 ຫ້ອງວາງສະແດງ 3D (ພາບ: ຫໍພິພິທະພັນ ປະຫວັດສາດ ແຫ່ງຊາດ) |
ໂດຍແມ່ນໜຶ່ງໃນບັນດາຫໍພິພິທະພັນແຫ່ງທຳອິດຢູ່ ຫວຽດນາມ ທີ່ໝູນໃຊ້ການຫັນເປັນດີຈີຕອນໃນບັນດາການເຄື່ອນໄຫວວາງສະແດງ, ຫໍພິພິທະພັນປະຫວັດສາດ ແຫ່ງຊາດ ໄດ້ປະສານສົມທົບກັບບັນດານັກເຕັກນິກໜຸ່ມຂອງບໍລິສັດ Vietsoft pro ແນະນຳບັນດາການໝູນໃຊ້ເຕັກໂນໂລຢີເຖິງມະຫາຊົນ. ເຂົ້າຮ່ວມວິວັດການຫັນຫໍພິພິທະພັນເປັນດີຈີຕອນ, ນັກວິສະວະກອນ ຈ້ອງບັ່ງ ຖືວ່າ ການໝູນໃຊ້ເຕັກໂນໂລຢີທີ່ກ້າວໜ້າໄດ້ຊ່ວຍໃຫ້ແຂກເຂົ້າຊົມຫໍພິພິທະພັນມີການຄົ້ນຫາຢ່າງຮອບດ້ານກ່ວາ.
ແທນທີ່ການອ່ານບັນດາຄຳອະທິບາຍຂອງວັດຖຸພັນແບບທຳມະດາ, ແຂກທ່ອງທ່ຽວອາດຈະນຳໃຊ້ສມາດໂຟນ ແລະ scan ລະຫັດ QR, ຜ່ານນັ້ນ ກໍ່ຂຸດຄົ້ນຂໍ້ມູນຕື່ມອີກ, ຮັບຟັງການອະທິບາຍແບບອັດຕະໂນມັດ ຫຼືສຳຜັດກັບວັດຖຸພັນແບບ 3 ມິຕິ, ພິເສດແມ່ນ ເນື້ອໃນ ແລະ ຮູບແບບໄດ້ຮັບການອັບເດດຢ່າງຕໍ່ເນື່ອງ, ບໍ່ຖືກຈຳກັດຍ້ອນສະຖານທີ່ ແລະ ວັນເວລາ.
ບໍ່ພຽງແຕ່ໄດ້ຮັບຊົມບັນດາສະຖານທີ່ວາງສະແດງທີ່ມີຊີວິດຊີວາຂອງຫໍພິພິທະພັນ 3ມິຕິ ເທົ່ານັ້ນ, ມະຫາຊົນຍັງໄດ້ຮັບຊົມວັດຖຸພັນອັນປະເສີດລະດັບຊາດ 20 ຢ່າງທີ່ພວມໄດ້ວາງສະແດງຢູ່ຫໍພິພິທະພັນໃນເວັບໄຊ: Baovatquocgia.baotangso.com ອີກດ້ວຍ. ນະທີ່ນີ້, ບັນດາວັດຖຸປະເສີດເປັນດີຈີຕອນ ແລະ ນຳເຂົ້າສູ່ພື້ນຖານດີຈີຕອນດ້ວຍບັນດາຂໍ້ມູນທີ່ຄົບຖ້ວນ, ລະອຽດພ້ອມກັບການອະທິບາຍ, ແນະນຳເພື່ອໃຫ້ທຸກເປົ້າໝາຍລ້ວນແຕ່ສາມາດສຳຜັດໄດ້.
