(vovworld)- ວັນທີ 29/4, ຢູ່ ນະຄອນ ໂຮ່ຈິມີນ ຈະດຳເນີນກອງປະຊຸມລະຫວ່າງນາຍົກລັດຖະມົນຕີກັບວິສາຫະກິດປີ 2016 ດ້ວຍຫົວຂໍ້: “ວິສາຫະກິດຫວຽດນາມ - ກຳລັງຫນູນພັດທະນາເສດຖະກິດຂອງປະເທດຊາດ.” ນີ້ແມ່ນການໂອ້ລົມສົນທະນາໂດຍກົງຄັ້ງທຳອິດ ລະຫວ່າງນາຍົກລັດຖະມົນຕີກັບປະຊາຄົມວິສາຫະກິດພາຍຫລັງ ທ່ານ ຫງວຽນຊວນຟຸກ ຮັບດຳລົງຕຳແຫນ່ງເປັນ ນາຍົກລັດຖະມົນຕີ. ກອງປະຊຸມໄດ້ຕັ້ງຄວາມຫວັງວ່າຈະຊອກຫາບັນດາມາດຕະການສ້າງສະພາບແວດລ້ອມແຫ່ງການດຳເນີນທຸລະກິດສະດວກທີ່ສຸດໃຫ້ແກ່ວິສາຫະກິດ ເພື່ອໃຫ້ວິສາຫະກິດກາຍເປັນກຳລັງຫນູນໃນການພັດທະນາເສດຖະກິດຂອງປະເທດຊາດຢ່າງແທ້ຈິງ.
ທ່ານນາຍົກລັດຖະມົນຕີ ຫງວຽນຊວນຟຸກ ຈະເປັນປະທານກອງປະຊຸມ
ໂອ້ລົມສົນທະນາກັບວິສາຫະກິດໃນວັນທີ 29/4
ພາບ:vnexpress.ne
|
2 ເນື້ອໃນຕົ້ນຕໍຂອງກອງປະຊຸມ ນັ້ນແມ່ນກຳນົດບັນດາຮົ້ວກີດຂວາງກ່ຽວກັບກົນໄກ, ນະໂຍບາຍ ແລະ ມາດຕະການແກ້ໄຂ, ແກ້ໄຂບັນດາຂໍ້ສະເຫນີແນະ, ແກ້ໄຂບັນດາຄວາມຫຍຸ້ງຍາກຂອງວິສາຫະກິດໃນວິວັດການຜະລິດ, ດຳເນີນທຸລະກິດ, ໃນວິວັດການປະຕິບັດກົດໝາຍ. ທີ່ກອງປະຊຸມຄັ້ງນີ້, ທ່ານນາຍົກລັດຖະມົນຕີ ຫງວຽນຊວນຟຸກ ຈະເປັນສັກຂີພິຍານພິທີເຊັນຄຳໝັ້ນສັນຍາລະຫວ່າງ ການນຳນະຄອນຮ່າໂນ້ຍ, ການນຳນະຄອນ ໂຮ່ຈິມີນ ກັບຫ້ອງການການຄ້າ ແລະ ອຸດສາຫະກຳ ຫວຽດນາມ (VCCI) ກ່ຽວກັບການສ້າງສະພາບແວດລ້ອມແຫ່ງການດຳເນີນທຸລະກິດດີທີ່ສຸດໃຫ້ແກ່ວິສາຫະກິດຢູ່ບໍລິເວນນະຄອນ.
