(VOVWORLD) -ເອົາໃຈໃສ່ເບິ່ງແຍງດູແລຜູ້ມີຄຸນງາມຄວາມດີ ແມ່ນນະໂຍບາຍມະນຸດສາດ, ສະແດງໃຫ້ເຫັນສິນທຳ “ກິນເຂົ້າຄິດຮອດຄຸນນາ ກິນປາຄິດຮອດຄຸນນ້ຳ” ຂອງພັກ, ລັດ ຫວຽດນາມ ສຳລັບບັນດາຜູ້ທີ່ໄດ້ອຸທິດສ່ວນ, ເສຍສະຫລະຊີວິດເພື່ອພາລະກິດທ້ອນໂຮມປະເທດຊາດ. ໃນຊຸມປີຜ່ານມາ, ທ້ອງຖິ່ນຕ່າງໆໃນທົ່ວປະເທດ ຍາມໃດກໍ່ເອົາໃຈໃສ່ເບິ່ງແຍງດູແລຜູ້ມີຄຸນງາມຄວາມດີໃນບໍລິເວນໃຫ້ເປັນຢ່າງດີ.

(VOVWORLD) -ດ້ວຍຕາໜ່າງສາຍນ້ຳລຳເຊເຊື່ອມຕໍ່ກັນຫນາແຫນ້ນຊື່ງໄດ້ມີມາແຕ່ຫຼາຍຮ້ອຍປີແລ້ວນັ້ນ, ໄດ້ນຳມາໃຫ້ເຂດດິນຢູ່ທາງທິດຕາເວັນຕົກພາກໃຕ້, ໃນນັ້ນມີນະຄອນ ເກີ່ນເທີມີສີສັນວັດທະນະທຳສະເພາະ. ນີ້ກໍ່ແມ່ນທ່າໄດ້ປຽບເພື່ອໃຫ້ນະຄອນ ເກີ່ນເທີ ພັດທະນາການທ່ອງທ່ຽວລົງສຳຜັດກັບສະພາບແວດລ້ອມແມ່ນ້ຳຕິດພັນກັບຊີວິດການເປັນຢູ່ກະສິກຳຂອງຊາວທ້ອງຖິ່ນ.

(VOVWORLD) -ໂຮງຮຽນສຶກສາ ບາລີ ຊັ້ນກາງພາກໃຕ້ຫວຽດນາມ ໄດ້ຮັບການສ້າງຕັ້ງແຕ່ ປີ 1994 ຢູ່ແຂວງ ຊອັກຈັງ. ນີ້ແມ່ນສະຖານທີ່ບຳລຸງສ້າງໃຫ້ບັນດາພະສົງຊາວຂະແມ ຂອງບັນດາແຂວງເຂດພາກໃຕ້ ຫວຽດນາມ. ພວກເຮົາຈົ່ງພ້ອມກັນທັດສະນະໂຮງຮຽນຫລັງນີ້ໂດຍຜ່ານບົດຂຽນຂອງ ງອັກແອັງ.

(VOVWORLD) -ຈາກແຫຼ່ງເງິນກູ້ຢືມໂດຍສະມາຄົມຊາວກະສິກອນແມ່ນຫົວຫນ່ວຍໄດ້ຮັບສິດມອບຫມາຍ ແລະ ທຶນຈາກກອງທຶນໜູນຊ່ວຍຊາວກະສິກອນ, ສະນັ້ນ ຫຼາຍຄອບຄົວຊາວກະສິກອນຢູ່ເຂດພູດອຍແຂວງລາຍເຈົາ ໄດ້ມີເງື່ອນໄຂພັດທະນາເສດຖະກິດຄອບຄົວ. ນັບແຕ່ນັ້ນມາ, ໄດ້ປະກົດມີຫລາຍຕົວແບບເສດຖະກິດໃໝ່ ຊ່ວຍພໍ່ແມ່ປະຊາຊົນຫຼຸດພົ້ນອອກຈາກຄວາມທຸກຍາກ, ປັບປຸງ ແລະ ເຮັດໃຫ້ຊີວິດການເປັນຢູ່ມີຄວາມເປັນປົກກະຕິ.

