(vovworld) - ເລິມດົ່ງແມ່ນແຂວງໜຶ່ງທີ່ຂຶ້ນກັບເຂດໄຕງວຽນຂອງຫວຽດນາມ ແລະ ມີຊື່ສຽງດ້ວຍຜະລິດຕະພັນກະເສດຄື: ຊາ, ກາເຟ ແລະ ການທ່ອງທ່ຽວ. ປະຈຸບັນ, ເລິມດົ່ງ ພວມນຳໜ້າທົ່ວປະເທດໃນການນຳໃຊ້ເຕັກໂນໂລຢີສູງເຂົ້າໃນການຜະລິດກະສີກຳ, ດັ່ງນັ້ນ, ເລື່ອງຜັນຂະຫຍາຍການກໍ່ສ້າງຊົນນະບົດໃໝ່ຂອງແຂວງຈຶ່ງມີຄວາມສະດວກຫຼາຍຢ່າງ, ແຕ່ສິ່ງຫຍຸ້ງຍາກທີ່ສຸດໃນການກໍ່ສ້າງຊົນນະບົດໃໝ່ຂອງແຂວງນັ້ນແມ່ນການເສີມຂະຫຍາຍກຳລັງແຮງລວມໝູ່, ສ້າງຄວາມເຫັນດີເຫັນພ້ອມ, ປະຊາທິປະໄຕໃນໝູ່ປະຊາຊົນ.. ແຂວງເລິມດົ່ງ ຖືວ່າ, ນີ້ແມ່ນບັນຫາໄລກອນ ໃນວຽກງານຊີ້ນຳ ເພື່ອແນໃສ່ປະຕິບັດໂຄງການກໍ່ສ້າງຊົນນະບົດໃໝ່ສຳເລັດຜົນ.
(ພາບ: google.com.vn)
ໂດຍກຳນົດໄດ້ວ່າ ແຜນກຳນົດກ່ຽວກັບການກໍ່ສ້າງຊົນນະບົດໃໝ່ແມ່ນເງື່ອນໄຂສຳຄັນ ແລະ ມີຄວາມສຳຄັນທີ່ສຸດ, ນັບແຕ່ຊຸມມື້ທຳອິດທີ່ຜັນຂະຫຍາຍການປະຕິບັດໂຄງການກໍ່ສ້າງຊົນນະບົດໃໝ່, ນອກຈາກຫົວໜ່ວຍໃຫ້ຄຳປຶກສາອອກແບບ, ແຂວງເລິມດົ່ງ ໄດ້ລະດົມກຳລັງແຮງສັງລວມຂອງອົງຄະນະພັກ, ອຳນາດການປົກຄອງ ແລະ ປະຊາຊົນພ້ອມກັນເຂົ້າຮ່ວມການປະກອບຄວາມເຫັນ, ປັບປຸງແຜນກຳນົດໃຫ້ເໝາະສົມກັບຈຸດພິເສດຂອງແຕ່ລະເຂດ, ການພັດທະນາເສດຖະກິດຕ້ອງຕິດພັນກັບການຮັກສາວັດທະນະທຳ. ພິເສດ, ວຽກງານວາງແຜນກຳນົດ, ຕ້ອງມີການປຶກສາຫາລື, ປະກອບຄວາມເຫັນຂອງປະຊາຊົນ, ຮັບປະກັນລັກສະນະໝັ້ນຄົງ ແລະ ຕອບສະໜອງຄວາມຕ້ອງການພັດທະນາຂອງຊາວກະສີກອນ. ດ້ວຍວິທີເຮັດຢ່າງລະອຽດ ແລະ ແທດຈິງຄືແນວນັ້ນ, ວຽກງານວາງແຜນກຳນົດ, ຄຸ້ມຄອງຊັບພະຍາກອນທີ່ດິນຂອງຕາແສງຕ່າງໆໃນບໍລິເວນແຂວງເລິມດົ່ງ ຈຶ່ງຕິດພັນກັບສິດຜົນປະໂຫຍດທີ່ແທດຈິງຂອງປະຊາຊົນ, ເໝາະສົມກັບເງື່ອນໄຂຕົວຈິງຂອງແຕ່ລະເຂດ, ດັ່ງນັ້ນຈຶ່ງໄດ້ຮັບການສະໜັບສະໜູນຈາກປະຊາຊົນ. ຕາມທ່ານ Nguyen Binh Tri, ປະທານຄະນະກຳມະການປະຊາຊົນຕາແສງກວາງເລິບ, ເມືອງເດີນເຢືອງ ແລ້ວ, ຍ້ອນປະຕິບັດແຜນນະໂຍບາຍຢ່າງເປີດເຜີຍ, ປະຊາຊົນຮູ້, ປະຊາຊົນປຶກສາຫາລື ແລະ ປະຊາຊົນປະກອບຄວາມເຫັນພ້ອມກັບອຳນາດການປົກຄອງ, ວຽກງານວາງແຜນກຳນົດຈຶ່ງໄດ້ຮັບການດຳເນີນຢ່າງສະດວກສະບາຍ.
