ວັນທີ 25/2, ບັນດາລັດຖະມົນຕີການເງິນພາກພື້ນ ເອີໂຣຊົນ ໄດ້ສະໜັບສະໜູນການຕໍ່ກຳນົດເວລາຕື່ມອີກ 4 ເດືອນສຳລັບບ້ວງເງິນຊ່ວຍກູ້ຂອງເກຼັກ ພາຍຫຼັງທີ່ໄດ້ຮັບຮອງເອົາສາລະບານປະຕິຮູບຊຶ່ງອາແທນໄດ້ຍື່ນສະເໜີ. ນີ້ໄດ້ຮັບຖືວ່າ ແມ່ນໄຊຊະນະໃນເບື້ອງຕົ້ນຂອງ ເກຼັກ, ອັນໄດ້ຊ່ວຍປະເທດນີ້ຫຼີກເວັ້ນໄພອັນຕະລາຍຖືກລົ້ມລະລາຍ. ແຕ່ວ່າ ນີ້ພຽງແຕ່ແມ່ນຈຸດເວລາທີ່ ອາແທນຕ້ອງປະເຊີນໜ້າກັບຄວາມທົດສອບນາໆປະການ. ໄດ້ຮັບການຊ່ວຍກູ້ຕື່ມອີກ 4 ເດືອນ, ແຕ່ເລື່ອງນີ້ກໍມີຄວາມໝາຍເຊັ່ນດຽວກັນກັບເລື່ອງພັກ Syriza ຂອງນາຍົກລັດຖະມົນຕີຄົນໃໝ່ຂອງເກຼັກ ທ່ານ Alexis Tsipras ໄດ້ໄປຝືນກັບຄຳໝັ້ນສັນຍາຊຶ່ງພັກ Syriza ໄດ້ຍົກອອກໃນວິວັດການຂົນຂວາຍຫາສຽງເລືອກຕັ້ງ ກໍຄືໃນຊວງເວລາຫາກໍຂຶ້ນກຳອຳນາດ.
(ພາບປະກອບ : telegraph.co.uk)
|
ສາລະບານປະຕິຮູບຂອງເກຼັກ ຊຶ່ງລວມມີ ບັນດາມາດຕະການຕ້ານສະພາບໜີພາສີອາກອນ, ຄ້າຂາຍວັດຖຸດິບ ແລະ ຢາສູບເຖື່ອນ ແລະ ປະຕິຮູບພາກລັດ. ສາລະບານປະຕິຮູບກໍລວມທັງບັນດາມາດຕະການແກ້ໄຂວິກິດການມະນຸດສະທຳ, ດັບປັບບ້ວງໜີ້ພາສີອາກອນ ແລະ ໜີ້ເສຍ, ຢຸດຕິການຢຶດເຮືອນເພື່ອຊວດຈຳສຳລັບໜີ້ສິນ. ກຸ່ມ 18 ລັດຖະມົນຕີການເງິນ ພາກພື້ນ ເອີໂຣຊົນໄດ້ເຫັນດີເປັນເອກະສັນກັບ ສາລະບານປະຕິຮູບຊຶ່ງລັດຖະບານຂອງນາຍົກລັດຖະມົນຕີຄົນໃໝ່ຂອງເກຼັກ ທ່ານ Alexis Tsipras ຍື່ນສະເໜີ້ ແລະ ຕາມແຜນການແລ້ວ, ບ້ວງເງິນຊ່ວຍກູ້ຈະຖືກປ່ອຍພາຍຫຼັງທີ່ແຜນການເສດຖະກິດໃໝ່ຂອງລັດຖະບານ ເກຼັກໄດ້ຮັບອະນຸມັດຜ່ານຈາກບັນດາເຈົ້າໜີ້. ປະຈຸບັນ, ທັງ EU ແລະ ເກຼັກ ພວມປະຕິບັດບັນດາລະບຽບການສຸດທ້າຍ, ໃນນັ້ນ ມີການປ່ອນບັດຢູ່ບາງສະພາແຫ່ງຊາດປະເທດສະມາຊິກ ພາກພື້ນ ເອີໂຣຊົນ ໃນ 2-3 ມື້ທີ່ຈະມາເຖິງ.
