ບົດບັນທຶກສົງຄາມ ເດືອນ 1-2-3-4 ປີ 1975 ແມ່ນຫົວເລື່ອງຂອງປຶ້ມນະວະນິຍາຍປະຫວັດສາດຂອງນັກຂ່າວ ເຈີນມາຍແຫ້ງ ຊຶ່ງຫາກໍສະເໜີຕໍ່ຜູ້ອ່ານທົ່ວປະເທດ. ບັນດາເລື່ອງລາວປະຫວັດສາດໄດ້ຖືກເລົ່າຄືນໃນບົດປະພັນ ຊ່ວຍໃຫ້ຜູ້ອ່ານຮູ້ສຶກໄດ້ເຖິງຄວາມຟົດເດືອດໃນຊຸມວັນສຸດທ້າຍຂອງການຕໍ່ຕ້ານຕ້ານອາເມລິກາກູ້ຊາດຂອງຊາດຫວຽດນາມ. ປຶ້ມນະວະນິຍາຍຫົວນີ້ ໄດ້ສ່ອງແສງເຖິງການສັງເກດດ້ວຍຄວາມຍຸດຕິທຳຂອງນັກຂ່າວຜູ້ໜຶ່ງ ຊຶ່ງແມ່ນຕົວພະຍານປະຫວັດສາດກ່ຽວກັບໄລຍະປະຫວັດສາດທີ່ເຈັບປວດ ແລະ ສະຫງ່າອົງອົງຂອງປະຊາຊົນຫວຽດນາມ.
ນັກຂ່າວ ເຈີນມາຍແຫ້ງ |
ບົດບັນທຶກສົງຄາມ ເດືອນ 1-2-3-4 ປີ 1975 ຊຶ່ງແມ່ນຫົວເລື່ອງຂອງປຶ້ມນະວະນິຍາຍ ທີ່ເວົ້າເຖິງຊຸມວັນພັງທະລາຍຂອງອຳນາດການປົກຄອງ ຫງວຽນວັນຖ້ຽວ ໃນ 4 ເດືອນສຸດທ້າຍຂອງສົງຄາມ ຄືໃນເດືອນ 1-2-3-4 ປີ 1975. ນັກກະວີ ຫິ້ວຖິງ ປະທານສະມາຄົມນັກປະພັນວັນນະຄະດີຫວຽດນາມ ຖືວ່າ ບົດປະພັນຂອງ ນັກຂ່າວ ເຈີນມາຍແຫ້ງ ໄດ້ວາດພາບຢ່າງມີຊີວິດຊີວາເຖິງການລົ້ມເຫຼວ, ຮູບພາບຂອງນາຍທະຫານເກືອບທັງໝົດ ແລະ ຊາຕະກຳຂອງບັນດາຜູ້ກຳອຳນາດໃນອຳນາດການປົກຄອງຫຸ່ນໄຊງ່ອນໃນ 4 ເດືອນສຸດທ້າຍຂອງການຕໍ່ຕ້ານຕ້ານອາເມລິກາກູ້ຊາດຂອງຊາດຫວຽດນາມໂດຍພາຍໃຕ້ການນຳພາຂອງພັກກອມມູນິດຫວຽດນາມ.
ທ່ານ ເຈີນມາຍແຫ້ງ ໃນອະດີດແມ່ນນັກຂ່າວສະໜາມຮົບພາກໃຕ້ຂອງສຳນັກຂ່າວ ສານຫວຽດນາມ, ຕົ້ນປີ 1975, ນັກຂ່າວ ເຈີນມາຍແຫ້ງ ໄດ້ຕິດຕາມບັນດາກອງກຳລັງທະຫານຫຼວງບຸກເຂົ້າປົດປ່ອຍບັນດານະຄອນ, ເທດສະບານຈາກ ເຫ້ວລົງຮອດໄຊງ່ອນ ແລະ ໂຊກດີ, ທ່ານໄດ້ເຫັນປະຈັກຕາຈຸດເວລາປະຫວັດສາດເມື່ອຕອນທຽງວັນທີ 30/4/1975 ຢູ່ທຳນຽບເອກະລາດ. ສຳລັບທ່ານແລ້ວ, ນີ້ແມ່ນໂອກາດທີ່ດີໃນປະຫວັດສາດ ແລະ ໃນການດຳລົງຊີວິດ. ນີ້ແມ່ນປັດໄຈທີ່ສຳຄັນເພື່ອຊ່ວຍທ່ານແຕ່ງປຶ້ມຫົວນີ້ໄດ້. ນັກຂ່າວ ເຈີນມາຍແຫ້ງ ໃຫ້ຮູ້ວ່າ :
“ ຂ້າພະເຈົ້າມີເຈດຈຳນົງແຕ່ງປຶ້ມຫົວນີ້ ນັບແຕ່ຈຸດເວລາທຳອິດເມື່ອໄຊງ່ອນໄດ້ຮັບການປົດປ່ອຍ. ດັ່ງນັ້ນ, ຂ້າພະເຈົ້າໄດ້ພະຍາຍາມຈົດບັນທຶກໄວ້ທຸກສິ່ງທຸກຢ່າງທີ່ຕົນໄດ້ເຫັນປະຈັກຕາ. ນັ້ນແມ່ນທຸກສິ່ງໄດ້ຜ່ານພົ້ນໄປ ແຕ່ກໍເປັນສິ່ງໃນວັນນີ້ ”
