ໂດຍໄດ້ຮັບຄຳເຊື້ອເຊີນຂອງທ່ານປະທານາທິບໍດີ ສ. ອິນໂດເນເຊຍ Joko Widodo, ວັນທີ 21/4, ທ່ານປະທານປະເທດຫວຽດນາມ ເຈືອງເຕີນຊາງ ໄດ້ນຳໜ້າຄະນະຜູ້ແທນຂັ້ນສູງ ຫວຽດນາມ ເດີນທາງເຂົ້າຮ່ວມກອງປະຊຸມຂັ້ນສູງ ອາຊີ - ອາບຟຣີກາ, ແລະ ພິທີສະເຫຼີມສະຫຼອງ 60 ປີແຫ່ງວັນດຳເນີນກອງປະຊຸມ Bandung ແລະ 10 ປີແຫ່ງວັນສ້າງຕັ້ງການພົວພັນ “ຄູ່ຮ່ວມມືຍຸດທະສາດໃໝ່ ອາຊີ - ອາບຟຣີກາ” ຢູ່ນະຄອນຫຼວງ ຈາກາຕາ ປະເທດ ອິນໂດເນເຊຍແຕ່ວັນທີ 22 – 24/4. ນີ້ແມ່ນການເຄື່ອນໄຫວເພື່ອປະຕິບັດແຜນນະໂຍບາຍເປັນເຈົ້າການເຊື່ອງໂຍງເຂົາກັບສາກົນ, ພ້ອມກັນນັ້ນ, ຫວຽດນາມກໍມີຄວາມຫວັງຢາກພ້ອມກັບບັນດາປະເທດ ອາຊີ - ອາບຟຣີກາ ປົກປ້ອງບັນດາຫຼັກການ Bandung ແລະ ບັນດາຫຼັກການຂອງກົດໝາຍສາກົນ, ເປີດກ້ວາງການພົວພັນຮ່ວມມືຫຼາຍດ້ານກັບບັນດາປະເທດ ອາຊີ - ອາບຟຣີກາ ແລະ ການພົວພັນຄູ່ຮ່ວມມືຍຸດທະສາດກັບປະເທດເຈົາພາບອິນໂດເນເຊຍ.
ທ່ານປະທານປະເທດຫວຽດນາມ ເຈືອງເຕີນຊາງ |
ຫົວຂໍ້ຂອງກອງປະຊຸມຂັ້ນສູງອາຊີ - ອາບຟຣີກາປີ 2015 ແມ່ນ “ເພີ່ມທະວີການ ຮ່ວມມື ໃຕ້ - ໃຕ້ແນໃສ່ຊຸກຍູ້ສັນຕິພາບ ແລະ ວັດທະນາຖາວອນໃນໂລກ. ຄາດວ່າ ກອງປະຊຸມຈະຮັບຮອງເອົາເອກະສານຫຼາຍສະບັບ ແນໃສ່ສືບຕໍ່ຊຸກຍູ້ການພົວພັນຮ່ວມມື ອາຊີ - ອາບຟຣີກາບົນພື້ນຖານບັນດາຫຼັກການທີ່ໄດ້ຮັບການຮັບຮອງເອົາຢູ່ທີ່ກອງປະຊຸມ ອາຊີ - ອາບຟຣີກາຄັ້ງທີ 1(ກອງປະຊຸມ Bandung). ນີ້ແມ່ນບຸລິມະສິດຮັກສາສັນຕິພາບ, ການພັດທະນາເສດຖະກິດ ແລະ ຊຸກຍູ້ການຮ່ວມມື, ເຊື່ອມຈອດອາຊີ - ອາບຟຣີກາ, ນຳມາເຊິ່ງຜົນປະໂຫຍດອັນແທດຈິງໃຫ້ແກ່ທັງ 2 ພາກພື້ນ. ພ້ອມກັບຜູ້ແທນ 109 ທ່ານ ຊຶ່ງເປັນຜູ້ຕາງໜ້າໃຫ້ບັນດາປະເທດທະວີບອາຊີ, ທະວີອາບຟຣີກາ ແລະ ຢູ່ພາກພື້ນອື່ນໆ, ຄະນະຜູ້ແທນຂັ້ນສູງ ຫວຽດນາມນຳໂດຍທ່ານປະທານປະເທດຫວຽດນາມ ເຈືອງເຕີນຊາງ ໄດ້ເຂົ້າຮ່ວມກອງປະຊຸມ.