ການຜ່ອນສັ້ນຜ່ອນຍາວຈາກອຳນາດການປົກຄອງອາແທນ
ເປັນອັນວ່າ ເກຼັກຈະຖືກແກ່ຍາວສຳລັບບ້ວງເງິນຊ່ວຍກູ້ປະຈຸບັນຕື່ມອີກ 4 ເດືອນຊຶ່ງຄາດວ່າຈະໝົດກຳນົດໃນວັນທີ 28/2 . ໃນ 4 ເດືອນນັ້ນ, ລັດຖະບານ ເກຼັກຈະຕ້ອງຍົກອອກວິວັດທະນາການລະອຽດເພື່ອປະຕິບັດບັນດາການປະຕິຮູບທີ່ໄດ້ໝັ້ນໝາຍ ແລະ ຍັງຄົງຢູ່ໃຕ້ການຕິດຕາມກວດກາຂອງບັນດາລະບອບກຳນົດສາກົນ. ຕາມວົງການນັກໄຈ້ແຍກແລ້ວ, ເຖິງວ່າຂໍ້ຕົກລົງນີ້ ບໍ່ແມ່ນສິ່ງທີ່ດີກວ່າໝູ່ ຊຶ່ງທັງ 2 ຝ່າຍລໍຄອຍກໍຕາມ, ແຕ່ໃນສ່ວນໃດສ່ວນໜຶ່ງ ມັນກໍສາມາດແກ້ໄຂຄວາມເຄັ່ງຕຶງໃນການພົວພັນລະຫວ່າງ ເກຼັກ ແລະ ເອີລົບ. 2 ຝ່າຍຕາ່ງກໍບໍ່ມີການເລືອກເຟັ້ນໃດໆອີກ. ເກຼັກ ກໍຕ້ອງການບັນດາບ້ວງເງິນຊ່ວຍກູ້ເພື່ອຫຼີກເວັ້ນການລົ້ມລະລາຍ, ໃນຂະນະທີ່ເອີລົບກໍບໍ່ອາດປະປ່ອຍໃຫ້ ເກຼັກ ເພື່ອຫຼີກເວັ້ນການຫັນປ່ຽນຂອງ ພາກພື້ນ ເອີໂຣຊົນ.
ແຕ່ສຳລັບ ເກຼັກ ແລ້ວ, ເປັນທີ່ຈະແຈ້ງແລ້ວວ່າ ຂໍ້ຕົກລົງນີ້ ກໍບໍ່ມີຜົນປະໂຫຍດປານໃດຕໍ່ປະເທດນີ້ໃນສະພາວະທີ່ພັກກຳອຳນາດຂອງນາຍົກລັດຖະມົນຕີຄົນໃໝ່ຂອງເກຼັກ ທ່ານ Alexis Tsipras ມີທັດສະນະແຂງກະດ້າງພໍສົມຄວນສຳລັບບັນດາໂຄງການຮັດເຂັມຄັດຂອງເອີລົບ. ໃນບົດກ່າວປາໄສຂອງຕົນ, ນາຍົກລັດຖະມົນຕີຄົນໃໝ່ຂອງເກຼັກ ທ່ານ Alexis Tsipras ໄດ້ຍອມຮັບວ່າ ຂໍ້ຕົກລົງນີ້ໄດ້ຊ່ວຍຢຸດຕິບັນດາມາດຕະການຮັດເຂັມຄັດ, ແຕ່ ເກຼັກ ຕ້ອງທົດແທນດ້ວຍການຜ່ອນສັ້ນຜ່ອນຍາວ.
