ປະທານາທິບໍດີ ອີຮານ Mahmoud Ahmadinejad ພວມໄປຢ້ຽມຢາມ 4 ປະເທດ ອາເມລິກາລາຕິນ. ໃນຂະນະທີ່ການພົວພັນລະຫວ່າງ ອີຮານ - ອາເມລິກາພວມເຄັ່ງຕຶງ, ແລະ ອີຮານພວມຖືກ ອາເມລິກາ ແລະ ຝ່າຍຕາເວັນຕົກລົງໂທດທາງດ້ານເສດຖະກິດນັ້ນ, ການຢ້ຽມຢາມຄັ້ງນີ້ຂອງ Tehran ແມ່ນເພື່ອແນໃສ່ເພີ່ມທະວີການສະໜັບສະ ໜູນຈາກພາກພື້ນ ອາເມລິກາລາຕິນ, ນັບທັງທາງດ້ານການເມືອງ ແລະ ເສດຖະກິດ.
ທັງ 4 ປະເທດ ທີ່ທ່ານ Ahmadinejad ໄປຢ້ຽມຢາມ ຄື: Venezuela, Nicaragoa, cu ba ແລະ Ecuado ລ້ວນແຕ່ແມ່ນບັນດາປະເທດທີ່ມີການພົວພັນດ້ານການທູດກັບ ອາເມລິກາ ບໍ່ແໜ້ນແຟ້ນປານໃດ.ໃນສອງ, ສາມປີ ມານີ້, ເຈົ້າໜ້າທີ່ຫຼາຍທ່ານຂອງປະເທດເຫຼົ່ານັ້ນ ລ້ວນແຕ່ມີການຢ້ຽມຢາມ Tehran ເພື່ອສ້າງຕັ້ງການພົວພັນດ້ານການຕ່າງປະເທດ ແລະ ເສດຖະກິດ. ຍ້ອນເຫດນັ້ນ, ການຢ້ຽມຢາມ 4 ປະເທດ ອາເມລິກາລາຕິນ ຂອງ ປະທານາທະບໍດີ Ahmadinejad ໃນຄັ້ງນີ້ ແມ່ນເພື່ອແນໃສ່ຊອກຫາພັນທະມິດຕ້ານຄືນ ອາເມລິກາ.
ທ່ານ Ahmadinejad ໄດ້ເລືອກເຟັ້ນ Caracas ເປັນແຫ່ງທຳອິດໃນການຢ້ຽມຢາມ 4 ປະເທດ ອາເມລິກາລາຕິນ ເປັນເວລາ 5 ວັນຂອງຕົນ. ນັ້ນບໍ່ແມ່ນເລື່ອງບັງເອີນ, ເພາະວ່າ, ກ່ອນນີ້ກວ່າ 1 ປີ, ອາເມລິກາ ໄດ້ນຳໃຊ້ຄຳສັ່ງລົງໂທດບໍລິສັດນ້ຳມັນແຮ່ທາດຂອງ Venezuela ຍ້ອນໄດ້ສະໜອງການຂົນສົ່ງທາງກ່ຳປັ່ນ ໃຫ້ແກ່ ອີຮານ 2 ຖ້ຽວ. ກ່ອນໜ້ານັ້ນ,ຄືປີ 2008, ອາເມລິກາກໍ່ໄດ້ລົງໂທດທະນາຄານຂອງ ອີຮານ ຢູ່ Caracas ຍ້ອນໄດ້ສະໜອງດ້ານການເງິນ ເພື່ອສະໜັບສະໜູນໂຄງການອາວຸດຂອງປະເທດ ອິດສະລາມ ນີ້. ແລະ ຫວ່າງແລ້ວນີ້ແມ່ນເລື່ອງ ອາເມລິກາ ອອກຄຳສັ່ງເນລະເທດ ຫົວໜ້າສະຖານກົງສູນໃຫຍ່ Venezuela ປະຈຳ Miama ຍ້ອນສົງໄສວ່າ ທ່ານນາງ ໄດ້ພ້ອມກັບບັນດານັກສືບລາຊະການລັບຂອງ Cu ba ແລະ ອີຮານ ຈັດຕັ້ງການບຸກໂຈມຕີຕ່າງໆເຂົ້າໃສ່ລະບົບ ຄອມພີວເຕີ ຂອງບັນດາອົງການສຳຄັນ ອາເມລິກາ ກ່ອນນີ້ 5 ປີ. ສາຍເຫດດັ່ງກ່າວ, ໄດ້ເຮັດໃຫ້ ອີຮານ ແລະ Venezuela ຫຍັບມໍ່ໃກ້ກັນກວ່າ. ກ່ອນການຢ້ຽມຢາມ Venezuela, ທ່ານ Ahmadinejad ໄດ້ຍ້ອງຍໍສັນລະເສີນຄູ່ຕຳແໜ່ງ Caracas ແມ່ນວິລະຊົນຜູ້ໜຶ່ງໃນການຕ້ານລັດທິຈັກກະພັດ, ມານະພະຍາຍາມຮັບໃຊ້ປະຊາຊົນຂອງປະເທດຕົນ ແລະ ໄດ້ຢຸດຕິການຂຶ້ນກັບປະເທດອື່ນໆຂອງ ອາເມລິກາລາຕິນ ກ່ຽວກັບທາງດ້ານການເມືອງ ແລະ ເສດຖະກິດ. ປະທານາທິບໍດີ Ahmadinejad ກໍ່ໄດ້ຊີ້ແຈ້ງວ່າ. ປະທານາທິບໍດີ Nicaragoa ແມ່ນນັກປະຕິວັດ ໃນການຕ້ານອຳນາດບາດໃຫຍ່, ເພື່ອເອກະລາດ, ຄວາມກ້າວໜ້າ ແລະ ຄວາມຍຸຕິທຳຂອງປະເທດຕົນ. . ສ່ວນອາເມລິກາໄດ້ກ່າວເຕືອນວ່າ, ປະຈຸບັນ, ບໍ່ແມ່ນຈຸດເວລາເພື່ອເພີ່ມທະວີການພົວພັນກັບ ອີຮານ, ນັບທັງທາງດ້ານປ້ອງກັນຄວາມສະຫງົບ ແລະ ດ້ານເສດຖະກິດ. ໂດຍໂຕ້ຕອບຄືນ, ປະທານາທິບໍດີ Hugo Chavez ໄດ້ຖະແຫຼງວ່າ ບັນດາປະເທດ ອາເມລິກາລາຕິນ ມີສິດຕັດສິນການພົວພັນກັບປະເທດຕ່າງໆ ດ້ວຍຕົນເອງ, ແລະ ຖືວ່າ ອາເມລິກາຄວນສຸມໃສ່ບັນດາບັນຫາຂອງປະເທດຕົນ ຫາກບໍ່ຄວນສຸມໃສ່ວຽກງານພາຍໃນຂອງປະເທດອື່ນ.
