລະຫວ່າງທ່ານລັດຖະມົນຕີຊ່ວຍວ່າການກະຊວງການຕ່າງປະເທດຫວຽດນາມ ກັບເອກອັກຄະລັດຖະທູດຈີນ ປະຈຳຮ່າໂນ້ຍ. ໃນວັນທີ 5/8/2010 ແລະ ວັນທີ 8/8/2011, ໂຄສົກກະຊວງການຕ່າງປະເທດຫວຽດນາມ ໄດ້ຄັດຄ້ານ,ຮຽກຮ້ອງຈີນຢຸດຕິ ແລະ ບໍ່ປະໃຫ້ເກີດການກະທຳລະເມີດສິດອະທິປະໄຕ ແລະ ອຳນາດສານຂອງຫວຽດນາມຢູ່ທະເລຕາເວັນອອກ. ນັບແຕ່ເມື່ອສະພາບຄວາມເຄັ່ງຕຶງເມື່ອຕົ້ນເດືອນ 5/2014 ມາຮອດປະຈຸບັນ, ຫວຽດນາມ ໄດ້ມານະພະຍາຍາມເຈລະຈາກັບຈີນ ດ້ວຍຫລາຍຮູບການ ແລະ ຫລາຍຂັ້ນແຕກຕ່າງກັນ ເພື່ອຮຽກຮ້ອງຈີນ ຢຸດຕິບັນດາການກະທຳລະເມີດສິດອະທິປະໄຕ ແລະ ອຳນາດສານຂອງຫວຽດນາມ. ຫວຽດນາມ ຮຽກຮ້ອງຈີນ ຖອນຮ້ານເຈາະນ້ຳມັນ ແລະ ບັນດາກຳປັ່ນຄຸ້ມຊູອອກຈາກ ເຂດເສດຖະກິດຈຳເພາະ ແລະ ໄຫລ່ທະວີບຂອງຫວຽດນາມ, ສ້າງເງື່ອນໄຂສະດວກໃຫ້ສອງຝ່າຍເລີ່ມຕົ້ນການເຈລະຈາໃຫ້ສອດຄ່ອງກັບກົດບັດສປຊ, ບັນດາຂໍ້ມາດຕາທີ່ກ່ຽວຂ້ອງຂອງສົນທິສັນຍາ ສປຊ ກ່ຽວກັບກົດໝາຍທະເລປີ 1982, ຖະແຫລງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ ແລະ ບັນດາຂໍ້ຕົກລົງອື່ນລະຫວ່າງສອງປະເທດ. ຫວຽດນາມ ໄດ້ດຳເນີນການພົບປະເຈລະຈາທາງການທູດກັບບັນດາອົງການມີສິດອຳນາດຂອງຈີນ ກວ່າ 30 ຄັ້ງ, ໃນນັ້ນຄັ້ງຫລ້າສຸດ ແມ່ນການພົບປະລະຫວ່າງທ່ານ ຟ້າມບີງມີງ, ຮອງນາຍົກລັດຖະມົນຕີ, ທັງເປັນລັດຖະມົນຕີວ່າການກະຊວງການຕ່າງປະເທດຫວຽດນາມ ແລະ ທ່ານ ຢາງເຈ້ຍຊື້, ກຳມະການລັດຖະບານຈີນ ຢູ່ ຮ່າໂນ້ຍ ເມື່ອວັນທີ 18/6/2014. ເຖິງຢ່າງໃດກໍຕາມ,ຈີນ ບໍ່ຖອນຮ້ານເຈາະນ້ຳມັນໄຮຢາງ 981 ອອກຈາກ ເຂດເສດຖະກິດຈຳເພາະ ແລະ ໄຫລ່ທະວີບຂອງຫວຽດນາມ ກໍຄືບໍ່ດຳເນີນການເຈລະຈາທາງການທູດເທົ່ານັ້ນ ຫາກຍັງສະແດງລັກສະນະດ້ານກົດໝາຍແບບລະເມີເຝ່ີຝັນ, ບໍ່ສາມາດແກ້ຄວາມໃຫ້ການກະທຳທີ່ເກາະຜິດຢາກຢືດຄອງທະເລຕາເວັນອອກ.
ຫວຽດນາມ ແລະ ປະຊາຄົມສາກົນ ຮຽກຮ້ອງຈີນ ເຄົາລົບກົດໝາຍສາກົນ
ໃນເອກະສານສະເຫນີປະກາດຢ່າງເປັນທາງການທີ່ ສປຊ ຫວ່າງແລ້ວນີ້, ຫວຽດນາມ ຮຽກຮ້ອງຈີນ ຕ້ອງເຄົາລົບບັນດາສິດຂອງຫວຽດນາມ ຊື່ງໄດ້ກຳນົດໃນສົນທິສັນຍາຂອງ ສປຊ ກ່ຽວກັບກົດໝາຍທະເລປີ 1982. ຫວຽດນາມ ເດັດດ່ຽວຮຽກຮ້ອງຈີນ ເຄົາລົບກົດໝາຍສາກົນ ແລະ ຢຸດຕິບັນດາການກະທຳລະເມີດສິດອະທິປະໄຕ ແລະ ອຳນາດສານຂອງຫວຽດນາມ.
