(vovworld) - ທີ່ວາລະໄຂກອງປະຊຸມຄັ້ງທີ 4, ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ 12, ວັນທີ 9/10/2016, ທ່ານເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ ມີບົດກ່າວປາໄສສຳຄັນ, ຊີ້ແຈ້ງໜ້າທີ່ຈຸດສຸມທີ່ພັກພວມປະຕິບັດແມ່ນພັດທະນາເສດຖະກິດ - ສັງຄົມ ແລະ ໜ້າທີ່ຫຼັກແຫຼ່ງແມ່ນກໍ່ສ້າງ, ປັບປຸງພັກ. VOV ໄດ້ຄັດສະເໜີບັນດາເນື້ອໃນຕົ້ນຕໍໃນບົດກ່າວປາໄສຂອງທ່ານເລຂາທິການໃຫຍ່ ຫງວຽນຟູ໋ຈ້ອງ.
(ພາບ:
ທ່ານ ເລຂາທິການໃຫຍ່ ຫງວຽນຟູ໋ຈ້ອງ ກ່າວຄຳເຫັນໄຂກອງປະຊຸມ
|
ທີ່ກອງປະຊຸມຄັ້ງທີ 4 ຄັ້ງນີ້, ຄະນະບໍລິຫານງານສູນກາງພັກກອມມູນິດ ຫວຽດນາມ ໄດ້ປຶກສາຫາລື, ປະກອບຄຳເຫັນກ່ຽວກັບສະພາບການພັດທະນາເສດຖະກິດ - ສັງຄົມ, ການປ່ຽນໃໝ່ຮູບແບບການເຕີບໂຕ, ວິວັດທະນາການເຊື່ອມໂຍງເຂົ້າກັບເສດຖະກິດໂລກ… ເນື້ອໃນປຶກສາຫາລືສຳຄັນກ່ວາອີກນັ້ນແມ່ນການເພີ່ມທະວີການກໍ່ສ້າງ, ປັບປຸງພັກ, ສະກັດກັ້ນ, ຍູ້ການຊຸດໂຊມກ່ຽວກັບແນວຄິດການເມືອງ, ຄຸນສົມບັດ, ແບບແຜນການດຳລົງຊີວິດ, ບັນດາປະກົດການ “ຜັນແປເອງ”, “ຫັນປ່ຽນເອງ” ພາຍໃນພັກຫ້ຖອຍໄປ.
ຕີລາຄາສະພາບການພັດທະນາເສດຖະກິດສັງຄົມຢ່າງພາວະວິໄສ,ຮອບດ້ານ
ຕາມທ່ານເລຂາທິການໃຫຍ່ ຫງວຽນຟູ໋ຈ້ອງ ແລ້ວ, ປີ 2016 ແມ່ນປີທຳອິດແຫ່ງການຜັນຂະຫຍາຍປະຕິບັດມະຕິກອງປະຊຸມໃຫຍ່ຄັ້ງທີ 12 ຂອງພັກ, ໄປຄຽງຄູ່ກັບບັນດາກາລະໂອກາດ, ສິ່ງສະດວກ, ກໍ່ປະສົບກັບບັນດາຄວາມຫຍຸ້ງຍາກ, ສິ່ງທ້າທາຍບໍ່ແມ່ນໜ້ອຍ. ທ່ານເລຂາທິການໃຫຍ່ ສະເໜີວ່າ ກອງປະຊຸມສູນກາງ ໄດ້ປຶກສາຫາລື, ຕີລາຄາສະພາບການພັດທະນາເສດຖະກິດ - ສັງຄົມ 9 ເດືອນຕົ້ນປີ ຄາດຄະເນຮອດທ້າຍປີ 2016 ແລະ ນີ້ຢ່າງພາວະວິໄສ, ຮອບດ້ານ:
“ຊີ້ແຈ້ງບັນດາໝາກຜົນ, ຜົນງານທີ່ບັນລຸໄດ້, ບັນດາສິ່ງຈຳກັດ, ຄວາມອ່ອນດ້ອຍທີ່ຍັງຄົງຄ້າງ ແລະ ໄຈ້ແຍກ, ເຮັດແຈ້ງບັນດາສາຍເຫດ. ເອົາໃຈໃສ່ເຖິງການປຽບທຽບກັບບັນດາຄາດໝາຍ, ໜ້າທີ່ທີ່ໄດ້ວາງອອກ, ພິເສດແມ່ນຄາດໝາຍ, ໜ້າທີ່ຮັບປະກັນເສດຖະກິດມະຫາພາກ, ເປັນປົກກະຕິການເຕີບໂຕຢູ່ໃນລະດັບປະມານ 6,7%, ພັດທະນາເສດຖະກິດ - ສັງຄົມ, ເບິ່ງແຍງດູແລຊີວິດການເປັນຢູ່ຂອງປະຊາຊົນ, ຮັບປະກັນຊີວິດສັງຄົມ, ປົກປັກຮັກສາເອກະລາດ, ອະທິປະໄຕແຫ່ງຊາດ, ຄວາມໝັ້ນຄົງທາງດ້ານການເມືອງ ແລະ ຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມ, ຮັກສາສະພາບແວດລ້ອມ ແລະ ສັນຕິພາບ ແລະ ສະຖຽນລະພາບເພື່ອພັດທະນາປະເທດຊາດ.”