ກອງປະຊຸມໂອ້ລົມສົນທະນາໃນການພັດທະນາວິສາຫະກິດ
ດ້ວຍຮູບການຈັດຕັ້ງການພົບປະໂດຍກົງ ແລະ ຜ່ານທາງເຄືອຂ່າຍອິນເຕີແນັດ, ຄາດວ່າ ຈະມີຜູ້ຕາງຫນ້າວິສາຫະກິດນັບພັນໆຄົນເຂົ້າຮ່ວມກອງປະຊຸມ ກັບທ່ານນາຍົກລັດຖະມົນຕີ ຫງວຽນຊວນຟຸກ. ທີ່ຫໍປະຊຸມ ທົງເຍີດ ນະຄອນ ໂຮ່ຈິມີນ, ມີຜູ້ແທນປະມານ 300 ຄົນ ຊື່ງຕາງຫນ້າໃຫ້ບັນດາວິສາຫະກິດເອກະຊົນ, 50 ວິສາຫະກິດມີເງິນລົງທຶນຂອງຕ່າງປະເທດ ແລະ 20 ສະຫະສະມາຄົມວິສາຫະກິດຄື: ສະຫະສະມາຄົມການຄ້າ ອາເມລິກາ (AmCham) , ຫ້ອງການການຄ້າເອີລົບ (EuroCham). ສ່ວນບັນດາສະຖານທີ່ຖ່າຍທອດສົດທາງໂທລະພາບຢູ່ 62 ແຂວງ, ນະຄອນໃນທົ່ວປະເທດ ຄາດວ່າແຕ່ລະສະຖານທີ່ມີຜູ້ຕາງຫນ້າວິສາຫະກິດ ແຕ່ 50- 100 ຄົນເຂົ້າຮ່ວມ. ຕາມທ່ານ ຫວູຕຽນລົກ, ປະທານຫ້ອງການການຄ້າອຸດສາຫະກຳ ຫວຽດນາມ ແລ້ວ, ປະຊາຄົມວິສາຫະກິດມີຄວາມປິຕິຊົມຊື່ນກ່ຽວກັບເລື່ອງລັດຖະບານ ໄດ້ຈັດຕັ້ງກອງປະຊຸມຄັ້ງນີ້ ແລະ ຖືກອງປະຊຸມກັບນາຍົກລັດຖະມົນຕີແມ່ນກອງປະຊຸມພິເສດມີລັກສະນະປະຊາທິປະໄຕໃນການພັດທະນາວິສາຫະກິດ ແລະ ຢາກກອງປະຊຸມຄືດັ່ງກ່າວຈະຖືກຈັດຂຶ້ນປະຈຳປີ.
“ວິສາຫະກິດປາດຖະຫນາຢາກລັດຖະບານມີໂຄງການດຳເນີນງານ ເພື່ອຊຸກຍູ້ການພັດທະນາຂອງວິສາຫະກິດໃນອາຍຸການ. ກ່ອນອື່ນໝົດ ຫວັງວ່າ ລັດຖະບານຈະພະຍາຍາມຮັກສາເສດຖະກິດມະຫາພາກເປັນປົກກະຕິ, ໄພເງິນເຟີ້ຢູ່ໃນລະດັບສູງສຸດແມ່ນ 4% ຄືດັ່ງມະຕິຂອງສະພາແຫ່ງຊາດໄດ້ວາງອອກ. ພ້ອມກັນນັ້ນ, ລັດຖະບານ ໄດ້ຜັນຂະຫຍາຍບັນດາໂຄງການປົວແປງສະພາບແວດລ້ອມແຫ່ງການລົງທຶນ, ດຳເນີນທຸລະກິດຢ່າງຄົບຊຸດ ເພື່ອໃຫ້ໄລຍະຈະມາເຖິງ ຫວຽດນາມ ແມ່ນຫນຶ່ງໃນຈຳນວນ 4 ປະເທດມີສະພາບແວດລ້ອມແຫ່ງການດຳເນີນທຸລະກິດສະດວກທີ່ສຸດໃນກຸ່ມ ອາຊຽນ. ລັດຖະບານ ກໍຄວນຍູ້ແຮງການຕິດຕາມກວດກາ, ຊຸກຍູ້ການປະຕິບັດກົດໝາຍວ່າດ້ວຍວິສາຫະກິດ, ກົດໝາຍວ່າດ້ວຍການລົງທຶນເພື່ອໃຫ້ ກົດໝາຍ 2 ສະບັບນີ້ເສີມຂະຫຍາຍປະສິດທິຜົນຢ່າງແທ້ຈິງ. ວິສາຫະກິດກໍປາດຖະຫນາຢາກລັດຖະບານ ຍື່ນສະເຫນີຕໍ່ສະພາແຫ່ງຊາດຮັບຮອງເອົາກົດໝາຍວ່າດ້ວຍການຫນູນຊ່ວຍວິສາຫະກິດຂະຫນາດກາງ ແລະ ນ້ອຍ ໂດຍໄວ.”
