ໃນຊຸມມື້ນີ້, ຫາງສຽງທັງຢູ່ພາຍໃນ ແລະ ສາກົນສະແດງຄວາມບໍ່ພໍໃຈທີ່ສຸດຕໍ່ການກະທຳຂອງຈີນທີ່ລ່ວງລ້ຳອະທິປະໄຕຂອງຫວຽດນາມຢ່າງຮ້າຍແຮງ ຂະນະທີ່ໄດ້ນຳຮ້ານເຈາະນ້ຳມັນ ໄຮຢາງ 981 ເຂົ້າເຄື່ອນໄຫວໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ. ແທນທີ່ປະຕິບັດ ສົນທິສັນຍາສະຫະປະຊາຊາດກ່ຽວກັບກົດໝາຍທະເລປີ 1982 ຊຶ່ງໄດ້ກຳນົດຢ່າງຈະແຈ້ງກ່ຽວກັບສິດຂອງບັນດາປະເທດແຄມທະເລນັ້ນ, ຈີນຍັງໄດ້ນຳໃຊ້ກຳລັງອາວຸດບົນທະເລ, ກ່າວຕູ່ຫາຫວຽດນາມມີການກະທຳເກາະຜິດ.
ຫວຽດນາມມີພະຍານຫຼັກຖານຢ່າງຄົບຖ້ອນເພື່ອຢັ້ງຢືນອະທິປະໄຕທີ່ມີຕໍ່ 2 ໝູ່ເກາະຮ່ວາງຊາ ແລະ ເຈືອງຊາ
|
ກ່ອນອື່ນໝົດ, ອາດຢືນຢັນໄດ້ວ່າ ການແກ້ໄຂການຂັດແຍ້ງກ່ຽວກັບອະທິປະໄຕເຂດນ້ຳດິນແດນໃນໂລກໄດ້ຮັບການປະຕິບັດ ແລະ ນຳໃຊ້ຢ່າງກ້ວາງຂວາງໃນຊີວິດສາກົນ ໂດຍອີງບົນຫຼັກການຄອບຄອງຢ່າງແທ້ຈິງ ແລະ ປະຕິບັດສິດອຳນາດແຫ່ງລັດຢ່າງແທ້ຈິງ, ຕໍ່ເນື່ອງ ແລະ ສັນຕິພາບ.
ຄອບຄອງຢ່າງແທ້ຈິງ-ຫຼັກການທີ່ສຳຄັນກວ່າໝູ່ໃນການກຳນົດອະທິປະໄຕ
ຫຼັກການຄອບຄອງຢ່າງແທ້ຈິງໄດ້ຖືກກ່າວເຖິງໃນມະຕິຂອງກອງປະຊຸມ Berlin ກ່ຽວກັບອາຟະລິກາປີ 1885 ລະຫວ່າງ 13 ປະເທດເອີລົບ ແລະ ອາເມລິກາ, ຕາມນັ້ນແລ້ວ, ປະເທດໄດ້ຮັບການຢັ້ງຢືນແມ່ນເຈົ້າກຳມະສິດເຂດດິນໃໝ່ນັ້ນ, ນອກຈາກການຄົ້ນພົບທຳອິດແລ້ວ, ຕ້ອງມີຂັ້ນຕໍ່ໄປແມ່ນບັນດາການກະທຳຕົວຈິງ. ນັ້ນແມ່ນການປະກາດການຢຶດນຳໃຊ້ນັ້ນໃຫ້ແກ່ບັນດາປະເທດເຂົ້າຮ່ວມ ແລະ ຮັກສາສິດອຳນາດທີ່ສອດຄ່ອງຢູ່ເຂດນ້ຳດິນແດນທີ່ຄອບຄອງ. ປີ 1988, ສະຖາບັນກົດໝາຍສາກົນ Lausanne ໄດ້ອອກຖະແຫຼງການຢືນຢັນຫຼັກການນີ້, ເຮັດໃຫ້ຫຼັກການນີ້ກາຍເປັນສິ່ງກວມທ່າດີ, ເຜີຍແຜ່ໃນໂລກ ແລະ ໄດ້ຮັບການຍອມຮັບຮູ້ຈາກບັນດາປະເທດ. ປະຈຸບັນ, ຢູ່ໃນໂລກນີ້ບໍ່ມີເຂດນ້ຳດິນແດນໃດໆ ທີ່ບໍ່ມີເຈົ້າຂອງອີກແລ້ວ, ແຕ່ຫຼັກການນີ້ ຍັງຄົງຮັກສາຄຸນຄ່າ ແລະ ຖືກບັນດາອົງການອຳນາດສານສາກົນນຳໃຊ້ໃນພຶດຕິກຳຕົວຈິງ.
