ການມາຢ້ຽມຢາມຫວຽດນາມແຕ່ວັນທີ 5-7/9 ຂອງປະທານາທິບໍດີຝະລັ່ງ Francoi Hollande ຈະສ້າງກຳລັງຫນູນໃໝ່ໃຫ້ແກ່ການພົວພັນລະຫວ່າງຫວຽດນາມ-ຝະລັ່ງ. ການຢ້ຽມຢາມຫວຽດນາມພາຍຫຼັງ 12 ປີຂອງ ປະທານາທິບໍດີຝະລັ່ງ ໄດ້ຮັບຄວາມຄອງຄອຍວ່າ ຈະເຮັດໃຫ້ການພົວພັນຄູ່ຮ່ວມມືຍຸດທະສາດລະຫວ່າງຫວຽດນາມ-ຝະລັ່ງມີຄວາມເລິກເຊິ່ງຂຶ້ນຕື່ມ, ສ້າງບັນດາກາລະໂອກາດຮ່ວມມືໃໝ່ໃນຂົງເຂດເສດຖະກິດລະຫວ່າງ 2 ປະເທດ.
ປະທານາທິບໍດີຝະລັ່ງ Francoi Hollande (ພາບCameronian) |
ຫວຽດນາມ-ຝະລັ່ງໄດ້ສ້າງການພົວພັນທາງການທູດນຳກັນເມື່ອເດືອນ 4 ປີ 1973, ເລື່ອງ 2 ປະເທດຍົກລະດັບການພົວພັນຂຶ້ນເປັນ ການພົວພັນຄູ່ຮ່ວມມືຍຸດທະສາດເມື່ອປີ 2013 ໄດ້ເປັນການຊຸກຍູ້ການພົວພັນໃຫ້ເປີດກ້ວາງສູ່ທຸຸກໆຂົງເຂດ.
ການພົວພັນ ຫວຽດນາມ-ຝະລັ່ງຊ້ອນແຝງທ່າແຮງບົ່ມຊ້ອນຫຼາຍຢ່າງ
ໃນຊຸມປີມໍ່ໆມານີ້, ການຮ່ວມມືທາງດ້ານເສດຖະກິດລະຫວ່າງ 2 ປະເທດນັບມື້ນັບພັດທະນາຢ່າງແຂງແຮງດ້ວຍຫຼາຍແງ່ຫວັງ. ຝະລັ່ງແມ່ນຄູ່ຮ່ວມມືການຄ້າເອີລົບໃຫຍ່ອັນດັບທີ 5 ຂອງຫວຽດນາມ. ມູນຄ່າການແລກປ່ຽນການຄ້າ 2 ສົ້ນປີ 2015 ບັນລຸ 4,2 ຕື້ USD ( ເພີ່ມຂຶ້ນ 19% ເມື່ອທຽບໃສ່ປີ 2014 ) ໃນນັ້ນວົງເງິນສົ່ງອອກໄປຍັງຝະລັ່ງບັນລຸ 2,9 ຕື້ USD (ເພີ່ມຂຶ້ນ 23% ເມື່ອທຽບໃສ່ປີ 2014 ). ປະຈຸບັນ, ຝະລັ່ງແມ່ນຄູ່ຮ່ວມມືການຄ້າເອີລົບໃຫຍ່ອັນດັບທີ 3 ຢູ່ຫວຽດນາມຖັດຈາກໂຮນລັງ ແລະ ອັງກິດ ແລະ ຢືນອັນດັບທີ 16 ໃນຍອດຈຳນວນ 114 ປະເທດ ແລະ ເຂດແຄ້ວນທີ່ລົງທຶນເຂົ້າຫວຽດນາມ ດ້ວຍ 461 ໂຄງການລົງທຶນທີ່ຍັງມີຜົນບັງຄັບໃຊ້, ຍອດເງິນລົງທຶນຈົດທະບຽນບັນລຸກວ່າ 3,4 ຕື້ USD. ທາງດ້ານການຮ່ວມມືພັດທະນາ, ຝະລັ່ງແມ່ນນັກອຸຖຳ 2 ຝ່າຍຂອງເອີລົບໃຫຍ່ອັນດັບ 1 ຂອງຫວຽດນາມ.
