(vovworld)-ທ່ານນາຍົກລັດຖະມົນຕີ ຫງວຽນເຕີນຢູງ ພວມຢ້ຽມຢາມ ເບລາຣຸດ ໃນຂອບເຂດການຢ້ຽມຢາມສະຫະພັນລັດເຊຍ ແລະ ສ.ເບລາຣຸດ ຢ່າງເປັນທາງການແຕ່ວັນທີ 12 -17/5. ການຢ້ຽມຢາມເປັນຂີດໝາຍຫນ້າປະຫວັດສາດໃຫມ່ໃນການພົວພັນຮ່ວມມືລະຫວ່າງ ຫວຽດນາມ ກັບສອງປະເທດເພື່ອນມິດທີ່ເປັນມູນເຊື້ອ, ອີກຄັ້ງຫນື່ງໄດ້ຢືນຢັນວ່າ: ຫວຽດນາມຖືການຮ່ວມມືຮອບດ້ານກັບສະຫະພັນລັດເຊຍ ແລະ ສ.ເບລາຣຸດເປັນສຳຄັນ, ເພີ່ມທະວີການພົວພັນດ້ານການເມືອງອັນດີງາມ, ສ້າງພື້ນຖານເພື່ອເປີດກວ້າງ ແລະ ເຮັດໃຫ້ການພົວພັນຮ່ວມມືໃນບັນດາຂົງເຂດເສດຖະກິດ, ການຄ້າ, ການປ້ອງກັນຊາດປ້ອງກັນຄວາມສະຫງົບ, ການສຶກສາບຳລຸງສ້າງເລິກເຊິ່ງກວ່າອີກ.
ການຢ້ຽມຢາມແລະເຮັດວຽກຢູ່ສະຫະພັນລັດເຊຍຂອງທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ພວມແມ່ນຫົວເລື່ອງທີ່ພວມດຶງດູດຄວາມສົນໃຈບໍ່ພຽງແຕ່ສື່ມວນຊົນຫວຽດນາມ ແລະ ສະຫະພັນລັດເຊຍເທົ່ານັ້ນ ຫາກແມ່ນຫົວເລື່ອງທີ່ ພາຫະນະສື່ມວນຊົນໂລກເນັ້ນຫນັກເຖິງອີກດ້ວຍ. ບັນດາສຳນັກສື່ມວນຊົນໃຫຍ່ກໍ່ໄດ້ສ່ອງແສງໝາກຜົນທີ່ບັນລຸໄດ້ໃນການຢ້ຽມຢາມສອງປະເທດດັ່ງກ່າວຂອງທ່ານນາຍົກລັດຖະມົນຕີ ຫງວຽນເຕີນຢູງ . ສິ່ງດັ່ງກ່າວໄດ້ຮັບການຢັ້ງຢືນໃນບົດປາໄສທີ່ການພົບປະກັບນັກຂ່າວ ພາຍຫລັງການເຈລະຈາລະຫວ່າງທ່ານນາຍົກລັດຖະມົນຕີ ຫງວຽນເຕີນຢູງ ແລະ ທ່ານນາຍົກລັດຖະມົນຕີ ລັດເຊຍ Dimitry Medvedev. ທ່ານນາຍົກລັດຖະມົນຕີ Medvedev ໄດ້ເນັ້ນຫນັກວ່າ ການພົວພັນລະຫວ່າງ ລັດເຊຍ ແລະ ຫວຽດນາມ ບັນລຸໄດ້ຄວາມໄວ້ເນື້ອເຊື່ອໃຈສູງ, ເພາະວ່າ ສອງປະເທດມີອາລົມຈິດພິເສດ, ນັບທັງໃນອະດີດຕະການກໍຄືໃນປະຈຸບັນ. ສາຍພົວພັນນັ້ນ ພວມພັດທະນາຢ່າງຂະຫຍັນຂັນເຄື່ອນ, ອັນຈົບງາມ ແລະ ການຢ້ຽມຢາມລັດເຊຍ ຂອງທ່ານນາຍົກລັດຖະມົນຕີຫງວຽນເຕີນຢູງພິສູດໃຫ້ເຫັນສິ່ງດັ່ງກ່າວ.