ຍົກຕົວຢ່າງຄື ໃນການພິພາດໝູ່ເກາະ Minquier ແລະ Ecrehous ລະຫວ່າງອັງກິດ ແລະ ຝະລັ່ງເມື່ອປີ 1950, ສານໄດ້ຕັດສິນອັງກິດໄດ້ຊະນະຍ້ອນວ່າປະເທດນີ້ໄດ້ພິສູດໃຫ້ເຫັນອະທິປະໄຕຂອງຕົນຢູ່ນີ້ໄດ້ມີແຕ່ຫຼາຍສະຕະວັດມານີ້ ແລະ ໄດ້ມີກຳມະສິດຢູ່ໝູ່ເກາະແຫ່ງນີ້ໂດຍກົງ.
ກ່ຽວກັບກໍລະນີຂອງຫວຽດນາມ, ໂດຍຖືກຕັ້ງຢູ່ແຄມຝັ່ງທະເລຕາເວັນອອກ, ຫວຽດນາມມີຝັ່ງທະເລຍາວຢຽດພ້ອມດ້ວຍເກາະໃຫຍ່ນ້ອຍ ແລະ ໝູ່ເກາະຢູ່ໃກ້ ແລະ ໄກຝັ່ງນັບພັນແຫ່ງ, ໃນນັ້ນມີ 2 ໝູ່ເກາະຮ່ວາງຊາ ແລະ ເຈືອງຊາ. ຫວຽດນາມແມ່ນປະເທດທຳອິດໄດ້ຄົ້ນພົບ, ຄອບຄອງ ແລະ ກຳນົດອະທິປະໄຕທີ່ີມີຕໍ່ 2 ໝູ່ເກາະຮ່ວາງຊາ ແລະ ເຈືອງຊາໂດຍສັນຕິພາບ, ຕໍ່ເນື່ອງນັບແຕ່ສະຕະວັດທີ 17 ມານີ້ ແລະ ບໍ່ມີວັນທີ່ຫວຽດນາມປະລະອະທິປະໄຕຂອງຕົນ, ນັບທັງຂະນະທີ່ໝູ່ເກາະຮ່ວາງຊາຖືກຈີນໃຊ້ກຳລັງອາວຸດຕີຢຶດຄອງຢ່າງຜິດກົດໝາຍນັບແຕ່ປີ 1974 ມານີ້.