ບັນດາບຸລິມະສິດໃນການຮ່ວມມື
ມາຮອດປະຈຸບັນ, 2 ປະເທດໄດ້ລົງນາມໃນເອກະສານໂດຍຈຳເປັນເກືອບທັງໝົດເພື່ອເປີດກ້ວາງການຮ່ວມມືເຊັ່ນ: ສັນຍາແມ່ກ່ຽວກັບການຮ່ວມມືທາງດ້ານເສດຖະກິດ, ສັນຍາສົ່ງເສີມ ແລະ ປົກປ້ອງການລົງທຶນ, ສັນຍາຫຼີກລ້ຽງການເກັບພາສີຊ້ອນ ແລະ ອື່ນໆ, ອັນໄດ້ນຳມາເຊິ່ງຜົນປະໂຫຍດທີ່ແທດຈິງໃຫ້ແກ່ປະຊາຊົນ 2 ປະເທດ. ໃນສະພາບແວດລ້ອມແຫ່ງການລົງທຶນ, ດຳເນີນທຸລະກິດຢູ່ຫວຽດນາມຊຶ່ງໄດ້ ແລະ ພວມປ່ຽນແປງຢ່າງວ່ອງໄວ, ດ້ວຍແງ່ຫວັງເຊັນສັນຍາການຄ້າເສລີກັບສະຫະພາບເອີລົບ EU, ເຊັນສັນຍາຄູ່ຮ່ວມມືເສດຖະກິດຂ້າມປາຊີຝິກ, ດ້ວຍການປັບປຸງກົດໝາຍວ່າດ້ວຍການລົງທຶນ, ກົດໝາຍວ່າດ້ວຍວິສາຫະກິດ, ດ້ວຍການສ້າງຕັ້ງປະຊາຄົມເສດຖະກິດອາຊຽນໃນທ້າຍປີ 2015… ປັດໄຈເຫຼົ່ານີ້ ຈະສ້າງບັນດາກາລະໂອກາດໃໝ່ໃຫ້ແກ່ບັນດານັກລົງທຶນ, ວິສາຫະກິດ, ໃນນັ້ນມີວິສາຫະກິດຝະລັ່ງ. ເພາະສະນັ້ນ, ການມາຢ້ຽມຢາມຫວຽດນາມຄັ້ງນີ້ຂອງປະທານາທິບໍດີຝະລັ່ງ Francoi Hollande ຈະສ້າງທ່ວງທ່າໃຫ້ແກ່ໄລຍະຮ່ວມມືພັດທະນາໃໝ່ລະຫວ່າງຫວຽດນາມ-ຝະລັ່ງ. ທ່ານ Pierre Journoud ຜູ້ຕິດຕາມ ປະທານາທິບໍດີຝະລັ່ງ Francoi Hollande ໃນການຢ້ຽມຢາມຫວຽດນາມຄັ້ງນີ້ໃຫ້ຮູ້ວ່າ :
“ ການຢ້ຽມຢາມຫວຽດນາມຄັ້ງນີ້ ແມ່ນກົງກັບຈຸດເວລາທີ່ທັງຝະລັ່ງ ແລະ ຫວຽດນາມຕ່າງກໍຕ້ອງການມີສາຍລົມໃໝ່, ກຳລັງຫນູນໃໝ່ໃຫ້ແກ່ການພົວພັນໂດຍສັງລວມແມ່ນດີງາມໃນທຸກແງ່ມຸມລະຫວ່າງ 2 ປະເທດ, ຈາກລັດຖະບານ, ອຳນາດການປົກຄອງ, ຕະຫຼອດຮອດບັນດາທ້ອງຖິ່ນ…ສັງລວມແລ້ວ, ນີ້ແມ່ນການພົວພັນທີ່ມີມາແຕ່ດົນນານ, ອຸດົມສົມບູນ, ຫຼາຍຮູບຫຼາຍສີ, ແຕ່ປະສິດທິຜົນຂອງການຮ່ວມມືທາງດ້ານເສດຖະກິດ, ການຄ້າ ແມ່ນຍັງບໍ່ທັນເທົ່າກັບດ້ານການເມືອງເທື່ອ. ຂ້າພະເຈົ້າຄິດວ່າ ໜຶ່ງໃນບັນດາຈຸດປະສົງຕົ້ນຕໍໃນການມາຢ້ຽມຢາມຫວຽດນາມຄັ້ງນີ້ຂອງປະທານາທິບໍດີຝະລັ່ງ Francoi Hollande ແມ່ນ ຈະສ້າງທ່ວງທ່າໃຫ້ແກ່ໄລຍະຮ່ວມມືພັດທະນາໃໝ່ລະຫວ່າງຫວຽດນາມ-ຝະລັ່ງ ພິເສດແມ່ນເສດຖະກິດ, ການຄ້າ”
