ການດັດສ້າງນັກໂທດແມ່ນການເຄື່ອນໄຫວສຶກສາອົບຮົມທີ່ມີຈຸດພິເສດສະເພາະຊ່ວຍໃຫ້ເຂົາເຈົ້າມີການຫັນປ່ຽນກ່ຽວກັບລະດັບຄວາມຮັບຮູ້, ທ່າທີ, ການກະທຳຕາມທິດຕັ້ງໜ້າເພື່ອກະກຽມໃຫ້ແກ່ໄລຍະເຊື່ອມຕົວເຂົ້າກັບສັງຄົມຄືນໃໝ່. ຫວຽດນາມເຊີດຊູລັກສະນະມະນຸດສະທຳ, ວັດທະນະທຳມະນຸດຢ່າງເລິກເຊິ່ງໃນນະໂຍບາຍ, ກົດໝາຍ ແລະ ການເຄື່ອນໄຫວຕົວຈິງຂອງຂົງເຂດນີ້.
ພິທີປະກາດຂໍ້ຕົກລົງຂອງປະທານປະເທດກ່ຽວກັບການອະໄພຍະໂທດກ່ອນກຳນົດໃຫ້ແກ່ນັກໂທກ |
ໂຄງການການເມືອງຂອງພັກກອມມູນິດຫວຽດນາມໄດ້ລະບຸວ່າ : “ມະນຸດແມ່ນໃຈກາງຂອງຍຸດທະສາດພັດທະນາ, ພ້ອມທັງແມ່ນເຈົ້າຂອງການພັດທະນາ. ເຄົາລົບ ແລະ ປົກປ້ອງສິດທິມະນຸດ, ສິດທິມະນຸດຕ້ອງຕິດພັນກັບສິດ ແລະ ຜົນປະໂຫຍດຂອງປະເທດຊາດ ແລະ ສິດເປັນເຈົ້າຂອງປະຊາຊົນ”. ໂດຍປະຕິບັດບັນດາໂຄງການການເມືອງ, ເອກະສານຂອງພັກ, ມາຮອດປະຈຸບັນ ລັດຫວຽດນາມໄດ້ເຂົ້າຮ່ວມ ແລະ ລົງນາມໃນບັນດາສົນທິສັນຍາສາກົນອັນເປັນພື້ນຖານກ່ຽວກັບສິດທິມະນຸດເກືອບທັງໝົດ. ສິ່ງນີ້ ກໍເປັນພື້ນຖານເພື່ອໃຫ້ຫວຽດນາມຜັນຂະຫຍາຍຈຸດປະສົງມະນຸດສະທຳໃນການເຄື່ອນໄຫວສຶກສາອົບຮົມ, ດັດສ້າງນັກໂທດ, ອະໄພຍະໂທດ ປ່ອຍຕົວກ່ອນກຳນົດ ແລະ ໜູນຊ່ວຍນັກໂທດເຊື່ອມຕົວເຂົ້າກັບສັງຄົມຄືນໃໝ່.
ການລົງທຶນໃຫຍ່ໃຫ້ແກ່ການເຄື່ອນໄຫວສຶກສາອົບຮົມ, ດັດສ້າງນັກໂທດ
ນັບແຕ່ປີ 1957, ຫວຽດນາມໄດ້ເຂົ້າຮ່ວມສົນທິສັນຍາ 4 ສະບັບກ່ຽວກັບກົດໝາຍມະນຸດສະທຳ “ ປົກປ້ອງຜູ້ຮັບເຄາະຮ້າຍຈາກສົງຄາມ, ປະພຶດໂດຍມະນຸດສະທຳກັບນັກໂທດສົງຄາມ”. ກ່ອນທີ່ຈະກາຍເປັນສະມາຊິກຂອງສະຫະປະຊາຊາດ, ໂດຍຖືກຕົກຢູ່ໃນທ່າປິດລ້ອມ, ຂວ້ຳບາດຂອງອາເມລິກາ, ປີ 1981, ຫວຽດນາມໄດ້ເຂົ້າຮ່ວມ “ ສົນທິສັນຍາສາກົນກ່ຽວກັບການລົບລ້າງບັນດາຮູບການຈຳແນກເຊື້ອຊາດ ” ; ລົງນາມໃນ “ ສົນທິສັນຍາສາກົນກ່ຽວກັບການລົບລ້າງທຸກໆຮູບການຈຳແນກການປະພຶດກັບແມ່ຍິງ” ແລະ ເຂົ້າຮ່ວມສົນທິສັນຍາສາກົນກ່ຽວກັບສິດທິມະນຸດ 2 ສະບັບ. ນັ້ນແມ່ນ “ສົນທິສັນຍາສາກົນກ່ຽວກັບບັນດາສິດເສດຖະກິດ, ວັດທະນະທຳ ແລະ ສັງຄົມ” ແລະ “ສົນທິສັນຍາສາກົນກ່ຽວກັບບັນດາສິດພົນລະເຮືອນການເມືອງ” ໃນປີ 1982. ປີ 1990, ຫວຽດນາມສືບຕໍ່ລົງນາມໃນ ສົນທິສັນຍາສາກົນກ່ຽວກັບສິດທິເດັກ.
