(vovworld)- ບັນດາບັນຫາເສດຖະກິດສືບຕໍ່ແມ່ນເນື້ອໃນຕົ້ນຕໍໃນວາລະປະຊຸມນັດສາມັນປະຈຳເດືອນ 7/2013 ຂອງລັດຖະບານ ຊື່ງໄດ້ດຳເນີນໃນວັນທີ 30/7 ຢູ່ຮ່າໂນ້ຍ. ໃນວາລະປະຊຸມຄັ້ງນີ້, ອີກເທື່ອໜຶ່ງ ລັດຖະບານຫວຽດນາມໄດ້ຢັ້ງຢືນຄວາມຕັດສິນໃຈເດັດດ່ຽວຄວບຄຸມໄພເງິນເຟີ້, ຮັກສາເສດຖະກິດມະຫາພາກເປັນປົກກະຕິ.
(ພາບ:baodientu.chinhphu.vn)
ເບີ່ງລວມແລ້ວ, ສະພາບເສດຖະກິດ-ສັງຄົມຫວຽດນາມ ແຕ່ຕົ້ນປີມາຮອດປະຈຸບັນໄດ້ຮັບການພັດທະນາຕາມທິດຕັ້ງໜ້າ. ດັດຊະນີລາຄາໃຊ້ສອຍ (CPI) ໃນເດືອນ 7/2013 ໄດ້ເພີ່ມຂຶ້ນ 0,27% ເມື່ອທຽບກັບເດືອນ 6/2013 ແລະ ເພີ່ມຂື້ນ 2,68% ເມື່ອທຽບກັບເດືອນ 12/2012. ແຕ່ເຖິງຢ່າງໃດກໍ່ຕາມ, ຕາມການສັງເກດຂອງບັນດາຜູ້ຊ່ຽວຊານແລ້ວ, ລະດັບການພັດທະນາຂອງພື້ນຖານເສດຖະກິດຫວຽດນາມ ຍັງຕ່ຳກ່ວາຄວາມສາມາດບົ່ມຊ້ອນ.
ຕາມທ່ານຫວູດຶກດາມ, ລັດຖະມົນຕີ, ປະທານຫ້ອງວ່າການລັດຖະບານ, ຄວາມຫຍຸ້ງຍາກໃນປະຈຸບັນຂອງພື້ນຖານເສດຖະກິດແມ່ນກຳລັງຊື້ຍັງຕ່ຳ. ໃນໄລຍະຈະມາເຖິງ, ຫວຽດນາມ ຕ້ອງວາງຈຸດໝາຍບໍລິຫານນະໂຍບາຍປີງົບປະມານ, ເງິນຕາຕິດພັນກັບຈຸດໝາຍໄລຍະຍາວນານກ່ວາ, ພະຍາຍາມຄວບຄຸມໄພເງິນເຟີ້ໃນລະດັບ 7%, ນຳລະດັບການເຕີບໂຕຄອ່ຍໆເພີ່ມຂຶ້ນ. ທ່ານຫວູດຶກດາມ, ລັດຖະມົນຕີ, ປະທານຫ້ອງວ່າການລັດຖະບານ ໃຫ້ຮູ້ວ່າ:
“ມີຄຳເຫັນຖືວ່າ: ເມື່ອດັດຊະນີລາຄາໃຊ້ສອຍບໍ່ເພີ່ມຂຶ້ນ ຕ້ອງກະຕຸກຊຸກຍູ້ຄວາມຕ້ອງການ, ຖ້າບໍ່ເປັນແນວນັ້ນ ເສດຖະກິດຈະມີລະດັບການເຕີບໂຕຢ່າງຊັກຊ້າ ແລະ ຈຸດໝາຍຄວບຄຸມໄຟເງິນເຟີ້ຈະປະສົບກັບຄວາມຫຍຸ້ງຍາກ. ແຕ່ເຖິງຢ່າງໃດກໍ່ຕາມ, ອີງຕາມຄຳເຫັນຂອງບັນດາຜູ້ຊ່ຽວຊານ ແລະ ການໄຈ້ແຍກຂອງບັນດາສະມາຊິກລັດຖະບານ, ການຮັກສາເສດຖະກິດມະຫາພາກເປັນປົກກະຕິຍັງແມ່ນຈຸດສຸມທີ່ພວກເຮົາບໍ່ອາດເມີນເສີຍໄດ້”
(ພາບປະກອບ:baomoi.com)
ຕໍ່ໜ້າຂໍ້ໃຫ້ສັງເກດຈຸດໝາຍຄວບຄຸມໄພເງິນເຟີ້ໃນປີນີ້ ແມ່ນສາມາດເປັນໄປໄດ້ ແຕ່ຄາດໝາຍລະດັບເຕີບໂຕດ້ານເສດຖະກິດແມ່ນ 5,5% ແມ່ນຍາກທີ່ຈະບັນລຸໄດ້ນັ້ນ. ທີ່ວາລະປະຊຸມ, ບັນດາສະມາຊິກລັດຖະບານກໍ່ສະເໜີຫຼາຍມາດຕະການແກ້ໄຂຄວາມຫຍຸ້ງຍາກໃຫ້ແກ່ຕະຫຼາດ, ໂດຍສະເພາະແມ່ນຕະຫຼາດຈຳໜ່າຍຜະລິດຕະພັນກະເສດ. ທ່ານກາວດຶກຟາດ ລັດຖະມົນຕີກະຊວງກະສິກຳ ແລະ ພັດທະນາຊົນນະບົດຫວຽດນາມ ສະເໜີໃຫ້ກະຊວງອຸດສາຫະກຳ-ການຄ້າ, ກະຊວງການຕ່າງປະເທດ ຈົ່ງພ້ອມກັບບັນດາກະຊວງ, ຂະແໜງການທີ່ກ່ຽວຂ້ອງ ສົມທົບກັບກະຊວງກະສິກຳ ແລະ ພັດທະນາຊົນນະບົດຫວຽດນາມ ແກ້ໄຂຄວາມຫຍຸ້ງຍາກກ່ຽວກັບຕະຫຼາດ, ເປີດກ້ວາງຕະຫຼາດສົ່ງອອກຜະລິດຕະພັນກະເສດ. ທ່ານລັດຖະມົນຕີກະຊວງອຸດສາຫະກຳການຄ້າ ຫວູ້ຮູຍຮ່ວາງ ຢືນຢັນວ່າ: ກະຊວງອຸດສາຫະກຳການຄ້າ ຈະສືບຕໍ່ສົມກັບກັບບັນດາກະຊວງ ຂະແໜງການ, ທ້ອງຖິ່ນຕ່າງໆຢ່າງແໜ້ນແຟ້ນ ໃນການຍຸ້ແຮງການສົ່ງເສີມການຄ້າ ແລະ ການລົງທຶນ; ປັບປຸງ ແລະ ເປີດກ້ວາງຕະຫຼາດສົ່ງອອກ, ພິເສດແມ່ນສຳລັບບັນດາປະເພດສິນຄ້າຖືກຖືວ່າແມ່ນທ່າແຮງຂອງຫວຽດນາມຄື: ເຂົ້າສານ, ສິນໃນນ້ຳ, ກາເຟ….
ການເຕີບໂຕດ້ານສິນເຊື່ອ ແລະ ການປ່ອຍແຫຼ່ງເງິນລົງທຶນຢ່າງແຮງກໍ່ຖືກຖືວ່າແມ່ນບັນດາມາດຕະການທີ່ແທດຈິງເພື່ອເພີ່ມຄວາມຕ້ອງການຂອງພື້ນຖານເສດຖະກິດ. ເມື່ອເຕື້ອງເຖິງຂົງເຂດນີ້, ທ່ານນາຍົກລັດຖະ ມົນຕີຫວຽດນາມ ຫງວຽນເຕິນຢຸງ ຮຽກຮ້ອງວ່າ:
“ທີ່ໜຶ່ງແມ່ນເພີ່ມລະດັບສິນເຊື່ອ, ໃນເດືອນ 7/2013, ລະດັບສິນເຊື່ອເພີ່ມຂຶ້ນພຽງ 4,9% ໃນຂະນະທີ່ຄວາມຕ້ອງການຕ້ອງເພີ່ມຂຶ້ນ 12%. ປະຈຸບັນນີ້ ສິ່ງສຳຄັນແມ່ນຕ້ອງເພິ່ມຄວາມຕ້ອງການທັງໝົດ ແຕ່ຕ້ອງໃສ່ໃຈວ່າບໍ່ໃຫ້ເພີ່ມໜີ້ເສຍ. ເພີ່ມລະດັບສິນເຊື່ອເພື່ອເພີ່ມຄວາມຕ້ອງການທັງໝົດ. ສິ່ງດັ່ງກ່າວແມ່ນສຳຄັນທີ່ສຸດ ແຕ່ໄປພ້ອມນັ້ນແມ່ນຄຸນນະພາບສິນເຊື່ອ. ທີສອງແມ່ນການລົງທຶນຂອງລັດ. ປະຈຸບັນ, ຕ້ອງສຸມໃສ່ນຳໃຊ້ງົບປະມານຂອງລັດໃນປີ 2013 ໃຫ້ໝົດ ແລະ ຕ້ອງມີການຄຸມຄອງຢ່າງແໜ້ນແຟ້ນ.“.
ທ່ານນາຍົກລັດຖະມົນຕີຍັງສະເໜີໃຫ້ບັນດາກະຊວງ, ຂະແໜງການ ແລະ ທ້ອງຖິ່ນຕ່າງໆ ຈົ່ງສົ່ງເສີມ, ສ້າງເງື່ອນໄຂສະດວກເພື່ອດຶງດູດບັນດາແຫຼ່ງເງິນລົງທຶນດ້ວຍຫຼາຍຮູບແບບທີ່ແຕກຕ່າງກັນ, ຕ້ອງຄິດໄລ່ການຮັບປະກັນທຶນສົມທົບເພື່ອປ່ອຍທຶນ ODA ຕິດພັນກັບການຊີ້ນຳຢ່າງເດັດດ່ຽວ ເພື່ອປະຕິບັດແຜນການບຸກເບີກໜ້າພຽງໃຫ້ສຳເລັດ, ໂດຍສະເພາະແມ່ນບັນດາໂຄງການພັດທະນາພື້ນຖານໂຄງລ່າງທີ່ຈຳເປັນ.
ເປັນອັນວ່າ, ດ້ວຍບັນດາມາດຕະການລະອຽດໃນຄວາມຕັດສິນໃຈບໍລິຫານຂອງລັດຖະບານ, ຫວັງວ່າເສດຖະກິດຫວຽດນາມ ໃນຊຸມເດືອນຈະມາເຖິງຈະຮັກສາຄວາມເປັນປົກກະຕິໄດ້ ແລະ ມີການເຕີບໂຕສົມກັບຄວາມສາມາດບົ່ມຊ້ອນ./.