(VOVWORLD) - នៅក្នុងមហាសន្និបាតទូទាំងប្រទេសលើកទី១៣ ជាលើកដំបូង បក្សកុម្មុយនិស្តវៀតណាមបានចេញទស្សនៈ “អភិបាលកិច្ចជាតិ” ទៅក្នុងឯកសារ ដោយបើកចេញជំពូកថ្មីមួយ អំពីការត្រិះរិះដឹកនាំប្រទេសជាតិក្នុងទិសដៅ៖ ទំនើបកម្ម តម្លាភាព និងការប្រកួតប្រជែងប្រកបដោយប្រសិទ្ធភាព។ ស្មារតីនោះនៅតែបន្តត្រូវបានបញ្ជាក់នៅក្នុងសេចក្តីព្រាងរបាយការណ៍នយោបាយដែលបានដាក់ជូន មហា សន្និបាតបក្សលើកទី១៤ ដោយមានតម្រូវការថា៖ កសាងប្រព័ន្ធគ្រប់គ្រងរដ្ឋ និងអភិបាលកិច្ចជាតិទំនើប និងមានប្រសិទ្ធភាព បម្រើ និងស្ថាបនាការអភិវឌ្ឍ កសាងរដ្ឋាភិបាលឌីជីថល និងអាជ្ញាធរឌីជីថល។ នេះគឺជាជំហានមួយទៅមុខក្នុងការត្រិះរិះរបស់បក្ស ដោយផ្លាស់ប្តូរពីគំរូ “គ្រប់គ្រង” ទៅជា “អភិបាលកិច្ច”។

(VOVWORLD) - វៀតណាមកំពុងក្លាយជាគោលដៅសម្រាប់ព្រឹត្តិការណ៍វិទ្យាសាស្ត្រ និងបច្ចេកវិទ្យាសំខាន់ៗក្នុងតំបន់និងអន្តរជាតិ។ សប្តាហ៍វិទ្យាសាស្ត្រ VinFuture ឆ្នាំ២០២៥ ដែលប្រព្រឹត្តទៅចាប់ពីថ្ងៃទី២ ដល់ថ្ងៃទី៦ ខែធ្នូ នៅទីក្រុងហាណូយ បានអះអាងជាថ្មីម្តងទៀតថា វៀតណាមមិនត្រឹមតែជាកន្លែងទទួលចំណេះដឹងប៉ុណ្ណោះទេ ថែមទាំងជាកន្លែងជួបជុំគ្នានៃចំណេះដឹងរបស់មនុស្សលោកទៀតផង។

(VOVWORLD) - នៅក្នុងបរិបទនៃការរីកចម្រើនផ្នែកបច្ចេកវិទ្យាយ៉ាងខ្លាំងក្លា ជាពិសេសបច្ចេក វិទ្យាបញ្ញាសិប្បនិម្មិត (AI) ឧក្រិដ្ឋកម្មបោកប្រាស់ឆ្លងដែនកាន់តែមានភាពស្មុគស្មាញ ជាងមុន ហើយបានក្លាយជាការគំរាមកំហែងជាសកលនៅក្នុងយុគសម័យឌីជីថល។

(VOVWORLD) - ទំនាក់ទំនងវៀតណាម-ឡាវតែងតែត្រូវបានលើកឡើងដូចជានិមិត្តរូបពិសេសមួយ រឹងមាំតាមពេលវេលា ស្អិតរមួតក្នុងបញ្ហាប្រឈម។ ប៉ុន្តែអ្វីដែលធ្វើឱ្យទំនាក់ទំនងនេះមានសារៈសំខាន់គឺការផ្លាស់ប្តូរទំនាក់ទំនងប្រពៃណីទៅជាកិច្ចសហប្រតិបត្តិការជាក់ស្តែង ស្របតាមតម្រូវការអភិវឌ្ឍន៍ថ្មីរបស់ប្រទេសទាំងពីរ។ ដំណើរទស្សនកិច្ចផ្លូវរដ្ឋទៅកាន់ប្រទេសឡាវរបស់អគ្គលេខានៃគណៈកម្មាធិការមជ្ឈឹមបក្សកុម្មុយនិស្តវៀតណាម លោក តូ ឡឹម (ថ្ងៃទី ១-២ ខែធ្នូ) និងការចូលរួម ធ្វើជាសហប្រធាននៃកិច្ចប្រជុំលើកទី ៤៨ នៃគណៈកម្មាធិការអន្តររដ្ឋាភិបាលវៀតណាម-ឡាវ របស់នាយករដ្ឋមន្ត្រីលោក ហ្វាម មិញ ជីញ (ថ្ងៃទី ២-៣ ខែធ្នូ) នៅទីក្រុងវៀងចន្ទន៍ ប្រទេសឡាវ នឹងតម្រង់ទិសកិច្ចសហប្រតិបត្តិការជាយុទ្ធសាស្ត្រសម្រាប់ការអភិវឌ្ឍប្រកបដោយចីរភាពនៃទំនាក់ទំនងវៀតណាម-ឡាវនាពេលអនាគត។