ໂດຍປະຕິບັດຕາມພາກ 2 ລັດຖະທຳມະນູນປີ 2013 ກ່ຽວກັບສິດທິມະນຸດ, ສິດ ແລະ ພັນທະພົນລະເຮືອນ”, ພ້ອມກັນນັ້ນ ກໍຫັນບັນດາສົນທິສັນຍາສາກົນກ່ຽວກັບສິດທິມະນຸດຊຶ່ງຫວຽດນາມໄດ້ໃຫ້ສັດຕະຍາບັນເປັນກົດໝາຍ, ປີ 2014, ຫວຽດນາມໄດ້ໃຫ້ສັດຕະຍາບັນ ສົນທິສັນຍາສິດທິມະນຸດທີ່ສະດຸ້ງໄວ, ຮຽກຮ້ອງໃຫ້ລັດຕ້ອງລົງທຶນແຫຼ່ງກຳລັງຢ່າງໃຫຍ່ຫຼວງເພື່ອດັດສ້າງຢູ່ບັນດາຄ້າຍຄຸມຂັງ, ຍົກສູງມາດຖານດ້ານການກິນການຢູ່ໃຫ້ແກ່ບັນດານັກໂທດ, ເປີດຊຸດຮຽນໃຫ້ຄົນພິການ. ສຳລັບການຮັບປະກັນ ສິດທິມະນຸດຂອງບັນດານັກໂທດ, ລັດຖະບານຫວຽດນາມໄດ້ມີມະຕິ “ ປະກາດໃຊ້ຂໍ້ກຳນົດຄ້າຍຄຸມຂັງ” ແລະ ດຳລັດ “ ປັບປຸງ, ເພີ່ມເຕີມບາງມາດຕາຂອງຂໍ້ກຳນົດກ່ຽວກັບການກັກຂັງ ແລະ ກັກຕົວຊົ່ວຂ່າວປີ 1988 ຂອງລັດຖະບານ. ” ບັນດາດຳລັດດັ່ງກ່າວໄດ້ຮັບປະກັນບັນດາຫຼັກການອຳນາດແຫ່ງກົດໝາຍສຳລັບບັນດານັກໂທດພວມຖືກຄຸມຂັງ. ກ່ຽວກັບລະບອບຄຸ້ມຄອງນັກໂທດ, ດຳລັດ“ ດັດແປງ, ເພີ່ມເຕີມບາງມາດຕາຂອງຂໍ້ກຳນົດກ່ຽວກັບການກັກຂັງ ແລະ ກັກຕົວຊົ່ວຂ່າວປີ 1988 ຂອງລັດຖະບານ ” ໄດ້ກຳນົດວ່າ : ຄ້າຍຄຸມຂັງຕ້ອງຈັບຂັງນັກໂທດຕາມແຕ່ລະປະເພດ…ສຳລັບນັກໂທດຍິງ ແລະ ຜູ້ບໍ່ເຖິງກະສຽນອາຍຸ ແມ່ນຕ້ອງຖືກກັກຂັງຢູ່ເຂດຕ່າງຫາກ, ຄ້າຍຄຸມຂັງຕ້ອງໄດ້ຮັບການປ້ອງກັນຢ່າງເຄັ່ງຄັດ.