ຮັກສາຫຼັກການພື້ນຖານຂອງກອງປະຊຸມ Bandung ໃຫ້ໝັ້ນຄົງ
ກອງປະຊຸມຂັ້ນສູງ ອາຊີ - ອາບຟຣີກາ ໄດ້ຈັດຕັ້ງເປັນຄັ້ງທຳອິດຢູ່ Bandung, ປະເທດ ອີນໂດເນເຊຍ ແຕ່ວັນທີ 18 – 24/4/1955 ດ້ວຍການເຂົ້າຮ່ວມຂອງການນຳ 29 ປະເທດ ອາຊີ - ອາບຟຣີກາ, ຊຶ່ງເປັນການເປີດສາກໃຫ້ວິວັດທະນາການຮ່ວມມືໃໝ່ ອາຊີ - ອາບຟຣີກາ. ແລະ ໄດ້ຮັບຖືວ່າເປັນສັນຍາລັກກ່ຽວກັບການຟື້ນຟູຂອງ ບັນດາປະເທດທະວີບອາຊີ, ທະວີບອາບຟຣີກາ. ເປັນຄັ້ງທຳອິດ, ກອງປະຊຸມໄດ້ຍົກອອກ 10 ຫຼັກການ Bandung ເພື່ອເປັນພື້ນຖານໃຫ້ແກ່ການພົວພັນລະຫວ່າງ ບັນດາປະເທດທະວີບອາຊີ, ທະວີບອາບຟຣີກາຄື ເຄົາລົບອະທິປະໄຕ, ບໍ່ແຊກແຊງ, ແກ້ໄຂການຂັດແຍ້ງດ້ວຍມາດຕະການໂດຍສັນຕິວິທີ, ເຄົາລົບກົດໝາຍສາກົນ….ກອງປະຊຸມໄດ້ກາຍເປັນກຳລັງໜູນພາໄປເຖິງບັນດາການຫັນປ່ຽນອັນໃຫຍ່ຫຼວງສຳລັບເລື່ອງບັນດາປະເທດຍາດໄດ້ເອກະລາດຢູ່ ອາຊີ - ອາບຟຣີກາ, ສ້າງປະຖົມປັດໄຈໃຫ້ແກ່ການສ້າງຕັ້ງຂະບວນການບໍ່ຮ່ວມກຸ່ມ, ກຸ່ມ 77 ແລະ ຮ່ວມມື ໃຕ້ - ໃຕ້ໃນຊຸມທົດສະວັດທີ່ຜ່ານມາ.