(VOVWORLD) - សហភាពអាហ្វ្រិក (AU) និងសហភាពអឺរ៉ុប (EU) នៅថ្ងៃទី ២៤-២៥ ខែវិច្ឆិកាបានរៀបចំកិច្ចប្រជុំកំពូលមួយនៅទីក្រុង Luanda ប្រទេសអង់ហ្គោឡា ។ នេះជាកាយវិការថ្មីបំផុតរបស់ទ្វីបទាំងពីរ ក្នុងការកំណត់រូបរាងទំនាក់ទំនងឡើងវិញក្នុងយុគសម័យថ្មី ដោយផ្តោយទៅលើសសរស្តម្ភទាំងបីគឺសេដ្ឋកិច្ច ពាណិជ្ជកម្ម និងសន្តិសុខ ក្នុងបរិបទដែលភូមិសាស្ត្រនយោបាយសកលមានការបែកបាក់យ៉ាងខ្លាំង និងទាមទារឲ្យទ្វីបអាហ្វ្រិកមានតួនាទីកាន់តែខ្លាំងឡើង។

(VOVWORLD) - នៅពេលដែលពិភពលោករងផលប៉ះពាល់យ៉ាងច្បាស់លាស់ពីការប្រែប្រួលអាកាសធាតុ ហើយការប្រណាំងប្រជែងអំពីស្តង់ដារបៃតងកំពុងកើនឡើង វៀតណាមគឺមិនអាចឈរនៅខាងក្រៅបានទេ។ ពីសេចក្តីព្រាងឯកសារសម្រាប់ដាក់ជូនទៅមហាសន្និបាតលើកទី ១៤ របស់បក្សកុម្មុយនិស្តវៀតណាម រហូតដល់ការវិភាគ នៅវេទិកាសេដ្ឋកិច្ចសរទរដូវ ឆ្នាំ ២០២៥ ដែលទើបតែបញ្ចប់នៅទីក្រុងហូជីមិញ សុទ្ធតែបង្ហាញថា សេដ្ឋកិច្ចបៃតងកំពុងក្លាយជាចំណុចលេចធ្លោនៃការត្រិះរិះអភិវឌ្ឍន៍ជាតិ។ នេះគឺជាជម្រើសយុទ្ធសាស្ត្រសម្រាប់វៀតណាមដើម្បីកុំឱ្យធ្លាក់ពីក្រោយ និងប្រដេញតាមទាន់ការផ្លាស់ប្តូរពោរពេញដោយសម្ពាធ នៅក្នុងរចនាសម្ព័ន្ធសេដ្ឋកិច្ចពិភពលោក។

(VOVWORLD) - ជម្លោះដែលអូសបន្លាយរយៈពេលជិត ៤ ឆ្នាំកន្លងមក រវាងរុស្ស៊ី និងអ៊ុយក្រែន ទំនងជាកំពុងឈានដល់របត់ដ៏សំខាន់មួយ ខណៈដែលរដ្ឋអំណាចប្រធានាធិបតី អាមេរិក ដូណាល់ ត្រាំ បានប្រកាសផែនការសន្តិភាព ២៨ ចំណុច ដើម្បីបញ្ចប់ ជម្លោះ។ ទោះជាយ៉ាងណាក៏ដោយ ក៏មានសញ្ញាជាច្រើនដែលបង្ហាញថា ភាគីនានា នៅតែមានការខ្វែងគំនិតគ្នាយ៉ាងជ្រាលជ្រៅជាច្រើនដែលមិនងាយស្រួលដោះស្រាយឡើយ។