ບັນດາຮ່ອງຮອຍສະຖານປະຫວັດສາດ, ສິ່ງລ້ຳຄ່າ, ວັດຖຸພັນໄດ້ຮັບການສ້າງຂຶ້ນຄືນໃໝ່ດ້ວຍເຕັກໂນໂລຢີທີ່ກ້າວໜ້າທີ່ສຸດ ໄດ້ເຮັດໃຫ້ມໍລະດົກ ແລະ ເຕັກໂນໂລຢີຟື້ນຟູຄືນໃໝ່ ເຮັດໃຫ້ມັນມີຄວາມດູດດື່ມຕໍ່ມະຫາຊົນ, ລຸ້ນໜຸ່ມປັດຈຸບັນຈະມີການສັງເກດທີ່ມີຊີວິດຊີວາສຳລັບມໍລະດົກ, ກ່ຽວກັບປະຫວັດສາດຂອງຊາດ. ພ້ອມກັບຫໍພິພິທະພັນແຫ່ງຊາດ, ໃນໄລຍະຜ່ານມາ ເປັນຕົ້ນແມ່ນໄລຍະເກີດພະຍາດໂຄວິດ - 19 ແລະ ພາຍຫຼັງພະຍາດໂຄວິດ - 19, ມີຫໍພິພິທະພັນຫຼາຍແຫ່ງກໍ່ຍູ້ແຮງການຫັນເປັນດີຈີຕອນເທື່ອລະກ້າວ, ນຳໃຊ້ເຕັກໂນໂລຢີປ່ຽນແປງວິທີການວາງສະແດງ…
ການຫັນເປັນດີຈີຕອນ, ອະນຸລັກຮັກສາມໍລະດົກແມ່ນຮັກສາໃຫ້ແກ່ຄົນລຸ້ນຫຼັງ. ທ່ານ ຮອງສາດສະດາຈານ, ປ.ອ ບຸຍຮວ່າຍເຊີນ ກຳມະການປະຈຳ ກຳມາທິການວັດທະນະທຳ, ການສຶກສາຂອງສະພາແຫ່ງຊາດ ຖືວ່າ:
ຂ້າພະເຈົ້າຕີລາຄາຢູ່ລະດັບສູງທີ່ສຸດຕໍ່ບັນດາຄວາມມານະພະຍາຍາມຂອງໄວໜຸ່ມໃນບັນດາໂຄງການຫັນມໍລະດົກເປັນດີຈີຕອນ. ພວກເຮົາພວມດຳລົງຊີວິດໃນໂລກດີຈີຕອນ. ບັນດາຄວາມມານະພະຍາຍາມນີ້ ຊ່ວຍສ້າງພະລັງຊີວິດໃໝ່ໃຫ້ແກ່ມໍລະດົກວັດທະນະທຳເຮັດໃຫ້ມໍລະດົກວັດທະນະທຳມີຄວາມດຶງດູດກວ່າ, ໃກ້ຊິດກວ່າ ແລະ ມີຈຸດຢືນທີ່ໝັ້ນແກ່ນກວ່າໃນສະພາບການສັງຄົມປັດຈຸບັນ. ຈາກນັ້ນ, ພວກເຮົາອາດຈະຂຸດຄົ້ນທ່າໄດ້ປຽບຫຼາຍຢ່າງຈາກມໍລະດົກທີ່ໄດ້ຫັນເປັນດີຈີຕອນຄັ້ງນີ້.
