ຕາມແຜນການແລ້ວ, ເລີ່ມແຕ່ວັນທີ 1/1/2016 ເປັນຕົ້ນໄປ, ຫວຽດນາມຈະຜັນຂະຫຍາຍບັນດານະໂຍບາຍຕາມມາດຖານຫຼຸດຜ່ອນຄວາມທຸກຍາກຫຼາຍສົ້ນ ຊຶ່ງເປັນນະໂຍບາຍໃໝ່ໄດ້ຮັບຄວາມປາດຖະໜາວ່າ ຈະຮັບປະກັນລະດັບຄອງຊີບຢ່າງຮອບດ້ານກວ່າໃຫ້ແກ່ປະຊາຊົນໃນໄລຍະ 5 ປີທີ່ຈະມາເຖິງ. ປະຈຸບັນ, ຫຼາຍກະຊວງ, ຂະແໜງການທີ່ກ່ຽວຂ້ອງພ້ອມກັບບັນດາທ້ອງຖີ່ນພວມຕັ້ງໜ້າກະກຽມວຽກງານເພື່ອການປະຕິບັດນະໂຍບາຍບັນລຸປະສິດທິຜົນສູງ.
ເຂດພູພຽງຫີນດົງວັນທີ່ແຂວງ ຮ່າຢາງ ຕ້ອງການຫຼຸດຜ່ອນຄວາມທຸກຍາກທີ່ສຸດ |
ຊຸມປີກ່ອນນີ້, ມາດຖານກຳນົດຄອບຄົວທຸກຍາກເຄີຍຖືກວັດແທກຜ່ານລາຍຮັບ. ມາດຖານຄວາມທຸກຍາກຖືກກຳນົດໂດຍອີງໃສ່ລະດັບລາຍຈ່າຍເພື່ອຕອບສະໜອງບັນດາຄວາມຕ້ອງການໃນລະດັບຕ່ຳສຸດ ແລະ ຖືກຄິດ່ເປັນເງິນ. ຫຼັກໝາຍໃນການຫັນປ່ຽນຈາກວິທີການວັດແທກສົ້ນດຽວໄປສູ່ຫຼາຍສົ້ນ ແມ່ນໃນວັນທີ 15/9/2015 ທ່ານນາຍົກລັດຖະມົນຕີໄດ້ເຊັນຂໍ້ຕົກລົງອະນຸມັດຜ່ານແຜນສັງລວມ “ຫັນປ່ຽນວິທີສຳພັດວັດແທກຄວາມທຸກຍາກຈາກສົ້ນດຽວໄປສູ່ຫຼາຍສົ້ນທີ່ນຳໃຊ້ໃນໄລຍະ 2016-2020”. ຕາມນັ້ນແລ້ວ, ມາດຖານຄວາມທຸກຍາກໄລຍະ 2016-2020 ຂອງຫວຽດນາມໄດ້ຖືກສ້າງຂຶ້ນຕາມທິດນຳໃຊ້ໂດຍປະສານສົມທົບທັງ ມາດຖານຄວາມທຸກຍາກກ່ຽວກັບລາຍຮັບ ແລະ ລະດັບຂາດການຊົມໃຊ້ບັນດາການບໍລິການສັງຄົມໂດຍພື້ນຖານ. ແລະ ເພື່ອໃຫ້ນະໂຍບາຍເສີມຂະຫຍາຍປະສິດທິຜົນນັ້ນ, ໃນຕົວຈິງ ຈຳເປັນຕ້ອງມີການກະກຽມກ່ຽວກັບກຳລັງຄວາມສາມາດ, ແຫຼ່ງກຳລັງ ກໍຄືການສົມທົບຢ່າງມີປະສິດທິຜົນລະຫວ່າງຂະແໜງການຂັ້ນຕ່າງໆ.
