(vovworld) - ການຜະລິດກາເຟຕາມທິດຍືນຍົງນຳປະສິດທິຜົນມາໃຫ້ຊາວກະສິກອນຫຼາຍຄອບຄົວຢູ່ເມືອງ Cu M’gar, ແຂວງ ດັກລັກ. ທົ່ວເມືອງໄດ້ສ້າງຕັ້ງສະຫະກອນ, ສະໂມສອນຜະລິດກາເຟແບບຍືນຍົງກ່ວາ 30 ແຫ່ງ. ເລື່ອງຜະລິດກາເຟຕາມທິດຍືນຍົງໄດ້ເຮັດໃຫ້ປ່ຽນການຜະລິດກາເຟຕາມແບບມີການປ່ຽນແປງເທື່ອລະກ້າວ, ຊ່ວຍໃຫ້ຊາວກະສິກອນສຳພັດກັບຄວາມກ້າວໜ້າດ້ານວິທະຍາສາດເຕັກນິກ, ປະຢັດລາຍຈ່າຍສົ້ນເຂົ້າ, ຍົກສູງມູນຄ່າຜະລິດຕະພັນ ແລະ ລາຍຮັບໃຫ້ແກ່ຄອບຄົວ, ປະກອບສ່ວນພັດທະນາເສດຖະກິດທ້ອງຖິ່ນ. ບົດຂຽນ “ພັດທະນາເຂດປູກກາເຟແບບຍືນຍົງຢູ່ແຂວງດັກລັກ” ຂອງເຮືອງລີ້, ນັກຂ່າວVOV.
 |
ຄອບຄົວທ່ານ ໂງວັນບີ່ງ, ຢູ່ເທດສະບານ ກວາງຟູ໋, ເມືອງ Cu M’gar ມີເນື້ອທີ່ດິນ ປູກກາເຟເປັນສິນຄ້າ 1,8 ເຮັກຕາ. ກ່ອນນີ້, ຄອບຄົວຂອງທ່ານໄດ້ຜະລິດຕາມປະສົມການ ດັ່ງນັ້ນສະມັດຕະພາບບໍ່ສູງ, ພຽງແຕ່ເກັບກ່ຽວເມັດກາເຟໄດ້ 2,5 ເທົ່ານັ້ນ. ນັບແຕ່ເມື່ອເຂົ້າຮ່ວມສະໂມສອນພັດທະນາກາເຟແບບຍືນຍົງ, ໄດ້ຮັບການແນະນຳຂັ້ນຕອນດ້ານເຕັກນິກກະເສດສຸມ, ໃນການປູກຝັງບົວລະບັດ, ຫົດນ້ຳ, ການຂ້າສັດຕູພືດ, ການໃສ່ຟຸ່ນໃຫ້ເໝາະສົມຈາກພະນັກງານເຕັກນິກ ດັ່ງນັ້ນສະມັດຕະພາບເມັດກາເຟຍາມໃດກໍ່ບັນລຸແຕ່ 4 – 5 ໂຕນ/ເຮັກຕາ. ພິເສດ, ໃນລະດູແລ້ງ, ຄອບຄົວຂອງທ່ານບໍ່ຕ້ອງຫົດນ້ຳແບບຟຸມເຟືອຍໃຫ້ຕົ້ນກາເຟຕື່ມອີກ ຫາກສາມາດຫລຸດປະລິມານນ້ຳຫົດຈາກ 600 – 700 ລິດ/ຕົ້ນ/ເທື່ອ ລົງ 350 – 400 ລິດ/ຕົ້ນ/ເທື່ອ ເທົ່ານັ້ນ ແຕ່ຕົ້ນກາເຟ ຍັງຮັບປະກັນການຂະຫຍາຍຕົວໄດ້ເປັນຢ່າງດີ:
“ເມື່ອເຂົ້າຮ່ວມການຜະລິດກາເຟແບບຍືນຍົງນັ້ນ, ຄອບຄົວຂ້າພະເຈົ້າໄດ້ຮັບການແນະນຳດ້ານເຕັກນິກ ແລະ ໄດ້ປະຕິບັດຄືແນວນັ້ນ. ລາຄາຂາຍກາເຟຂອງຄອບຄົວຂ້າພະເຈົ້າໄດ້ເພີ່ມຂຶ້ນສອງ, ສາມແສນດົ່ງ/ໂລ”
ໃນທົ່ວເມືອງ Cu M’gar ສ້າງຕັ້ງສະຫະກອນ, ໜ່ວຍຮ່ວມມື, ສະໂມສອນຜະລິດກາເຟແບບຍືນຍົງກ່ວາ 30 ແຫ່ງ. ເມື່ອເຂົ້າຮ່ວມບັນດາສະຫະກອນ, ສະໂມສອນຜະລິດກາເຟແບບຍືນຍົງ, ຜູ້ປູກກາເຟໄດ້ແບ່ງປັນ, ອັບເດດຂໍ້ມູນຂ່າວກ່ຽວກັບອາກາດຂອງລະດູການ, ສະພາບການເກີດໂລກພະຍາດຕໍ່ຕົ້ນກາເຟ. ສິ່ງສຳຄັນກ່ວາຂຶ້ນແມ່ນຮູບແບບນີ້ໄດ້ເຊື່ອມຕໍ່ລະຫວ່າງຊາວກະສິກອນ, ຜູ້ຄຸ້ມຄອງ, ນັກວິທະຍາສາດກັບ ວິສາຫະກິດໃນການສົມທົບກັນຜະລິດກາເຟຕາມທິດຍືນຍົງສຳເລັດຜົນ. ຍ້ອນໄດ້ເຂົ້າຮ່ວມການຝຶກອົບຮົມດັ່ງນັ້ນບັນດາຄອບຄົວຜະລິດກາເຟມີສະຕິໃນການປົກປ້ອງແຫຼ່ງນ້ຳກ່ວາອີກ, ການຮ່ວມສຳພັນໃນການເກັບກ່ຽວ, ການປຸງແຕ່ງເພື່ອຜະລິດບັນດາຜະລິດຕະພັນໃຫ້ມີຄຸນນະພາບສູງກ່ວາ. ທ່ານ ຫງວຽນວັນຟຸກ, ຜູ້ອຳນວຍການສະຫະກອນກະສິກຳບໍລິການຍຸຕິທຳ Ea Kiet, ຕາແສງ Ea Kiet, ເມືອງ Cu M’gar, ໃຫ້ຮູ້ວ່າ:
“ແຕ່ລະປີ, ສະຫະກອນໄດ້ຈັດຕັ້ງຊຸດຝຶກອົບຮົມໃຫ້ແກ່ຊາວກະສິກອນ 3 – 4 ຊຸດກ່ຽວກັບດ້ານວິທະຍາສາດ, ເຕັກນິກ, ຄວາມປອດໄພສຸຂະອະນາໄມດ້ານອາຫານ, ຄວາມປອດໄພໃນການອອກແຮງງານເພື່ອໃຫ້ເຂົາເຈົ້າຮັບຮູ້ໄດ້ກ່ຽວກັບໂຄງການພັດທະນາກາເຟແບບຍືນຍົງ. ພິເສດ, ສຳລັບແຕ່ລະຄອບຄົວ, ໃນແຕ່ລະເດືອນໄດ້ມີລາຍການ, ແຜນການລະອຽດໃຫ້ແກ່ແຕ່ລະຫົວໜ່ວຍຜະລິດ, ໂຄສະນາໃຫ້ພໍ່ແມ່ປະຊາຊົນມີຄວາມຮັບຮູ້ກ່ຽວກັບໂຄງການພັດທະນາກາເຟ ແບບຍືນຍົງເພື່ອຮັບປະກັນຄຸນນະພາບໃຫ້ດີກ່ວາ.”