”ອີງຕາມມາດຕະຖານ ແລະ ແຜນກຳນົດນຳໃຊ້ທີ່ດິນໃນເມື່ອກ່ອນຂອງແຕ່ລະຕາແສງເພື່ອວາງແຜນກຳນົດກໍ່ໄວສົມຄວນ. ແຕ່ຕ້ອງມີການປະກອບຄວາມເຫັນຂອງປະຊາຊົນ, ອົງການຈັດຕັ້ງມະຫາຊົນ, ເພື່ອປັບປຸງແຜນກຳນົດໃຫ້ເໝາະສົມກັບສະພາບຕົວຈິງ”
ປະຊາທິປະໄຕຮາກຖານປະກອບສ່ວນກໍ່ສ້າງລະບົບການເມືອງຢ່າງໝັ້ນຄົງ
(ພາບ: google.com.vn)
ຢູ່ເມືອງລາກເຢືອງ, ແຂວງເລິມດົ່ງ, ເຊິ່ງແມ່ນເມືອງທີ່ມີຊາວເຜົ່າກວມເຖິງ 80%, ເຖິງວ່າຖັນແຖວພະນັກງານຮາກຖານຍັງຈຳກັດກໍ່ຕາມ, ແຕ່ມາຮອດປະຈຸບັນ, 100% ຈຳນວນຕາແສງຂອງເມືອງລາກເຢືອງ, ໄດ້ສ້າງແຜນກຳນົດສຳເລັດໂດຍພື້ນຖານແລ້ວ. ທ່ານ Nguyen Duy Hai, ປະທານຄະນະກຳມະການປະຊາຊົນເມືອງລາກເຢືອງ, ເວົ້າວ່າ:
”ວຽກງານວາງແຜນກຳນົດກ່ຽວຂ້ອງເຖິງຫຼາຍຂະແໜງຄືວາງແຜນກຳນົດທາງຄົມມະນາຄົມ, ໂຮງຮຽນ, ໄຟຟ້າ, ການນຳໃຊ້ທີ່ດິນ…. ດັ່ງນັ້ນບັນຫາວາງແຜນກຳນົດຊົນນະບົດໃໝ່ຂອງທ້ອງຖີ່ນພວກຂ້າພະເຈົ້າຈຶ່ງແມ່ນບັນຫາທີ່ປະສົບກັບຄວາມຫຍຸ້ງກວ່າໝູ່. ແຕ່ໃນວິວັດການຜັນຂະຫຍາຍ, ທາງເມືອງໄດ້ຕັ້ງໜ້າປະຕິບັດບັນດາຄຳສັ່ງຊີ້ນຳຂອງແຂວງ ດັ່ງນັ້ນໄດ້ມີ 2/5 ຕາແສງວາງແຜນກຳນົດສຳເລັດ, ສ່ວນ 3 ຕາແສງທີ່ຍັງເຫຼືອພວມຜັນຂະຫຍາຍການປະຕິບັດ ແລະ ສ້າງສຳເລັດໃນປີ 2012”.