ຜັນຂະຫຍາຍຢ່າງຄົບຊຸດຢູ່ຂັ້ນສູນກາງ
ຕາມແຜນຮ່າງແລ້ວ, ໃນໄຕມາດທີ 4 ປີ 2015, ບັນດາອົງການສຳນັກງານທີ່ມີໜ້າທີ່ຮັບຜິດຊອບ ຈະຮວບຮ່ວມ, ລາຍງານໝາກຜົນແຫ່ງການສຳຫຼວດ, ກຳນົດຈັດປະເພດບັນດາເປົ້າໝາຍຕາມ ມາດຖານຄວາມທຸກຍາກຫຼາຍສົ້ນຂອງທັງປະເທດ ແລະ ແຕ່ລະທ້ອງຖິ່ນ, ບົດລາຍງານຂອງນາຍົກລັດຖະມົນຕີ. ໄປພ້ອມກັບວິວັດການດັ່ງກ່າວ, ການສ້າງ ແລະ ມອບໂອນຊອບແວທາງເຄືອຂ່າຍອິນເຕີເນັດ, ຄຸ້ມຄອງເປົ້າໝາຍທຸກຍາກໃນທົ່ວປະເທດ, ນຳເຂົ້າຂໍ້ມູນສຳຫຼວດເພື່ອຕິດຕາມໝາກຜົນແຫ່ງການປະຕິບັດບັນດານະໂຍບາຍຫຼຸດຜ່ອນຄວາມທຸກຍາກ. ທ່ານນາຍົກລັດຖະມົນຕີຫງວຽນເຕີ້ນຢຸງ ໃຫ້ຮູ້ວ່າ :
“ ລັດຖະບານຊີ້ນຳບັນດາກະຊວງ, ຂະແໜງການ, ທ້ອງຖິ່ນຕ່າງໆຈົ່ງສຳຫຼວດກວດກາ, ກຳນົດຈຳນວນຄອບຄົວທຸກຍາກ, ຄອບຄົວໃກ້ຈະທຸກຍາກຕາມມາດຖານໃໝ່ ແລະ ກະກຽມບັນດາເງື່ອນໄຂເພື່ອປະຕິບັດໃນປີ 2016 ຕິດພັນກັບການຜັນຂະຫຍາຍໂຄງການຈຸດໝາຍແຫ່ງຊາດຫຼຸດຜ່ອນຄວາມທຸກຍາກແບບຍືນຍົງ 2016-2020 ຊຶ່ງຫາກໍໄດ້ຮັບການຮັບຮອງເອົາຈາກສະພາແຫ່ງຊາດ. ພ້ອມກັນນັ້ນ, ກໍສືບຕໍ່ສ້າງໃຫ້ສົມບູນແບບ ແລະ ປະຕິບັດບັນດານະໂຍບາຍພິເສດສະເພາະສຳລັບປະຊາຊົນເຂດບັນດາເຜົ່າສ່ວນໜ້ອຍ ແລະ ບັນດາບໍລິເວນປະສົບກັບຄວາມຫຍຸ້ງຍາກເປັນພິເສດ ”
ໂດຍອີງຕາມການຊີ້ນຳຂອງນາຍົກລັດຖະມົນຕີ, ກະຊວງແຮງງານ, ທະຫານເສຍອົງຄະ ແລະ ສັງຄົມໄດ້ສົມທົບກັບກົມໃຫຍ່ສະຖີຕິ ແລະ ບັນດາກະຊວງ, ຂະແໜງການຕ່າງໆທີ່ກ່ຽວຂ້ອງ ສ້າງບັນດາມາດຖານກ່ຽວກັບລະດັບຄອງຊີບຢ່າງຕ່ຳສຸດ, ນະໂຍບາຍມາດຖານຄວາມທຸກຍາກ, ມາດຖານລະດັບຄອງຊີບປານກາງ, ມາດຖານຄອບຄົວທຸກຍາກ, ຄອບຄົວໃກ້ຈະທຸກຍາກເພື່ອຍື່ນສະເໜີນາຍົກລັດຖະມົນຕີ. ກະຊວງແຮງງານ, ທະຫານເສຍອົງຄະ ແລະ ສັງຄົມ ຫາກໍສຳເລັດຊຸດອົມຮົມ ໂຄສະນາເຜີຍແຜ່ໃຫ້ແກ່ພະນັກງານຂັ້ນຕາແສງ, ເມືອງເພື່ອຊອກຄວາມເຂົ້າໃຈກ່ຽວກັບວິທີ ຫຼຸດຜ່ອນຄວາມທຸກຍາກຫຼາຍສົ້ນ. ໃນຂະນະນັ້ນ, ກະຊວງແຜນການ ແລະ ລົງທຶນຈະປະກາດອັດຕາຂາດບັນດາຄວາມຕ້ອງການສັງຄົມຂອງທົ່ວປະເທດ ແລະ ແຕ່ລະທ້ອງຖິ່ນ, ໄຈ້ແຍກລະດັບການປ່ຽນແປງ, ສ້າງເປັນພື້ນຖານເພື່ອກຳນົດທິດບັນດານະໂຍບາຍພັດທະນາເສດຖະກິດໃນເຂດ, ຂົງເຂດ, ນະໂຍບາຍຫຼຸດຜ່ອນຄວາມທຸກຍາກ ແລະ ໜູນຊ່ວຍສັງຄົມ. ຕາມການປະເມີນແລ້ວ, ເພື່ອປະຕິບັດນະໂຍບາຍ ຫຼຸດຜ່ອນຄວາມທຸກຍາກຫຼາຍສົ້ນໃນປີ 2016, ງົບປະມານແຫ່ງລັດຕ້ອງຈັດສັນເງິນ 15 ພັນຕື້ດົງເພື່ອໜູນຊ່ວຍຈຳນວນຄົນທຸກຍາກ ແລະ ໃກ້ຈະທຸກຍາກ. ດັ່ງນັ້ນ, ກະຊວງການເງິນຕ້ອງມີຄວາມຮັບຜິດຊອບຄິດໄລ່ ດຸ່ນດ່ຽງແຫຼ່ງກຳລັງ.