 |
ເມືອງ Cu M’gar ມີເນື້ອທີ່ດິນປູກກາເຟກ່ວາ 35.500 ເຮັກຕາ, ໃນນັ້ນມີເນື້ອທີ່ດິນກ່ວາ 15.000 ເຮັກຕາ ໄດ້ຮັບໃບຢັ້ງຢືນປູກກາເຟແບບຍືນຍົງດ້ວຍເກືອບ 10.000 ຄອບຄົວເຂົ້າຮ່ວມ, ແຕ່ລະປີສະໜອງກາເຟ 37.000 ໂຕນຕາມຫຼັກການມາດຕະຖານ. ການພັດທະນາກາເຟແບບຍືນຍົງ ໄດ້ຊ່ວຍໃຫ້ພໍ່ແມ່ປະຊາຊົນສຳພັດກັບວິທະຍາສາດເຕັກນິກ, ມູນຄ່າຂອງກາເຟກໍ່ໄດ້ຮັບການຍົກສູງຂຶ້ນ, ສະພາບແວດລ້ອມຊີວະພາບໄດ້ຮັບການປົກປ້ອງຢ່າງໝັ້ນຄົງ. ຄະນະກຳມະການປະຊາຊົນແຂວງ ດັກລັກ ໄດ້ຕີລາຄາບັນດາຮູບ ການຢັ້ງຢືນນີ້ລ້ວນແຕ່ໄປເຖິງການພັດທະນາກາເຟແບບຍືນຍົງຜ່ານການລົງທຶນ ແລະ ມີການກະທົບຢ່າງເໝາະສົມໃນສວນປູກກາເຟເພື່ອຮັບປະກັນຄວາມໝັ້ນຄົງດ້ານສະມັດຕະພາບ, ຄຸນນະພາບ, ການອະນຸລັກຮັກສາຊັບພະຍາກອນທຳມະຊາດ. ບັນດາຄອບຄົວຊາວກະສິກອນຜະລິດກາເຟນັບມື້ນັບມີຄວາມຮັບຮູ້ຢ່າງຈະແຈ້ງກ່ວາເມື່ອນຳໃຊ້ການຜະລິດກາເຟ ມີໃບຢັ້ງຢືນເພື່ອຍົກສູງມູນຄ່າເພີ່ມໃຫ້ສິນຄ້າ ກາເຟ ໃນການເຄື່ອນໄຫວຈຳໜ່າຍ ແລະ ການສົ່ງອອກ. ທ່ານ ຫງວຽນວັນມີງ, ຮອງປະທານຄະນະກຳມະການປະຊາຊົນເມືອງ Cu M’gar, ໃຫ້ຮູ້ວ່າ:
“ເມືອງພວມແຜນນະໂຍບາຍສືບຕໍ່ໂຄສະນາເພື່ອໃຫ້ບັນດາສະມາຊິກເຂົ້າຮ່ວມສະມາຄົມພັດທະນາ ກາເຟ ແບບຍືນຍົງເປັນຈຳນວນຫຼວງຫຼາຍກ່ວາ. ສືບຕໍ່ແນະນຳໃຫ້ບັນດາຕາແສງເພື່ອສ້າງຕັ້ງສະຫະກອນກະສິກຳຈຳນວນໜຶ່ງຕື່ມອີກທີ່ມີການຮ່ວມສຳພັນເພື່ອຜະລິດກາເຟ ຊ່ວຍໃຫ້ພໍ່ແມ່ປະຊາຊົນທຸກຄົນມີເງື່ອນໄຂສຳພັດກັບແບບວິທີຜະລິດໃໝ່, ຍົກສູງຄຸນນະພາບຕົ້ນໄມ້ຕົ້ນຕໍ່ນີ້ຂອງເມືອງ.”
ປະຈຸບັນ, ແຂວງ ດັກລັກ ສືບຕໍ່ໜູນຊ່ວຍ, ສົ່ງເສີມ, ແນະນຳບັນດາຄອບຄົວຊາວກະສິກອນຜະລິດ, ດຳເນີນທຸລະກິດ ກາເຟ ສຸມໃສ່ການປູກກາເຟຕາມທິດເຮັດກະສິກຳທີ່ດີ (GAP), ຜະລິດກາເຟໂດຍມີໃບຢັ້ງຢືນ. ພ້ອມກັນນັ້ນ, ແຂວງກໍ່ຕ້ອງສ້າງຕັ້ງບັນດາສະຫະກອນ, ໜ່ວຍງານຮ່ວມມືຜະລິດກາເຟແບບຍືນຍົງ… ຕິດພັນກັບຜົນປະໂຫຍດດ້ານເສດຖະກິດ, ສັງຄົມ ແລະ ປົກປັກຮັກສາສິ່ງແວດລ້ອມໃນບໍລິເວນ.