ແນວຄວາມຄິດແຕ່ງປຶ້ມນະວະນິຍາຍຫົວນີ້ ໄດ້ມີມາແຕ່ດົນນານ, ແຕ່ພາຍຫຼັງເກືອບ 40 ປີ, ປຶ້ມນະວະນິຍາຍໜາເກືອບ 500 ໜ້າ, ປະກອບດ້ວຍ 19 ພາກ ທີ່ພາດຫົວຂໍ້ “ບົດບັນທຶກສົງຄາມ ເດືອນ 1-2-3-4 ປີ 1975 ” ໄດ້ຖືກສະເໜີຕໍ່ຜູ້ອ່ານ. ຊ່ວງເວລານັ້ນ ກໍແມ່ນໄລຍະເພື່ອໃຫ້ນັກປະພັນເລືອກເຟັ້ນ, ມີການສັງເກດໂດຍພາວະວິໄສ. ນັກຂ່າວ ເຈີນມາຍແຫ້ງ ຫວນຄືນວ່າ :
“ ຮອດປີ 2012, ຂ້າພະເຈົ້າຈຶ່ງແຕ່ງຄືນບົດປະພັນ. ແລະ ກໍໂຊກດີຫຼາຍ, ຖ້າວ່າຂ້າພະເຈົ້າໃຫ້ພິມຈຳໜ່າຍເມື່ອປີ 2002 , ແມ່ນຈະບໍ່ໄດ້ຮັບຜົນ. ເພາະຄາວນັ້ນ, ຂ້າພະເຈົ້າຂຽນດ້ວຍສະພາວະຜູ້ຮັບໄຊຊະນະ- ຄົນຖືກປະລາໄຊ. ແຕ່ພາຍຫຼັງ 10 ປີ, ໄດ້ຂຽນຄືນນັ້ນ ແມ່ນແຕກຕ່າງກັນຢ່າງສິ້ນເຊິ່ງ. ຫວຽດນາມ ແລະ ອາເມລິກາບໍ່ພຽງແຕ່ໄດ້ສ້າງການພົວພັນເປັນປົກກະຕິເທົ່ານັ້ນ, ຫາກໄດ້ກ້າວໄປເຖິງເປັນຄູ່ຮ່ວມມືຮອບດ້ານຂອງກັນ. ”
ປຶ້ມນະວະນິຍາຍຫົວນີ້ຂອງນັກຂ່າວ ເຈີນມາຍແຫ້ງ ໄດ້ຮັບການຕີລາຄາຈາກຜູ້ອ່ານວ່າ ປະສົບຜົນສຳເລັດ, ໃນການເລືອກເຟັ້ນ, ຮວບຮ່ວມຈາກສາງເອກະສານໃຫຍ່. ສ່ວນສັງເກດໃນແງ່ມຸມສິລະປະ, ນັກປະພັນ ບຸຍຫວຽດທັ້ງ ຖືວ່າ “ບົດບັນທຶກສົງຄາມ ເດືອນ 1-2-3-4 ປີ 1975” ແມ່ນບົດປະພັນທີ່ເຂັ້ມຂົ້ນໄປດ້ວຍລັກສະນະວັນນະຄະດີ ຊຶ່ງສະແດງອອກຜ່ານວິທີສ້າງຕົວລະຄອນດ້ວຍການພັນລະນາ ແລະ ວິທີສຳພັດ. ນັກປະພັນ ບຸຍຫວຽດທັ້ງ ເວົ້າວ່າ :
“ ນັກປະພັນ, ນັກຂ່າວ ເຈີນມາຍແຫ້ງ ໄດ້ເລືອກເອົາຈຸດເລີ່ມຕົ້ນທີ່ແທດເໝາະ, ນັ້ນແມ່ນພາຍຫຼັງໄຊຊະນະເຟືອກລອງ ແລະ ວັນຄິດສມາດສຸດທ້າຍຂອງລະບອບສາທາລະນະລັດຫວຽດນາມເດືອນ 12/1974 ດ້ວຍຮູບພາບທີ່ໜ້າໂສກເສົ້າ, ບົ່ງບອກເຖິງການລົ້ມເຫຼວທີ່ບໍ່ອາດຫຼີກເວັ້ນໄດ້ຂອງລະບອບສາທາລະນະລັດຫວຽດນາມໃນຊຸມເດືອນຕໍ່ມາ ”.
ສຳລັບ ນັກຂ່າວ ເຈີນມາຍແຫ້ງ ແລ້ວ, ປຶ້ມນະວະນິຍາຍຫົວນີ້ ແມ່ນຂອງຂວັນແຫ່ງຊາຕະກຳ, ອັນໄດ້ມາເຊິ່ງຄວາມສຸກ, ຄວາມເຊື່ອໝັ້ນໃຫ້ທ່ານ ເພື່ອເປັນກຳລັງຊຸກຍູ້ທ່ານສືບຕໍ່ເມົາມົວກັບວັນນະຄະດີ, ດ້ວຍພັນທະສັງຄົມ ແລະ ຄວາມຮັບຜິດຊອບຂອງຜູ້ເປັນນັກຂ່າວ