ເຈົ້າຊີວິດມິງໝ້າງອົງທີ 15 ໄດ້ອອກພະລາດຊະດຳລັດ ແຕ່ງຕັ້ງກອງກຳລັງໄປປົກປັກຮັກສາໝູ່ເກາະຮ່ວາງຊາ
(ພາບ:http://suckhoedoisong.vn/)
|
ບັນດາພະຍານຫຼັກຖານທີ່ມີຄຸນຄ່າດ້ານກົດໝາຍ, ປະຫວັດສາດສູງສຸດ
ຫວຽດນາມໄດ້ຄອບຄອງຢ່າງແທ້ຈິງ, ສັນຕິພາບ ແລະ ປະຕິບັດຢ່າງຕໍ່ເນື່ອງກ່ຽວກັບອະທິປະໄຕຂອງຕົນຢູ່ 2 ໝູ່ເກາະຮ່ວາງຊາ ແລະ ເຈືອງຊາ. ສະໄໝລາດຊະວົງຫງວຽນ ອົງຕ່າງໆ ໄດ້ແຕ່ງຕັ້ງກອງກຳລັງ “ຮ່ວາງຊາ” ແລະ “ ບັກຫາຍ” ໄປຂຸດຄົ້ນຊັບພະຍາກອນທະເລ ຊຶ່ງໄດ້ຮັບການຢັ້ງຢືນໃນບັນດາເອກະສານປະຫວັດສາດ. ພ້ອມກັນນັ້ນ ແມ່ນບັນດາການເຄື່ອນໄຫວຕັ້ງແຜ່ນສີລາ, ປັກຫຼັກໝາຍອະທິປະໄຕຢ່າງຕໍ່ເນື່ອງໃນປີ 1816, 1834, 1835, 1836 .
ບັນດາພະຍານຫຼັກຖານຢັ້ງຢືນອະທິປະໄຕຂອງຫວຽດນາມຢູ່ 2 ໝູ່ເກາະຮ່ວາງຊາ ແລະ ເຈືອງຊາແມ່ນບັນດາພະຍານຫຼັກຖານໃນຂັ້ນສູງສຸດ - ຂັ້ນລັດ. ບັນດາເອກະສານທາງການຂອງລັດຫວຽດນາມຜ່ານໄລຍະຕ່າງໆຄື : ປຶ້ມປະຫວັດສາດກ່ຽວກັບລາດຊະວົງຫງວຽນຂອງຫວຽດນາມ, ເຈົາບານສະໄໝລາດຊະວົງຫງວຽນ, ປຶ້ມພູມສາດ, ປະຫວັດສາດໂດຍລາດຊະວົງຫງວຽນຮຽບຮຽງ....ໄດ້ຂຽນຢ່າງຈະແຈ້ງ ແລະ ຍາມໃດກໍຢັ້ງຢືນອະທິປະໄຕຂອງຫວຽດນາມທີ່ມີຕໍ່ 2 ໝູ່ເກາະຮ່ວາງຊາ ແລະ ເຈືອງຊາ. ເອກະສານເຫຼົ້ານີ້ແມ່ນພຽງແຕ່ມີຢູ່ຫວຽດນາມເທົ່ານັ້ນ.
ນອກຈາກບັນດາເອກະສານຢູ່ພາຍໃນປະເທດນັ້ນ, ການກຳນົດອະທິປະໄຕຫວຽດນາມຢູ່ 2 ໝູ່ເກາະຮ່ວາງຊາ ແລະ ເຈືອງຊາຍັງໄດ້ຮັບການພິສູດດ້ວຍບັນດາເອກະສານຫວັດສາດຂອງຈີນເອງ ແລະ ບັນດາປະເທດຝ່າຍຕາເວັນຕົກ. ໃນຂະນະນັ້ນ, ທາງຝ່າຍຈີນ, ຄຳອະທິບາຍຂອງຈີນກ່ຽວກັບອະທິປະໄຕຢູ່ 2 ໝູ່ເກາະຮ່ວາງຊາ ແລະ ເຈືອງຊາ ແມ່ນບໍ່ສາມາດຕອບສະໜອງຄວາມຮຽກຮ້ອງຕ້ອງການຄື : ຄອບຄອງໂດຍສັນຕິພາບ, ແທ້ຈິງ ແລະ ໃນນາມລັດ. ເປັນໜ້າໃສ່ໃຈ ແມ່ນໃນປຶ້ມປະຫວັດສາດກວ່າ 24 ຊຸດຂອງຈີນ ແລະ ໃນປຶ້ມຕຳລາຮຽນກວ່າ 200 ຫົວກ່ຽວກັບປະຫວັດສາດຂອງຈີນ ນັບຕັ້ງແຕ່ໄລຍະກ່ອນຮອດໄລຍະຢຶດຄອງໝູ່ເກາະຮ່ວາງຊາຢ່າງຜິດກົດໝາຍນັ້ນ, ກໍບໍ່ມີແຜນທີ່ສະບັບໃດ, ແຖວຕົວໜັງສືໃດທີ່ຂຽນວ່າ ຮ່ວາງຊາແມ່ນຂຶ້ນກັບອະທິປະໄຕຂອງຈີນ.
