(vovworld) – ໂດຍແມ່ນທ້ອງຖີ່ນທີ່ມີທ່າແຮງກ່ຽວກັບການຜະລິດກະສີກຳ, ໄລຍະຜ່ານມາ, ອານຢາງ ໄດ້ນຳໃຊ້ທຸກແຫຼ່ງກຳລັງເພື່ອເສີມຂະຫຍາຍທ່າແຮງຂອງຕົນ. ເຖິງຢ່າງໃດກໍ່ຕາມ, ຄວາມເອົາໃຈໃສ່ຂອງອຳນາດການປົກຄອງ ແລະ ປະຊາຊນທ້ອງຖີ່ນໃນປະຈຸບັນນັ້ນແມ່ນເງື່ອນໄຂໄປມາ, ຮ່ຳຮຽນ ແລະ ການດຳລົງຊີວິດຂອງປະຊາຊົນໃນເຂດຊົນນະບົດຍັງບໍ່ທັນໄດ້ຮັບການລົງທຶນຢ່າງເໝາະສົມ. ຍ້ອນເຫດນັ້ນ, ບັນດາທ້ອງຖີ່ນຢູ່ເຂດໄບນູ໋ຍ ນີ້ພວມພະຍາຍາມເຮັດຈົນສຸດຄວາມສາມາດຂອງຕົນ ເພື່ອພັດທະນາເຂດຊົນນະບົດໃຫ້ໃຫຍ່ໂຕ ແລະ ສວຍງາມກວ່າ.
ເສັ້ນທາງໃໝ່ທີ່ໄດ້ຮັບການກໍ່ສ້າງຢູ່ເຂດຊົນນະບົດ
7ພາບປະກອບອິນເຕີແນດ)
ອານຢາງ ມີພູມສັນຖານສັບສົນ, ດ້ວຍທົ່ງພຽງ, ໂນນພູ, ດອນເກາະ ແລະ ຊາຍແດນ. ຈຸດພິເສດຂອງທ້ອງຖີ່ນແມ່ນມີຫຼາຍຊົນເຜົ່າອ້າຍນ້ອງຄື: ກິງ, ຮວາ, ຈຳ, ຂະແມ ດຳລົງຊີວິດຢູ່ຮ່ວມກັນ. ການກໍ່ສ້າງຊົນນະບົດໃໝ່ແມ່ນຄາດໝາຍອັນດັບໜຶ່ງ ເພື່ອໃຫ້ທ້ອງຖີ່ນຕັດສິນໃຈປ່ຽນໃໝ່ໂສມໜ້າກະສີກຳ, ຊົນນະບົດ, ເຮັດໃຫ້ປະຊາຊົນບັນດາເຜົ່າມີຊີວິດໄດ້ດີກວ່າ. ໂຄງການກໍ່ສ້າງຊົນນະບົດໃໝ່ ເລີ່ມໄດ້ຮັບການຜັນຂະຫຍາຍດ້ວຍເລື່ອງ, ອຳນາດການປົກຄອງ, ພະສົງ ແລະ ປະຊາຊົນໃນທ້ອງຖີ່ນໄດ້ຮ່ວມແຮງຮ່ວມໃຈກໍ່ສ້າງທາງຄົມມະນາຄົມຢູ່ເຂດຊົນນະບົດ. ຄູບາ ເຈົາສີທາ, ເຈົ້າອະທິການວັດ ໂປງໂຮ, ຜູ້ທີ່ໄດ້ພ້ອມກັບປະຊາຊົນໃນບ້ານໄປຂົນຂວາຍທຸກຄົນເຂົ້າຮ່ວມການກໍ່ສ້າງທາງຄົມມະນາຄົມ, ຖືວ່າ:
“ກ່ອນນີ້ການໄປມາຢູ່ທີ່ນີ້ປະສົບກັບຄວາມຫຍຸ້ງຍາກຫຼາຍ. ການຂົນສົ່ງຜະລິດຕະພັນກະເສດ, ເຂົ້າສານ, ການໄປຮຽນຂອງລູກຫຼານບໍ່ສະດວກສະບາຍ ເຮັດໃຫ້ລະດັບຄວາມຮູ້ຂອງປະຊາຊົນຖືກຈຳກັດ. ດັ່ງນັ້ນ, ພໍ່ແມ່ນປະຊາຊົນໃນບ້ານຈຶງສະໜັບສະໜູນ ແລະ ປະກອບສ່ວນເຂົ້າໃນການກໍ່ສ້າງທາງຄົມມະນາຄົມ.”