ການປະຊຸມຂ່າວກ່ອນທີ່ດຳເນີນກອງປະຊຸມໂອ້ລົມສົນທະນາກັບ
ວິສາຫະກິດ
ພາບ:baochinh.vn
|
ທ່ານຫວູຕຽນລົກ ກໍໃຫ້ຮູ້ວ່າ: ການປະຕິຮູບລະບຽບການບໍລິຫານ ແມ່ນສິ່ງສຳຄັນໃນໄລຍະຈະມາເຖິງ ເພາະວ່າ ສິ່ງດັ່ງກ່າວຈະຫລຸດຜ່ອນລາຍຈ່າຍທາງການ ແລະ ບໍ່ທາງການສຳລັບການເຄື່ອນໄຫວດຳເນີນທຸລະກິດຂອງວິສາຫະກິດ. ກໍມີທັດສະນະເຊັ່ນດຽວກັນ, ທ່ານນາງ ຫງວຽນທິຫງວຽດເຮື່ອງ, ສະມາຊິກສະພາແຫ່ງຊາດ ນະຄອນ ຮ່າໂນ້ຍ, ປະທານສະພາບໍລິຫານບໍລິສັດຫຸ້ນສ່ວນລົງທຶນ TNG Holdings ຫວຽດນາມ ຢືນຢັນວ່າ:
“ລັດຖະບານຄວນສຸມໃສ່ປະຕິຮູບພື້ນຖານບໍລິຫານຢ່າງແຮງກວ່າ, ສ້າງກົງຈັກກະທັດລັດ ແລະ ມີປະສິດທິຜົນກວ່າ ເພື່ອສ້າງເງື່ອນໄຂໃຫ້ວິສາຫະກິດຫລຸດຜ່ອນເວລາເຮັດລະບຽບການ, ຫລຸດຜ່ອນລາຍຈ່າຍທາງການ, ຜ່ານນັ້ນ ຫລຸດຜ່ອນລາຄາຜະລິດຕະພັນ. ລັດຖະບານ ຄວນສ້າງໂຄງການພັດທະນາຖັນແຖວນັກທຸລະກິດລະອຽດ ແລະ ມີນະໂຍບາຍສະຫນັບສະຫນູນໃຫ້ການເຄື່ອນໄຫວເລີ່ມປະກອບອາຊີບຂອງຊາວຫນຸ່ມຢ່າງແທດຈິງ.”
ຕັດສິນໃຈແກ້ໄຂຢ່າງຂ້ຽວຂາດບັນດາຄຳສະເຫນີແນະຂອງວິສາຫະກິດ
ເພື່ອຊອກຫາມາດຕະການແກ້ໄຂຂໍ້ຕິດຂັດຂອງວິສາຫະກິດ, ເຂົ້າຮ່ວມກອງປະຊຸມໂອ້ລົມສົນທະນາໃນວັນທີ 29/4, ບໍ່ພຽງແຕ່ມີທ່ານນາຍົກລັດຖະມົນຕີ ແລະ ປະຊາຄົມວິສາຫະກິດເທົ່ານັ້ນ ຫາກຍັງມີທ່ານຮອງນາຍົກລັດຖະມົນຕີ ເວືອງດີງເຫ້ວ, ຮອງນາຍົກລັດຖະມົນຕີ ຈິ້ງດີງຢູງ, ການນຳທຸກກະຊວງ, ອົງການທຽບເທົ່າ, ບັນດາທ້ອງຖິ່ນ, ການນຳຄະນະເສດຖະກິດສູນກາງ, ກຳມາທິການເສດຖະກິດຂອງສະພາແຫ່ງຊາດ, ຄະນະຊີ້ນຳການປ່ຽນໃຫມ່ ແລະ ພັດທະນາວິສາຫະກິດ. ສິ່ງດັ່ງກ່າວແມ່ນແນໃສ່ຊ່ວຍໃຫ້ສູນກາງ, ທ້ອງຖິ່ນ, ບັນດາກະຊວງ, ຂະແຫນງການ ມີການສັງເກດສັງລວມບັນດາຄວາມຫຍຸ້ງຍາກ ຊື່ງວິສາຫະກິດພວມປະເຊີນຫນ້າ, ຈາກນັ້ນ ມີມາດຕະການຢ່າງມີໄຫວພິບ, ສ້າງເງື່ອນໄຂໃຫ້ວິສາຫະກິດພັດທະນາ.
