(ພາບ : TTXVN)
ວັນທີ 18/11, ຊາວຫວຽດນາມກ່ວາ 86 ລ້ານຄົນ ລວມມີຊົນເຜົ່າຕ່າງໆ, ສາສະນິກກະຊົນ, ບັນດາຜູ້ຊົ່ງຄຸນວຸດທິ, ນັກປັນຍາຊົນ ແລະ ຊາວຫວຽດນາມອາໃສຢູ່ຕ່າງປະເທດ ໄດ້ຈັດພິທີສະເຫຼີມສະຫຼອງ 81 ປີ ແຫ່ງວັນສ້າງຕັ້ງແນວໂຮມເອກະພາບແຫ່ງຊາດຫວຽດນາມ (18/11/1930-18/11/2011)-ປະຈຸບັນແມ່ນແນວໂຮມປະເທດຊາດຫວຽດນາມ. ປະຫວັດສາດກ່ວາ 80 ປີຜ່ານມາຂອງແນວໂຮມປະເທດຊາດຫວຽດນາມ ຍາມໃດກໍ່ຕິດພັນກັບບັນດາຜົນງານອັນໃຫ່ຍຫລວງຂອງຊາດ ແລະນ້ຳໃຈມະຫາສາມັກຄີທົ່ວປວງຊົນທັງຊາດ ພວມສືບຕໍ່ໄດ້ຮັບການຮັກສາ ແລະເສີມຂະຫຍາຍໃນພາລະກິດປ່ຽນແປງໃໝ່, ສ້າງສາ ແລະປັກປັກຮັກສາປະເທດຊາດໃນປະຈຸບັນ.
ຍ້ອນມີຄວາມສາມັກຄີໃນແນວໂຮມຫວຽດມິນ, ປຊຊ ຫວຽດນາມໄດ້ປະຕິບັດການປະຕິວັດເດືອນສິງຫາສຳເລັດຜົນ, ສະຖາປະນາປະເທດສາທາລະນະລັດປະຊາທິປະໄຕຫວຽດນາມ. ຍ້ອນມີຄວາມສາມັກຄີກັນໃນແນວໂຮມທົ່ວປະເທດຫວຽດນາມ, ປຊຊ ຫວຽດນາມໄດ້ທຳການຕໍ່ຕ້ານ ຍາດໄດ້ໄຊຊະນະ, ປົດປ່ອຍເຄີ່ງປະເທດ, ສ້າງສາພາກເໜືອໃຫ້ໝັ້ນຄົງເຂັ້ມແຂງ, ເປັນແນວຫລັງໃຫ່ຍໃຫ້ແກ່ແນວໜ້າຢູ່ໃຕ້ ຕ້ານຈັກກະພັດອາເມລິກາ. ຍ້ອນມີຄວາມສາມັກຄີກັນໃນແນວໂຮມປະເທດຊາດຫວຽດນາມ, ແນວໂຮມປົດປ່ອຍແຫ່ງຊາດພາກໃຕ້ຫວຽດນາມ ແລະພັນທະທຸກກຳລັງຂອງຊາດ, ປະຊາທິປະໄຕ ແລະສັນຕິພາບຫວຽດນາມ, ປຊຊ ຫວຽດນາມໄດ້ຕີເອົາຊະນະສົງຄາມຮຸກຮານ ແລະລັດທິລ່າເມືອງຂຶ້ນໃໝ່, ປົດປ່ອຍພາກໃຕ້ຫວຽດນາມຢ່າງສີ້ນຊິງ, ທ້ອນໂຮມປະເທດຊາດເປັນເອກະພາບ….