ທ່ານ ເລຫາຍບິ່ງ, ໂຄສົກກະຊວງການຕ່າງປະເທດ ຫວຽດນາມ
(ພາບ: tienphong.vn)
(vovworld) - ວັນທີ 12/12/2016, ເມື່ອຕອບຄຳຖາມຂອງນັກຂ່າວ ກ່ຽວກັບປະຕິກິລິຍາຂອງ ຫວຽດນາມ ຕໍ່ເລື່ອງ ວັນທີ 8/12/2016, ກອງທັບເຮືອຈີນຈັດຕັ້ງພິທີສະເຫຼີມສະຫຼອງ “70 ປີແຫງວັນທ້ອນໂຮມຮ່ວາງຊາ,ເຈື່ອງຊາ“, ທ່ານ ເລຫາຍບິ່ງ, ໂຄສົກກະຊວງການຕ່າງປະເທດ ຫວຽດນາມ ຊີ້ແຈ້ງວ່າ, ຫວຽດນາມ ມີພະຍານຫຼັກຖານປະຫວັດສາດ ແລະ ພື້ນຖານນິຕິກຳຢ່າງພຽງພໍ ເພື່ອຢືນຢັນອະທິປະໄຕສຳລັບໝູ່ເກາະ ຮ່ວາງຊາ ແລະ ເຈື່ອງຊາ, ຜືນແຜ່ນດິນທີ່ມີມາແຕ່ດົນນານຂອງ ຫວຽດນາມ. ພາຍຫຼັງສົງຄາມໂລກຄັ້ງທີສອງ, ປະຊາຄົມສາກົນໄດ້ປະຕິເສດຄຳຮຽກສິດຂອງ ຈີນ ສຳລັບໝູ່ເກາະທັງສອງນີ້. ການເຄື່ອນໄຫວຂອງ ຈີນ ແມ່ນບໍ່ສາມາດປ່ຽນແປງອະທິປະໄຕຂອງ ຫວຽດນາມ ສຳລັບໝູ່ເກາະ ຮ່ວາງຊາ ແລະ ເຈື່ອງຊາໄດ້, ໄປຝືນກັບທ່າອ່ຽງພັດທະນາການພົວພັນລະຫວ່າງສອງປະເທດໃນປະຈຸບັນ, ກໍ່ສະພາບສັບສົນ. ຫວຽດນາມເດັດດຽວຄັດຄ້ານ.