ໃນບັນດາຄາດໝາຍເສດຖະກິດຊຶ່ງມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກກອມມູນິດຫວຽດນາມໄດ້ວາງອອກ, ຄາດໝາຍການເຕີບໂຕດ້ານສະມັດຕະພາບບັນດາປັດໄຈສັງລວມໄດ້ຮັບການກຳນົດຢູ່ໃນລະດັບແຕ່ 30% - 35% ໃນປີ 2020. ນີ້ແມ່ນເປົ້າໝາຍທີ່ຫຍຸ້ງຍາກແຕ່ຈະສາມາດປະຕິບັດໄດ້, ເປັນຕົ້ນແມ່ນໃນສະພາວະທີ່ຫວຽດນາມພວມຕັ້ງໜ້າກະກຽມເຊື່ອມໂຍງເຂົາກັບສາກົນ ຂະນະທີ່ສັນຍາຄູ່ຮ່ວມມືຂ້າມປາຊີຟິກ TPP ມີຜົນສັກສິດ.
ທ່ານຫງວຽນກວນ, ລັດຖະມົນຕີວ່າການກະຊວງວິທະຍາສາດ ແລະ ເຕັກໂນໂລຢີຫວຽດນາມ |
ບໍ່ເຊັ່ນດຽວກັນກັບສະມັດຕະພາບການອອກແຮງງານ, ສະມັດຕະພາບບັນດາປັດໄຈສັງລວມ( ເອີ້ນຫຍໍ້ວ່າ : TFP) ແມ່ນການປະກອບສ່ວນຂອງບັນດາປັດໄຈເຊັ່ນ: ລະດັບຄວາມຮູ້, ບົດຮຽນ, ປະສັບການ, ທັກສະການອອກແຮງງານ, ຄຸນນະພາບເງິນລົງທຶນ, ສິນຄ້າການບໍລິການ, ທັກສະການຄຸ້ມຄອງ…ນີ້ແມ່ນຂົງເຂດທີ່ບໍ່ມີທ່າແຮງຂອງຫວຽດນາມ. ໃນປີ 2010, TFP ຂອງຫວຽດນາມຖືກລົບ, ລົງເຫຼືອພຽງ 0,27%.
ເປົ້າໝາຍທີ່ສາມາດປະຕິບັດໄດ້
ຕາມທ່ານຫງວຽນກວນ, ລັດຖະມົນຕີວ່າການກະຊວງວິທະຍາສາດ ແລະ ເຕັກໂນໂລຢີຫວຽດນາມແລ້ວ, ໃນປີ 2011, TFP ໄດ້ເລີ່ມມີການເຕີບໂຕ ແລະ ສະຖຽນລະພາບ. ຄິດສະເລ່ຍໄລຍະ 2011-2014, ລະດັບເພີ່ມຂອງ TFP ປະກອບສ່ວນເຂົ້າໃນການເຕີບໂຕເສດຖະກິດປະມານ 26%. ເມື່ອມີການເຕີບໂຕ TFP, ຈະຊຸກຍູ້ການເຕີບໂຕ GDP ໂດຍບໍ່ອາໄສຫຼາຍຕໍ່ການເພີ່ມເງິນລົງທຶນ, ຈຳນວນແຮງງານ, ກໍຄືຂຸດຄົ້ນແຫຼ່ງຊັບພະຍາກອນທຳມະຊາດ. ດ້ວຍທ່າດີນີ້, ການກະຕຸ້ນການເຕີບໂຕ TFP ພວມໄດ້ຮັບຄວາມເອົາໃຈໃສ່ຈາກຫຼາຍປະເທດເມື່ອມຸ່ງໄປສູ່ຍຸດທະສາດພັດທະນາເສດຖະກິດແບບຍືນຍົງ, ໃນນັ້ນ ມີຫວຽດນາມ. ມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກກອມມູນິດຫວຽດນາມໄດ້ວາງເປົ້າໝາຍເຖິງປີ 2020, ຮັບຮອງເອົາ ປັດໄຈສະມັດຕະພາບສັງລວມ TFP, ການເຄື່ອນໄຫວວິທະຍາສາດ ແລະ ເຕັກໂນໂລຢີຈະປະກອບສ່ວນປະມານ 35% ມູນຄ່າການເຕີບໂຕເສດຖະກິດ. ທ່ານຫງວຽນກວນ, ລັດຖະມົນຕີວ່າການກະຊວງວິທະຍາສາດ ແລະ ເຕັກໂນໂລຢີຫວຽດນາມ ໃຫ້ຮູ້ວ່າ :
“ ພວກຂ້າພະເຈົ້າເຫັນວ່າ ເປົ້າໝາຍນີ້ ອາດສາມາດປະຕິບັດໄດ້. ເພາະປີກາຍ, ຕາມການຄິດໄລ່ໃນເບື້ອງຕົ້ນ, TFP ໄດ້ບັນລຸກວ່າ 34%. ປີນີ້, ຄາດຄະເນວ່າ ອາດຈະບັນລຸເກືອບ 39%. ທັງໄລຍະ 2011-2020, ພວກເຮົາຄິດສະເລ່ຍ TFP ຈະຕົກຢູ່ໃນປະມານ 30-35% ແມ່ນດີແລ້ວ, ເພາະໃນ 2-3 ປີທຳອິດ, TFPຍັງຕ່ຳກ່ວາ 20%. ດ້ວຍລະດັບການເຕີບໂຕເສດຖະກິດຄືໃນປະຈຸບັນ, ຂ້າພະເຈົ້າປາດຖະໜາວ່າ TFP ຈະເພີ່ມຂຶ້ນອີກໃນຊຸມປີຕໍ່ໆໄປ ເພື່ອສາມາດບັນລຸລະດັບສະເລ່ຍ 10 ປີ ຫຼາຍກວ່າ 35% ”
ກາລະໂອກາດພ້ອມກັບສິ່ງທ້າທາຍ.