ຍີ່ງກວ່ານັ້ນ, ຈີນຍັງມີຄວາມຂັດແຍ້ງກັນຍ້ອນບັນດາແຫຼ່ງເອກະສານຂອງຕົນ. ມີເອກະສານພູມສາດບູຮານຫຼາຍສະບັບໄດ້ໃຫ້ຮູ້ວ່າ ຈີນມີບໍລິເວນເຂດນ້ຳດິນແດນໃຕ້ສຸດແມ່ນ ເກາະໄຮໜຳ. ສິ່ງນີ້ໄດ້ສະແດງໃຫ້ເຫັນແຈ້ງໃນປຶ້ມພູມສາດ, ປະຫວັດສາດແຂວງ ກວາງຕຸງປີ 1731, ແຜນທີ່ປະເທດຈີນຈຳໜ່າຍປີ 1894, ປຶ້ມຕຳລາຮຽນວິຊາພູມສາດຈີນ ຈຳໜ່າຍປີ 1906.....
ຫວຽດນາມນຳໃຊ້ບັນດາພະຍານຫຼັກຖານ, ມາດຕະການແກ້ໄຂໂດຍສັນຕິວິທີເພື່ອປົກປັກຮັກສາອະທິປະໄຕຜືນແຜ່ນດິນອັນຄົບຖ້ວນ.
ເປັນທີ່ຈະແຈ້ງແລ້ວວ່າ ອີງໃສ່ກົດໝາຍກົດໝາຍສາກົນ, ພຶດຕິກຳແກ້ໄຂການພິພາດເຂດນ້ຳດິນແດນໃນໂລກ, ຫຼືບັນດາພະຍານຫຼັກຖານປະຫວັດສາດ, ຈີນບໍ່ສາມາດຕອບສະໜອງໄດ້ຕາມບໍ່ວ່າພື້ນຖານໃດໆເພື່ອທ່ວງເອົາອະທິປະໄຕທີ່ມີຕໍ່ 2 ໝູ່ເກາະຮ່ວາງຊາ ແລະ ເຈືອງຊາ.
ທຸກສິ່ງທຸກຢ່າງທີ່ຫວຽດນາມໄດ້ ແລະ ພວມເຮັດ , ນັ້ນແມ່ນປະຕິບັດຕາມກົດໝາຍສາກົນ. ຫວຽດນາມມີການເລືອກເຟັ້ນຢ່າງເຕັມສ່ວນ ແລະ ປະຈຸບັນ, ຫວຽດນາມພວມດຳເນີນບັນດາບາດກ້າວທຳອິດໃນການປະຕິບັດຕາມກົດໝາຍສາກົນ. ນັ້ນແມ່ນເຈລະຈາ, ແມ່ນນຳໃຊ້ ພະຍານຫຼັກຖານທຸກຢ່າງ, ມາດຕະການແກ້ໄຂໂດຍສັນຕິວິທີ, ໃນນັ້ນມີການນຳໃຊ້ບັນດາຂໍ້ກຳນົດຂອງກົດໝາຍສາກົນ ເພື່ອນຳຄວາມເຂົ້າໃຈ, ຄວາມຮັບຮູ້ລວມມາສູ່ຫາງສຽງກ້າວໜ້າໃນໂລກ, ສະໜັບສະໜູນກິດຈະການຕໍ່ສູ້ທີ່ເປັນທຳຂອງຫວຽດນາມ, ເພື່ອພື້ນຖານສັນຕິພາບລວມຂອງພາກພື້ນ ແລະ ໃນໂລກ.