(vovvorld) – ພາຍຫຼັງ ປະລະແຜນການລົງນາມໃນຂໍ້ຕົກລົງຮ່ວມສຳພັນກັບອີຢູ ຂອງປະທານາທິບໍດີ ຢູແກຼນ Viktor Yanukovych ເພື່ອບຸລິມາສິດໃຫ້ແກ່ການພົວພັນທາງດ້ານເສດຖະກິດກັບລັດເຊຍ ເປັນເວລາເກືອບ 3 ສັບປະດາ, ຄວາມເຄັ່ງຕິງທາງດ້ານການເມືອງຢູ່ ຢູແກຼນ ຍັງບໍ່ທັນມີສັນຍານຫຼຸດລົງເທື່ອ. ຊຳ້ບໍ່ໜຳ, ຍັງຜັນແປໄປຢ່າງສັບສົນກວ່າ. ຄວາມດັນຂອງກຳລັງສະໜັບສະໜູນການຮ່ວມສຳພັນກັບອີຢູ ທີ່ມີຕໍ່ລັດຖະບານໄດ້ເພີ່ມຂຶ້ນຢ່າງແຮງ, ພິເສດແມ່ນໃນສະພາບທີ່ປະທານາທິບໍດີ Viktor Yanukovychເດີນທາງໄປຢ້ຽມຢາມສະຫະພັນລັດເຊຍໃນວັນທີ 17/12 ເພື່ອຊຸກຍູ້ບັນດາຂໍ້ຕົກລົງຮ່ວມມືທາງດ້ານເສດຖະກິດ.
ປະທານາທິບໍດີລັດເຊຍ Putin ແລະ
ປະທານາທິບໍດີ ຢູແກຼນ Viktor Yanukovych ພົບປະກັນເມື່ອເດືອນ 10 ຜ່ານມາ
(ພາບ: AP)
ໂດຍໄດ້ຮັບຕີລາຄາວ່າ ແມ່ນພື້ນຖານເສດຖະກິດທີ່ມີຄວາມສາມາດບົ່ມຊ້ອນຫຼາຍຢ່າງກໍ່ຕາມ, ແຕ່ ຢູແກຼນ ພວມຕ້ອງປະເຊີນໜ້າກັບຄວາມຫຍຸ້ງຍາກຄື: ລະດັບເຕີບໂຕຫຼຸດລົງ, ອັດຕາຫວ່າງງານ ແລະ ໄພເງິນເຟີ້ເພີ່ມຂຶ້ນສູງ. ຖ້າຫາກ ຢູແກຼນ ລົງນາມໃນຂໍ້ຕົກລົງເພີ່ມທະວີການພົວພັນທາງດ້ານເສດຖະກິດກັບອີຢູ, ອີຢູ ຈະຍົກເລີກ 98% ພາສີໃຫ້ສິນຄ້າຂອງ ຢູແກຼນ ນຳເຂົ້າອີລົບ ແລະ ໃນແຕ່ລະປີ ກີແອບ ຈະສ້າງລາຍຮັບຕື່ມອີກປະມານ 500 ລ້ານເອີໂຮ. ແທນທີນັ້ນ ກີແອບ ຕ້ອງຫຼຸດຜ່ອນລາຍຈ່າຍເກີນດູນງົບປະມານ ແລະ ເພີ່ມລາຄາອາຍແກສ. ໃນຂະນະນັ້ນ, ລັດເຊຍໄດ້ໃຫ້ຄຳໝັ້ນສັນຍາ ລົງທຶນໃຫ້ ຢູແກຼນ ນັບສິບຕື້ໂດລາສະຫະລັດໃນທັນທີ. ອາດເຫັນໄດ້ວ່າ, ຖ້າຫາກມີການຮ່ວມສຳພັນກັບອີຢູ, ຢູແກຼນ ຈະມີຜົນປະໂຫຍດໃນໄລຍະຍາວ, ສ່ວນຮ່ວມສຳພັນກັບລັດເຊຍ, ຢູແກຼນ ຈະມີຜົນປະໂຫຍດໃນທັນທີ. ນັ້ນແມ່ນສາຍເຫດທີ່ພາໃຫ້ ປະທານາທິບໍດີ Viktor Yanukovych ປະຕິເສດຂໍ້ຕົກລົງເພີ່ມທະວີການພົວພັນກັບ 28 ປະເທດສະມາຊິກຂອງອີຢູ, ເຊິ່ງແມ່ນຂໍ້ຕົກລົງທີ່ເຮັດໃຫ້ 50% ຈຳນວນພົນລະເມືອງຂອງປະເທດນີ້ສະໜັບສະໜູນ.