(VOVWORLD) - លោកនាយករដ្ឋមន្ត្រី ហ្វាម មិញជីញ ទើបតែបញ្ចប់ដំណើរទស្សនកិច្ចផ្លូវការ ទៅកាន់ប្រទេសគុយវ៉ែត សាធារណរដ្ឋប្រជាធិបតេយ្យប្រជាមានិតអាល់ហ្សេរី ចូលរួមកិច្ចប្រជុំកំពូល G20 ឆ្នាំ២០២៥ និងសកម្មភាពទ្វេភាគីនៅអាហ្វ្រិកខាងត្បូង។ ដំណើរទស្សនកិច្ចការងាររបស់លោកនាយករដ្ឋមន្ត្រីសម្រេចបានលទ្ធផលលេចធ្លោជាច្រើន ដោយលើកកម្ពស់ទំនាក់ទំនងជាមួយប្រទេសទាំងបីគឺគុយវ៉ែត អាល់ហ្សេរី និងអាហ្វ្រិកខាងត្បូង បញ្ជាក់ពីតួនាទី និងសំឡេងរបស់វៀតណាមនៅក្នុង G20 ព្រមទាំងរំលេចសារថា វៀតណាមត្រៀមខ្លួនរួចជាស្រេចសហប្រតិបត្តិការយ៉ាងសកម្ម យុត្តិធម៌ និងដើម្បីផលប្រយោជន៍ទៅវិញទៅមកជាមួយបណ្ដាប្រទេស។

(VOVWORLD) - នាពេលថ្មីៗនេះ បណ្តាខេត្តភាគកណ្តាលប៉ែកខាងត្បូងរបស់វៀតណាម (ខេត្តយ៉ា ឡាយ ខេត្តដាកឡាក់ ខេត្តខាញ់ហ័រ ខេត្តឡឹម ដុង) ទើបរងគ្រោះនឹងទឹកជំនន់យ៉ាងធ្ងន់ធ្ងរបំផុតក្នុងរយៈពេលជាច្រើនទសវត្សរ៍ (ពីថ្ងៃទី ១៦- ២២ ខែវិច្ឆិកា) ដែលបណ្តាលឱ្យមនុស្សជាង ១០០នាក់ត្រូវស្លាប់និងបាត់ខ្លួន។ ការខូចខាតទ្រព្យសម្បត្តិត្រូវបានប៉ាន់ប្រមាណថា មានចំនួន ៩ ពាន់ពាន់លានដុង។ ប្រព័ន្ធនយោបាយទាំង មូល និងប្រជាជននៃបណ្តាខេត្ត និងទីក្រុង បានចាត់វិធានការដោយមានអាទិភាពខ្ពស់បំផុតគឺការពារអាយុជីវិតមនុស្ស និងជំនះផលវិបាកបណ្តាលពីទឹកជំនន់។ ស្មារតីបញ្ជាណែនាំយ៉ាងខ្ជាប់ ខ្ជួន និងសកម្មភាពខ្លាំងក្លា បានបង្កើតកម្លាំង ពលំ ដើម្បីជួយប្រជាជននៅតំបន់លិចទឹកឱ្យមានស្ថិរភាពជីវភាពរស់នៅឲ្យបានឆាប់ៗ បង្ហាញពីការប្តេជ្ញាចិត្តការពារប្រជាជន ក្នុងគ្រប់កាលៈ ទេសៈទាំងអស់។

(VOVWORLD) -ការងារបង្ការនិងប្រយុទ្ធប្រឆាំងនឹងការនេសាទខុសច្បាប់ IUU (ការនេសាទខុសច្បាប់ មិនបានរាយការណ៍ និងមិនមានការគ្រប់គ្រង) មិនត្រឹមតែជាតម្រូវការចាំបាច់ប៉ុណ្ណោះទេ ថែមទាំងជាភារកិច្ចដែលមានសារៈសំខាន់ជាយុទ្ធសាស្ត្រសម្រាប់ការអភិវឌ្ឍរបស់វិស័យនេសាទ និងកិត្យានុភាពជាតិទៀតផង។ ក្នុងរយៈពេលប៉ុន្មានឆ្នាំកន្លងមកនេះ វៀតណាមបានខិតខំប្រឹងប្រែង ដាក់ពង្រាយអនុវត្តន៍ព្រមៗគ្នារាល់ដំណោះស្រាយ ដោយបង្ហាញពីការប្តេជ្ញាចិត្តខ្ពស់ក្នុងការឆ្លើយតបទៅនឹងអនុសាសន៍របស់គណៈកម្មការអឺរ៉ុប (EC) សំដៅលុបបំបាត់ការព្រមាន “កាតលឿង” ក្នុងពេលឆាប់ៗនេះ។