ໜູນຊ່ວຍນັກໂທດເຊື່ອມຕົວເຂົ້າກັບສັງຄົມຄືນໃໝ່
ພ້ອມກັບການຮັບປະກັນສິດໄດ້ຢູ່ໄດ້ກິນ, ໄດ້ຮ່ຳຮຽນ ແລະ ດຳເນີນຊີວິດຂອງນັກໂທດ, ນະໂຍບາຍ, ກົດໝາຍຂອງຫວຽດນາມ ກໍໄດ້ກຳນົດແຈ້ງເຖິງການໜູນຊ່ວຍນັກໂທດເຊື່ອມຕົວເຂົ້າກັບສັງຄົມຄືນໃໝ່ຜ່ານການອອກແຮງງານ. ດຳລັດ“ ດັດແປງ, ເພີ່ມເຕີມບາງມາດຕາຂອງຂໍ້ກຳນົດກ່ຽວກັບການກັກຂັງ ແລະ ກັກຕົວຊົ່ວຂ່າວປີ 1988 ຂອງລັດຖະບານ ” ໄດ້ກຳນົດ “ ນັກໂທດອອກແຮງງານເປັນເວລາ 8 ຊົວໂມງຕໍ່ວັນ”, “ນັກໂທດຍິງຖືພາຈະໄດ້ພັກຜ່ອນໃນຈຸດເວລາກ່ອນ ແລະ ພາຍຫຼັງປະສູກລູກຕາມຂໍ້ກຳນົດລວມຂອງລັດ. ດຳລັດ “ ດັດແປງ, ເພີ່ມເຕີມບາງມາດຕາຂອງຂໍ້ກຳນົດກ່ຽວກັບການກັກຂັງ ແລະ ກັກຕົວຊົ່ວຂ່າວປີ 1988 ຂອງລັດຖະບານ ”ກໍໄດ້ຊີ້ແຈ້ງວ່າ “ ໝາກຜົນການອອກແຮງານໂດຍນັກໂທດນຳໃຊ້ເພື່ອລົງທຶນເປີດກ້ວາງການຜະລິດ, ກໍ່ສ້າງພື້ນຖານວັດຖຸຂອງຄ້າຍຄຸມຂັງ, , ຊົມເຊີຍນັກໂທກທີ່ໄດ້ລື່ນກາຍຄາດໝາຍອອກແຮງງານ”. ຖ້າຫາກນັກໂທກມີການດັດສ້າງ, ອອກແຮງງານ, ຮ່ຳຮຽນເປັນຢ່າງດີໃນໄລຍະປະຕິບັດໂທດ, ລັດຈະພິຈາລະນາ, ອະໄພຍະໂທດ, ປ່ອຍຕົວກ່ອນກຳນົດຕາຮມກົດໝາຍໃນໂອກາດບັນດາວັນບຸນໃຫຍ່ຂອງປະເທດຊາດ.
ເປັນອັນວ່າ ທົ່ວລະບົບບັນດາທັດສະນະນະໂຍບາຍຂອງຫວຽດນາມທີ່ມີຕໍ່ຜູ້ປະຕິບັດໂທດ ແມ່ນໄດ້ສະແດງໃຫ້ເຫັນຢ່າງມີຊີວິດຊີວາກ່ຽວກັບມູນເຊື້ອມະນຸດສະທຳ, ລັກສະນະວັດທະນະທຳມະນຸດອັນສູງສົ່ງຂອງຊາດຫວຽດນາມ. ສ້າງສະພາບແວດລ້ອມແຫ່ງການສຶກສາອົບຮົມນັກໂທດໃຫ້ສົດໃສ, ປອດໄພ, ໃກ້ຊິດສະໜິດສະໜົມ, ໜູນຊ່ວຍນັກໂທດເຊື່ອມຕົວເຂົ້າກັບສັງຄົມຄືນໃໝ່ ກໍແມ່ນໝາກຜົນອັນໃຫຍ່ຫຼວງຂອງຫວຽດນາມໃນຂົງເຂດຮັບປະກັນ ສິດທິມະນຸດ.