ດ້ວຍທ່າແຮງກ່ຽວກັບເຕັກໂນໂລຢີ, ໄວໜຸ່ມປັດຈຸບັນ ພວມພ້ອມກັນນຳຮູບແບບທີ່ໃໝ່ອ່ຽມມາໃຫ້ຄຸນຄ່າໃນເມື່ອກ່ອນຊ່ວຍໃຫ້ວັດທະນະທຳພື້ນເມືອງສະແດງໃຫ້ເຫັນຄຸນຄ່າທີ່ບໍ່ສາມາດຂາດໄດ້ໃນກະແສຍຸກປັດຈຸບັນ. ອ້າຍດັ່ງຟານດຽບ, ຜູ້ອຳນວຍການຝ່າຍເຕັກນິກ ບໍລິສັດ Vietsoft pro ໃຫ້ຂໍ້ສັງເກດວ່າ:
ຂໍ້ມູນດີຈີຕອນ ຊ່ວຍການເກັບຮັກສາມີຄວາມສະດວກກວ່າ, ຍາວນານກວ່າ ແລະໄດ້ປະຕິບັດເປັນຢ່າງດີກວ່າ. ພວກເຮົາອາດຈະຫັນບັນດາຂໍ້ມູນດີຈີຕອນນີ້ມີຄວາມດຶງດູດກວ່າ. ຂ້າພະເຈົ້າເຊື່ອໝັ້ນວ່າ ຈາກຄວາມຈູບຈ້າວ, ພວກເພື່ອນໜຸ່ມອາດຈະມີຄວາມຕັດສິນໃຈຕື່ມອີກໃນການອະນຸລັກຮັກສາມໍລະດົກວັດທະນະທຳ ແລະ ຂ້າພະເຈົ້າກໍ່ເຫັນໄດ້ວ່າ ຈຸດດີນັ້ນອາດຈະສ້າງບັນດາຜະລິດຕະພັນໃໝ່ຈາກບັນດາຜົນສຳເລັດຂອງວິທະຍາສາດເຕັກໂນໂລຢີ.
 ທ່ານ ຮອງສາດສະດາຈານ, ປ.ອ ບຸຍຮວ່າຍເຊີນ ກຳມະການປະຈຳ ກຳມາທິການວັດທະນະທຳ, ການສຶກສາຂອງສະພາແຫ່ງຊາດ |
ບໍ່ພຽງແຕ່ຫັນມໍລະດົກເປັນດີຈີຕອນ, ດ້ວຍຫົວຄິດປະດິດສ້າງ ແລະ ນ້ຳໃຈຄວາມຮັກແພງຕໍ່ມໍລະດົກຂອງຊາດ, ຊາວໜຸ່ມໃນປັດຈຸບັນມີຫຼາຍວິທີການທີ່ໃໝ່ອ່ຽມ ເມື່ອປະສົມປະສານລະຫວ່າງແບບມູນເຊື້ອກັບທັນສະໄໝ. ບັນດາກຸ່ມນີ້ໄດ້ດຶງດູດການເຂົ້າຮ່ວມຂອງສະມາຊິກເປັນຈຳນວນຫຼາຍ, ຈາກນັ້ນກໍ່ແຜ່ຂະຫຍາຍຄຸນຄ່າທາງດ້ານວັດທະນະທຳທີ່ເປັນມູນເຊື້ອຂອງຊາດ, ປຸກລຸກນ້ຳໃຈຮັກຫອມບັນດາມໍລະດົກຂອງຄົນລຸ້ນກ່ອນ. ທ່ານບຸຍຮ່ວາຍເຊີນ ໃຫ້ຮູ້ວ່າ:
ບັນດາລວດລາຍໃນເມື່ອກ່ອນໄດ້ຕ່ຳຢ່າງລະອຽດລະອໍ. ເພາະສະນັ້ນ, ພວກຂ້າພະເຈົ້າໄດ້ນຳໃຊ້ເຕັກໂນໂລຢີພິມທີ່ທັນສະໄໝໃນການອອກແບບຊຸດອາພອນຫວຽດເດີມເພື່ອເຮັດໃຫ້ຮູບພາບຂອງຜະລິດຕະພັນຍັງຮັກສາໄດ້ຮູບຮ່າງ, ລວດລາຍ.
ໄວໜຸ່ມ, ພະລັງປະດິດຄິດສ້າງ, ຄວາມຮູ້ກ່ຽວກັບເຕັກໂນໂລຢີ ແລະ ນ້ຳໃຈຕໍ່ວັດທະນະທຳຂອງຊາດແມ່ນບັນດາປັດໄຈສຳຄັນເພື່ອໃຫ້ຊາວໜຸ່ມຫວຽດ ຜ່ານຜ່າບັນດາສິ່ງທ້າທາຍໃນວຽກງານອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າວັດທະນະທຳອັນດີງາມຂອງຊາດ.