ຄວາມເຄັ່ງຕຶງທາງດ້ານການເມືອງບໍ່ທັນສິ້ນສຸດລົງ
ບາງເທື່ອ ປະທານາທິບໍດີ Viktor Yanukovych ບໍ່ຄາດຄະເນໄດ້ບັນດາຜົນຮ້າຍຢ້ອນຫຼັງ ຈາກເລື່ອງບໍ່ຮ່ວມສຳພັນກັບອີຢູ ຂອງຕົນ, ດັ່ງນັ້ນສະພາບການຢູ່ ຢູແກຼນ ນັບມື້ນັບເຄັ່ງຕຶງກວ່າ. ໃນເກືອບ 3 ສັບປະດາທີ່ຜ່ານມາ, ຢູແກຼນ ໄດ້ຕົກເຂົ້າສູ່ສະພາບວິກິດການດ້ານການເມືອງ, ຄວາມສາມັກຄີຊົນຊາດຖືກແບ່ງແຍກ, ການແຫ່ຂະບວນປະທ້ວງດ້ວຍຂອບຂະໜາດໃຫຍ່ນັບມື້ນັບເພີ່ມຂຶ້ນຢູ່ປະເທດນີ້ເພື່ອຄັດຄ້ານເລື່ອງລັດຖະບານບໍ່ຮ່ວມສຳພັນກັບອີລົບ. ບັນດາຜູ້ແຫ່ຂະບວນໄດ້ຮຽກຮ້ອງປ່ອຍຕົວນັກໂທດການເມືອງ, ໃນນັ້ນມີອະດີດນາຍົກລັດຖະມົນຕີ Timoshenko, ຍຸບເລີກລັດຖະບານ ແລະ ປິດລ້ອມສຳນັກງານອົງການປ້ອງກັນຄວາມສະຫງົບ ຢູແກຼນ, ກະຊວງການຕ່າງປະເທດ ແລະ ຄະນະກຳມະການເລືອກຕັ້ງສູນກາງ. ຝ່າຍຄ້ານໃຫ້ຮູ້ພວມກະກຽມໃຫ້ແກ່ການແຫ່ຂະບວນດ້ວຍຂອບຂະໜາດໃຫຍ່ຄັ້ງໃໝ່ ດ້ວຍຈຳນວນຜູ້ເຂົ້າຮ່ວມເກືອບ 3 ແສນຄົນ.
ໃນຂະນະນັ້ນ, ບັນດາຜູ້ສະໜັບສະໜູນປະທານາທິບໍດີ ແລະ ສະໜັບສະໜູນການພົວພັນຮ່ວມມືກັບລັດເຊຍ ກໍ່ຈັດຕັ້ງການແຫ່ຂະບວນຢູ່ໃກ້ກັບສຳນັກງານສະພາແຫ່ງຊາດ.