ສະມັດຕະພາບການອອກແຮງງານກໍມີຄວາມໝາຍເຊັ່ນດຽວກັນກັບລາຍຮັບຂອງແຮງງານເພີ່ມຂຶ້ນ. ໃນທ່າອຽງເຊື່ອມໂຍງເຂົາກັບສາກົນ ແລະ ພັດທະນາຄືໃນປະຈຸບັນ, ເມື່ອຫວຽດນາມເຂົ້າຮ່ວມ TPP ແລະ ປະຊາຄົມເສດຖະກິດຮ່ວມອາຊຽນ, ດ້ວຍວິໄສທັດຍາວນານ ແລະ ສັງລວມ, ເງິນເດືອນ ແລະ ລາຍຮັບຂອງຜູ້ອອກແຮງງານມີທ່າອຽງໄດ້ຮັບການປົວແປງໃຫ້ດີຂຶ້ນ. ແຕ່ພ້ອມກັບບັນດາຜົນກະທົບອັນຕັ້ງໜ້າ, ຊາວຜູ້ອອກແຮງານ, ເປັນຕົ້ນແມ່ນຄົນງານດ້ວຍຄ່າຈ້າງຖືກ, ຈະຕ້ອງແຂ່ງຂັນກັບຖັນແຖວຄົນງານທີ່ມີຄຸນນະພາບສູງທີ່ມາຈາກບັນດາປະເທດ. ການເຊື່ອມໂຍງເຂົາກັບສາກົນ ຮຽກຮ້ອງໃຫ້ຊັບພະຍາກອນມະນຸດ ຕ້ອງມີຄວາມສາມາດ, ບັນລຸມາດຖານ. ນາງວູ້ທິຖາວວີ, ຮອງປະທານສະມາຄົມນັກສຶກສາ ມະຫາວິທະຍາໄລເສດຖະກິດແຫ່ງຊາດຮ່າໂນ້ຍ ໃຫ້ຮູ້ວ່າ :
“ ນ້ອງເຫັນວ່າ ນີ້ແມ່ນໂອກາດທີ່ດີຂອງຫວຽດນາມ ກໍຄືສິ່ງທ້າທາຍ. ຖ້າຫາກຕັດສິນໃຈ, ປະເທດເຮົາ ແນ່ນອນຈະປະຕິບັດໄດ້. ນ້ອງຄິດວ່າ ການແຂ່ງຂັນດ້ານວຽກເຮັດງານທຳ ແລະທາງດ້ານພາສາອັງກິດນັ້ນ ແມ່ນຕ້ອງເລີ່ມມາຈາກແຕ່ລະຄົນເອງ ຊຶ່ງຕ້ອງຮັບຮູ້ຢ່າງຈະແຈ້ງກ່ຽວກັບຄວາມຫຍຸ້ງຍາກ. ເປັນອັນວ່າ ຄົນລຸ່ນໜຸ່ມຕ້ອງຝຶກຝົນຫຼໍ່ຫຼອມເພື່ອດີຂຶ້ນ ເພື່ອກາຍເປັນບັນດາຜູ້ສາມາດປະກອບສ່ວນໃຫ້ແກ່ປະເທດຊາດ ”
ເພື່ອບັນລຸເປົ້າໝ!ຍການເຕີບໂຕ TFP, ຫວຽດນາມຍັງວາງອອກຫຼາຍມາດຕະການແກ້ໄຂເຊັ່ນ: ໜູນຊ່ວຍທາງດ້ານເຕັກໂນໂລຢີ, ຈ້າງຜູ້ຊ່ຽວຊານ, ລະດົມບັນດານັກວິທະຍາສາດ, ສະຖາບັນ, ໂຮງຮຽນ..ເພື່ອເຄື່ອນໄຫວພ້ອມກັບວິສາຫະກິດ. ບັນດາກະຊວງ, ຂະແໜງການ, ທ້ອງຖິ່ນຕ່າງໆ ແລະ ບັນດາວິສາຫະກິດພວມພ້ອມກັນສົມທົບກັນ ຜັນຂະຫຍາຍຢ່າງຕັ້ງໜ້າ. ໂຄງການຍົກສູງສະມັດຕະພາບ ຄຸນນະພາບຜະລິດຕະພັນ, ສິນຄ້າໄລຍະ 2 (2016 – 2020) ເພື່ອແນໃສ່ສ້າງ 2.000 ມາດຕະຖານໃໝ່ຂອງລະບົບມາດຕະຖານແຫ່ງຊາດເພື່ອໃຫ້ກົມກ່ຽວກັບມາດຕະຖານພາກພື້ນ ແລະ ສາກົນ ແລະ ໜູນຊ່ວຍປ່ຽນແປງໃໝ່ດ້ານເຕັກໂນໂລຢີໃຫ້ແກ່ວິສາຫະກິດ 60.000 ແຫ່ງ.