ການຮ່ວມມືທາງດ້ານສຶກສາ ແລະ ບຳລຸງສ້າງລະຫວ່າງຫວຽດນາມ-ຝະລັ່ງໄດ້ຮັບການສ້າງຕັ້ງ ແລະ ຂະຫຍາຍຕົວໃນຊຸມປີ 1980. ໃນໄລຍະປະຈຸບັນ, ດ້ວຍນະໂຍບາຍມຸ່ງໄປສູ່ທິດຕາເວັນອອກ, ພ້ອມກັບການຊຸກຍູ້ການຮ່ວມມືທາງດ້ານເສດຖະກິດ, ການຄ້າ, ຝະລັ່ງຍັງຖືຫວຽດນາມແມ່ນບໍລິເວນຍຸທະສາດເພື່ອເປີດກ້ວາງຂົງເຂດການສຶກສາ ແລະ ບຳລຸງສ້າງ ເປັນຂົວເຊື່ອມຕໍ່ໃຫ້ແກ່ຂະບວນການພັດທະນາພາສາຝະລັ່ງໃນອາຊຽນ. ນັກທະນາຍຄວາມ Gerard ໂງ່ ໃຫ້ຂໍ້ສັງເກດວ່າ :
“ ຝະລັ່ງຮັບຮູ້ໄດ້ວ່າ ການພັດທະນາການພົວພັນທີ່ດີທີ່ສຸດນັ້ນ, ອາດຈະແມ່ນ ກັບຫວຽດນາມ. ຫວຽດນາມອາດຈະຊ່ວຍຊຸກຍູ້ຂະບວນການພາສາຝະລັ່ງໃນພາກພື້ນ. ທາງຝ່າຍຫວຽດນາມກໍມີຄວາມຫວັງຢາກຊຸກຍູ້ການພົວພັນກັບຝະລັ່ງເຊັ່ນກັນ. ຂ້າພະເຈົ້າຖືວ່າ ຝະລັ່ງພວມມີບັນດາຄວາມມານະພະຍາຍາມຢ່າງໃຫຍ່ຫຼວງເພື່ອຟື້ນຟູຜົນສະທ້ອນໃນພາກພື້ນ, ກໍຄືສຸມໃສ່ຊຸກຍູ້ການຮ່ວມທາງດ້ານເສດຖະກິດ, ການຄ້າ, ເພາະວ່າ ພຽງແຕ່ໃນຂະນະທີ່ ການພົວພັນເສດຖະກິດ, ການຄ້າບັນລຸປະສິດທິຜົນນັ້ນ, ບັນດາຜູ້ຮຽນພາສາຝະລັ່ງຈຶ່ງມີໂອກາດໄດ້ມີວຽກເຮັດງານທຳທີ່ດີ, ເວລານັ້ນ, ຝະລັ່ງຈຶ່ງສາມາດແກ່ງແຍ້ງກັບບັນດາປະເທດເວົ້າພາສາອັງກິດຢູ່ຫວຽດນາມ ແລະ ອາຊີໄດ້”
ການມາຢ້ຽມຢາມຫວຽດນາມຄັ້ງນີ້ຂອງປະທານາທິບໍດີຝະລັ່ງ Francoi Hollande ແນ່ນອນວ່າ ຈະຫັນເນື້ອໃນການພົວພັນຄູ່ຮ່ວມມືຍຸດທະສາດລະຫວ່າງຫວຽດນາມ-ຝະລັ່ງເປັນລະອຽດ ພ້ອມທັງຊຸກຍູ້ການຮ່ວມມືຢ່າງແທດຈິງດ ເຮັດແນວໃດເພື່ອໃຫ້ຫວຽດນາມກາຍເປັນໜຶ່ງໃນບັນດາຄູ່ຮ່ວມມືຕົ້ນຕໍຂອງຝະລັ່ງຢູ່ອາຊີຕາເວັນອອກສ່ຽງໃຕ້.