(VOVWORLD) - ໃນປະຫວັດສາດ ຫວຽດນາມ, ການສຶກສາ ມີບົດບາດພິເສດສຳລັບຜົນງານອັນພົ້ນເດັ່ນແຫ່ງການພັດທະນາຂອງປະເທດຊາດ. ໃນສະພາບການໂລກ ພວມຢູ່ໃນໄລຍະປ່ຽນແປງທີ່ມີລັກສະນະຍຸກສະໄຫມ, ການແກ່ງແຍ່ງດ້ານຄຸນນະພາບແຫລ່ງຊັບພະຍາກອນມະນຸດ ຈະຕັດສິນຊີ້ຂາດກາລະໂອກາດພັດທະນາຂອງແຕ່ລະປະເທດ, ບົດບາດຂອງການສຶກສາຍິ່ງມີຄວາມສຳຄັນ, ໂດຍໄດ້ຮັບການກຳນົດວ່າແມ່ນລັດຖະນະໂຍບາຍແຖວຫນ້າ ເມື່ອຫວຽດນາມ ກ້າວເຂົ້າສູ່ສັງກາດໃຫມ່. ສິ່ງນີ້ ໂດຍແມ່ນບັນດາການນຳ ຫວຽດນາມ ຢັ້ງຢືນຢ່າງຈະແຈ້ງໃນບັນດາບົດກ່າວປາໄສຫວ່າງແລ້ວນີ້ ເນື່ອງໃນໂອກາດວັນຄູ ຫວຽດນາມ ທີ 20 ພະຈິກ.
 ທ່ານເລຂາທິການໃຫຍ່ ໂຕເລີມ ພົບປະກັບນາຍຄູ,ພະນັກງານ ຄຸ້ມຄອງການສຶກສາໃນວັນທີ 18 ພະຈິກ ຢູ່ ຮ່າໂນ້ຍ. (ພາບ:VOV) |
ເພື່ອຮັບມືກັບໄລຍະພັດທະນາໃຫມ່, ການສຶກສາ ຫວຽດນາມ ຕ້ອງມີການປ່ຽນແປງຈາກພາຍໃນ, ມຸ່ງໄປເຖິງຄຸນນະພາບສູງກວ່າ, ພັດທະນາມະນຸດຢ່າງຮອບດ້ານກວ່າ,ສ້າງແຫລ່ງຊັບພະຍາກອນມະນຸດທີ່ມີຄຸນນະພາບສູງ.
ບົດບາດສຳຄັນພິເສດ ສຳລັບບັນດາຜົນງານພົ້ນເດັ່ນແຫ່ງການພັດທະນາຂອງປະເທດຊາດ
ນັບແຕ່ວັນສະຖາປະນາປະເທດຊາດ, ພັກ ແລະ ລັດ ຫວຽດນາມ ຍາມໃດກໍ່ມີຄວາມເອົາໃຈໃສ່ເບິ່ງແຍງດູແລ, ມີຫລາຍແຜນນະໂຍບາຍ,ນະໂຍບາຍລົງທຶນໃຫ້ແກ່ການສຶກສາ, ກຳນົດ ແມ່ນການລົງທຶນໃຫ້ແກ່ການພັດທະນາ ແລະ ບຸລິມະສິດ, ໄປກ່ອນເມື່ອທຽບໃສ່ບັນດາຂົງເຂດອື່ນ.
ປະຫວັດສາດແຫ່ງການປະຕິວັດ ຫວຽດນາມ ໄດ້ຮັບຮູ້ໃນວາລະປະຊຸມຄັ້ງປະຖົມມະເລິກຂອງ ສະພາລັດຖະບານຊົ່ວຄາວ (ປີ 1945), ທ່ານປະທານ ໂຮ່ຈີມິນ ໄດ້ສະເຫນີ ເປີດບັ້ນຕ້ານການກືກຫນັງສື ແລະ 20 ປີ ຫລັງຈາກນັ້ນ, ຫວຽດນາມ ໄດ້ລົບລ້າງສະພາບກືກຫນັງສືຢູ່ເຂດທົ່ງພຽງ, ເຂດພູພຽງ, ພູດອຍທາງພາກເຫນືອ ເປັນສ່ວນໃຫຍ່. ອາດເວົ້າໄດ້ວ່າ ຜົນງານແຫ່ງການລົບລ້າງສະພາບກືກຫນັງສື ແມ່ນພື້ນຖານທຳອິດ, ສຳຄັນທີ່ສຸດເພື່ອໃຫ້ການປະຕິວັດ ຫວຽດນາມ ບັນລຸໄດ້ຜົນງານຍອດຍິ່ງໃຫມ່, ປົດປ່ອຍຊາດ, ໂຮມປະເທດຊາດເປັນເອກະພາບ ແລະ ບັນດາຜົນງານອັນຍິ່ງໃຫຍ່ພາຍຫລັງເກືອບ 40 ປີແຫ່ງການປ່ຽນແປງໃຫມ່.