ໃນພາລະກິດສ້າງສາ ແລະ ປົກປັກຣັກສາປະເທດຊາດ, ຄວາມສາມັກຄີໄດ້ປະກອບສ່ວນນຳປະເທດຊາດບັນລຸຜົນງານຫລາຍຢ່າງ. ໃນຊຸມປີຜ່ານມາ, ໃນຊາຍຄາລວມແມ່ນແນວໂຮມປະເທດຊາດຫວຽດນາມ, ປຊຊ ທຸກຊັ້ນວັນນະ ໄດ້ສະໜັບສະໜູນ ແລະປະຕິບັດ ບັນດານະໂຍບາຍ, ແຜນນະໂຍບາຍຂອງພັດ ແລະລັດດ້ວຍບັນດາໝາກຜົນທີ່ດີ, ຜ່ານນັ້ນ ປະກອບສ່ວນປັບປຸງກຸ່ມກ້ອນມະຫາສາມັກຄີທົ່ວປວງຊົນທັງຊາດ. ພິເສດແມ່ນບັນດານະໂຍບາຍ, ໝວດມາດຕະການເພື່ອແນໃສ່ຄວບຄຸມໄພເງິນເຟີ້, ສະກັດກັ້ນການຊຸດໂຊມເສດຖະກິດ, ຮັກສາລະດັບການຈະເລີນເຕີບໂຕຢູ່ໃນລະດັບເໝາະສົມ, ເອົາໃຈໃສ່ເບີ່ງແຍງດ້ານຊີວິດສັງຄົມຢ່າງແທດຈິງ, ໂດຍສະເພາະແມ່ນສຳລັບ ປຊຊ ຜູ້ທຸກຍາກ, ປຊຊ ເຂດຫ່າງໄກສອກຫລີກ. ບັນດາບັ້ນຂົນຂວາຍຂອງຄະນະກຳມະການສູນກາງແນງໂຮມປະເທດຊາດຫວຽດນາມຄື: “ທົ່ວປວງຊົນສາມັກຄີກັນ ສ້າງຊີວິດວັດທະນະທຳຢູ່ເຂດຊຸມຊົນ”; “ວັນເພື່ອຄົນທຸກຍາກ”… ໄດ້ແຜ່ຂະຫຍາຍອອກຢ່າງກວ້າງຂວາງ. ໃນ 10 ປີຜ່ານມາ, ໄດ້ສ້າງເຮືອນແຫ່ງສາຍຈິດສາຍໃຈ, ເຮືອນມະຫາສາມັກຄີໃຫ້ແກ່ຄົນທຸກຍາກນັບລ້ານຫລັງ ແລະ ນັບແສນຄອບຄົວໄດ້ຫລຸດພົ້ນອອກຈາກຄວາມທຸກຍາກ ດ້ວຍແຫຼ່ງທຶນອຸປະຖຳຈາກນ້ຳໃຈເມຕາຈິດ, ຄວາມຮັກແພງຂອງວົງຄະນາຍາດ. ທ່ານນາງຮ່າທິລຽນ, ຮອງປະທານສູນກາງແນວໂຮມປະເທດຊາດຫວຽດນາມຖືວ່າ:
“ບັ້ນຂົນຂວາຍວັນເພື່ອຄົນທຸກຍາກໄດ້ຮັບການສະໜັບສະໜູນຢ່າງເລິກເຊີ່ງກ້ວາງຂວາງຈາກ ປຊຊ ທຸກຊັ້ນຄົນ, ບັນດາອົງການຈັດຕັ້ງ, ໝູ່ຄະນະ, ວິສາຫະກິດ, ນັບທັງ ປຊຊ ຫວຽດນາມອາມໄສຢູ່ຕ່າງປະເທດ ແລະອົງການຈັດຕັ້ງສາກົນ. ຈາກແຫຼ່ງກຳລັງສະໜັບສະໜູນນີ້, ຄົນທຸກຍາກໄດ້ຣັບການໜູນຊ່ວຍດ້ານເຮືອນຢູ່, ປະກອບພາຫະນະອະປະກອນການຜະລິດ, ລູກຫລານໄດ້ໄປຮ່ຳຮຽນ, ໄດ້ກວດ, ປີ່ນປົວພະຍາດ ແລະໄດ້ຮັບຂອງຂັວນໃນໂອກາດວັນບູນຕ່າງໆ ແລະໃນເວລາປະສົບກັບຄວາມຫຍຸ້ງຍາກ, ໄພພິບັດ…”
