(vovworld)- ໃນບາງພາຫະນະສື່ມວນຊົນຂອງຕ່າງປະເທດໄດ້ອອກຂ່າວຄາວເສກສັນປັ້ນແຕ່ງເລື່ອງ Nguyen Phuong Uyen ນັກສຶກສາມະຫາວິທະຍາໄລອຸດສາຫະກຳສະບຽງອາຫານ ນະຄອນ ໂຮ່ຈິມິນ ລະເມີດກົດໝາຍ. ຄວາມຈິງຊ້ອນແຝງຢູ່ເບື້ອງຫລັງຂອງເຫດການນີ້ແມ່ນຫຍັງ?
ວັນທີ 19/10/2012, ອົງການປ້ອງກັນຄວາມສະຫງົບສືບສວນແຂວງ Long An ໄດ້ອອກຄຳສັ່ງເປີດການສືບສວນສອບສວນຄະດີອາຍາ, ເປີດການສືບສວນສອບສວນຜູ້ຕ້ອງຫາ, ກັກຕົວຊົ່ວຄາວສຳລັບ Dinh Nguyen Kha ແລະ Nguyen Phuong Uyen ໃນເວລາ 4 ເດືອນເພື່ອເຮັດແຈ້ງກ່ຽວກັບການກະທຳຂອງສອງຄົນດັ່ງກ່າວ ແລະ ເປົ້າໝາຍຈຳນວນຫນຶ່ງທີ່ມີສ່ວນກ່ຽວຂ້ອງ ຍ້ອນໄດ້ດຳເນີນບັນດາການເຄື່ອນໄຫວໂຄສະນາຕ້ານລັດ ຫວຽດນາມ, ຕາມການກຳນົດໃນມາດຕາ 88 ຂອງ ປະມວນກົດໝາຍອາຍາ. ກ່ອນຫນ້ານັ້ນ ອົງການທີ່ມີຫນ້າທີ່ຮັບຜິດຊອບແຂວງ Long An ໄດ້ພົບເຫັນພະຍານຫລັກຖານຫລາຍຢ່າງຢູ່ເຮືອນສ່ວນຕົວຂອງ Dinh Nguyen Kha ກ່ຽວກັບເລື່ອງ ບຸກຄົນນີ້ໄດ້ເຜີຍແຜ່ເອກະສານມີເນື້ອໃນລະເມີດກົດໝາຍ ຫວຽດນາມ. ໃນວິວັດທະນາການສືບສວນໄດ້ພິສູດໃຫ້ເຫັນວ່າ: Kha ແລະ Uyen ພ້ອມກັນປະຕິບັດບັນດາການກະທຳລະເມີດກົດໝາຍ, ໃນນັ້ນ ໄດ້ຫວ່ານໃບປີ່ວເສກສັນປັ້ນແຕ່ງບິດເບື່ອນຄວາມຈິງຕໍ່ກັບນະໂຍບາຍສາສະຫນາ, ນະໂຍບາຍທີ່ດິນຂອງພັກ ແລະ ລັດ ຫວຽດນາມ, ສະແດງທັດສະນະຜິດເຂວກ່ຽວກັບອະທິປະໄຕເຂດທະເລ, ໝູ່ເກາະ ແລະ ຊາຍແດນທາງບົກລະຫວ່າງ ຫວຽດນາມ ແລະ ຈີນ, ຕາມການຊີ້ນຳຂອງ Nguyen Thien Thanh ຊື່ງແມ່ນສະມາຊິກຂອງອັນທີ່ເອີ້ນວ່າ “ໄວຫນຸ່ມຮັກຊາດ” ແຕ່ເນື້ອແທ້ແມ່ນອົງການປະຕິການ, ດຳເນີນບັນດາການເຄື່ອນໄຫວໂຄສະນາຕ້ານລັດ ຫວຽດນາມ.
ໃນບົດຮັບສາລະພາບໂທດຂອງຕົນ, Nguyen Phuong Uyen ໄດ້ເປີດເຜີຍເລື່ອງພ້ອມກັບ Kha ຫວ່ານໃບປີ່ວ ແລະ ປະຕິບັດບັນດາການເຄື່ອນໄຫວລະອຽດເພື່ອໂຄສະນາ, ຕ້ານລັດ ຫວຽດນາມ. ຕາມນັ້ນແລ້ວ, ວັນທີ 3/10/2012 Kha ແລະ Uyen ໄດ້ໄປເຖິງ ຂົວ An Suong ນະຄອນ ໂຮ່ຈິມິນ ເພື່ອຫວ່ານໃບປ່ີວດ້ວຍຮູບການຕິດໃບປີ່ວຢູ່ດ້ານຫລັງຂອງເງິນເຈ້ຍປະມານ 2000 ໃບ . ນອກນັ້ນ Kha ແລະ Uyen ຍັງຖ່າຍຮູບ, ຖ່າຍທຳ video ກ່ຽວກັບເລື່ອງບັນດາອົງການທີ່ມີຫນ້າທີ່ຮັບຜິດຊອບພວມເກັບເອົາໃບປີ່ວ ແລ້ວ ສົ່ງໃຫ້ Thanh ຜ່ານ facebook, yahoo. ກ່ອນຫນ້ານັ້ນ ວັນທີ 20/8/2012, ພາຍໃຕ້ການແນະນຳຂອງ Thanh, Uyen ໄດ້ເອົາຮູບແຕ້ມທຸງ 3 