ໃນພາລະກິດແຫ່ງການປ່ຽນແປງໃຫມ່ປະເທດຊາດ, ຫວຽດນາມ ໄດ້ສຳເລັດການສຶກສາແບບບັງຄັບໃຫ້ແກ່ເດັກມີເກນອາຍຸ 5 ປີ; ການສຶກສາແບບບັງຄັບຊັ້ນປະຖົມ ແລະມັດທະຍົມສືບຕໍ່ໄດ້ຮັບການປັບປຸງ, ຮັກສາ ແລະ ບັນລຸມາດຖານຢູ່ລະດັບສູງກວ່າເທື່ອລະກ້າວ. ການປ່ຽນແປງໃຫມ່ການສຶກສາມະຫາວິທະຍາໄລແມ່ນມີຄວາມສະຫນິດຕິດພັນກວ່າ ດ້ວຍຄວາມຕ້ອງການຂອງຕະຫລາດແຮງງານ. ນັບມື້ນັບມີຫລາຍຮາກຖານສຶກສາຂັ້ນມະຫາວິທະຍາໄລ ແລະ ໝວດຂະແຫນງບຳລຸງສ້າງ ຫວຽດນາມ ໄດ້ຮັບການຈັດອັນດັບສູງໃນພາກພື້ນ ແລະໃນໂລກ. ປະຈຸບັນ, ມີມະຫາວິທະຍາໄລກວ່າ 240 ແຫ່ງຂອງຫວຽດນາມ ມີຜູ້ຊ່ຽວຊານ ແລະ ບຳລຸງສ້າງຢູ່ທຸກຂະແຫນງອາຊີບທີ່ມີບັນຊີລາຍຊື່ບັນດາຂະແຫນງອາຊີບໃນທົ່ວໂລກ, ນັບທັງອາຊີບໃຫມ່ສຸດ.
ຫວຽດນາມ ບໍ່ອາດຢືນຢູ່ນອກທ່າອ່ຽງປ່ຽນແປງໃຫມ່ດ້ານການສຶກສາຂອງໂລກ
ການປະຕິວັດອຸດສາຫະກຳຄັ້ງທີ 4, ການສ້າງພື້ນຖານເສດຖະກິດພູມປັນຍາ, ສັງຄົມພູມປັນຍາ.. ໄດ້ຊຸກຍູ້ການປ່ຽນແປງໃຫມ່ການສຶກສາໃຫ້ກາຍເປັນທ່າອ່ຽງທົ່ວໂລກ ແລະ ຫວຽດນາມ ບໍ່ອາດຢືນຢູ່ນອກທ່າອ່ຽງນັ້ນ. ປະເທດຊາດ ຄວນມີແຫລ່ງຊັບພະຍາກອນມະນຸດທີ່ມີຄຸນນະພາບສູງ, ພິເສດ ແມ່ນແຫລ່ງຊັບພະຍາກອນມະນຸດໃຫ້ແກ່ບັນດາຂະແຫນງວິທະຍາສາດເຕັກໂນໂລຊີປາຍແຫລມ, ບັນດາຂະແຫນງນຳມາເຊິ່ງທີ່ຕັ້ງ, ທ່າໄດ້ປຽບການແກ້ງແຍ່ງໃນເວທີສາກົນ.
“ເປົ້າໝາຍສູງສຸດປະຈຸບັນ ແມ່ນຕ້ອງສຸມໃສ່ປະຕິບັດໃຫ້ໄດ້ ນັ້ນແມ່ນ: ສຳເລັດພາລະກິດແຫ່ງການປ່ຽນແປງໃຫມ່ການສຶກສາບຳລຸງສ້າງ, ສຳເລັດເປົ້າໝາຍສ້າງແຫລ່ງຊັບພະຍາກອນມະນຸດໃຫ້ແກ່ການສ້າງສາ ແລະ ປົກປັກຮັກສາປະເທດຊາດໃນສັງກາດບືນຕົວຂຶ້ນຂອງປະເທດຊາດໃນອາຍຸການກອງປະຊຸມໃຫຍ່ຄັ້ງທີ XIV ຂອງພັກ. ບຸລິມະສິດແຖວຫນ້າໃນການປະຕິບັດເປົ້າໝາຍ ນັ້ນແມ່ນ ສຸມໃສ່ສ້າງມະນຸດສັງຄົມນິຍົມ”
ຫວຽດນາມສູ້ຊົນ ຮອດປີ 2030 ແມ່ນຢືນໃນ Top 3 ປະເທດນຳຫນ້າ ອາຊຽນ ກ່ຽວກັບຈຳນວນບັນດາບົດປະກາດສາກົນ ແລະ ດັດຊະນີຜົນສະທ້ອນຂອງບັນດາກິດຈະກຳຄົ້ນຄ້ວາດ້ານວິທະຍາສາດ; ມີມະຫາວິທະຍາໄລ ນອນໃນ Top 100 ມະຫາວິທະຍາໄລແຖວຫນ້າໂລກ. ກົມການເມືອງ ໄດ້ຕົກລົງຈະປະກາດໃຊ້ມະຕິກ່ຽວກັບການຫັນເປັນດິຈີຕອນແຫ່ງຊາດ. ລັດ ຈະຮັບປະກັນງົບປະມານເບີກຈ່າຍໃຫ້ແກ່ການສຶກສາດ້ວຍລະດັບຕ່ຳສຸດແມ່ນ 20% ໃນຍອດລາຍຈ່າຍງົບປະມານແຫ່ງລັດ.
 ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມ ຄະນະກຳມະການແຫ່ງຊາດກ່ຽວກັບການປ່ຽນແປງໃຫມ່ການສຶກສາ ແລະບຳລຸງສ້າງປີ 2024. (ພາບ: VOV) |
ກ່ອນຫນ້ານັ້ນ ຕົ້ນເດືອນ ພະຈິກ, ເມື່ອເປັນປະທານ ວາລະປະຊຸມປີ 2024 ຂອງຄະນະກຳມະການແຫ່ງຊາດ ກ່ຽວກັບການປ່ຽນແປງໃຫມ່ດ້ານການສຶກສາ ແລະບຳລຸງສ້າງ, ທ່ານນາຍົກລັດຖະມົນຕີ ຟ້າມມິງຈິງ ຊີ້ແຈ້ງວ່າ:
“ຂ້າພະເຈົ້າເນັ້ນ 5 ບັນຫາ: ກ່ຽວກັບເວລາ, ບັນດານະໂຍບາຍທີ່ປະກາດໃຊ້ກ່ຽວຂ້ອງເຖິງການສຶກສາບຳລຸງສ້າງ ຕ້ອງວ່ອງໄວ, ມີຄວາມເປັນໄປໄດ້, ທັນການ, ມີປະສິດທິຜົນ. ກ່ຽວກັບພູມປັນຍາ, ຕ້ອງອີງໃສ່ການສຶກສາບຳລຸງສ້າງ ແລະນະວັດຕະກຳ. ກ່ຽວກັບຄວາມຄາດຫວັງ, ຄວນນຳການສຶກສາບຳລຸງສ້າງໃຫ້ທຽບເທົ່າ, ທັດທຽມບັນດາປະເທດພັດທະນາຍິ່ງໄວກໍ່ຍິ່ງດີ, ເພິ່ງຕົນເອງ ສ້າງຄວາມເຂັ້ມແຂງດ້ວຍຕົນເອງ, ກ່ຽວກັບການເຊື່ອມໂຍງ, ຕ້ອງເດີນຖືກກັບທ່າອ່ຽງຂອງຍຸກສະໄຫມ, ເສີມຂະຫຍາຍກຳລັງແຮງຂອງຊາດກັບກຳລັງແຮງຂອງຍຸກສະໄຫມໃນການສຶກສາບຳລຸງສ້າງ”
ເພື່ອສຳເລັດບັນດາເປົ້າໝາຍຍຸດທະສາດ 100 ປີແຫ່ງວັນສ້າງຕັ້ງພັກ, 100 ປີແຫ່ງວັນສະຖາປະນາປະເທດຊາດ, ນຳປະເທດກ້າວເຂົ້າສູ່ສັງກາດໃຫມ່, ຮັ່ງມີເຂັ້ມແຂງ, ການປ່ຽນແປງໃຫມ່ການສຶກສາບຳລຸງສ້າງ ແມ່ນຫນ້າທີ່, ມາດຕະການຍຸດທະສາດຂອງກອງປະຊຸມໃຫຍ່ຄັ້ງທີ XIV ຂອງພັກ.
ຂະແຫນງການສຶກສາ ຫວຽດນາມ ໄດ້ສ້າງບັນດາຜົນງານພົ້ນເດັ່ນ ເບິ່ງຄືວ່າບໍ່ອາດເຮັດໄດ້ໃນອະດິດຕະການ ແລະ ປະຈຸບັນ ການສຶກສາ ຫວຽດນາມ ຈະສືບຕໍ່ແບກຫາບບົດບາດອັນຫນັກຫນ່ວງກວ່າເພື່ອສ້າງບັນດາຂີດໝາຍໃຫມ່ໃຫ້ແກ່ສັງກາດບືນຕົວຂຶ້ນຂອງປະເທດຊາດ.