ທ້ອງຖິ່ນລົງທຶປະຕິບັດຢ່າງຕັ້ງໜ້າ
ຕາມທ່ານ ໂງເຈື່ອງທີ ຫົວໜ້າຫ້ອງການແຫ່ງຊາດກ່ຽວກັບການຫຼຸດຜ່ອນຄວາມທຸກຍາກ, ທັດສະນະ ຫຼຸດຜ່ອນຄວາມທຸກຍາກໃນໄລຍະທີ່ຈະເຖິງແມ່ນຈະຍູ້ແຮງການຈັດແບ່ງຂັ້ນ ມອບສິດອຳນາດໃຫ້ຂັ້ນຮາກຖານ. ເພາະສະນັ້ນ, ຢູ່ທ້ອງຖິ່ນ, ຄະນະກຳມະການປະຊາຊົນບັນດາແຂວງ, ນະຄອນຊີ້ນຳການຈັດຕັ້ງສຳຫຼວດ, ກຳນົດເປົ້າໝາຍຊົມໃຊ້ນະໂຍບາຍ ຫຼຸດຜ່ອນຄວາມທຸກຍາກ ແລະ ໜູນຊ່ວຍສັງຄົມປະຈຳໄລຍະ; ເປັນເຈົ້າການສ້າງມາດຕະກສຍແກ້ໄຂເພື່ອຍົກສູງຄວາມສາມາດຊົມໃຊ້ການບໍລິການສັງຄົມໂດຍພື້ນຖານຂອງປະຊາຊົນໃນບໍລິເວນ. ບາງແຂວງ, ນະຄອນໄດ້ກະກຽມຈັດຕັ້ງກອງປະຊຸມຜັນຂະຫຍາຍແຜນສັງລວມ “ຫັນປ່ຽນວິທີສຳພັດວັດແທກຄວາມທຸກຍາກຈາກສົ້ນດຽວໄປສູ່ຫຼາຍສົ້ນທີ່ນຳໃຊ້ໃນໄລຍະ 2016-2020” , ເປີດຊຸດອົບຮົມແນະນຳວິທີການ, ຂັ້ນຕອນການສຳຫຼວດກວດກາຄອບຄົວທຸກຍາກ, ຄອບຄົວໃກ້ຈະທຸກຍາກໃຫ້ແກ່ພະນັກງານຂັ້ນຮາກຖານ. ທ່ານຮອງປະທານສະພາຊົນເຜົ່າຂອງ ສະພາແຫ່ງຊາດຫວຽດນາມ ຫງວຽນເລີມແທ່ງ ຖືວ່າ :
“ ປ່ຽນແປງວິທີສຳພັດເພື່ອຍົກສູງຄວາມສາມາດເປັນເຈົ້າຕົນເອງ, ຄວາມບືນຕົວຂຶ້ນຂອງປະຊາຊົນດ້ວຍຕົນເອງແມ່ນກຳລັງດັນທີ່ສຳຄັນ, ຫຼຸດຜ່ອນແນວຄວາມຄິດເອື່ອຍອີງຂອງບາງພາກສ່ວນຄົນທຸກຍາກ. ນະໂຍບາຍຫຼຸດຜ່ອນຄວາມທຸກຍາກຄວນຫຼຸດຜ່ອນການໜູນຊ່ວຍ,ອຸດໜູນ, ຊ່ວຍເຫຼືອລ້າ ແລະ ໜູນຊ່ວຍຕິດພັນກັບບັນດາເງື່ອນໄຂລະອຽດ. ນີ້ແມ່ນວິທີເຮັດທີ່ເໝາະສົມ ”
ການຫັນປ່ຽນວິທີການສຳພັດວັດແທກຄວາມທຸກຍາກສົ້ນດຽວໄປສູ່ຫຼາຍສົ້ນ ແມ່ນວິວັດການໜຶ່ງ. ແຕ່ການກະກຽມຜັນຂະຫຍາຍຢ່າງເຂັ້ມງວດຂອງຂະແໜງການ, ທ້ອງຖິ່ນ, ຂັ້ນຕ່າງໆຈະຊ່ວຍປະຕິບັດແຜນນະໂຍບາຍນີ້ໃຫ້ບັນລຸປະສິດທິຜົນໄວກວ່າ, ປະກອບສ່ວນຮັບປະກັນເນື້ອໃນລັດຖະທຳມະນູນປີ 2013 ແມ່ນ “ ພົນລະເມືອງມີສິດໄດ້ຮັບປະກັນຊີວິດສັງຄົມ ”.