ບັນດາບັ້ນຂົນຂວາຍພວມນັບມື້ນັບກາຍເປັນການເຄື່ອນໄຫວປະຈຳ, ເປັນຄວາມຮັບຜິດຊອບຂອງບັນດາສ່ວນບຸກຄົນ, ໝູ່ຄະນະ. ບັນດາວິສາຫະກິດກໍ່ມີສະຕິຄວາມຮັບຮູ້ຢ່າງຈະແຈ້ງກ່ວາອີກກ່ຽວກັບຄວາມຮັບຜິດຊອບທາງສັງຄົມຂອງຕົນ, ໄດ້ຕັ້ງໜ້າເຣັດວຽກງານການກຸສົນ, ສ້າງເຮືອນແຫ່ງສາຍຈິດສາຍໃຈ ແລະຊ່ວຍເຫຼືອຄົນທຸກຍາກ. ທ່ານນາງ ຫງວຽນນາມເຟືອງ, ຜູ້ອຳນວຍການໃຫ່ຍບໍລິສັດຈຳກັດພຽງຜູ້ດຽວລານແອງແຂວງບ່າເຮັ້ບຫວູງເຕົ່າໄດ່ແບ່ງປັນວ່າ:
“ຂ້າພະເຈົ້າແມ່ນຄົນທຸກຍາກ ແຕ່ໄດ້ດຳເນີນທຸລະກິດປະສົບຜົນສຳເລັດຄືປະຈຸບັນນີ້, ດັ່ງນັ້ນ, ຍາມໃດຂ້າພະເຈົ້າກໍ່ຄິດວ່າ ເຮັດວຽກງານໃດກໍ່ຕ້ອງມີຈິນ້ຳໃຈ. ສຳລັບຜູ້ອອກແຮງງານ ຕ້ອງເອົາໃຈໃສ່ເບີ່ງແຍງໃຫ້ເຂົາເຈົ້າຢ່າງພຽງພໍ, ສຳລັບສັງຄົມແລ້ວ, ຕ້ອງຕັ້ງໜ້າຊ່ວຍເຫຼືອຄົນທຸກຍາກໃຫ້ມີວຽກເຮັດງານທຳ, ມີເຮືອນຢູ່, ຊ່ວຍເຫຼືອນັກຮຽນທຸກຍາກ ເພື່ອສາມາດສືບຕໍ່ໄປຮຽນ ແລະຫນູນຊ່ວຍຕາແສງທຸກຍາກຈຳນວນໜື່ງ ໃນການກໍ່ສ້າງເສັ້ນທາງຄົມມະນາຄົມຊົນນະບົດ….”
ເມື່ອເຂົ້າຮ່ວມວັນບູນມະຫາສາມັກຄີທົ່ວປວງຊົນທັງຊາດປີ 2011 ນີ້, ທ່ານປະທານປະເທດຫວຽດນາມ ເຈືອງເຕີນຊາງ ໄດ້ເນັ້ນໜັກວ່າ: ໃນໄລຍະປະຈຸບັນນີ້, ການເພີ່ມທະວີກຸ່ມກ້ອນມະຫາສາມັກຄີທົ່ວປວງຊົນທັງຊາດແມ່ນໜ້າທີ່ສຳຄັນ ເພື່ອນຳປະເທດຊາດ ຜ່ານຜ່າຄວາມຫຍູ້ງຍາກ, ສືບຕໍ່ພາລະກິດປ່ຽນແປງໃໝ່. ການເສີມຂະຫຍາຍ ກຸ່ມກ້ອນມະຫາສາມັກຄີທົ່ວປວງຊົນທັງຊາດ ຍາມໃດກໍ່ຕ້ອງຕິດພັນກັບຄວາມຮຽກຮ້ອງຕ້ອງການເປີດກ້ວາງປະຊາທິປະໄຕ ແລະຣັກສາຂໍ້ກຳນົດກົດລະບຽບໃນຊີວິດສັງຄົມ ໃນທຸກໆຂົງເຂດການເມືອງ, ເສດຖະກິດ, ວັດທະນະທຳ, ສັງຄົມ… ຢູ່ທຸກໆຂັ້ນ, ຂະແໜງການ. ອຳນາດການປົກຄອງຂັ້ນຕ່າງໆຕ້ອງເອົາໃຈໃສ່ເບີ່ງແຍງເສີມຂະຫຍາຍ ແລະຣັບປະກັນສິດປະຊາທິປະໄຕຂອງ ປຊຊ ຕາມກົດໝາຍ, ສະກັດກັ້ນ ແລະລົງໂທດບັນດາການລະເມີດສິດປະຊາທິປະໄຕຂອງ ປຊຊ ແລະແບງແຍກ ກຸ່ມກ້ອນມະຫາສາມັກຄີທົ່ວປວງຊົນທັງຊາດ ຢ່າງເຂັ້ມງວດ, ທ່ານປະທານປະເທດຫວຽດນາມຖືວ່າ:
“ແນ່ນອນວ່າ ບ່ອນໃດໄດ້ສ້າງຂະບວນການສາມັກຄີກ້ວາງຂວາງ ບ່ອນນັ້ນຈຶ່ງຈະມີອົງຄະນະພັກເຂັ້ມແຂວງ, ອຳນາດການປົກຄອງແຮງ ແລະພິເສດແມ່ນແນວໂຮມປະເທດຊາດ ແລະບັນດາໝູ່ຄະນະເຂັ້ມແຂງ. ໂດຍຜ່ານຂະບວນການທົ່ວປວງຊົນສາມັກຄີກັນ, ຜ່ານການເຄື່ອນໄຫວສະເຫຼີມ ສະຫຼອງວັນບູນ ກຸ່ມກ້ອນມະຫາສາມັກຄີທົ່ວປວງຊົນທັງຊາດ, ພວກເຣົາຈະສາມາດແກ້ໄຂໄດ້ທຸກບັນຫາ, ອີງບົນກຳລັງແຮງຂອງ ປຊຊ ເປັນຕົ້ນ, ຜ່ານນັ້ນຈະເພີ່ມທະວີນ້ຳໃຈສາມັກຄີ, ເຕົ້າໂຮມມະຫາຊົນໄດ້”
ເພີ່ມທະວີ ແລະເສີມຂະຫຍາຍກຳລັງແຮງ ກຸ່ມກ້ອນມະຫາສາມັກຄີທົ່ວປວງຊົນທັງຊາດແມ່ນໜ້າທີ່ຈຸດສຸມ, ເປັນປະຈຳຂອງພັກ, ລັດຫວຽດນາມໃນໄລຍະທີ່ຈະມາເຖິງ. ບັນດາຂັ້ນ, ຂະແໜງການ, ທ້ອງຖິ່ນຕ່າງໆ ສືບຕໍ່ລະດົມກຳລັງໃຈ ປຊຊ ທຸກຊັ້ນຄົນ ເພື່ອປະຕິບັດນ້ຳໃຈມະຫາສາມັກຄີ, ເສີມຂະຫຍາຍກຳລັງແຮງດ້ານພູມປັນຍາ, ຈິດໃຈ ແລະວັດຖຸຂອງຊາວຫວຽດນາມ ຕາມແນວຄິດໂຮ່ຈິມິນ, ສ້າງກຳລັງໜູນໃໝ່ ເພື່ອແຍູ້ແຮງພາລະກິດຫັນປະເທດຊາດເປັນອຸດສາຫະກຳ ແລະທັນສະໄໝເຂົ້າສູ່ລວງເລິກ, ຍົກສູງຊີວິດດ້ານວັດຖຸ ແລະຈິດໃຈໃຫ້ແກ່ ປຊຊ, ສ້າງພື້ນຖານເພື່ອຮອດປີ 2020 ຫວຽດນາມກາຍເປັນປະເທດອຸດສາຫະກຳທັນສະໄໝໂດຍພື້ນຖານ.
ແອງຮ່ວຽນ