(vovworld)- ການປະຕິບັດມະຕິສູນກາງພັກຄັ້ງທີ 4 ຊຸດທີ 11 “ບາງບັນຫາຮີບດ່ວນໃນການກໍ່ສ້າງພັກປະຈຸບັນ” ໃນໄລຍະຫນຶ່ງປີຜ່ານມາ ໄດ້ປະກອບສ່ວນປັບປຸງ, ຍົກສູງກຳລັງຄວາມສາມາດຂອງພັກ ແລະ ສ້າງຄວາມເຫັນດີເຫັນພ້ອມໃນວຽກງານກໍ່ສ້າງພັກ. ພາຍຫລັງຫນຶ່ງປີແຫ່ງການຜັນຂະຫຍາຍບັ້ນດຳເນີນຊີວິດການເມືອງຢ່າງເລິກເຊິ່ງ ແລະ ກວ້າງຂວາງໃນທົ່ວພັກ, ຄວາມຮັບຮູ້ຂອງພະນັກງານ, ສະມາຊິກພັກແຕ່ລະຄົນກ່ຽວກັບວຽກງານກໍ່ສ້າງພັກໄດ້ຮັບການຍົກສູງເທື່ອລະກ້າວ, ໝູ່ຄະນະ, ພະນັກງານ, ສະມາຊິກພັກແຕ່ລະຄົນໄດ້ມີມາດຕະການລະອຽດເພື່ອປະຕິບັດການກໍ່ສ້າງພັກຕາມເນື້ອໃນຈິດໃຈມະຕິສູນກາງພັກຄັ້ງທີ 4 ຢ່າງເຂັ້ມງວດ.
ກອງປະຊຸມຊາບຊືມມະຕິສູນກາງພັກຄັ້ງທີ 4
ພາບ:internet
|
ມະຕິສູນກາງພັກຄັ້ງທີ 4 ຊຸດທີ 11 ຂອງຄະນະບໍລິຫານງານສູນກາງພັກກອມມູນິດ ຫວຽດນາມ ມີລັກສະນະຕໍ່ສູ້ສູງ, ຕອບສະຫນອງຄວາມມຸ້ງມາດປາດຖະຫນາຂອງທົ່ວປວງຊົນ, ທົ່ວພັກ ດ້ວຍບັນດາມາດຕະການລະອຽດ ຊຶ່ງເນື້ອໃນຈຸດສຸມ ແລະ ປະຕິບັດຕະຫລອດນັ້ນແມ່ນການປັບປຸງພັກຈາກສູນກາງລົງຮອດທ້ອງຖິ່ນ. ວິທີປະຕິບັດແມ່ນສະແດງໃຫ້ເຫັນຄຸນນະທາດຂອງພັກດ້ວຍຄວາມຕັດສິນໃຈເຮັດໃຫ້ພັກມີຄວາມໂປ່ງໃສ, ຕີລາຄາດ້ານດີດ້ານອອ່ນຢ່າງກົງໄປກົງມາເພື່ອປັບປຸງ, ແກ້ໄຂ. ພາຍຫລັງມີມະຕິສູນກາງພັກ, ກົມການເມືອງ, ຄະນະເລຂາສູນກາງພັກໄດ້ປະກາດໃຊ້ບັນດາເອກະສານຊີ້ນຳ, ແນະນຳຢ່າງຄົບຊຸດເພື່ອກົມການເມືອງ, ຄະນະເລຂາດຳເນີນການສຳຫລວດກວດຄືນແຕ່ລະໝູ່ຄະນະ ແລະ ສ່ວນບຸກຄົນ ດ້ວຍຈິດໃຈປະຕິບັດເປັນເອກະພາບໃນທ່ົວພັກ, ດ້ວຍໄລຍະອັນລະອຽດ, ຕີລາຄາຄວາມຈິງຢ່າງກົງໄປກົງມາ, ບໍ່ຈົ່ງຈຽມກັນ, ຫລົບຫລີກ, ຍົກໃຫ້ເຫັນສິ່ງເຮັດໄດ້ ແລະ ເຮັດບໍ່ທັນໄດ້, ນັບທັງບັນດາບັນຫາມີຄວາມຮັບຜິດຊອບຂອງອາຍຸການກ່ອນ. ທຸກບັນຫາລ້ວນແຕ່ຖືກຍົກອອກມາເພື່ອໄຈ້ແຍກ ແລະ ມີການສະຫລຸບຢ່າງຈະແຈ້ງ, ໂປ່ງໃສ. ພາຍຫລັງສຳຫວດກວດຄືນ, ຮັບຟັງ ແລະ ຮັບເອົາຄຳເຫັນປະກອບແລ້ວ, ກຳມະການກົມການເມືອງ, ຄະນະເລຂາສູນກາງພັກແຕ່ລະທ່ານລ້ວນແຕ່ເຫັນໄດ້ຄວາມຮັບຜິດຊອບໃນຕຳແຫນ່ງທີ່ຕົນເອງໄດ້ ແລະ ພວມຮັບຜິດຊອບ, ມີແຜນການເສີມຂະຫຍາຍດ້ານດີ, ແກ້ໄຂຂໍ້ຂາດຕົກບົກຜ່ອງພາຍໃຕ້ການຕິດຕາມຢ່າງໃກ້ຊິດຂອງໝູ່ຄະນະ. ບັນດາທ່າທີ່ກ້າຮັບຂໍ້ຂາດຕົກບົກຜ່ອງຂອງກົມການເມືອງ, ຄະນະເລຂາສູນກາງພັກໃນເບື້ອງຕົ້ນໄດ້ແຜ່ຂະຫຍາຍຢ່າງແຂງແຮງ. ຫລັງຈາກນັ້ນ, ບັນດາຫນ່ວຍພັກ, ຄະນະກຳມະການພັກ, ຄະນະປະຈຳພັກ, ການນຳບັນດາອົງການ, ຫົວຫນ່ວຍຢູ່ສູນກາງ, ຄະນະປະຈຳ ແລະ ການນຳຄະນະພັກແຂວງ, ຄະນະພັກນະຄອນທີ່ຂຶ້ນກັບສູນກາງໄດ້ດຳເນີນການສຳຫລວດກວດຄືນ, ຕຳນິຕິຊົມຕົນເອງ ແລະ ຕຳນິຕິຊົມເພື່ອນສະຫາຍ. ທ່ານເລແຄງເຈົາ, ເລຂາຫນ່ວຍພັກ 10 ຕາແສງ ເຕືອງມາຍ, ເມືອງຮ່ວາງມາຍ ນະຄອນ ຮ່າໂນ້ຍ ໄດ້ໃຫ້ຂໍ້ສັງເກດວ່າ:
“ບໍ່ມີໃຜເຮັດໃຫ້ຕົນເອງ ແລະ ເຮັດໃຫ້ພັກມີຄວາມປອດໃສນອກເຫນືອຕົວເອງເຮັດ. ສິ່ງສຳຄັນແມ່ນທ່າທີ່ຂອງຕົນສຳລັບດ້ານດີດ້ານອ່ອນຂອງຕົນເອງ. ຂ້າພະເຈົ້າຄິດວ່າ ທ່າທີ່ຂອງສະມາຊິກພັກສຳລັບມະຕິສູນກາງພັກຄັ້ງທີ 4, ທ່າທີ່ຂອງສະມາຊິກພັກສຳລັບພັກແມ່ນບັນຫາສຳຄັນກວ່າໝູ່ໃນການປະຕິບັດມະຕິສູນກາງພັກ.”