ຫວຽດນາມຕັ້ງໜ້າສ້າງຂອບເຂດຮ່ວມມື ອາຊີ - ອາບຟຣີກາ
ໂດຍແມ່ນໜຶ່ງໃນ 29 ປະເທດທີ່ເຂົ້າຮ່ວມກອງປະຊຸມ Bandung ເມື່ອປີ 1955 ຊຶ່ງແມ່ນຕົ້ນກຳເນີດຂອງ ຂະບວນການບໍ່ຮ່ວມກຸ່ມ, ໃນ 60 ປີທີ່ຜ່ານມາ, ຫວຽດນາມຍາມໃດກໍແມ່ນສະມາຊິກຢ່າງຕັ້ງໜ້າ, ພິເສດໃນປີ 2005, ທ່ານປະທານປະເທດຫວຽດນາມ ເຈີນດຶກເລືອງ ໄດ້ນຳໜ້າຄະນະຜູ້ແທນຂັ້ນສູງ ຫວຽດນາມເຂົ້າຮ່ວມ ກອງປະຊຸມຂັ້ນສູງອາຊີ - ອາບຟຣີກາປີ 2005 ແລະ ພິທີສະເຫຼີມສະຫຼອງ 50 ປີແຫ່ງວັນດຳເນີນກອງປະຊຸມ Bandung. ຄະນະຜູ້ແທນຫວຽດນາມໄດ້ມີການປະກອບສ່ວນສຳຄັນເຂົ້າໃນການສ້າງຂອບເຂດການຮ່ວມມືໃໝ່ອາຊີ - ອາບຟຣີກາ, ຍົກອອກຂໍ້ສະເໜີ້ແນະຫຼາຍຂໍ້ກ່ຽວກັບການຮ່ວມມືລະອຽດຄື ຮູບແບບຮ່ວມມື 3 ຝ່າຍ, ເວທີປາໄສ ຫວຽດນາມ - ອາບຟຣີກາ, ພ້ອມທັງແບ່ງປັນບົດຮຽນການຮ່ວມມື ແລະ ພັດທະນາກັບບັນດາປະເທດ ອາບຟຣີກາ, ຄະນະຜູ້ແທນປະມຸກລັດຂອງຫຼາຍປະເທດໄດ້ມາຢ້ຽມຢາມຫວຽດນາມຢ່າງເປັນທາງການ. ຫວຽດນາມ ກໍແມ່ນປະເທດດຽວໃນກຸ່ມອາຊຽນ ມີກົນໄກກອງປະຊຸມສຳມະນາສາກົນຫວຽດນາມ - ອາບຟຣີກາ, ມາຮອດປະຈຸບັນໄດ້ຈັດກອງປະຊຸມສຳມະນາ 2 ຄັ້ງ ແລ້ວ ແລະ ໄດ້ຮັບການຕີລາຄາຈາກບັນດາປະເທດ ອາບຟຣີກາ ວ່າ ການຮ່ວມມືຫວຽດນາມ - ອາບຟຣີກາ ແມ່ນແບບຢ່າງຂອງການຮ່ວມມືໃນ ຂະບວນການບໍ່ຮ່ວມກຸ່ມ.
ບໍ່ພຽງແຕ່ທາງດ້ານການເມືອງເທົ່ານັ້ນ, ການພົວພັນດ້ານເສດຖະກິດ- ການຄ້າລະຫວ່າງ ຫວຽດນາມ - ອາບຟຣີກາ ໄດ້ພັດທະນາຢ່າງຕັ້ງໜ້າ. ຫວຽດນາມມີການພົວພັນດ້ານການຄ້າກັບທັງ 55 ປະເທດ ອາບຟຣີກາ, ຍົກວົງເງິນການຄ້າປີ 2013 ບັນລຸປະມານ 4,3 ຕື້ USD. ມີຫຼາຍໂຄງການໄດ້ຖືກຜັນຂະຫຍາຍລົງທຶນຢູ່ບັນດາປະເທດອາບຟຣີກາດ້ວຍຍອດຈຳນວນທຶນຂຶ້ນເຖິງກວ່າ 2 ຕື້ USD . ຫວຽດນາມກໍໄດ້ສົ່ງຜູ້ຊ່ຽວຊານດ້ານກະສີກຳ, ສາທາລະນະສຸກ, ການສຶກສານັບພັນເທື່ອຄົນໄປເຮັດວຽກຢູ່ ບັນດາປະເທດທະວີບອາບຟຣີກາຕາມສັນຍາ 2 ຝ່າຍ ແລະ ຫຼາຍຝ່າຍ.