ຕາມທ່ານເລຂາທິການໃຫຍ່ ຫງວຽນຟູຈ້ອງແລ້ວ, ບົນພື້ນຖານການໄຈ້ແຍກ, ຄາດຄະເນສິ່ງທີ່ອາດຈະເກີດຂຶ້ນໃນໄລຍະຈະມາເຖິງ, ສູນກາງ ຄວນກຳນົດຢ່າງຈະແຈ້ງຄາດໝາຍສັງລວມ, ບັນດາຕົວເລກຄາດໝາຍພັດທະນາເສດຖະກິດສັງຄົມພື້ນຖານ ແລະ ສຳຄັນທີ່ສຸດໃຫ້ປີ 2017 ແລະ ວາງອອກບັນດາແຜນນະໂຍບາຍ, ນະໂຍບາຍ, ມາດຕະການມີຄວາມເປັນໄປສູງ. ເອົາໃຈໃສ່ເປັນພິເສດເຖິງບັນດານະໂຍບາຍ, ມາດຕະການບຸກທະລຸເພື່ອຄວບຄຸມຫນີ້ສາທາລະນະ, ແກ້ໄຂຫນີ້ເສຍ, ສ້າງໂຄງປະກອບງົບປະມານແຫ່ງລັດຄືນໃຫມ່, ຍູ້ແຮງການສ້າງໂຄງປະກອບການລົງທຶນຂອງລັດ, ບັນດາລັດວິສາຫະກິດ ແລະ ລະບົບທະນາຄານການຄ້າ, ປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດເພື່ອລະດົມ ແລະ ນຳໃຊ້ບັນດາແຫລ່ງກຳລັງຢ່າງມີປະສິດທິຜົນ, ຮັບປະກັນຄວາມດຸ່ນດ່ຽງໃຫຍ່ຂອງພື້ນຖານເສດຖະກິດ.
ກ່ຽວກັບການປ່ຽນໃຫມ່ຮູບແບບການເຕີບໂຕ, ຍົກສູງຄຸນນະພາບການເຕີບໂຕ, ສະມັດຕະພາບແຮງງານ ແລະ ກຳລັງແກ້ງແຍ້ງຂອງພື້ນຖານເສດຖະກິດ, ບັນຫາມີຄວາມໝາຍຍຸດທະສາດ ແລະ ຄວາມສຳຄັນພິເສດ, ຕັດສິນຊີ້ຂາດຜົນສຳເລັດຂອງພາລະກິດປ່ຽນແປງໃຫມ່ ທ່ານເລຂາທິການໃຫຍ່ ຫງວຽນຟູຈ້ອງ ສະເຫນີ: ກອງປະຊຸມສູນກາງຄັ້ງນີ້ ຄວນກຳນົດຢ່າງຈະແຈ້ງ ຮູບແບບການເຕີບໂຕຄວນສູ້ຊົນກໍ່ສ້າງດ້ວຍບັນດາການປ່ຽນແປງໃຫມ່ເມື່ອທຽບໃສ່ຮູບແບບການເຕີບໂຕປະຈຸບັນ.