(VOVWORLD) -ຕາແສງ Ea Drơng (ເມືອງ Cư M’gar, ແຂວງ ດັກລັກ) ມີ 3.100 ກວ່າຄອບຄົວ, ດ້ວຍພົນລະເມືອງ 14.400 ຄົນ, ໃນນັ້ນ ຊາວເຜົ່າສ່ວນໜ້ອຍຢູ່ທ້ອງຖິ່ນກວມ 72%. ກ່ອນນີ້, ຊີວິດການເປັນຢູ່ຂອງພໍ່ແມ່ປະຊາຊົນສ່ວນຫລາຍແມ່ນອີງໃສ່ການຜະລິດກະສິກຳ, ດັ່ງນັ້ນ ຍັງປະສົບກັບຄວາມຫຍຸ້ງຍາກຫຼາຍຢ່າງ. ເຖິງຢ່າງໃດກໍຕາມ, ແຕ່ປີ 2017 ມາຮອດປະຈຸບັນ, ປະຊາຊົນຕາແສງ Ea Drơng ໄດ້ຫຼຸດພົ້ນອອກຈາກຄວາມທຸກຍາກ ຍ້ອນໄດ້ຮັບເບ້ຍໄມ້, ແນວພັນປູກ ຈາກຮູບແບບປະຢັດ “ລ້ຽງໝູດິນ” ຫລືເອີ້ນວ່າ ກະປຸກອອມສິນ ທີ່ໄດ້ປະຕິບັດຢູ່ເມືອງ Cu M’gar. ຮູບແບບທີ່ມີປະສິດທິຜົນນີ້ພວມໄດ້ຮັບການແຜ່ຂະຫຍາຍຢ່າງກວ້າງຂວາງຢູ່ໝູ່ບ້ານ, ຕາແສງໃນເມືອງ, ສ້າງກຳລັງຫນູນຊຸກຍູ້ການດຳເນີນທຸລະກິດ ແລະ ຊ່ວຍໃຫ້ປະຊາຊົນມີຊີວິດການເປັນຢູ່ທີ່ນັບມື້ນັບດີຂຶ້ນ.

(VOVWORLD) -ນິງທ້ວນແມ່ນທ້ອງຖິ່ນທີ່ມີເນື້ອທີ່ປູກອະງຸ່ນໃຫຍ່ທີ່ສຸດຂອງຫວຽດນາມ, ເພື່ອແກ້ງແຍ່ງກັບໝາກອະງຸ່ນນຳເຂົ້າຈາກຕ່າງປະເທດ ແລະ ມຸ່ງໄປເຖິງການສົ່ງອອກ, ບັນດານັກວິທະຍາສາດຢູ່ທ້ອງຖິ່ນໄດ້ ແລະ ພວມປະສົມ ແລະ ຜະລິດແນວພັນໃຫມ່ຫຼາຍຊະນິດ, ໃນນັ້ນ ມີແນວພັນອະງຸ່ນດໍາທີ່ບໍ່ມີແກ່ນ NH04-102. ແນວພັນອະງຸ່ນນີ້ເໝາະສົມກັບດິນຫລາຍຊະນິດ ພິເສດລາຄາແມ່ນສູງກວ່າ 4 ຫາ 5 ເທົ່າເມື່ອທຽບໃສ່ແນວພັນທີ່ມີຢູ່.

(VOVWORLD) -ການທ່ອງທ່ຽວຕາມລຳແມ່ນ້ຳ ແມ່ນຂະແຫນງເສດຖະກິດສຳຄັນຂອງ ເກີນເທີ ນຳມາເຊິ່ງຄຸນຄ່າດ້ານເສດຖະກິດໃຫຍ່, ຊຸກຍູ້ການພັດທະນາຂອງນະຄອນ. ເຖິງຢ່າງໃດກໍຕາມ, ປະລິມານສິ່ງເສດເຫລືອເປັນຈຳນວນຫລາຍຢູ່ແມ່ນ້ຳຂອງໃນໄລຍະຜ່ານມາ ໄດ້ກໍ່ມົນລະພິດເຖິງສິ່ງແວດລ້ອມ, ຄຸນນະພາບການດຳລົງຊີວິດຂອງປະຊາຊົນທ້ອງຖິ່ນ ແລະ ກີດຂວາງນັກທ່ອງທ່ຽວມາຢ້ຽມຢາມ. ໂດຍເຂົ້າໃຈໄດ້ສິ່ງດັ່ງກ່າວ, ນະຄອນ ເກີນເທີ ໄດ້ສົມທົບກັບຫລາຍອົງການເພື່ອແນໃສ່ແກ້ໄຂບັນຫາບຳບັດສິ່ງເສດເຫລືອ, ໃນນັ້ນ ມີສູນຫນູນຊ່ວຍພັດທະນາສີຂຽວ (GreenHub - ຂຶ້ນກັບສະຫະພັນສະມາຄົມວິທະຍາສາດ ແລະ ເຕັກໂນໂລຊີ ຫວຽດນາມ) ດ້ວຍໂຄງການ “ເພື່ອແມ່ນ້ຳຂອງປອດສິ່ງເສດເຫລືອ”. ພາຍຫລັງຜັນຂະຫຍາຍມາເປັນເວລາ 1 ປີ, ແມ່ນ້ຳຂອງຢູ່ ເກີນເທີ ໄດ້ມີຄວາມສະອາດພໍສົມຄວນ, ສິ່ງເສດເຫລືອຫລຸດລົງ, ມີຫລາຍເຂດທ່ອງທ່ຽວມີໂສມຫນ້າໃຫມ່ທີ່ສວຍງາມສະອາດກວ່າເກົ່າ.