Lâm Đồng: ເສີມຂະຫຍາຍທ່າແຮງຈາກກະສີກຳນຳໃຊ້ເຕັກໂນຟລຢີສູງ
(ພາບ: google.com.vn)
ດ້ວຍແຜນນະໂຍບາຍ, ແຕ່ລະຕາແສງພຽງແຕ່ສ້າງແຜນກຳນົດໜຶ່ງດຽວດ້ວຍຄ່າໃຊ້ຈ່າຍທັງໝົດບໍ່ເກີນ 300 ລ້ານດົ່ງ, ພ້ອມກັບວິທີເຮັດຢ່າງລະອຽດ ແລະ ແທດຈິງ, ມາຮອດປະຈຸບັນ, ເລິມດົ່ງ ໄດ້ປະຕິບັດສຳເລັດໂດຍພື້ນຖານວຽກງານສ້າງ ແລະ ເຊັນອະນຸມັດແຜນຮ່າງຊົນນະບົດໃໝ່ໃຫ້ແກ່ 118 ຕາແສງໃນແຂວງ. ຄາດວ່າ, ວຽກງານວາງແຜນກຳນົດຊົນນະບົດໃໝ່ໃຫ້ 100% ຈຳນວນຕາແສງໃນບໍລິເວນຈະສຳເລັດໃນທ້າຍປີ 2012 ນີ້. ທ່ານ Hoang Si Son, ຮອງເລຂາຜູ້ປະຈຳການຄະນະພັກແຂວງ, ຮອງຫົວໜ້າຄະນະຊີ້ນຳໂຄງການກໍ່ສ້າງຊົນນະບົດໃໝ່ແຂວງເລິມດົ່ງ ຖືວ່າ ຕ້ອງມີການເຂົ້າຮ່ວມ, ປະກອບຄວາມເຫັນຂອງປະຊາຊົນ ແລະ ພະນັກງານຮາກຖານ, ວຽກງານວາງແຜນກຳນົດຈຶ່ງຕິດແທດກັບສະພາບຕົວຈິງ, ມູນຄ່າທີ່ດິນຈຶ່ງໄດ້ຮັບການຍົກສູງຂຶ້ນ ແລະ ເສີມຂະຫຍາຍປະສິດທິຜົນນຳໃຊ້ໄດ້:
”ພວກເຮົາຊີ້ນຳໃຫ້ຫົວໜ່ວຍໃຫ້ຄຳປຶກສາ, ພ້ອມກັບບ້ານ, ຕາແສງ ແລະ ປະຊາຊົນວາງແຜນກຳນົດ. ວຽກງານໃດທາງບ້ານ, ຕາແສງ ແລະ ປະຊາຊົນເຮັດໄດ້ ແມ່ນມອບໃຫ້ເຂົາເຈົ້າເຮັດ, ສ່ວນວຽກງານໃດຫົວໜ່ວຍໃຫ້ຄຳປຶກສາເຮັດໄດ້ດີແມ່ນຈະຈ້າງເຂົາເຈົ້າເຮັດ. ຫຼີກເວັ້ນກໍລະນີວາງແຜນ ກຳນົດບໍ່ແທດເໝາະກັບຕົວຈິງ, ບັນດາແຜນກຳນົດນີ້ມີປະສິດທິຜົນຕຳ່ທີ່ສຸດ”
ເພື່ອແນໃສ່ຍົກສູງຄຸນນະພາບການປະຕິບັດບັນດາມາດຕະຖານກໍ່ສ້າງຊົນນະບົດໃໝ່ຢ່າງໝັ້ນຄົງ ແລະ ປະຕິບັດແຜນການໃຫ້ສຳເລັດກ່ອນກຳນົດເວລາທີ່ໄດ້ວາງອອກ. ແຂວງເລິມດົ່ງ ໄດ້ລະດົມຂະບວນການແຂ່ງຂັນ ”ຂົນຂວາຍປະຊາຊົນ” ກໍ່ສ້າງຊົນນະບົດໃໝ່. ຂະບວນການນີ້ຈະສືບຕໍ່ໄດ້ຮັບການປຸກລະດົມ, ຍູ້ແຮງໃນໄລຍະຈະມາເຖິງ ແລະ ຖືວ່ານີ້ແມ່ນໜຶ່ງໃນບັນດາປັດໃຈສຳຄັນ ເພື່ອປະກອບສ່ວນຊຸກຍູ້ໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃໝ່ຢູ່ແຂວງເລິມດົ່ງ ໄລຍະ 2010 – 2020./.