ບໍ່ພຽງແຕ່ເທົ່ານັ້ນ ບັນດາການຄັດຄ້ານການກະທຳລະເມີດກົດໝາຍຂອງຈີນ, ປະຊາຄົມສາກົນ ພວມມີບັນດາການກະທຳລະອຽດສະກັດກັ້ນຍຸດທະສາດແຜ່ຂະຫຍາຍອານາເຂດຂອງຈີນ ຢູ່ທະເລຕາເວັນອອກ. ພິເສດ ໃນທ້າຍອາທິດຜ່ານມາ, ສະພາສູງ ອາເມລິກາ ໄດ້ຮັບຮອງເອົາມະຕິຄັດຄ້ານການກະທຳເກາະຜິດຂອງຈີນ ຢູ່ ທະເລຕາເວັນອອກ ແລະ ທະເລຮວາຕູງ, ໃນນັ້ນ ຮຽກຮ້ອງຈີນ ຖອນຮ້ານເຈາະນ້ຳມັນ ແລະ ບັນດາກຳລັງຄຸ້ມຊູອອກຈາກ ເຂດເສດຖະກິດຈຳເພາະ ແລະ ໄຫລ່ທະວີບຂອງຫວຽດນາມ, ເຮັດໃຫ້ສະພາບຢູ່ທະເລຕາເວັນອອກກັບຄືນສູ່ສະພາບເດີມຄືກ່ອນທີ່ວັນທີ 1/5/2014. ສະພາສູງອາເມລິກາ ຊີ້ແຈ້ງວ່າ:
ບັນດາການກະທຳທວງເອົາອະທິປະໄຕເຂດນ້ຳແດນດິນຂອງຈີນ ພ້ອມກັບບັນດາການຫນູນຫລັງໃຫ້ແກ່ການເຄື່ອນໄຫວຂອງຮ້ານເຈາະນ້ຳມັນ ບໍ່ທັນໄດ້ຮັບການຢັ້ງຢືນຈາກກົດໝາຍສາກົນ,ລວມມີສົນທິສັນຍາຂອງ ສປຊ ກ່ຽວກັບກົດໝາຍທະເລ(UNCLOS) ແມ່ນການຄິດໄລ່ຕາມລຳພັງຝ່າຍດຽວ ເພື່ອປ່ຽນແປງສະພາບເດີມຢູ່ທະເລຕາເວນອອກ ດ້ວຍການນຳໃຊ້ກຳລັງອາວຸດ ແລະ ມີສັນຍານລະເມີດຖະແຫລງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວນອອກ ຊື່ງຈີນ ໄດ້ເຂົ້າຮ່ວມລົງນາມ. ນອກນັ້ນ, ສະພາລັດຖະສະພາຂອງອົງການໃຊ້ພາສາຝລ່ັງ ມີມະຕິກ່ຽວກັບຈຸດຮ້ອນເຮັ່ງຢູ່ບັນດາປະເທດສະມາຊິກໃຊ້ພາສາຝລັ່ງ, ໃນນັ້ນ ສະແດງຄວາມວິຕົກກັງວົນກ່ຽວກັບຄວາມເຄັ່ງຕຶງປະຈຸບັນຢູ່ທະເລຕາເວັນອອກ ໂດຍຈີນ ຕັ້ງຮ້ານເຈາະນ້ຳມັນຢ່າງຜິດກົດໝາຍຢູ່ ເຂດເສດຖະກິດຈຳເພາະ ແລະ ໄຫລ່ທະວີບຂອງຫວຽດນາມ. ສະພາລັດຖະສະພາຂອງອົງການໃຊ້ພາສາຝລັ່ງ ຢືນຢັນການສະຫນັບສະຫນູນບັນດາຄວາມມານະພະຍາຍາມຂອງຫວຽດນາມ ແລະ ປະຊາຊາດອື່ນ ເພື່ອຟື້ນຟູສັນຕິພາບ ແລະ ສະຖຽນລະພາບໃນພາກພື້ນ ແລະ ຮຽກຮ້ອງຝ່າຍຈີນ ປະກອບສ່ວນເຂົ້າໃນການແກ້ໄຂຮອບດ້ານຄວາມເຄັ່ງຕຶງປະຈຸບັນ, ປະຕິບັດ ຖະແຫລງການກ່ຽວກັບການປະພຶດຂອງບັນດາຝ່າຍກ່ຽວຂ້ອງຢູ່ທະເລຕາເວັນອອກ(DOC) ຢ່າງຄົບຖ້ວນ ແລະ ມີປະສິດທິຜົນ ແລະ ກ້າວໄປເຖິງການລົງນາມໃນປະມວນຂໍ້ກຳນົດການປະພຶດລະຫວ່າງບັນດາຝ່າຍກ່ຽວຂ້ອງຢູ່ທະເລຕາເວນອອກ(COC) ໂດຍໄວ.