ສືບຕໍ່ຊຸກຍູ້ຄວາມສາມັກຄີໃນການຮ່ວມມື ອາຊີ - ອາບຟຣີກາ ຢ່າງຕັ້ງໜ້າ
ຫວນຄືນ 60 ປີແຫ່ງການຮ່ວມມືລະຫວ່າງ ຫວຽດນາມ - ອາບຟຣີກາເວົ້າສະເພາະ, ເວົ້າລວມແມ່ນລະຫວ່າງ ອາຊີ - ອາບຟຣີກາ, ພ້ອມກັບບັນດາສິ່ງທີ່ສະດວກ, ກໍຍັງມີສິ່ງທ້າທາຍຫຼາຍຢ່າງໃນໄລຍະໃໝ່, ນັ້ນແມ່ນສະພາບການໂລກສືບຕໍ່ຜັນແປໄປຢ່າງສັບສົນ, ຄວາມຂາດສະຖຽນລະພາບໃນໂລກ ແລະ ພາກພື້ນເພີ່ມທະວີຂຶ້ນ. ພາກພື້ນຕາເວັນອອກກາງ ແລະ ອາບຟຣີກາສືບຕໍ່ແມ່ນຈຸດຮ້ອນດ້ວຍການປະທະກັນແຜ່ລາມອອກກ້ວາງ, ການເຄື່ອນໄຫວກໍ່ການຮ້າຍເກີດຂຶ້ນຢູ່ຫຼາຍແຫ່ງໃນໂລກ.
ຍ້ອນເຫດນີ້ເອງ, ຫົວຂໍ້ຂອງກອງປະຊຸມຂັ້ນສູງອາຊີ - ອາບຟຣີກາປີ 2015 ແມ່ນ “ເພີ່ມທະວີການ ຮ່ວມມື ໃຕ້ - ໃຕ້ແນໃສ່ຊຸກຍູ້ສັນຕິພາບ ແລະ ວັດທະນາຖາວອນໃນໂລກ, ອີກຄັ້ງໜຶ່ງໄດ້ຢືນຢັນ ບຸລິມະສິດໃນການຮັກສາສັນຕິພາບ, ການພັດທະນາເສດຖະກິດ ແລະເຊີດຊູບັນດາຫຼັກການ Bandung ເພື່ອຊຸກຍູ້ການຮ່ວມມື, ເຊື່ອມຈອດອາຊີ - ອາບຟຣີກາ, ນຳມາເຊິ່ງຜົນປະໂຫຍດອັນແທດຈິງໃຫ້ແກ່ທັງ 2 ພາກພື້ນ. . ພ້ອມກັບຜູ້ແທນ 109 ທ່ານ ຊຶ່ງເປັນຜູ້ຕາງໜ້າໃຫ້ບັນດາປະເທດທະວີບອາຊີ, ທະວີບອາບຟຣີກາ ແລະ ຢູ່ພາກພື້ນອື່ນໆ, ບັນດາອົງການຈັດຕັ້ງສາກົນ, ຄະນະຜູ້ແທນຂັ້ນສູງ ຫວຽດນາມນຳໂດຍທ່ານປະທານປະເທດຫວຽດນາມ ເຈືອງເຕີນຊາງ ທີ່ເຂົ້າຮ່ວມກອງປະຊຸມຂັ້ນສູງ ອາຊີ - ອາບຟຣີກາ, ພິທີສະເຫຼີມສະຫຼອງ 60 ປີແຫ່ງວັນດຳເນີນກອງປະຊຸມ Bandung ແລະ 10 ປີແຫ່ງວັນສ້າງຕັ້ງການພົວພັນ “ຄູ່ຮ່ວມມືຍຸດທະສາດໃໝ່ ອາຊີ - ອາບຟຣີກາ” ຢູ່ນະຄອນຫຼວງ ຈາກາຕາ ປະເທດ ອິນໂດເນເຊຍ ຢືນຢັນວ່າ ຫວຽດນາມເປັນເຈົ້າການເຊື່ອມໂຍງເຂົ້າກັບສາກົນ, ດ້ວຍທີ່ຕັ້ງບົດບາດເປັນສະມາຊິກທີ່ຕັ້ງໜ້າ ແລະ ມີຄວາມຮັບຜິດຊອບ