ໃນວິວັດການກະກຽມ ແລະ ປະຕິບັດມະຕິສູນກາງພັກຄັ້ງທີ 4 ໄດ້ກາຍເປັນບັ້ນດຳເນີນຊີວິດການເມືອງຢ່າງເລິກເຊິ່ງ ແລະ ກວ້າງຂວາງໃນທົ່ວພັກ, ປະກອບສ່ວນປັບປຸງ, ຍົກສູງ ແລະ ສ້າງຄວາມເຫັນດີເຫັນພ້ອມດ້ານແນວຄິດຢູ່ຄະນະພັກຂັ້ນຕ່າງໆ, ອົງການຈັດຕັ້ງພັກ ແລະ ຖັນແຖວພະນັກງານ, ສະມາຊິກພັກ, ເຫັນໄດ້ລັກສະນະຮີບດ່ວນຢ່າງຈະແຈ້ງ ແລະ ຄວາມຈຳເປັນຕ້ອງປັບປຸງພັກ. ຫລາຍທ້ອງຖິ່ນມີວິທີເຮັດຢ່າງມີຫົວຄິດປະດິດສ້າງຄື: ແຂວງດົ່ງນາຍປະຕິບັດການຮັບເອົາຄຳເຫັນປະກອບຈາກປະຊາຊົນເປັນລະບົບ; ນະຄອນໂຮ່ຈິມິນ ໄດ້ວາງອອກ 6 ໝວດມາດຕະການ ດ້ວຍ 52 ຫນ້າວຽກລະອຽດ; ນະຄອນ ດາຫນັງ, ບີ່ງດີ້ງ, ກອນຕູມ, ກວ໋າງບີ່ງ, ເທື່ອທຽນເຫ້ວ, ດັກລັກ, ຟູອຽນ, ແຄງຮ່ວາ ໄດ້ສົມທົບກັນປະຕິບັດມະຕິສູນກາງພັກຄັ້ງທີ 4 ດ້ວຍການຊາບຊືມ, ອົບຮົມວຽກງານກວດກາ, ຕິດຕາມກວດກາ ແລະ ປະຕິບັດວິໄນໃນພັກ. ໃນວິວັດການສຳຫລວດກວດຄືນ, ການຕຳນິຕິຊົມຕົນເອງ ແລະ ຕຳນິຕິຊົມເພື່ອນສະຫາຍຢ່າງກົງໄປກົງມາ, ຊື່ສັດໄດ້ເພີ່ມທະວີຄວາມສາມັກຄີ, ເປັນເອກະພາບໃນພັກ. ຄະນະພັກທຸກຂັ້ນ, ອົງການຈັດຕັ້ງພັກ ແລະ ພະນັກງານ, ສະມາຊິກພັກຕ້ອງຕີລາຄາຕົນເອງຄືນ, ຜ່ານນັ້ນປັບປຸງແນວຄິດ, ການກະທຳ ແລະ ມີມາດຕະການລະອຽດເພື່ອແກ້ໄຂ, ປັບປຸງຂໍ້ຂາດຕົກບົກຜ່ອງ. ກ່ຽວກັບວິທີປະຕິບັດນີ້, ທ່ານ ຟ້າມເທຢວຽດ, ອະດີດຜູ້ປະຈການຳກົມການເມືອງ, ອະດີດປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຕີລາຄາວ່າ:
“ຜ່ານແຕ່ລະຂັ້ນຕອນ, ວິທິປະຕິບັດ, ຂ້າພະເຈົ້າເຫັນວ່າ ສູນກາງເຮັດຄືແນວນັ້ນແມ່ນສະແດງໃຫ້ເຫັນທ່າທີ່, ຄວາມຮັບຜິດຊອບ ແລະ ສຸມໃສ່ບັນດາຂົງເຂດທີ່ສຳຄັນກ່ຽວກັບການກໍ່ສ້າງປັບປຸງພັກ, ປັບປຸງລະບົບອົງການຈັດຕັ້ງ, ແກ້ໄຂສິ່ງທີ່ຜິດພາດ, ເຫດການທີ່ເກີດຂຶ້ນຢູ່ບັນດາທ້ອງຖິ່ນ, ຢູ່ສູນກາງ. ການຕຳນິຕິຊົມຕົນເອງ ແລະ ຕຳນິຕິຊົມເພື່ອນສະຫາຍແມ່ນໂອກາດເພື່ອສຳຫລວດກວດຄືນ, ເຮັດແຈ້ງ ເພື່ອປັບປຸງ, ແກ້ໄຂ.”