ເພື່ອແນໃສ່ຫຼຸດຜ່ອນຄວາມເຄັ່ງຕຶງຢູ່ ຢູແກຼນ, ທ້າຍສັບປະດາຜ່ານມາ, ປະທານາທິບໍດີ Viktor Yanukovych ຕ້ອງງົດຕຳແຫຼ່ງເຈົ້າຄອງນະຄອນ ກີແອບ ສຳລັບທ່ານ Alexxandre Popov ແລະ ທ່ານ Vladimir Sivkovitch, ຜູ້ທີ່ຮັບຜິດຊອບດ້ານປ້ອງກັນຊາດ ປ້ອງກັນຄວາມສະຫງົບ ຢູແກຼນ, ພາຍຫຼັງກໍລະນີປາບປາມຜູ້ແຫ່ຂະບວນປະທ້ວງເມື່ອວັນທີ 30/11. ປະທານາທິບໍດີ Viktor Yanukovych ຍັງກ່າວເຕື່ອນກ່ຽວກັບການຄັດເຂ່ຍບັນດາເຈົ້າໜ້າທີ່ຮຽບຮຽງຂໍ້ຕົກລົງຮ່ວມສຳພັນກັບສະຫະພາບເອີລົບ (ອີຢູ) ແລະ ຢືນຢັນວ່າ ບັນດາຂໍ້ຕົກລົງກັບລັດເຊຍໃນການຢ້ຽມຢາມວັນທີ 17/12 ຈະບໍ່ມີເອກະສານກ່ຽວກັບການຮ່ວມສຳພັນດ້ານພາສີ. ໃນຂະນະນັ້ນ, ທ່ານນາຍົກລັດຖະມົນຕີ Mykola Azarov ກໍ່ປະຕິເສດຄຳຖະແຫຼງວ່າ ຢູແກູນ ພວມມີທິດຮ່ວມສຳພັນກັບລັດເຊຍ ແລະ ບັນດາປະເທດສາທາລະນະລັດທີ່ຂຶ້ນກັບໂຊວຽດເກົ່າ.
ສັນຍານແຫ່ງການປະເຊີນໜ້າລະຫວ່າງຝ່າຍຕາເວັນອອກ - ຝ່າຍຕາເວັນຕົກ
ຂໍ້ຕົກລົງປະຕິເສດຂໍ້ຕົກລົງເພີ່ມທະວີການພົວພັນທາງດ້ານເສດຖະກິດກັບ 28 ປະເທດສະມາຊິກຂອງ ອີຢູ, ບໍ່ພຽງແຕ່ສົ່ງຜົນສະທ້ອນບໍ່ດີເຖິງການພົວພັນລະຫວ່າງ ຢູແກຼນ ກັບອີຢູ ເທົ່ານັ້ນ, ຫາກຍັງສ້າງເງື່ອນໄຂ ໃຫ້ອາເມລິກາ ແຊກແຊງເຂົ້າ ດ້ວຍເຫດ ກິແອບ ໄດ້ປາບປາມຜູ້ແຫ່ຂະບວນປະທ້ວງ. ທ່ານຮອງປະທານາທິບໍດີອາເມລິກາ Joe Biden ເອງໄດ້ໂທລະສັບຫາ ປະທານາທິບໍດີ Viktor Yanukovych ສະແດງຄວາມວິຕົກກັງວົຍຢ່າງເລິກເຊິ່ງ. ໃນຂະນະນັ້ນ, ບັນດາເຈົ້າໜ້າທີ່ຂັ້ນສູງຂອງອາເມລິກາ ບາງທ່ານ ກໍ່ໄດ້ເຂົ້າຮ່ວມການແຫ່ຂະບວນປະທ້ວງຄັ້ງຫຼ້າສຸດຢູ່ ກີແອບ, ເຂົາເຈົ້າຖືວ່າອະນາຄົດຂອງ ຢູແກຼນ ແມ່ນຂຶ້ນກັບກຸ່ມເອີລົບເອກະພາບ. ຕາມບັນດານັກສັງເກດການແລ້ວ, ການແຊກແຊງຂອງອາເມລິກາ ບໍ່ພຽງແຕ່ແມ່ນປະຕິກິລິຍາແບບທຳມະດາເທົ່ານັ້ນ ຫາກແມ່ນສັນຍານຂອງການປະເຊີນໜ້າລະຫວ່າງຝ່າຍຕາເວັນອອກ ແລະ ຝ່າຍຕາເວັນຕົກ.
ອາດເວົ້າໄດ້ວ່າ, ພາຍຫຼັງການປະຕິວັດສີສົ້ມປີ 2004 ມາຮອດປະຈຸບັນ, ຢູແກຼນ ພວມຜ່ານຜ່າວິກິດການດ້ານການເມືອງຮ້າຍແຮງທີ່ສຸດ, ເລື່ອງຫັນປ່ຽນສະພາບການ ແລະ ຍົກອອກບັນດາມາດຕະການແກ້ໄຂ ເພື່ອຮັບປະກັນຜົນປະໂຫຍກລະຫວ່າງຝ່າຍຕ່າງໆ ແມ່ນເລື່ອງທີ່ຫຍຸ້ງຍາກສຳລັບ ປະທານາທິບໍດີ Viktor