ທ່ານນາຍົກລັດຖະມົນຕີຫງວຽນເຕີນຢູງ
ແລະ ທ່ານນາຍົກລດຖະມົນຕີ Dimitry Medvedev
ພາບ:internet
|
ເພາະສະນັ້ນ ໃນການຢ້ຽມຢາມ, ກໍ່ຄືໃນການພົບປະ, ເຈລະຈາຄັ້ງຕ່າງໆກັບບັນດາການນຳສະຫະພັນລັດເຊຍ, ສອງຝ່າຍລ້ວນແຕ່ເຫັນດີໂດຍຢືນຢັນວ່າ ເລື່ອງ ສອງປະເທດຍົກລະດັບການພົວພັນຂຶ້ນເປັນການພົວພັນຄູ່ຮ່ວມມືຍຸດທະສາດຮອບດ້ານ ໄດ້ສ້າງກຳລັງຫນູນຢ່າງແຂງແຮງເພື່ອຊຸກຍູ້ການພົວພັນຮ່ວມມືສອງຝ່າຍໃຫ້ພັດທະນາໃນໄລຍະປະຫວັດສາດໃຫມ່. ຫວຽດນາມ ແລະ ສະຫະພັນລັດເຊຍ ໄດ້ເປັນເອກະພາບຕໍ່ບັນຊີລາຍຊື່ບັນດາໂຄງການບຸລິມະສິດ, ລວມມີຫລາຍໂຄງການສຳຄັນຢູ່ເຂດດິນແດນຂອງແຕ່ລະປະເທດ. ເອກະສານຂໍ້ຕົກລົງຮ່ວມມືສອງຝ່າຍ 7 ສະບັບໄດ້ຮັບການລົງນາມໃນການຢ້ຽມຢາມ ລວມມີຫລາຍຂົງເຂດຄື: ວັດທະນະທຳ, ກິລາ, ທ່ອງທ່ຽວ, ຕຸລາການ, ສິນເຊື່ອ, ທາງລົດໄຟ ໄດ້ຫັນຄວາມຕັດສິນໃຈຊຸກຍູ້ການຮ່ວມມືລະຫວ່າງ ຫວຽດນາມ ແລະ ສະຫະພັນລັດເຊຍ ເປັນລະອຽດ, ເຫັນດີນຳວົງເງິນການຄ້າສອງສົ້ນຂຶ້ນເຖິງ 7 ຕື້ USD ໃນປີ 2015 ແລະ 10 ຕື້ USD ໃນປີ 2020. ການຮ່ວມມືດ້ານເຕັກນິກການທະຫານ ແລະ ບຳລຸງສ້າງພົນທະຫານລະຫວ່າງສອງປະເທດ, ການຮ່ວມມືໃນຂົງເຂດນ້ຳມັນອາຍແກສກໍແມ່ນຂົງເຂດຊື່ງນາຍົກລັດຖະມົນຕີທັງສອງທ່ານຢືນຢັນຈະສືບຕໍ່ເພີ່ມທະວີການພົວພັນຢ່າງແຫນ້ນແຟ້ນໃນການຢ້ຽມຢາມຄັ້ງນີ້ ແລະ ຖືວ່າ ແມ່ນເສົາຄ້ຳໃນຂົງເຂດຮ່ວມມືຍຸດທະສາດຮອບດ້ານລະຫວ່າງສະຫະພັນລັດເຊຍ ແລະ ຫວຽດນາມ.
ອາດຈະຢືນຢັນໄດ້ວ່າ, ຜົນສຳເລັດໃນການຢ້ຽມຢາມແລະເຮັດວຽກຢູ່ສະຫະພັນລັດເຊຍ, ຊື່ງແມ່ນປະເທດຢືນອັນດັບທີ 18 ໃນຈຳນວນກວ່າ 100 ປະເທດ ແລະ ເຂດແຄ້ວນລົງທຶນເຂົ້າຫວຽດນາມ ຂອງທ່ານນາຍົກລັດຖະມົນຕີຫງວຽນເຕີນຢູງ ໄດ້ປະກອບສ່ວນຮັດແຫນ້ນການພົວພັນມິດຕະພາບ, ຄວາມເຂົ້າອົກເຂົ້າໃຈ ແລະ ຄວາມໄວ້ເນື້ອເຊື່ອໃຈ ກັບບັນດາການນຳສະຫະພັນລັດເຊຍ ແມ່ນກຳລັງຫນູນເພື່ອໃຫ້ສອງປະເທດພ້ອມກັນມານະພະຍາຍາມ, ຫັນການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ ແລະ ສະຫະພັນລັດເຊຍ ໃນໄລຍະຈະມາເຖິງເປັນລະອຽດ.