(VOVWORLD) -ປະຈຸບັນ, ຮ່າໂນ້ຍ ມີພື້ນທີ່ປະດິດຄິດສ້າງນັບຮ້ອຍແຫ່ງ ແລະ ພື້ນທີ່ວັດທະນະທຳ, ສິລະປະນັບສິບແຫ່ງ. ເພື່ອໃຫ້ບັນດາພື້ນທີ່ປະດິດຄິດສ້າງນີ້ເສີມຂະຫຍາຍທີ່ຕັ້ງ ແລະ ບົດບາດໃນຊີວິດສັງຄົມ, ພ້ອມກັນນັ້ນ ກໍກາຍເປັນ “ສູນບຳລຸງ” ໃຫ້ພື້ນທີ່ປະດິດຄິດສ້າງ ແລະ ດຶງດູດໄວໜຸ່ມ, ຮ່າໂນ້ຍ ຕ້ອງມີການລົງທຶນ ແລະ ມີຄວາມເອົາໃຈໃສ່ກວ່າອີກໃນໄລຍະຈະມາເຖິງ.

(VOVWORLD) -ນຳເອົາຄວາມຮັກແພງຈາກເຂດດິນຕໍ່ແຜ່ນມາໃຫ້ ເຈື່ອງຊາ ແລະ ເຮືອນຍາມ DK1 ແມ່ນສິ່ງທີ່ບັນດາພະນັກງານ, ລັດຖະກອນ ຂະແຫນງການເມືອງພາຍໃນພັກທົ່ວປະເທດ ປະຕິບັດໃນການໄປເຮັດວຽກຢູ່ ໝູ່ເກາະເຈື່ອງຊາ ໃນຊຸມມື້ຂອງເດືອນ ເມສາ ຜ່ານມາ. ໃນຄັ້ງທຳອິດທີ່ໄປເຖິງເຂດໝູ່ເກາະສັກກະລະບູຊາຂອງປະເທດຊາດ, ພະນັກງານ, ລັດຖະກອນ ຂະແຫນງການເມືອງພາຍໃນ ໄດ້ແບ່ງປັນຫລາຍຄຸນຄ່າດ້ານວັດຖຸ ແລະ ຈິດໃຈຕໍ່ກັບກອງທັບ ແລະ ປະຊາຊົນຢູ່ ໝູ່ເກາະ ເຈື່ອງຊາ, ເຮືອນຍາມ DK1 ກໍ່ຄືພະນັກງານ, ນັກຮົບ ທະຫານເຮືອປະຊາຊົນຫວຽດນາມ ເຂດ 4. ວິວັດການເຊື່ອມຕໍ່ຄວາມຮັກແພງນີ້ ຍັງຄົງສືບຕໍ່ແຜ່ຂະຫຍາຍເມື່ອພະນັກງານ, ລັດຖະກອນຂະແຫນງການເມືອງພາຍໃນກັບຄືນສູ່ເຂດດິນຕໍ່ແຜ່ນ.

(VOVWORLD) -ການກໍ່ສ້າງເຮືອນເກືອບ 10.000 ຫລັງໃຫ້ແກ່ຜູ້ທຸກຍາກ, ຜູ້ປະສົບກັບຄວາມຫຍຸ້ງຍາກດ້ານເຮືອນຢູ່ອາໄສ ແມ່ນແຜນການໂດຍແຂວງ ເງ້ອານ ວາງອອກໃນໄລຍະ 3 ປີ (2023 – 2025). ການຫລຸດຜ່ອນອັດຕາຄອບຄົວທຸກຍາກ ແຕ່ 1% - 1,5% ກໍ່ແມ່ນຄາດໝາຍໂດຍທ້ອງຖິ່ນສູ້ຊົນປະຕິບັດໃນປີນີ້. ພາຍຫລັງພຽງ 4 ເດືອນແຫ່ງການປະຕິບັດຄາດໝາຍນີ້, ເງ້ອານ ໄດ້ຂົນຂວາຍບໍລິຈາກ ແລະ ໃຫ້ຄຳໝັ້ນສັນຍາຫນູນຊ່ວຍເຮືອນຢູ່ກວ່າ 10.000 ຫລັງໃຫ້ແກ່ຜູ້ທຸກຍາກ, ຜູ້ປະສົບກັບຄວາມຫຍຸ້ງຍາກດ້ານເຮືອນຢູ່. ຜ່ານນີ້ ເງ້ອານ ໄດ້ຮັບການຕີລາຄາສູງກ່ຽວກັບວິທີການຜັນຂະຫຍາຍ “ເອົາກຳລັງແຮງພາຍໃນເພື່ອຕັດສິນ, ກຳລັງແຮງພາຍນອກແມ່ນສຳຄັນ, ຫັນກຳລັງແຮງພາຍນອກເປັນກຳລັງແຮງພາຍໃນ” ເພາະເຕົ້າໂຮມຫລາຍຜູ້ໃຈບຸນໃຈກຸສົນໄດ້ຫລາຍຄົນທີ່ຮູ້ຈັກແບ່ງປັນ, ຊ່ວຍເຫລືອຜູ້ທຸກຍາກ.