ຕາມບັນດານັກວິເຄາະແລ້ວ, ໃນສະຖານະການທີ່ ອາເມລິກາ ແລະ ບັນດາປະເທດຝ່າຍຕາເວັນຕົກນັບມື້ນັບຮັດແໜ້ນບັນດາມາດຕະການລົງໂທດ ເພື່ອເຮັດໃຫ້ ອີຮານ ຕົກຢູ່ໂດດດ່ຽວ, ແລະ ບັນດາປະເທດ ອາເມລິກາລາຕິນ ບໍ່ມີການພົວພັນແໜ້ນແຟ້ນກັບ ອາເມລິກາ ນັ້ນ, ຍຸດທະສາດຮ່ວມມືນີ້ຈະຊ່ວຍໃຫ້ ອີຮານ ສ້າງການພົວພັນ ພັນທະມິດຢ່າງແໜ້ນແຟ້ນ. ໃນກໍລະນີຖືກສະຫະພາບເອີລົບຕັດການສະຫຼອງນ້ຳມັນໃຫ້ບັນດາປະເທດພັນທະມິດນັ້ນ, ອີຮານ ໄດ້ມີຕະຫຼາດໃໝ່ແມ່ນ ອາເມລິກາລາຕິນ. ນັ້ນແມ່ນຍັງບໍ່ທັນເວົ້າເຖິງເລື່ອງ ບັນດາປະເທດພັນທະມິດຢູ່ ອາເມລິກາລາຕີນ ສາມາດສະໜັບສະໜູນ ອີຮານ ໃນການຄັດຄ້ານ ເລື່ອງ ອາເມລິກາ ແລະປະເທດອື່ນອີກຈຳນວນໜຶ່ງຄື: ອັງກິດ ນຳເອົາກ່ຳປັ່ນສູ້ຮົບເຂົ້າໄປຍັງເຂດອ່າວ, ອັນໄດ້ສົ່ງຜົນສະທ້ອນເຖິງຄວາມສະຫງົບປອດໄພໃນພາກພື້ນນີ້. ນອກນັ້ນ, ໃນການຢ້ຽມຢາມຄັ້ງນີ້, ອີຮານ ແລະ 4 ປະເທດ ອາເມລິກາລາຕິນ ຈະລົງນາມໃນສັນຍາຮ່ວມມືຈຳນວນໜຶ່ງ ໃນຂົງເຂດພະລັງງານ ແລະ ກໍ່ສ້າງພື້ນຖານໂຄງລ່າງ, ຊື້ອາວຸດ… ປະຈຸບັນ, ການລົງທຶນຂອງ ອີຮານ ເຂົ້າພາກພື້ນ ອາເມລິກາລາຕີນ ຍັງຖືກຈຳກັດຢູ່, ແຕ່ພາຍຫຼັງການຢ້ຽມຢາມຄັ້ງນີ້ບາງເທື່ອທຸກສິ່ງທຸກຢ່າງຈະມີການປ່ຽນແປງໃໝ່.
ຄວາມຈິງແລ້ວ, ການພົວພັນລະຫວ່າງ Tehran ກັບ ວໍຊິງຕັນ ນັບມື້ນັບເຄັ່ງຕຶງ. ເລື່ອງປະທານາທິບໍດີ ອາເມລິກາ Barack Obama ໄດ້ລົງນາມໃນຂໍ້ຕົກລົງຂວ້ຳບາດ ອີຮານ ໃນວັນສຸດທ້າຍຂອງປີ 2011 ນັ້ນ, ໄດ້ສ້າງຄວາມຫຍຸງຍາກຫຼາຍຢ່າງໃຫ້ແກ່ ອີຮານ ໃນການຂາຍນ້ຳມັນ. ຍ້ອນເຫດນັ້ນ, ການປັບປຸງການພົວພັນກັບບັນດາປະເທດປະເຊີນໜ້າ ກັບຝ່າຍຕາເວັນຕົກໃນປະຈຸບັນ, ແມ່ນການເລືອກເຟັ້ນຂອງອຳນາດການປົກຄອງ Ahmadinejad . ການຢ້ຽມຢາມ 4 ປະເທດ ອາເມລິກາລາຕິນ ຂອງທ່ານ Ahmadinejad ຄັ້ງນີ້ ແມ່ນສານທີ່ຂັນແຂງ ເພື່ອບົ່ງບອກກັບ ອາເມລິກາ ແລະ ຝ່າຍຕາເວັນຕົກ ວ່າ ອີຮານຍັງມີພັນທະມິດຫຼາຍປະເທດ. ການເຄື່ອນໄຫວນີ້ຈະຊ່ວຍເຮັດໃຫ້ບັນດາມາດຕະການລົງໂທດຂອງ ອາເມລິກາ ທີ່ມີຕໍ່ພື້ນຖານເສດຖະກິດຂອງ ອີຮານ ບໍ່ມີຜົນສັກສິດ, ແລະ ຖ້າຫາກສົງຄາມເກີດຂຶ້ນຢູ່ເຂດອ່າວ, ອີຮານຈະບໍ່ຖືກຕົກຢູ່ໂດດດ່ຽວ.