ຕາມທ່ານ ເລແມ້ງຮ່າ, ຮອງຫົວຫນ້າຫ້ອງວ່າການລັດຖະບານ ແລ້ວ, ທີ່ກອງປະຊຸມຄັ້ງນີ້ ບັນດາວິສາຫະກິດອາດຈະລາຍງານຕໍ່ນາຍົກລັດຖະມົນຕີ ບັນດາຂໍ້ຕິດຄັດທີ່ພວມປະສົບໃນວິວັດການດຳເນີນທຸລະກິດຄື: ການປະຕິບັດກົດໝາຍວ່າດ້ວຍວິສາຫະກິດ, ບັນດາຂົງເຂດພາສີອາກອນ, ທີ່ດິນ, ການກໍ່ສ້າງ, ອັດຕາດອກເບ້ຍ, ຄວາມສາມາດສຳຜັດກັບທຶນກູ້ຢືມຫລືບັນດາຂົງເຂດຄົມມະນາຄົມ, ສິ່ງແວດລ້ອມ… ບົນພື້ນຖານນັ້ນ, ພາຍຫລັງກອງປະຊຸມ, ໃນຕອນບ່າຍວັນດຽວກັນ, ທ່ານນາຍົກລັດຖະມົນຕີ ຈະເຮັດວຽກກັບບັນດາກະຊວງ, ຂະແຫນງການ ເພື່ອປຶກສາຫາລືມາດຕະການແກ້ໄຂບັນດາຂໍ້ສະເຫນີແນະຂອງວິສາຫະກິດ. ມີມະຕິຫົວເລື່ອງສະເພາະກ່ຽວກັບວິສາຫະກິດດ້ວຍຊື່ວ່າ: ມະຕິກ່ຽວກັບການຫນູນຊ່ວຍວິສາຫະກິດຫວຽດນາມ ກາຍເປັນກຳລັງຫນູນໃນການພັດທະນາເສດຖະກິດຂອງປະເທດຊາດ ຈະໄດ້ຍື່ນສະເຫນີຕໍ່ລັດຖະບານເພື່ອປືກສາຫາລື ແລະ ຮັບຮອງເອົາໃນຕົ້ນເດືອນ 5 ຈະມາເຖິງ.
ປະຊາຄົມວິສາຫະກິດຫວັງວ່າ ທີ່ກອງປະຊຸມກັບນາຍົກລັດຖະມົນຕີ ຈະຈັດຂຶ້ນໃນວັນທີ 29/4 ຈະມາເຖິງ, ອົງການກ່ຽວຂ້ອງຈະຮັບເອົາບັນດາຄຳສະເຫນີແນະຂອງວິສາຫະກິດ ເພື່ອຊອກທິດທາງແກ້ໄຂລະອຽດ, ປະກອບສ່ວນເພີ່ມກຳລັງແຮງຕໍ່ຈິດໃຈເລີ່ມປະກອບອາຊີບ, ກໍ່ສ້າງວິສາຫະກິດໃຫ້ກາຍເປັນກຳລັງຫນູນໃນການພັດທະນາເສດຖະກິດຂອງປະເທດຊາດຢ່າງແທ້ຈິງ.