ພາຍຫລັງປະຕິບັດການຕຳນິຕິຊົມຕົນເອງ ແລະ ຕຳນິຕິຊົມເພື່ອນສະຫາຍ, ຈາກສູນກາງລົງຮອດຄະນະພັກຂັ້ນທ້ອງຖິ່ນ ໄດ້ ແລະ ພວມຕັ້ງຫນ້າປັບປຸງ, ແກ້ໄຂຂໍ້ຂາດຕົກບົກຜ່ອງ ດ້ວຍວຽກງານລະອຽດຕ່າງໆ, ແທດຈິງ ມີປະສິດທິຜົນຄື: ກົມການເມືອງໄດ້ສັບຊ້ອນ, ຍົກຍ້າຍພະນັກງານຂັ້ນສູງຈຳນວນຫນຶ່ງ, ຄະນະກຳມະການກວດກາສູນກາງ ໄດ້ລົງກວດກາ, ພິຈາລະນາ, ລົງວິໄນພະນັກງານຂັ້ນກະຊວງ, ຂະແຫນງການ, ຄະນະພັກແຂວງ, ຄະນະພັກນະຄອນຈຳນວນຫນຶ່ງ, ສູນກາງໄດ້ສ້າງຕັ້ງຄະນະວຽກງານການເມືອງພາຍໃນ ແລະ ຄະນະເສດຖະກິດຄືນໃຫມ່, ສ້າງຕັ້ງຄະນະຊີ້ນຳກ່ຽວກັບການປ້ອງກັນ ແລະ ຕ້ານການສໍ້ລາດບັງຫລວງ, ຊີ້ນຳການເພີ່ມເຕີມ, ປັບປຸງກົດໝາຍດວ່າດ້ວຍການປ້ອງກັນ ແລະ ຕ້ານການສໍ້ລາດບັງຫລວງ, ຜັນຂະຫຍາຍການວາງແຜນສັບຊ້ອນພະນັກງານຂອງຄະນະບໍລິຫານສູນກາງພັກ, ກົມການເມືອງ, ຄະນະເລຂາສູນກາງພັກ, ບັນດາຕຳແຫນ່ງຫລັກແຫລ່ງຂອງພັກ, ລັດ ອາຍຸການ 2016 - 2021 ແລະ ອາຍຸການຕໍ່ໄປ.
ການປະຕິບັດມະຕິສູນກາງພັກຄັ້ງທີ 4 ບໍ່ພຽງແຕ່ປະຕິດບັດເທື່ອຫນຶ່ງ ຫາກຕ້ອງປະຕິບັດເປັນປະຈຳ, ລຽນຕິດ, ຍາວນານ ສຳລັບແຕ່ອົງການຮາກຖານພັກກໍຄືພະນັກງານ, ສະມາຊິກພັກແຕ່ລະຄົນ. ເຮັດຄືແນວນັ້ນ, ພະນັກງານ, ສະມາຊິກພັກຈຶ່ງມີເງື່ອນໄຂປະກອບຄຳເຫັນເຊິ່ງກັນແລະກັນ, ເຫັນໄດ້ຂໍ້ຂາດຕົກບົກຜ່ອງເພື່ອດັດແກ້ຢ່າງທັນການ. ສິ່ງດັ່ງກ່າວປະກອບສ່ວນປ່ຽນແປງແນວຄິດ ແລະ ການກະທຳຂອງພະນັກງານ, ສະມາຊິກພັກ, ປັບປຸງຈິດໃຈຄວາມຮັບຜິດຊອບຂອງແຕ່ລະຄົນໃນແຕ່ລະຖານະຕຳແຫນ່ງວຽກງານ. ນີ້ກໍແມ່ນພື້ນຖານສຳຄັນເພື່ອກໍ່ສ້າງ, ບຳລຸງສ້າງແຫລ່ງພະນັກງານ ຕອບສະຫນອງຄວາມຮຽກຮ້ອງຕ້ອງການຂອງການຊີ້ນຳນຳພາປະເທດຊາດພັດທະນາໃນໄລຍະໃຫມ່.