ແສກພ້ອມດ້ວຍແຖວຕົວຫນັງສືມີເນື້ອໃນໃສ່ຮ້າຍປາຍສີພັກກອມມູນິດຫວຽດນາມ ຕິດຢູ່ທາງຫລວງເລກທີ 28 ຢູ່ Binh Thuan ແລະ ຖ່າຍຮູບຫລາຍແຜ່ນສົ່ງໃຫ້ Thanh ເພື່ອອອກທາງຫນ້າເວັບ “ໄວຫນຸ່ມຮັກຊາດ” ແລະ facebook ສ່ວນຕົວ ທີ່ມີຊື່ວ່າ: Nguyen Tan Cuong. ເມື່ອຖືກຈັບຕົວ, Uyen ສະແດງຄວາມກິນແຫນງ ແລະ ຍອມຮັບສາລະພາບໂທດ, Uyen ເວົ້າວ່າ: ຂ້າພະເຈົ້າເອງເຫັນວ່າ ການກະທຳຂອງຕົນແມ່ນລະເມີດກົດໝາຍຂອງລັດ ຫວຽດນາມ, ຕ້ານພັກກອມມູນິດ ຫວຽດນາມ ແລະ ລັດ ຫວຽດນາມ. Uyen ອະທິບາຍວ່າ: Uyen ມີການກະທຳຄືແນວນັ້ນ ຍ້ອນປະສົບກັບຄວາມຫຍຸ້ງຍາກດ້ານເສດຖະກິດ, ຢາກໄດ້ laptop, ໂທລະສັບ ແລະ ເງິນເພ່ືອຈ່າຍຄ່າຮຽນຈາກ Thanh. Uyen ສະແດງຄວາມປາດຖະຫນາຢາກໃຫ້ພັກ ແລະ ລັດ ຫວຽດນາມ ອະໄພຍະໂທດເພື່ອສືບຕໍ່ການຮຳ່ຮຽນ ກາຍເປັນພົນລະເມືອງທີ່ມີປະໂຫຍດຕໍ່ສັງຄົມ.”
ເປັນອັນວ່າ ຄວາມຈິງກ່ຽວກັບການລະເມີດກົດໝາຍຂອງນັກສຶກສາ Nguyen Phuong Uyen ໄດ້ຮັບການສືບສວນເຮັດໃຫ້ຈະແຈ້ງຈາກອົງການທີ່ມີຫນ້າທີ່ຮັບຜິດຊອບ. ການກະທຳຜິດຂອງ Uyen ໄດ້ພາໃຫ້ຕົນເອງຕ້ອງຮັບຜິດຊອບຕໍ່ຫນ້າກົດໝາຍ. ສິ່ງທີ່ຕ້ອງເວົ້າເຖິງ ນັ້ນແມ່ນ ສະມາຄົມ, ຄະນະຊາວຫນຸ່ມ, ອົງການຊາວຫວຽດນາມ ອາໄສຢູ່ຕ່າງປະເທດ ໂດຍຂະໜານນາມ, ປອມແປງຫລັກຖານເພື່ອຂຽນໃບສະເຫນີສົ່ງເຖິງທ່ານປະທານປະເທດຜ່ານເຄືອຂ່າຍ ອິນເຕີແນດ ແລະ ຈົດໝາຍສົ່ງເຖິງນັກຮຽນຮູ້, ປັນຍາຊົນ ເພື່ອສະຫນັບສະຫນູນ Nguyen Phuong Uyen. ອົງການທີ່ມີຫນ້າທີ່ຮັບຜິດຊອບໄດ້ຢັ້ງຢືນບັນຊີລາຍຊື່ນັກສືກສາ 109 ຄົນຂອງມະຫາວິທະຍາໄລອຸດສາຫະກຳສະບຽງອາຫານນະຄອນ ໂຮ່ຈິມິນ ລົງລາຍເຊັນ ສົ່ງເຖິງປະທານປະເທດແມ່ນບໍ່ຖືກກັບຄວາມຈິງ. ນາງ Nguyen Thi Kim Thu ນັກສຶກສາຮຽນຫ້ອງດຽວກັນກັບນາງ Uyen ຢືນຢັນວ່າ: ນ້ອງບໍ່ຄິດເລີຍວ່າ Uyen ມີການກະທຳຄືແນວນັ້ນ ແລະ ບັງເອີນນ້ອງມີຊື່ໃນບັນຊີລາຍຊື່ຜູ້ຂຽນຈົດໝາຍດັ່ງກ່າວ. ນີ້ແມ່ນການປອມແປງລາຍເຊັນບໍ່ພຽງແຕ່ນ້ອງເອງເທົ່ານັ້ນ ຫາກໝູ່ເພື່ອນໃນຫ້ອງລ້ວນແຕ່ບໍ່ຮູ້ເຖິງໃບສະເຫນີດັ່ງກ່າວ.
Dinh Nguyen Kha ແລະ Nguyen Phuong Uyen
ພາບ:congan.com
|
ເລື່ອງລາວຂອງ Nguyen Phuong Uyen ແມ່ນຄວາມລະເມີເຝີ້ຝັນດ້ານການເມືອງ ແລະ ເຂົ້າໃຈຜິດກ່ຽວກັບນ້ຳໃຈຮັກຊາດ ແລະ ແມ່ນຄວາມຜິດພາດຂອງນັກສຶກສາຜູ້ຫນຶ່ງ. ສະນັ້ນ ລຸ້ນຫນຸ່ມແຕ່ລະຄົນຕ້ອງສະແດງນ້ຳໃຈຮັກຊາດຢ່າງຖືກທິດ ບໍ່ປະໃຫ້ຜູ້ບໍ່ດີສວຍໃຊ້ໂອກາດເພື່ອມີການກະທຳຜິດ ລະເມີດກົດໝາຍ.