ໃນຊຸມປີກ່ອນ, ເມື່ອຮອດຍາມນ້ຳແກ່ງ, ທາງຄົມມະນາຄົມເກືອບທັງໝົດຈາກເມືອງທ້ວາຍເຊີນ, ໃນເຂດຫ່າງໄກສອກຫຼີກແຂວງອານຢາງ ໄປຍັງເຂດໃຈກາງຕາແສງລ້ວນແຕ່ເປັນບວກ, ຂີ້ຕົມ. ແຕ່ປະຈຸບັນ, ຍ້ອນຄວາມມານະພະຍາຍາມຂອງອຳນາດການປົກຄອງ ພ້ອມກັບການສະໜັບສະໜູນຂອງປະຊາຊົນ, ໂສມໜ້າຊົນນະບົດຂອງເຂດແຫ່ງໄກສອກຫຼີກນີ້ໄດ້ມີການປ່ຽນແປງພໍສົມຄວນ. ປະຈຸບັນ, ລົດໃຫຍ່ສາມາດໄປຍັງໃຈກາງຕາແສງ, ເທດສະບານຂອງເມືອງໃນຍາມແຫ້ງ ແລະ ຍາມຝົນຕົກໄດ້. ທ່ານ ແຢງຟອງ, ປະຊາຊົນໃນເມືອງທ້ວາຍເຊີນ, ຜູ້ທີ່ໄດ້ສະຫງວນທີ່ດິນຂອງຕົນໃຫ້ແກ່ການກໍ່ສ້າງທາງຄົມມະນາຄົມ, ແບ່ງປັນວ່າ:
“ຂ້າພະເຈົ້າເຫັນວ່ານີ້ແມ່ນການສົມທົບເປັນຢ່າງດີລະຫວ່າງລັດກັບປະຊາຊົນ. ໃນເມື່ອກ່ອນ, ການໄປມາຢູ່ທີ່ນີ້ປະສົບກັບຄວາມຫຍຸ້ງຍາກຫຼາຍ. ຍາມຝົນຕົກທາງເປັນບວກບໍ່ສາມາດໄປມາໄດ້. ຫວ່າງແລ້ວນີ້, ລັດໄດ້ເອົາໃຈໃສ່ລົງທຶນກໍ່ສ້າງທາງ. ພວກຂ້າພະເຈົ້າກໍ່ສະຫງວນທີ່ດິນຂອງຕົນເພື່ອເປີດເສັ້ນທາງໃຫ້ກວ້າງຂວາງ ແລະ ສວຍງາມກວ່າ, ເຮັດໃຫ້ລູກຫຼານໄປມາຮ່ຳຮຽນ ແລະ ການຂົນສົ່ງສິນຄ້າມີຄວາມສະດວກສະບາຍກວ່າ”.