ກ່ຽວກັບການປະຕິບັດວິວັດການເຊື່ອມໂຍງເຂົ້າກັບສາກົນ, ຮັກສາສະຖຽນລະພາບດ້ານການເມືອງ ສັງຄົມໃນສະພາບການໃຫມ່, ທ່ານເລຂາທິການໃຫຍ່ ຫງວຽນຟູຈ້ອງສະເຫນີ: ສູນກາງ ກຳນົດຢ່າງຊັດເຈນບັນດາກາລະໂອກາດ ແລະ ສິ່ງທ້າທາຍສຳລັບວິວັດການເຊື່ອມໂຍງເຂົ້າກັບເສດຖະກິດໂລກ ແລະ ພາລະກິດສ້າງສາ ປົກປັກຮັກສາປະເທດຊາດໃນໄລຍະ 5-10 ປີຈະມາເຖິງ. ເຮັດແຈ້ງທັດສະນະ, ແນວຄິດຊີ້ນຳ ແລະ ແຜນນະໂຍບາຍ, ນະໂຍບາຍໃຫຍ່ຈຳນວນຫນຶ່ງ ຮັບປະກັນການເຊື່ອມໂຍງເຂົ້າກັບເສດຖະກິດໂລກໃຫ້ສຳເລັດຜົນ ທັງຮັກສາສະຖຽນລະພາບດ້ານການເມືອງ ສັງຄົມ.
ສືບຕໍ່ຢືດໝັ້ນ, ເດັດດ່ຽວປະຕິບັດມະຕິກ່ຽວກັບການກໍ່ສ້າງພັກ
ທ່ານເລຂາທິການໃຫຍ່ ຫງວຽນຟູຈ້ອງ ຊີ້ແຈ້ງການຊີ້ນຳນຳພາຂອງພັກ ແມ່ນປະຖົມປັດໄຈຕົ້ນຕໍໃນການຕັດສິນຊີ້ຂາດທຸກໄຊຊະນະຂອງການປະຕິວັດຫວຽດນາມ, ກໍ່ສ້າງ, ປັບປຸງພັກ ຍາມໃດກໍແມ່ນຫນ້າທີ່ສຳຄັນພິເສດ, ມີຄວາມໝາຍເປັນຕາຍສຳລັບພັກ ແລະ ລະບອບ. ກອງປະຊຸມຄັ້ງນີ້ ຄວນປຶກສາຫາລື, ວາງອອກມະຕິກ່ຽວກັບ “ການເພີ່ມທະວີການກໍ່ສ້າງ, ປັບປຸງພັກ, ສະກັດກັ້ນ, ຍູ້ການເສື່ອມທາດຂາດຄຸນກ່ຽວກັບແນວຄິດການເມືອງ, ຄຸນສົມບັດ, ແບບແຜນການດຳລົງຊີວິດ, ບັນດາປະກົດການ “ຜັນແປເອງ”, “ຫັນປ່ຽນເອງ”ຢູ່ພາຍໃນໃຫ້ຖອຍໄປ.
“ບົນພື້ນຖານສືບທອດບັນດາມະຕິຂອງສູນກາງກ່ອນນີ້, ພິເສດແມ່ນມະຕິສູນກາງພັກຄັ້ງທີ 4 ຊຸດທີ 11, ສະເຫນີການຄົ້ນຄ້ວາເພີ່ມເຕີມ, ເຮັດແຈ້ງການເສື່ອມທາດຂາດຄຸນດ້ານແນວຄິດການເມືອງ, ຄຸນສົມບັດ, ແບບແຜນການດຳລົງຊີວິດຄືແນວໃດ?”
ທ່ານເລຂາທິການໃຫຍ່ ຫງວຽນຟູຈ້ອງ ສະເຫນີ: ກອງປະຊຸມສູນກາງຄັ້ງນີ້ຕ້ອງລົງເລິກໄຈ້ແຍກຢ່າງ , ເຮັດແຈ້ງ, ວາງອອກບັນດາມາດຕະການຢ່າງມີປະສິດທິຜົນເພື່ອໃຫ້ວຽກງານກໍ່ສ້າງພັກມີການຫັນປ່ຽນຢ່າງຕັ້ງຫນ້າ.