ຄວາມທົດສອບຕໍ່ອຳນາດການປົກຄອງ ເກຼັກ
ໂດຍໄດ້ຖືວ່າ ຂໍ້ຕົກລົງຕໍ່ກຳນົດເວລາຕື່ມອີກ 4 ເດືອນສຳລັບບ້ວງເງິນຊ່ວຍກູ້ຂອງເກຼັກເພື່ອຊ່ວຍປະເທດນີ້ຢຸດຕິບັນດາມາດຕະການຮັດເຂັມຄັດ, ນາຍົກລັດຖະມົນຕີຄົນໃໝ່ຂອງເກຼັກ ທ່ານ Alexis Tsipras ຢືນຢັນວ່າ ລັດຖະບານຈະເຮັດທຸກສິ່ງທຸກຢ່າງທີ່ສາມາດເຮັດໄດ້ເພື່ອບັນລຸວິທີການແກ້ໄຂຢ່າງມີຜົນປະໂຫຍດໃຫ້ແກ່ທັງ 2 ຝ່າຍ ໂດຍອີງບົນຫຼັກການເຄົາລົບຊຶ່ງກັນ ແລະ ກັນ, ປະຕິບັດບັນດາຂໍ້ກຳນົດຂອງ EU ກໍຄືພິຈາລະນາຄວາມມຸ່ງຫວັງຂອງຜູ້ປ່ອນບັດ. ແຕ່ວົງການນັກໄຈ້ແຍກຖືວ່າ ນີ້ເບິ່ງຄືວ່າ ແມ່ນໜ້າທີ່ບໍ່ອາດເປັນໄປໄດ້. ກ່ອນອື່ນໝົດ ບັນດາຄວາມມັກໃຫຍ່ໃຝ່ສູງໂດຍນາຍົກລັດຖະມົນຕີຄົນໃໝ່ຂອງເກຼັກ ທ່ານ Alexis Tsipras ຍັກອອກມາເມື່ອດຳເນີນການຫາສຽງເລືອກຕັ້ງ ລ້ວນແຕ່ບໍ່ໄດ້ຮັບການປະຕິບັດ ຢ່າງໜ້ອຍແມ່ນໃນຊວງເວລາ 4 ເດືອນທີ່ຈະມາເຖິງ. ປະຈຸບັນ, ລັດຖະບານເກຼັກຕ້ອງຜ່ອນສັ້ນຜ່ອນຍາວ, ແຕ່ການຜ່ອນສັ້ນຜ່ອນຍາວນີ້ຍັງປະສົບກັບການຕຳໜິຕິຕຽນຢ່າງແຂງແຮງຈາກຫາງສຽງພາຍໃນປະເທດ. ນາຍົກລັດຖະມົນຕີຄົນໃໝ່ຂອງເກຼັກ ທ່ານ Alexis Tsipras ກໍຈະປະເຊີນໜ້າກັບການແຫ່ຂະບວນປະທ້ວງຄັດຄ້ານລັດຖະບານຄັ້ງທຳອິດ ຂະນະທີ່ບາງພັກຝ່າຍພວມຮຽກຮ້ອງໃຫ້ດຳເນີນການແຫ່ຂະບວນປະທ້ວງຄັດຄ້ານແຜນການປະຕິຮູບຊຶ່ງອາແທນໄດ້ຍື່ນສະເໜີ.
ບ້ວງເງິນຊ່ວຍກູ້ຈະຖືກແກ່ຍາວຕື່ມອີກ 4 ເດືອນ. ຊວງເວລານີ້ ກໍຈະຊ່ວຍໃຫ້ລັດຖະບານເກຼັກ ກໍຄືບັນດາເຈົ້າໜີ້ວາງອອກວິວັດທະນາການທີ່ເໝາະສົມແກ່ການປະຕິຮູບທີ່ສອດຄ່ອງກັບຜົນປະໂຫຍດຂອງທຸກໆຝ່າຍ. ສິ່ງທ້າທາຍຢ່າງໃຫຍ່ຫຼວງໃນປະຈຸບັນ, ແມ່ນນອນຢູ່ຝ່າຍລັດຖະບານເກຼັກ. ເຮັດແນວໃດທັງສືບຕໍ່ຮັບບັນດາບ້ວງເງິນຊ່ວຍກູ້ ແລະ ປະຕິບັດບັນດາການປະຕິຮູບ, ທັງຮັກສາຄວາມເຊື່ອໝັ້ນຂອງຜູ້ມີສິດເລືອກຕັ້ງ ແລະ ບັນດາຄວາມຫຍຸ້ງຍາກທີ່ໃຫຍ່ຫຼວງສຳລັບລັດຖະບານໃໝ່ເກຼັກ.