ອາດເວົ້າໄດ້ວ່າ, ການກໍ່ສ້າງທາງຄົມມະນາຄົມຢູ່ເຂດຊົນນະບົດ ແມ່ນມາດຖານໜຶ່ງທີ່ປະສົບຜົນສຳເລັດກວ່າໝູ່ໃນ 2 ປີ ແຫ່ງການປະຕິບັດໂຄງການກໍ່ສ້າງຊົນນະບົດໃໝ່ຂອງແຂວງອານຢາງ. ສ່ວນບັນດາມາດຖານເຊິ່ງກ່ອນນີ້ອານຢາງ ພຽງແຕ່ບັນລຸຢູ່ໃນລະດັບຕ່ຳ, ປະຈຸບັນໄດ້ມີການຫັນປ່ຽນຢ່າງຕັ້ງໜ້າ. ດ້ວຍຜົນສຳເລັດຈາກການລະດົມປະຊາຊົນປະກອບກຳລັງແຮງເຂົ້າຮ່ວມການກໍ່ສ້າງຊົນນະບົດໃໝ່. ປະຈຸບັນ, ທາງທ້ອງຖີ່ນພວມເພີ່ມທະວີວຽກງານສຶກສາ, ຂົນຂວາຍ, ໂຄສະນາ, ເພື່ອຫັນປ່ຽນຄວາມຮັບຮູ້ ແລະ ການກະທຳໃນອົງຄະນະພັກທຸກຂັ້ນ, ພະນັກງານ, ສະມາຊິກພັກ ແລະ ມະຫາຊົນ ໃນການກໍ່ສ້າງຊົນນະບົດໃໝ່. ຜ່ານນັ້ນ, ຜັນຂະຫຍາຍໂຄງການໃຫຍ່ ເພື່ອຂົນຂວາຍທົ່ວສັງຄົມເຂົ້າຮ່ວມປະຕິບັດການ, ເສີມຂະຫຍາຍລັກສະນະເປັນເຈົ້າການ, ມີຫົວຄິດປະດິດສ້າງ, ລະດົມທຸກແຫຼ່ງກຳລັງເຂົ້າຮ່ວມການກໍ່ສ້າງຊົນນະບົດໃໝ່. ທ່ານ ໂດວັນຮຸ່ງ, ຮອງຫົວໜ້າພະແນກກະສີກຳ ແລະ ພັດທະນາຊົນນະບົດແຂວງອານຢາງ, ເນັ້ນໜັກວ່າ:
“ໂຄງການກໍ່ສ້າງຊົນນະບົດໃໝ່ຢູ່ອານຢາງ ຍາມໃດກໍ່ມີຄວາມສະດວກ, ເພາະວ່າມັນໄດ້ຕິດພັນກັບໜ້າທີ່ຮັບຜິດຊອບຂອງປະທານຄະນະກຳມະການປະຊາຊົນ. ດັ່ງນັ້ນໄດ້ມີຄວາມເຫັນເອກະພາບໃນການຊີ້ນຳ, ນຳພາ ແລະ ຜັນຂະຫຍາຍ. ນອກນັ້ນທາງທ້ອງຖີ່ນກໍ່ໄດ້ປະກາດໃຊ້ແຜນນະໂຍບາຍ, ນະໂຍບາຍຫຼາຍຢ່າງເພື່ອສົ່ງເສີມ ແລະ ປະຕິບັດໂຄງການຢ່າງເດັດຂາດ”.
ດ້ວຍບັນດາວິທີການປະຕິບັດຢ່າງລະອຽດ, ພ້ອມກັບການລົງທຶນພັດທະນາຢ່າງຖືກທິດ ໄດ້ເຮັດໃຫ້ໂສມໜ້າຊົນນະບົດມີການປ່ຽນແປງ; ຍົກສູງຊີວິດທາງດ້ານວັດຖຸ ແລະ ຈິດໃຈໃຫ້ແກ່ປະຊາຊົນຂຶ້ນຕື່ມ. ນີ້ແມ່ນພື້ນຖານເພື່ອເຮັດໃຫ້ໂສມໜ້າຊົນນະບົດຢູ່ແຂວງອານຢາງ ມີການປ່ຽນໃໝ່ຢ່າງເຫັນໄດ້ຊັດ, ປະກອບສ່ວນຊຸກຍູ້ວິວັດການພັດທະນາເສດຖະກິດ, ນີ້ກໍ່ແມ່ນບັນດາຮູບພາບລະອຽດທີ່ສຸດກ່ຽວກັບຈຸດໝາຍພັດທະນາກະສີກຳ - ຊົນນະບົດ ແລະ ຊາວນາໃນບໍລິເວນແຂງ.